TITUS
Basilius Magnus, Homiliae
Part No. 9
Previous part

Homily: 9  
Line of ed.: 20  თქუმული წმიდისა მამისა ჩუენისა ბასილისი სიტყჳსა მისთჳს
Line of ed.: 21  ლუკაჲს სახარებისა, რომელი იტყჳს მდიდრისა მისთჳს, ვითარმედ:
Line of ed.: 22  "დავარღჳნე საუნჯენი ჩემნი და უდიდესნი აღვაშენნე" და
Line of ed.: 23  ანგაჰრებისათჳს


Paragraph: 1  
Line of ed.: 24       1. ორკერძო არს სახჱ განსაცდელთაჲ: რამეთუ ანუ ჭირნი იგი მოიწევიან
Line of ed.: 25    გამოსაცდელად გულისა, ვითარცა ოქროჲ რაჲ გამოიცადის ცეცხლსა შინა, და
Line of ed.: 26    მოთმინებისა მიერ სიკეთესა მას მისსა გამოაჩინებენ, ანუ თუ კუალად შუება\ნი
Line of ed.: 27    იგი ამის სოფლისანი განსაცდელ ექმნიან მრავალთა. რამეთუ სწორად ძნელ
Line of ed.: 28    არს ძნელოვანთა შინა საქმეთა მოუწყლველად დამარხვაჲ სულისაჲ და დიდე\ბულებასა
Line of ed.: 29    შინა არა აღზუავნებაჲ და უკეთურებად მისლვაჲ.

Line of ed.: 30       ხოლო პირველისა მის სიტყჳსა განსაცდელთაჲსა სახჱ არს დიდი იობ,
Line of ed.: 31    უძლეველი იგი მოღუაწე, რომელმან ყოველივე ბრძოლაჲ ეშმაკისაჲ, ვითარცა
Line of ed.: 32    მდინარისა სიმძაფრჱ, შეურყეველითა გულითა და შეუშფოთველითა გონები\თა
Line of ed.: 33    შეიწყნარა და რაჲზომ-იგი მტერი ჰგონებდა დიდთა და უძლეველთა გან\საცდელთა
Line of ed.: 34    მოწევნად მის ზედა, ესეზომად იგი უზეშთაეს მათ ყოველთასა იქ\მნა.
Page of ed.: 87  


Line of ed.: 1       ხოლო შუებისაგან სოფლისა მომავალთა განსაცდელთაჲ სახენი სხუანიცა
Line of ed.: 2    მრავალნი არიან: და ერთად, ესე მდიდარი, რომლისათჳს აწ აღმოვიკითხეთ,
Line of ed.: 3    რომელსა-იგი რომელიმე აქუნდა სიმდიდრე და რომელსამე მოელოდა, ვინაჲთ\გან
Line of ed.: 4    კაცთმოყუარემან ღმერთმან პირველითგანვე უგუნურისა მის გონებისა
Line of ed.: 5    მისისათჳს არა დასაჯა იგი, არამედ მარადის სიმდიდრესა ზედა სიმდიდრესა
Line of ed.: 6    მისცემდა, რაჲთამცა განაძღო იგი ოდესმე და ესრეთ სული მისი უხუებად
Line of ed.: 7    და მიცემად სხუათა მოიყვანა. ამისთჳს იტყჳს, ვითარმედ: "კაცისა ვისმე მდი\დრისაჲ
Line of ed.: 8    ნაყოფიერ იყო ქუეყანაჲ და იგონებდა თავსა შორის თჳსსა, ვითარ\მედ:
Line of ed.: 9    რაჲ-მე ვყო? დავარღჳნე საუნჯენი ჩემნი და უდიდესნი აღვაშენნე".

Line of ed.: 10       ხოლო რაჲსათჳს ნაყოფიერ იქმნა ქუეყანაჲ კაცისაჲ მის, რომელსა არცა
Line of ed.: 11    ერთისა კეთილისა ქმნაჲ ეგულებოდა ნაყოფიერებისა მიერ? გარნა ამისთჳს,
Line of ed.: 12    რაჲთა უმეტესად გამოჩნდეს ღმრთისა სულგრძელებაჲ, თუ ვითარ ესევითარ\თაცა
Line of ed.: 13    ზედა მიიწევის სახიერებაჲ მისი, რამეთუ: წჳმს მართალთა ზედა და
Line of ed.: 14    ცოდვილთა და აღმოაბრწყინვებს მზესა თჳსსა ბოროტთა ზედა და კეთილ\თა.
Line of ed.: 15    ხოლო ესევითარი ესე სახიერებაჲ მისი უმეტესსა საშჯელსა მოაწევს
Line of ed.: 16    უკეთურთა ზედა, რამეთუ მოაწია წჳმაჲ ანგაჰრთა მათ ჴელთა მიერ მოჴნულსა
Line of ed.: 17    მას ქუეყანასა; მოსცა მზჱ აღმოცენებად თესლისა მის და განმრავლებად ნა\ყოფთა
Line of ed.: 18    მათ მრავალწილად. და საქმენი ღმრთისანი ესევითარნი არიან: სიკეთჱ
Line of ed.: 19    ქუეყანისაჲ, ჰაერთა შეზავებულნი ბუნებანი, თესლისა უშურველობაჲ, ჴართა
Line of ed.: 20    შეწევნაჲ და სხუანი იგი საქმენი, რომელთა მიერ ნაყოფიერ იქმნების ნამუ\შაკევი.
Line of ed.: 21    ხოლო ვიხილნეთ, თუ კაცისა მის საქმენი კუალად ვითარნი არიან?
Line of ed.: 22    სიმწარჱ გონებისაჲ, კაცისმოძულეობაჲ, უწყალოებაჲ. ამას ესევითარსა იქ\მოდა
Line of ed.: 23    მისაგებელად ქველისმოქმედისა მის: არა მოიჴსენა ზიარი იგი ბუნებაჲ,
Line of ed.: 24    არა ჯერ-იჩინა ნამეტნავისაჲ მის გლახაკთადა მიცემაჲ, არარად შეჰრაცხა
Line of ed.: 25    ყოლადვე მცნებაჲ იგი, რომელი იტყჳს, ვითარმედ: "ნუ უგულებელს-ჰყოფ
Line of ed.: 26    კეთილისყოფად ნაკლულევანისა" და: "წყალობაჲ და სარწმუნოებაჲ ნუმ\ცა
Line of ed.: 27    მოგაკლდებიან" და: "უნეცუდ მშიერთა პურსა შენსა". და ყოველ\ნივე
Line of ed.: 28    წინაჲსწარმეტყუელნი და მოძღუარნი ღაღადებდეს და არა ისმენდა
Line of ed.: 29    მათსა, არამედ საჭურჭლენი მისნი განსქდებოდეს, შეიწრებულნი სიმრავლი\სა
Line of ed.: 30    მისგან მათ შინა მდებარეთაჲსა. ხოლო ანგაჰრი იგი გული არა განძღე\ბოდა,
Line of ed.: 31    რამეთუ მარადის ახალსა მას ძუელთა ზედა შესძინებდა და წლითი\წლად
Line of ed.: 32    შეძინებითა სიმდიდრესა მას განამრავლებდა; და ესრეთ უღონოებასა
Line of ed.: 33    მას შინა იწროსა შთავარდა, რამეთუ ძუელისა წარგებაჲ ანგაჰრებისაგან ვერ
Line of ed.: 34    ძალ-ედვა და შეწყნარებად ახლისა მის ვერ კმა იყო სიმრავლისათჳს მათისა.
Line of ed.: 35    ამისთჳსცა აღუსრულებელ იყვნეს განზრახვანი მისნი და დაუსრულებელ
Line of ed.: 36    ზრუნვანი, რამეთუ იტყოდა: რაჲ ვყოო? ვინ არა სწყალობდეს ესევითარსა
Line of ed.: 37    მას და ესრეთ წარტყუენულსა? უბადრუკ არს იგი ნაყოფიერებისა მისგან,
Line of ed.: 38    საწყალობელ არს კეთილთა მათთჳს, მის თანა მყოფთა, უსაწყალობელეს მო\მავალთა
Line of ed.: 39    მათთჳს. არა თუ ნაყოფსა მოართუამს მას ქუეყანაჲ, არამედ სულ\თქუმათა
Line of ed.: 40    აღმოუცენებს; არა თუ სიმდიდრესა შეჰკრებს, არამედ ზრუნვათა
Page of ed.: 88   Line of ed.: 1    და მწუხარებათა და უღონოებასა ბოროტსა; შემსგავსებულად გლახაკთასა
Line of ed.: 2    გოდებს. ანუ არა ამასვე სიტყუასა იტყჳს-ა სიგლახაკითა შეიწრებულიცა,
Line of ed.: 3    ვითარმედ: რაჲ ვყო? სადაჲთ მოვიგო საზრდელი, ანუ სამოსელი? ეგრეთვე
Line of ed.: 4    მდიდარი იტყჳს, ელმის გულსა მისსა, შეიჭმების ზრუნვისაგან. რამეთუ რო\მელი
Line of ed.: 5    სხუათა ახარებს, იგი ანგაჰრსა განჰლევს, რამეთუ არა უხარის ამისთჳს,
Line of ed.: 6    რომელ ყოველნივე საუნჯენი მისნი სავსე არიან, არამედ უწერტს სულსა მის\სა
Line of ed.: 7    განმრავლებაჲ იგი და გარდაცემაჲ სიმდიდრისაჲ, რომელი-იგი გარდაითხე\ვის
Line of ed.: 8    საუნჯეთგან. წუხს, ნუუკუე გარეგანთა მიმართ მიიწიოს გარდაცემული
Line of ed.: 9    იგი და კეთილისა რაჲსამე მიზეზ ექმნას ნაკლულევანთა. და ვნებაჲ იგი სუ\ლისა
Line of ed.: 10    მისისაჲ, ვითარცა ვჰგონებ, ნაყროვანთასა მსგავს არს, რომელთა ურ\ჩევიეს
Line of ed.: 11    უფროჲსად განხეთქაჲ ჭამითა, ვიდრეღა ნეშტთაჲ მათ გლახაკთადა მი\ცემაჲ.

Paragraph: 2  
Line of ed.: 12       2. გულისჴმა-ყავ, ჵ კაცო, მომცემელი იგი. მოიჴსენე თავი შენი, თუ
Line of ed.: 13    ვინ ხარ, ანუ რაჲსა განმგებელ, ანუ ვის მიერ მოგიღებიეს, რაჲსათჳს უპატიო\სნეს
Line of ed.: 14    სხუათასა იქმენ? სახიერისა ღმრთისა მსახური ხარ, მნჱ შენ თანამონათა
Line of ed.: 15    ზედა, ნუ ყოვლისაჲვე მუცლისათჳს შენისა გნებავს დამარხვად, ვითარცა
Line of ed.: 16    უცხოთათჳს, განიზრახევდი ჴელთა შინა შენთა მყოფთათჳს. მცირედ ჟამ
Line of ed.: 17    გახარონ შენ და მერმე დიოდინ შენგან და წარჴდენ, ხოლო სიტყუაჲ მათი მი\გჴადონ
Line of ed.: 18    გამოწულილვით. არამედ შენ ყოველივე კართა შინა და მოქლონთა
Line of ed.: 19    შეგიწყუდევიეს და გაქუს და დაგიკრძალავს ბეჭდითა, და ზრუნვითა მათითა
Line of ed.: 20    მღჳძარე ხარ და განიზრახავ თავსა შორის შენსა, უგუნურსა განმზრახსა განა\ზრახებ
Line of ed.: 21    თავსა შენსა, ვითარმედ: "რაჲ ვყო?" ჯერ-იყო თქუმად, თუ: "აღ\ვავსნე
Line of ed.: 22    სულნი გლახაკთანი, აღვახუნე საუნჯენი ჩემნი და მოუწოდო ნაკლუ\ლევანთა.
Line of ed.: 23    ვემსგავსო იოსებს ქადაგებითა მით კაცთმოყუარებისაჲთა, აღმოუ\ტეო
Line of ed.: 24    ჴმაჲ მოწყალებისაჲ, ვითარმედ: რომელთაცა გაკლს პური, მოვედით
Line of ed.: 25    ჩემდა და ღმრთისა მიერ მოცემული ესე მადლი, ვითარცა ზიარისაგან წყა\როჲსა,
Line of ed.: 26    თითოეულმან საჴმარი თჳსი აღმოივსეთ".

Line of ed.: 27       ხოლო შენ არა ესრეთ ხარ. რად? რომელი-ეგე ეშურები კაცთა, ნუუკუე
Line of ed.: 28    განისუენონ შენ მიერ. არამედ ბოროტი ზრახვაჲ იზრახე სულსა შინა შენსა
Line of ed.: 29    და ზრუნავ, არა თუ ვითარ მისცე თითოეულსა საჴმარი, არამედ, თუ ვითარ
Line of ed.: 30    ყოველივე მიიღო და ყოველნი სარგებელისაგან მათისა განაყენო, ვითარ იყო
Line of ed.: 31    მდიდარი იგი.

Line of ed.: 32       წარმოდგომილ იყვნეს წამყვანებელნი სულისანი და იგი ჭამადისათჳს
Line of ed.: 33    ეტყოდა სულსა თჳსსა. მას ღამესა სული თჳსი მიეღებოდა და მას მრავალ\თა
Line of ed.: 34    წელთა შუებაჲ ეუცნებოდა. შეენდო მას, რაჲთა ყოველივე ნებისაებრ
Line of ed.: 35    თჳსისა განიზრახოს და გონებაჲ მისი გამოაცხადოს და ესრეთ ღირსი ნებისა
Line of ed.: 36    მისისაჲ მიიღოს განჩინებაჲ, რომელი-იგი ნუმცა მოიწევის შენ ზედა, რამე\თუ
Line of ed.: 37    ამისთჳს დაწერილ არს, რაჲთა ჩუენ მსგავსებისაგან მისისა ვივლტოდით.
Page of ed.: 89  

Paragraph: 3  
Line of ed.: 1       3. მიემსგავსე ქუეყანასა, ჵ კაცო, გამოიღე შენცა ნაყოფი, ვითარცა იგი
Line of ed.: 2    გამოიღებს, ნუ უარესად უსულოჲსა მის იქმნები. რამეთუ იგი ნაყოფთა არა
Line of ed.: 3    თჳსისა განსუენებისათჳს, არამედ შენდა სამსახურებელად გამოიღებს; ხოლო
Line of ed.: 4    შენ, რომლისა ქველისსაქმისა ნაყოფი ჰქმნე, თავისა შენისათჳს შეიკრებ,
Line of ed.: 5    რამეთუ კეთილთა საქმეთა მადლნი მიმცემელთა მიმართ მივლენ. უკუეთუ
Line of ed.: 6    მშიერსა მისცე, მიცემული იგი შენი არს ჭეშმარიტად, რამეთუ უმრავლესად
Line of ed.: 7    მოვიდეს იგი შენდა. ვითარცა იფქლი, დათესული ქუეყანასა შინა, სარგებე\ლად
Line of ed.: 8    მთესვარისა მის იქმნების, ეგრეთვე პური იგი, მშიერისადა მიცემული,
Line of ed.: 9    მრავალწილად აღმოაცენებს უკუანაჲსკნელ სარგებელსა თჳსსა. იყავნ უკუე
Line of ed.: 10    შენდა აღსასრული იგი ნამუშაკევისაჲ დასაბამ საუკუნოჲსა მის ზეცათა შინა
Line of ed.: 11    თესვისა, რამეთუ წერილ არს, ვითარმედ: "ითესეთ სიმართლედ თავისა თქუე\ნისა".
Line of ed.: 12    რასა უკუე უღონო ხარ? რად დაადნობ თავსა შენსა ზრუნვითა და
Line of ed.: 13    თიჴასა შინა და ალიზსა ისწრაფი შეყენებად სიმდიდრისა შენისა? "შჯობს
Line of ed.: 14    სახელი კეთილი უფროჲს სიმდიდრისა ფრიადისა". უკუეთუ კულა გიყუარს
Line of ed.: 15    სიმდიდრე მისმიერისა მის პატივისათჳს, გულისჴმა-ყავ, თუ რაჲზომ უმჯობეს
Line of ed.: 16    არს დიდებად ბევრეულთა გლახაკთა მამად წოდებად, ვიდრეღა ბევრეულისა
Line of ed.: 17    ოქროჲსა საუნჯეთა შინა ქონებაჲ. რამეთუ საჴმარნი, დაღაცათუ არა გინდეს,
Line of ed.: 18    აქა დაუტეო, ხოლო კეთილთა მათთჳს საქმეთა პატივი მიიღო წინაშე მეუფისა,
Line of ed.: 19    რაჟამს კრებული იგი შენ მიერ გამოზრდილთა გლახაკთაჲ გარე-მოგადგეს წი\ნაშე
Line of ed.: 20    მსაჯულისა მის ყოველთაჲსა და გამომზრდელად და ქველისმოქმედად სა\ხელ-გდვან
Line of ed.: 21    შენ და ყოველივე სახელი კაცთმოყუარებისაჲ შენ გიწოდონ.

Line of ed.: 22       არა ჰხედავ-ა სახილველთა შინა მომღერალთა მათ და მბაძველთა და მჴე\ცის
Line of ed.: 23    მბრძოლთა მათ კაცთა, რომელთა საქმენი საძაგელცა არიან სახილველად,
Line of ed.: 24    თუ ვითარ მცირედისა მის პატივისათჳს და უნდოჲსა და სიმრავლისა მის მიერ
Line of ed.: 25    ქებისა სიმდიდრესა მათსა წარაგებენ? ხოლო შენ უძლურ ხარ და მოშურნე
Line of ed.: 26    წარგებად საფასისა, რომელსა გეგულების ესევითარსა მას დიდებასა შესლვად.
Line of ed.: 27    რამეთუ ღმერთი იყოს საქმისა შენისა სათნომყოფელ და ანგელოზნი მა\ქებელ
Line of ed.: 28    და დასაბამითგანნი კაცნი ყოველნი გნატრიდენ, დიდებაჲ მოგეცეს საუ\კუნოჲ,
Line of ed.: 29    გჳრგჳნი სიმართლისაჲ, სასუფეველი ცათაჲ. ესე ყოველი იყოს ნაცვალ
Line of ed.: 30    განხრწნადისა ამის საფასისა მიცემისა, რომელთაგანსა არცა ერთსა ზრუნავ
Line of ed.: 31    და აწინდელთა ამათ ზედა მოსწრაფებითა სასოებასა მას მერმეთასა უგუ\ლებელს-ჰყოფ.

Line of ed.: 32       მოედ უკუე და თითოფერად განაგე სიმდიდრჱ იგი და პატიოსნად და
Line of ed.: 33    კეთილად მიმცემელ იქმენ ნაკლულევანთადა, რაჲთა შენთჳსცა ითქუას, ვი\თარმედ:
Line of ed.: 34    "განაბნია და მისცა იგი გლახაკთა და სიმართლჱ მისი ეგოს უკუნი\სამდე".

Line of ed.: 35       ნუ დაამძიმებ ფასსა ჟამსა მას საჭიროჲსა საჴმრისასა. ნუ მოელი სიყ\მილსა,
Line of ed.: 36    რაჲთა მაშინღა განახუნე საუნჯენი შენნი და შეიძინო საფასჱ სყიდი\თა
Line of ed.: 37    მისითა. ნუ ინატრი სიყმილსა ოქროჲსათჳს და ნაკლულევანებასა ყო\ველთასა
Page of ed.: 90   Line of ed.: 1    განმდიდრებისათჳს შენისა. ნუ იქმნები მოფარდულ განსაცდელისა
Line of ed.: 2    კაცთაჲსა, ნუ ჰყოფ ჟამსა მას რისხვისა ღმრთისასა ჟამად საჴმართა მოგები\სა.
Line of ed.: 3    ნუ დაჰრთავ წყლულებასა ზედა მშიერთასა წყლულებასა სხუასა დამძიმე\ბითა
Line of ed.: 4    ფასისაჲთა. ხოლო შენ ოქროსა ჰხედავ და ძმასა არა მიხედავ და დრა\ჰკანსა
Line of ed.: 5    ზედაწერილსა იცნობ და გამოცდილისაგან ოქროჲსა განჰყოფ გამოუ\ცდელსა,
Line of ed.: 6    ხოლო ძმისა მის მშიერისა უმეცარ ხარ ყოლადვე.

Paragraph: 4  
Line of ed.: 7       4. და ფეროვნებაჲ იგი ოქროჲსა მის მიგიზიდავს და თუ რაჲზომი სულ\თქუმაჲ
Line of ed.: 8    გლახაკისაჲ მის შეგიდგეს შენ, არა იგონებ. ვითარ-მე წარმოგიდგინო
Line of ed.: 9    წინაშე თუალთა შენთა ვნებაჲ იგი და ჭირი გლახაკისაჲ მის? მან განიხილის
Line of ed.: 10    შინაგანი იგი სახლისა მისისაჲ და ხედავნ, რამეთუ ოქროჲ არცა აქუნ და არცა
Line of ed.: 11    სადაჲთ მოელინ, ხოლო სამოსელნი და ჭურჭელნი მისნი ესევითარნი იყვნიან,
Line of ed.: 12    ვითარ-იგი არნ გლახაკთაჲ, ყოველივე მცირეთა წულილთა ღირსი. ეძიებნ უკუე
Line of ed.: 13    ღონესა, თუ ვითარ განერეს სიკუდილსა მას სიყმილისასა. ვერაჲ პოის სხუაჲ
Line of ed.: 14    ღონე, შვილთა მიმართ თჳსთა მიხედნის, რაჲთა მიიყვანნეს იგინი სასყიდლად
Line of ed.: 15    და ესრეთ პოოს ნუგეშინისცემაჲ სიკუდილისაგან. ამას ადგილსა გულისჴმა-\ყავ
Line of ed.: 16    შფოთი იგი ჭირისა მის სიყმილისაჲ და ბუნებისა მის მშობელობისაჲ. ერთი
Line of ed.: 17    იგი კერძი ბოროტსა მას სიკუდილსა ექადის, ხოლო მეორესა კერძსა გონებაჲ
Line of ed.: 18    მიიზიდავს შვილთა თჳსთა თანა სიკუდილსა. და მრავალგზის რაჲ დაიხრწიის,
Line of ed.: 19    უკუანაჲსკნელ იძლიის თანაწარუვალისა მისგან საჴმრისა შეიწრებული. და ვი\თარი-მე
Line of ed.: 20    იყვის განზრახვაჲ მამისაჲ მის, რამეთუ იტყჳნ, ვითარმედ:

Line of ed.: 21       "რომელი-მე უწინა განვყიდო? ანუ რომელი უმჯობესად შეიწყნაროს
Line of ed.: 22    მსყიდელმან მან იფქლისამან? უხუცესისა მიმართ მივიდე? არამედ მრცხუენის
Line of ed.: 23    უხუცესობისაგან მისისა, არამედ უმრწემესი იგი განვყიდო? არამედ მეწყალის
Line of ed.: 24    ჰასაკი იგი მისი, რომელი ჯერეთ უცნაურ არს განსაცდელთა მიმართ.
Line of ed.: 25    ამას განცხადებულად აქუს სახჱ იგი მშობელთაჲ წინაშე თუალთა მისთა,
Line of ed.: 26    იგი კუალად კეთილ არს სასწავლელად. ჵ, უღონოთა მათ განსაცდელთათჳს
Line of ed.: 27    რაჲ ვყო? რომლისა მიმართ შევჰბრკოლდე ამათგანისა? რომლისა მჴეცისა
Line of ed.: 28    სული მოვიღო? ვითარ ბუნებაჲ ჩემი დავივიწყო? უკუეთუ ყოველთა ვჰრი\დო,
Line of ed.: 29    ყოველნივე ვიხილნე ბოროტად მომწყდარნი სიყმილითა. უკუეთუ ერთი
Line of ed.: 30    განვყიდო, რომლითა თუალითა მივჰხედნე სხუათა მათ, ვინაჲთგან იჭუეულ
Line of ed.: 31    ვიყო მათდა და ურწმუნო? ვითარ დავიმკჳდრო სახლსა შინა, რომელსა თჳთ
Line of ed.: 32    მომეწიოს თავსა ზედა ჩემსა განსაცდელი უშვილოებისაჲ? ვითარ დავჯდე
Line of ed.: 33    ტაბლასა ზედა, ესევითარითა მიზეზითა დაგებულსა?".

Line of ed.: 34       და იგი ესრეთ მრავლითა ცრემლითა საყუარელისა მის შვილისა განს\ყიდად
Line of ed.: 35    მოვალნ, ხოლო შენ არა მოგდრეკნ ვნებაჲ იგი, არა გულისჴმისყო\ფასა
Line of ed.: 36    მიიღებ ბუნებისასა. არამედ სიყმილსა შეუპყრიეს უბადრუკი იგი და
Line of ed.: 37    აშთობს, ხოლო შენ დროება-სცემ და იკიცხევი და განსაცდელსა მას უგრ\ძესად
Line of ed.: 38    მოაწევ მის ზედა. და იგი ღჳძლსა და წელთა თჳსთა მოგცემს სასყიდ\ლად
Line of ed.: 39    საზრდელისა, ხოლო შენი არა ოდენ არა განცჳბრდების ჴელი ეგევითარ\თა
Page of ed.: 91   Line of ed.: 1    განსაცდელთაგან სასყიდლისა მიღებად, არამედ ირჩი უმეტესისათჳს და
Line of ed.: 2    აცილობ, რაჲთამცა უმეტესი მიიღე და მცირედი მიეც. ყოვლით კერძო დაუ\მძიმებ
Line of ed.: 3    განსაცდელთა საწყალობელსა მას. არცა ცრემლნი საწყალობელ გი\ჩან,
Line of ed.: 4    არცა სულთქუმანი გულსა შენსა მოსდრეკენ, არამედ მოუდრეკელ ხარ
Line of ed.: 5    და ულმობელ. ყოვლით კერძო ოქროსა ოდენ ხედავ, ოქროჲ გეოცნების.
Line of ed.: 6    ესე ძილსა შინა სიზმარ არს შენდა და გეღჳძის რაჲ - საგონებელ. ვითარცა
Line of ed.: 7    ეშმაკისა მიერ ცნობამიღებულნი, რომელნი არა საქმეთა ხედვენ, არამედ
Line of ed.: 8    ვნებისა მისგან ეოცნების, ეგრეთვე სული შენი ოქროჲსმოყუარებითა შეპ\ყრობილ
Line of ed.: 9    არს, ყოველსავე ოქროდ, ყოველსავე ვეცხლად ხედავ. უტკბილესად
Line of ed.: 10    შეადგამ თუალთა ოქროსა, ვიდრეღა მზესა. ილოცავ, რაჲთამცა ყოველივე
Line of ed.: 11    ოქროჲსა ბუნებად გარდაიქცა და ეგრეთცა იქმ, რაჲზომ-იგი ძალ-გიც.

Paragraph: 5  
Line of ed.: 12       5. რამეთუ რომელსა ღონესა არა აღჰსძრავ ოქროჲსათჳს? იფქლი ოქრო
Line of ed.: 13    გექმნების შენ, ღჳნოსა ოქროდ განჰყინავს, მატყლი ოქროდ შეიცვალების
Line of ed.: 14    შენ მიერ, ყოველივე ვაჭრობაჲ, ყოველივე ღონჱ ოქროსა მოგართუამს. თჳთ
Line of ed.: 15    ოქროჲ თავსა თჳსსავე შობს შენთჳს და შენ მიერ, რაჟამს-იგი სესხები\თა
Line of ed.: 16    და ვახშითა განმრავლდებოდის. და განძღომაჲ არა არს და აღსასრული გულის\თქუმისაჲ
Line of ed.: 17    მის არა იპოების. რამეთუ ნაყროვანთა მათ ყრმათა მრავალგზის
Line of ed.: 18    გარდამატებულად მივსცით, რაჲთა განძღომისა გარდარევითა გარე-მიაქციონ
Line of ed.: 19    იგი, ხოლო ანგაჰრი არა ესრეთ არს, არამედ რაჲზომცა უმეტესსა მიიღებდეს,
Line of ed.: 20    უმეტესისათჳს სურვიელ არს.

Line of ed.: 21       "სიმდიდრე თუ გარდაგერეოდის, ნუ შეაპყრობთ გულთა". ხოლო შენ
Line of ed.: 22    დაიმჭირავ მდინარესა მას და დაუჴშავ განსავალთა და მერმე, დამჭირვითა
Line of ed.: 23    მით და დაგუბებითა იხილე, რაჲ გიყოს შენ? დაჰჴსნეს შუვა კედელი იგი და
Line of ed.: 24    ღობენი. ვითარცა-იგი აჰა გესმის მდიდრისა მისთჳს, ვითარ მანცა ესრეთ ინე\ბა
Line of ed.: 25    ყოფად და ვითარ მძლავრებით და იძულებით დაყენებულ იყო სიმდიდრე
Line of ed.: 26    იგი და გარდაეცემოდა. და რაჲ-მე ყოფად არს? დაარღჳნეს საჭურჭლენი
Line of ed.: 27    იგი მდიდრისანი, მოაოჴრნეს საუნჯენი მისნი, ვითარცა მბრძოლი ვინმე ზედა\მოსრული.
Line of ed.: 28    არამედ ნუუკუე უდიდესნი აღაშენნეს? არა უწყი, თუმცა არა დარ\ღუეულნი
Line of ed.: 29    დაუტევნა შემდგომთა მისთა, რამეთუ უმალესად წარვიდეს იგი
Line of ed.: 30    წარტაცებული, ვიდრეღა იგინი აღეშენნენ გონებისა მისებრ ანგაჰრისა. არამედ
Line of ed.: 31    მან მიიღო ბოროტისა მის განზრახვისა შემსგავსებული აღსასრული.

Line of ed.: 32       ხოლო თქუენ, უკუეთუ ჩემი გრწამს, ყოველნი კარნი საუნჯეთანი განა\ხუენით
Line of ed.: 33    და უშურველად მიეცით სიმდიდრესა განსავალი. ვითარცა მდინარე
Line of ed.: 34    დიდი ნაყოფიერსა ზედა ქუეყანასა მრავლით კერძო დინ, ეგრეთვე თქუენ
Line of ed.: 35    მიეცით სიმდიდრესა გზაჲ მრავლით კერძო სახლთა მათ გლახაკთასა მის\ლვად.
Line of ed.: 36    რამეთუ წყარონიცა აღმო-რაჲ-ისხმოდინ, უმეტესად აღმოაცენებენ,
Page of ed.: 92   Line of ed.: 1    ხოლო დატევებითა განირყუნებიან. და სიმდიდრე დამარხული უჴმარ არს,
Line of ed.: 2    ხოლო რომელი დაცარიელდებოდის და გლახაკთა მიეცემოდის, ნაყოფიერ
Line of ed.: 3    არს იგი. ეჰა, რაჲზომ დიდ იყოს შენ ზედა ქებაჲ იგი გლახაკთაჲ, რომელსა-იგი
Line of ed.: 4    ნუ შეურაცხ-ჰყოფ შენ და რაბამ იყოს შენდა სასყიდელი მართლმსაჯულისა
Line of ed.: 5    მის მიერ, რომელსა-იგი შენ ნუ ურწმუნო ხარ! და ყოლადვე შეგემთხუეოდენ
Line of ed.: 6    შენ სახჱ იგი ამის მდიდრისაჲ, რომელი-იგი ჴელთა შინა მყოფსა ჰმარხვიდა
Line of ed.: 7    და მომავალისათჳს ზრუნვიდა, არა უწყოდა, თუ ყოფად არს ხვალემდის და
Line of ed.: 8    ხვალისა ცოდვასა დღესვე იქმოდა: არღა მოსრულ იყო მონაჲ და წინაჲთვე
Line of ed.: 9    აჩუენებდა მძჳნვარებასა; არღა მოეღო ნაყოფი და საშჯელი იგი ანგაჰრები\საჲ
Line of ed.: 10    აქუნდა. ქუეყანაჲ უჩუენებდა მას ნაყოფიერებასა, რამეთუ მდიდრად აღ\მოაცენებდა
Line of ed.: 11    მჭელეულსა და ტევანნი დიდად ვაზსა ზედა ჩნდეს, ხოლო ზე\თისხილი
Line of ed.: 12    აღმომდინარედ ნაყოფსა მოართუმიდა და ყოველი ხეთაგან კე\თილი
Line of ed.: 13    გარდამატებულ იყო. არამედ იგი უკეთურ იყო და უნაყოფო, არღა
Line of ed.: 14    აქუნდა და მაშინვე შურობდა გლახაკთათჳს. და რაჲზომნი იქმნებიან საქმე\ნი
Line of ed.: 15    უწინარეს ნაყოფთა შეკრებისა? რამეთუ მრავალგზის სეტყუამანცა შემუ\სრის
Line of ed.: 16    და გუალვამან წარწყმიდის და წჳმამან, უჟამოდ მოსრულმან, წარრღუ\ნის.
Line of ed.: 17    და შენ, ჵ მდიდარო, არა ილოცავ-ა უფლისა, რაჲთა სრულ-ყოს მადლი
Line of ed.: 18    იგი? არამედ უსწრობ და უღირს ჰყოფ თავსა შენსა მიღებად გამოჩინებუ\ლისა
Line of ed.: 19    მის ნაყოფისა.

Paragraph: 6  
Line of ed.: 20       6. და შენ ფარულად იტყჳ თავსა შენსა, ხოლო სიტყუანი შენნი ცათა
Line of ed.: 21    შინა განიშჯებიან, ამისთჳს მუნით მოვალს პასუხი ზრახვათა შენთაჲ. ხოლო
Line of ed.: 22    ისმინენით სიტყუანიცა იგი მდიდრისანი, ვითარმედ: "სულო, გქონან კეთილ\ნი
Line of ed.: 23    მრავალნი, დამარხულნი წელთა მრავალთა, ჭამე და სუ და იშუებდ მარად\ღე".
Line of ed.: 24    ჵ პირუტყუებაჲ ესე! და უკუეთუმცა ღორთა სული გაქუნდა შენ და
Line of ed.: 25    არა კაცთაჲ, რაჲმცა ახარე მას სიტყუაჲ უმეტესი? ესრეთ პირუტყუთა მსგავს
Line of ed.: 26    ხარ, ესრეთ უგულისჴმო ხარ კეთილთა მათ სულისათა, რამეთუ ჴორციელითა
Line of ed.: 27    ჭამადითა ისტუმრებ მას და რაჲ-იგი განსავალსა განვალს, მას მისცემ სულ\სა
Line of ed.: 28    ნიჭად. უკუეთუ სათნოებაჲ აქუს და საქმითა კეთილითა სავსე არს და ღმრ\თისა
Line of ed.: 29    შეერთებულ არს, ჭეშმარიტად ჰქონან კეთილნი და იხარებდინ კეთილი\თა
Line of ed.: 30    მით სიხარულითა სულისაჲთა.

Line of ed.: 31       ვინაჲთგან ქუეყანისასა ზრახავ და ღმრთად მუცელი გაქუს და ყოვლი\თურთ
Line of ed.: 32    ჴორციელ ხარ, დამონებული ვნებათაჲ, ისმინე სახელი იგი, რომელი
Line of ed.: 33    შენ გშუენის, რომელი-იგი არავინ კაცთაგანმან გიწოდა, არამედ თავადმან
Line of ed.: 34    უფალმან, ესე იგი არს: "უგუნურო, ამას ღამესა სული შენი მიგიღონ შენგან,
Line of ed.: 35    ხოლო რაჲ-იგი განჰმზადე, ვისდა იყოს?" უმეტეს საუკუნოჲსა მის სატან\ჯველისა
Line of ed.: 36    არს სიცილი იგი სიცოფისა მისისაჲ და კიცხევაჲ. რამეთუ რომელი-\იგი
Line of ed.: 37    შემდგომად მცირედისა წარიტაცებოდა, იხილე, ვითარსა ზრახავს, ვი\თარმედ:
Line of ed.: 38    "დავარღჳნე საუნჯენი ჩემნი და უდიდესნი აღვაშენნე". ხოლო მემცა
Page of ed.: 93   Line of ed.: 1    ვთქუა მისა მიმართ, ვითარმედ: კეთილად იქმ, რამეთუ დაარღუევ და დარღუე\ვისაცა
Line of ed.: 2    ღირს არიან საუნჯენი იგი უჯეროებისანი. მოაოჴრე ჴელითავე თჳსითა,
Line of ed.: 3    რომელი-იგი ბოროტად აღაშენე, დაჰჴსნენ საიფქლენი იგი, რომელთაგან
Line of ed.: 4    არავინ მიიღო ნუგეშინისცემაჲ. უჩინო ყავ ყოველივე იგი სახლი, მცველი ან\გაჰრებისაჲ.
Line of ed.: 5    მოჰჴადენ სართულნი და დაჰჴსნენ კედელნი, უჩუენე მზესა დამ\პალი
Line of ed.: 6    იგი იფქლი, გამოიყვანე საპყრობილით შეკრული იგი სიმდიდრე, განა\ქიქენ
Line of ed.: 7    ბნელნი იგი მამონაჲს დაფარულნი ნამარხევნი.

Line of ed.: 8       "დავარღჳნე საუნჯენი ჩემნი და უდიდესნი აღვაშენნე". და უკუეთუ იგი\ნიცა
Line of ed.: 9    აღავსნე, მერმე რაჲღა ჰყო? ანუ თუ კუალად დაარღჳნე და კუალად აღა\შენნე
Line of ed.: 10    და რაჲმცა იყო ამისა უძჳრესი? - დაულევნელად შრომაჲ, სწრაფად
Line of ed.: 11    აღშენებაჲ და კუალად მოსწრაფედ დარღუევაჲ? გქონან საუნჯენი, უკუეთუ
Line of ed.: 12    გნებავს: მუცელნი იგი გლახაკთანი. დაიუნჯე თავისა შენისა საუნჯჱ ცათა
Line of ed.: 13    შინა. რაჲ-იგი მუნ დაჰმარხო, არცა მღილთა შეჭამონ, არცა სიმპალჱ მოი\წიოს,
Line of ed.: 14    არცა ავაზაკთა წარიტაცონ.

Line of ed.: 15       არამედ იტყჳ შენ, ვითარმედ: "მაშინ მივსცე გლახაკთა, რაჟამს მეორე\ნიცა
Line of ed.: 16    საუნჯენი აღვავსნე".

Line of ed.: 17       გრძელნი საზღვარნი დაგიმტკიცებიან ცხორებისა შენისანი. არამედ იხი\ლე,
Line of ed.: 18    ნუუკუე გისწრას, რომელი-იგი შენ არა უწყი, არამედ ღმერთმან დადვა.
Line of ed.: 19    რამეთუ აღთქუმაჲცა ეგე შენი არა სახიერებისა სახჱ არს, არამედ უკეთუ\რებისაჲ.
Line of ed.: 20    რამეთუ არა ამისთჳს ჰყოფ აღთქუმასა, თუმცა მაშინ მიეც, არამედ
Line of ed.: 21    რაჲთამცა აწ თანა-წარჰჴედ. თუ არა, აწ რაჲ არს დამაყენებელ შენდა მიცე\მად?
Line of ed.: 22    არა წინაშე გითქს-ა გლახაკი? არა სავსე არიან-ა საუნჯენი? არა მზა
Line of ed.: 23    არს-ა სასყიდელი? არა ბრწყინვალე არს-ა მცნებაჲ იგი?

Line of ed.: 24       აწ მშიერი იგი მოკუდების, შიშუელი იგი დაზრების, თანამდები იგი მოი\შთვების
Line of ed.: 25    შენ მოწყალებასა ხვალისა ადროებ-ა? ისმინე სოლომონისი: "ნუ
Line of ed.: 26    იტყჳ, თუ წარვედ და მოედ ხვალე და მოგცე, რამეთუ არა უწყი, თუ რაჲ
Line of ed.: 27    ყოფად არს ხვალისა დღე". ეჰა, ვითართა მცნებათა უგულებელს-ჰყოფ
Line of ed.: 28    ვეცხლისმოყუარებისა მიერ ყურნი დაგიყოფიან. რაჲზომი მადლობაჲ თანა\გედვა
Line of ed.: 29    ქველისმოქმედისაჲ მის, და რაჲთამცა ბრწყინვალე იყავ და იხარებდი
Line of ed.: 30    პატივითა მით, რომელ არა შენ სხჳსა კართა მიხუალ თხოად, არამედ სხუანი
Line of ed.: 31    შენთა მოვლენ. ხოლო შენ მჭმუნვარე ხარ და ძნიად საპოვნელ, ივლტი შემთ\ხუევისაგან
Line of ed.: 32    გლახაკთაჲსა, ნუუკუე სადმე იძულებულ იქმნე მცირედ განმარ\ტებად
Line of ed.: 33    ჴელისა. ერთი ოდენ სიტყუაჲ გისწავიეს, ვითარმედ: "არა მაქუს, არა
Line of ed.: 34    მოგცემ, რამეთუ გლახაკ ვარ".

Line of ed.: 35       ჭეშმარიტებით გლახაკ ხარ და ნაკლულევან ყოვლისაგანვე კეთილისა:
Line of ed.: 36    გლახაკ - სიყუარულისაგან, გლახაკ - კაცთმოყუარებისაგან, გლახაკ - სარ\წმუნოებისაგან
Line of ed.: 37    ღმრთისა, გლახაკ - სასოებისაგან საუკუნეთა კეთილთაჲსა.
Page of ed.: 94  


Line of ed.: 1       უბადრუკო, ყვენ ძმანი შენნი თანამონაწილე გრკილთა, ხვალე დალპო\ბადი
Line of ed.: 2    იგი მიეც დღეს გლახაკსა. ესე არს ბოროტი იგი და უკუანაჲსკნელი სა\ზომი
Line of ed.: 3    ანგაჰრებისაჲ, რომელ განხრწნადთა მათ, რომელთა შენცა ვერ იჴმა\რებდე,
Line of ed.: 4    არა მისცემდე გლახაკთა.

Paragraph: 7  
Line of ed.: 5       7. არამედ იტყჳ შენ, ვითარმედ: "და რასა ბოროტსა ვიქმ, რომელ ჩემსა
Line of ed.: 6    მას ვჰმარხავ?"

Line of ed.: 7       მითხარ-ღა სადაჲთ შენი არს ეგე ყოველი? ვინაჲ მიიღე და შემოიღე სო\ფელსა
Line of ed.: 8    ამას? ვითარმცა ვინმე სახილველსა შინა იხილამცა რაჲმე ღირსი ხილ\ვისაჲ
Line of ed.: 9    მუნ ქმნილი, დააყენებდამცა სხუათა ხილვად მისა და ყოველთა სახილ\ველად
Line of ed.: 10    ქმნილი იგი თჳსადმცა შეერაცხა, ესევითარნი არიან მდიდარნიცა, რა\მეთუ
Line of ed.: 11    ყოველთათჳს ქმნილი იგი დაიპყრეს და თჳსად სახელ-სდებენ ზიარსა მას.
Line of ed.: 12    რამეთუ უკუეთუმცა ვითარცა ჯერ-არს, ესრეთმცა თითოეული თჳსსა საჴმარ\სა
Line of ed.: 13    მიიღებდა და სხუასა მას მეორესა დაუტეობდა, არცამცა მდიდარი ვინ იყო,
Line of ed.: 14    არცა გლახაკი.

Line of ed.: 15       ანუ არა შიშუელი გამოხუედ-ა საშოჲთ დედისა შენისა? და არა შიშუელი
Line of ed.: 16    მიიქცე-ა კუალად ქუეყანადვე? ხოლო ესე ყოველი, რომელ გაქუს, სადაჲთ არს
Line of ed.: 17    შენი? უკუეთუ იტყჳ, თუ თავით თჳსით, მაშა უღმრთოჲ ხარ და არა იცნობ
Line of ed.: 18    დამბადებელსა, არცა ჰმადლობ მომცემელსა მას. უკუეთუ კულა აღიარებ, თუ
Line of ed.: 19    ღმრთისა მიერ არს, გჳთხარ ჩუენ მიზეზი იგი, თუ რაჲსათჳს მოგეცა? ნუ\უკუე
Line of ed.: 20    ღმერთი უსამართლო არს-ა, რომელმან არა სწორებით განგჳყო ჩუენ
Line of ed.: 21    ცხორებაჲ ესე? ანუ რად მდიდარ ხარ შენ და იგი გლახაკ? გარნა ამისთჳს,
Line of ed.: 22    თჳნიერ ყოვლისა იჭჳსა, რაჲთა შენცა სახიერებისა და სარწმუნოებით განგე\ბისა
Line of ed.: 23    მადლი მიიღო და იგიცა დიდთა მათ ღუაწლთა მიერ მოთმინებისათა პა\ტივცემულ
Line of ed.: 24    იქმნეს.

Line of ed.: 25       არამედ შენ ყოველივე აღუვსებელთა მათ წიაღთა შინა ანგაჰრებისათა
Line of ed.: 26    შეჰკრიბე და ჰგონებ, თუ არავის ავნებ-ა, რომელი-ეგე ესეზომთა ავნებ? ვინ
Line of ed.: 27    არს ანგაჰრი? - რომელი-იგი არა ეგოს ჯერისა საჴმარსა ზედა, და ვინ არს
Line of ed.: 28    მტაცებელ? - რომელი მიუღებდეს თითოეულისა მონაგებსა. ხოლო შენ არა
Line of ed.: 29    ანგაჰრ ხარ-ა, ხოლო შენ არა მტაცებელ ხარ-ა, რამეთუ რაჲ-ეგე განსაგებე\ლად
Line of ed.: 30    და განსაყოფელად მიიღე, თჳსად სახელ-გიც? ანუ რომელმან-იგი შემო\სილი
Line of ed.: 31    აღძუარცოს, კაცის მძარცუველ ეწოდების, ხოლო რომელმან შიშუელი
Line of ed.: 32    არა შემოსოს, რაჟამს ძალ-ედვას ამისი ქმნაჲ, იგი სხჳსა რაჲსამე სახელისა
Line of ed.: 33    ღირს არს-ა?

Line of ed.: 34       პური ეგე, რომელ შენ გაქუს ამაოდ, მშიერისაჲ არს და არა შენი; სამო\სელი
Line of ed.: 35    ეგე, რომელი შენ საუნჯეთა შინა დაგიმარხავს, შიშუელისაჲ არს და
Line of ed.: 36    არა შენი; ჴამლი ეგე, რომელ შენ თანა დალპების ცუდად, უჴამურისაჲ არს;
Line of ed.: 37    ოქროჲ იგი, რომელი დაგიფლავს, მჴმარებელისაჲ არს და ნაკლულევანისაჲ.
Line of ed.: 38    აწ უკუე უწყოდე, ვითარმედ ესეზომთა ავნებ, რაჲზომთა იგი სარგებელი შე\გეძლო.
Page of ed.: 95  

Paragraph: 8  
Line of ed.: 1       8. კეთილ არიანო სიტყუანი ეგე, არამედ უკეთეს არს ოქროჲ - იტყჳ
Line of ed.: 2    შენ, ანგაჰრებითა დაბრმობილი ეგე, ვითარცა რომელნი მეძვისა ტრფიალთა
Line of ed.: 3    სიწმიდისათჳს ეტყჳედ. რამეთუ იგინი, რაჲზომ ვინ მეძავსა მას შეასმენნ,
Line of ed.: 4    მოჴსენებითა მით გულისთქუმად აღეგზნნიან. არამედ ვითარ-მე წარმოვად\გინო
Line of ed.: 5    წინაშე შენსა ჭირნი იგი და ღუაწლნი გლახაკისანი, რაჲთა სცნა, თუ
Line of ed.: 6    ვითართა სულთქუმათა მიერ დაიუნჯებ?

Line of ed.: 7       ჵ რაჲზომისა საფასისა ღირსად აღგიჩნდეს შენ დღესა მას საშჯელისასა
Line of ed.: 8    სიტყუაჲ იგი, ვითარმედ: "მოედით, კურთხეულნო მამისა ჩემისანო, და დაი\მკჳდრეთ
Line of ed.: 9    განმზადებული თქუენთჳს სასუფეველი დასაბამითგან სოფლისაჲთ,
Line of ed.: 10    რამეთუ მშიოდა და მეცით მე ჭამადი, მწყუროდა და მასუთ მე". ხოლო
Line of ed.: 11    ვითარი ძრწოლაჲ და ოფლი და ბნელი მოეფინოს შენ ზედა, რაჟამს გესმას
Line of ed.: 12    საშჯელი იგი, ვითარმედ: "წარვედით ჩემგან, დაწყეულნო, ბნელსა მას გარეს\კნელისასა,
Line of ed.: 13    რომელი განმზადებულ არს ეშმაკისათჳს და ანგელოზთა მისთათჳს,
Line of ed.: 14    რამეთუ მშიოდა და არა მეცით მე ჭამადი, მწყუროდა და არა მასუთ მე, ში\შუელი
Line of ed.: 15    ვიყავ და არა შემმოსეთ". რამეთუ მუნ არა მტაცებელი ოდენ დაი\საჯების,
Line of ed.: 16    არამედ უწყალოჲცა.

Line of ed.: 17       მე უკუე, რაჲ-იგი უმჯობესად ვიცოდე, მითქუამს, ხოლო შენ უკუეთუ
Line of ed.: 18    ისმინო ჩემი, საცნაურ არიან მოცემადნი იგი საუკუნენი კეთილნი. და უკუეთუ
Line of ed.: 19    ურჩ მექმნე, თჳთწერილ არს მოწევნადი იგი რისხვაჲ, რომლისათჳს ვილო\ცავ,
Line of ed.: 20    რაჲთა განერე შენ გემოჲსხილვისა მისისაგან, რაჟამს-იგი კეთილი გონე\ბაჲ
Line of ed.: 21    შეიმოსო, რაჲთა საჴსარ შენდა იქმნეს სიმდიდრე შენი და განმზადებულთა
Line of ed.: 22    მათ კეთილთა ზეცისათა მიიწიო მადლითა მით მისითა, რომელმან-იგი ყოველთა
Line of ed.: 23    მიუწოდა სასუფეველად მისა, რომლისაჲ არს დიდებაჲ და სიმტკიცჱ აწ და მა\რადის
Line of ed.: 24    და უკუნითი უკუნისამდე, ამენ.



Next part


This text is part of the TITUS edition of Basilius Magnus, Homiliae.

Copyright TITUS Project, Frankfurt a/M, 5.3.2021. No parts of this document may be republished in any form without prior permission by the copyright holder.