TITUS Texts: Rg-Veda: Rg-Veda-Samhita

TITUS
Rg-Veda: Rg-Veda-Samhita
Part No. 995

Hymn: 158_(984)
Verse: 1
Halfverse: a    सूर्यो॑ नो दि॒वस्पा॑तु॒ वातो॑ अ॒न्तरि॑क्षात् ।
   सूर्यो॑ नो दि॒वस्पा॑तु
   सूर्यः नः दि॒वः पा॑तु
   सूरि॑यो नो दि॒वस् पातु

Halfverse: b    वातो॑ अ॒न्तरि॑क्षात् ।
   वातः अ॒न्तरि॑क्षात् ।
   वाअतो अ॒न्तरि॒क्षाअत् ।

Halfverse: c    अ॒ग्निर्नः॒ पार्थि॑वेभ्यः ।।
   अ॒ग्निर्नः॒ पार्थि॑वेभ्यः ।।
   अ॒ग्निः नः पार्थि॑वेभ्यः ।।
   अ॒ग्निर् नः पार्थि॑वेभियः ।।

Verse: 2
Halfverse: a    जोषा॑ सवित॒र्यस्य॑ ते॒ हरः॑ श॒तं स॒वाँ अर्ह॑ति ।
   जोषा॑ सवित॒र्यस्य॑ ते
   जोष+ सवितर् यस्य ते
   जोषा सवितर् यस्य ते

Halfverse: b    हरः॑ श॒तं स॒वाँ अर्ह॑ति ।
   हरः श॒तम् स॒वान् अर्ह॑ति ।
   हरः श॒तं स॒वाँ अर्ह॑ति ।

Halfverse: c    पा॒हि नो॑ दि॒द्युतः॒ पत॑न्त्याः ।।
   पा॒हि नो॑ दि॒द्युतः॒ पत॑न्त्याः ।।
   पा॒हि नः दि॒द्युतः पत॑न्त्याः ।।
   पा॒हि नो दि॒द्युतः पत॑न्त्याः ।।

Verse: 3
Halfverse: a    चक्षु॑र्नो दे॒वः स॑वि॒ता चक्षु॑र्न उ॒त पर्व॑तः ।
   चक्षु॑र्नो दे॒वः स॑वि॒ता
   चक्षुः नः दे॒वः स॑वि॒ता
   चक्षु॑र् नो दे॒वः स॑वि॒ता

Halfverse: b    चक्षु॑र्न उ॒त पर्व॑तः ।
   चक्षुः नः उ॒त पर्व॑तः ।
   चक्षु॑र् न उ॒त पर्व॑तः ।

Halfverse: c    चक्षु॑र्धा॒ता द॑धातु नः ।।
   चक्षु॑र्धा॒ता द॑धातु नः ।।
   चक्षुः धा॒ता द॑धातु नः ।।
   चक्षु॑र् धा॒ता द॑धातु नः ।।

Verse: 4
Halfverse: a    चक्षु॑र्नो धेहि॒ चक्षु॑षे॒ चक्षु॑र्वि॒ख्यै त॒नूभ्यः॑ ।
   चक्षु॑र्नो धेहि॒ चक्षु॑षे
   चक्षुः नः धेहि चक्षु॑षे
   चक्षु॑र् नो धेहि चक्षु॑षे

Halfverse: b    चक्षु॑र्वि॒ख्यै त॒नूभ्यः॑ ।
   चक्षुः वि॒ख्यै त॒नूभ्यः ।
   चक्षु॑र् वि॒ख्यै त॒नूभि॑यः ।

Halfverse: c    सं चे॒दं वि च॑ पश्येम ।।
   सं चे॒दं वि च॑ पश्येम ।।
   सम् च इ॒दम् वि च पश्येम ।।
   सं चे॒दं वि च पश्येम ।।

Verse: 5
Halfverse: a    सु॑सं॒दृशं॑ त्वा व॒यम्प्रति॑ पश्येम सूर्य ।
   सु॑सं॒दृशं॑ त्वा व॒यम्
   सुसं॒दृश॑म् त्वा व॒यम्
   सुसं॒दृशं तुवा व॒यम्

Halfverse: b    प्रति॑ पश्येम सूर्य ।
   प्रति पश्येम सूर्य ।
   प्रति पश्येम सूरिय ।

Halfverse: c    वि प॑श्येम नृ॒चक्ष॑सः ।।
   वि प॑श्येम नृ॒चक्ष॑सः ।।
   वि प॑श्येम नृ॒चक्ष॑सः ।।
   वि प॑श्येम नृ॒चक्ष॑सः ।।

This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.