TITUS
Rg-Veda: Rg-Veda-Samhita
Part No. 994
Previous part

Hymn: 157_(983) 
Verse: 1 
Halfverse: a    इ॒मा नु क॒म्भुव॑ना सीषधा॒मेन्द्र॑श्च॒ विश्वे॑ च दे॒वाः ।।
   इ॒मा नु क॒म्भुव॑ना सीषधाम
   इ॒मा नु क॑म् भुव॑ना सीषधाम
   इ॒मा नु क॑म् भुव॑ना सीषधाम

Halfverse: b     इन्द्र॑श्च॒ विश्वे॑ च दे॒वाः ।
   इन्द्रः च विश्वे च दे॒वाः ।।
   इन्द्र॑श् च विश्वे च दे॒वाः ।।


Verse: 2 
Halfverse: a    य॒ज्ञं च॑ नस्त॒न्वं॑ च प्र॒जां चा॑दि॒त्यैरिन्द्रः॑ स॒ह ची॑कॢपाति ।।
   य॒ज्ञं च॑ नस्त॒न्वं॑ च प्र॒जां च
   य॒ज्ञम् च नः त॒न्व॑म् च प्र॒जाम् च
   य॒ज्ञं च नस् त॒नुवं च प्र॒जां च

Halfverse: b     ॑आदि॒त्यैरिन्द्रः॑ स॒ह ची॑कॢपाति ।
   आ॑दि॒त्यैः इन्द्रः स॒ह ची॑कॢपाति ।।
   आ॑दि॒त्यैर् इन्द्रः स॒ह ची॑कॢपाति ।।


Verse: 3 
Halfverse: a    आ॑दि॒त्यैरिन्द्रः॒ सग॑णो म॒रुद्भि॑र॒स्माक॑म्भूत्ववि॒ता त॒नूना॑म् ।।
   आ॑दि॒त्यैरिन्द्रः॒ सग॑णो म॒रुद्भि॑र्
   आदि॒त्यैः इन्द्रः सग॑णः म॒रुद्भिः
   आदि॒त्यैर् इन्द्रः सग॑णो म॒रुद्भि॑र्

Halfverse: b    अ॒स्माक॑म्भूत्ववि॒ता त॒नूना॑म् ।
   अ॒स्माक॑म् भूतु अवि॒ता त॒नूना॑म् ।।
   अ॒स्माक॑म् भूतु अवि॒ता त॒नूना॑म् ।।


Verse: 4 
Halfverse: a    ह॒त्वाय॑ दे॒वा असु॑रा॒न्यदाय॑न्दे॒वा दे॑व॒त्वम॑भि॒रक्ष॑माणाः ।।
   ह॒त्वाय॑ दे॒वा असु॑रा॒न्यदाय॑न्
   ह॒त्वाय दे॒वाः असु॑रान् यत् आय॑न्
   ह॒त्वाय दे॒वा असु॑रान् यद् आय॑न्

Halfverse: b    दे॒वा दे॑व॒त्वम॑भि॒रक्ष॑माणाः ।
   दे॒वाः दे॑व॒त्वम् अभि॒रक्ष॑माणाः ।।
   दे॒वा दे॑व॒त्वम् अभि॒रक्ष॑माणाः ।।


Verse: 5 
Halfverse: a    प्र॒त्यञ्च॑म॒र्कम॑नय॒ञ्छची॑भि॒रादित्स्व॒धामि॑षि॒राम्पर्य॑पश्यन् ।।
   प्र॒त्यञ्च॑म॒र्कम॑नय॒ञ्छची॑भिर्
   प्र॒त्यञ्च॑म् अ॒र्कम् अनयन् शची॑भिः
   प्र॒त्यञ्च॑म् अ॒र्कम् अनयञ् छची॑भिर्

Halfverse: b    आदित्स्व॒धामि॑षि॒राम्पर्य॑पश्यन् ।
   आत् इत् स्व॒धाम् इषि॒राम् परि अपश्यन् ।।
   आद् इत् स्व॒धाम् इषि॒राम् पर्य् अपश्यन् ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.