TITUS Texts: Rg-Veda: Rg-Veda-Samhita

TITUS
Rg-Veda: Rg-Veda-Samhita
Part No. 993

Hymn: 156_(982)
Verse: 1
Halfverse: a    अ॒ग्निं हि॑न्वन्तु नो॒ धियः॒ सप्ति॑मा॒शुमि॑वा॒जिषु॑ ।
   अ॒ग्निं हि॑न्वन्तु नो॒ धियः
   अ॒ग्निम् हिन्वन्तु नः धियः
   अ॒ग्निं हि॑न्वन्तु नो धियः

Halfverse: b    सप्ति॑मा॒शुमि॑वा॒जिषु॑ ।
   सप्ति॑म् आ॒शुम् इव आ॒जिषु ।
   सप्ति॑म् आ॒शुम् इवा॒जिषु ।

Halfverse: c    तेन॑ जेष्म॒ धनं॑धनम् ।।
   तेन॑ जेष्म॒ धनं॑धनम् ।।
   तेन जेष्म धनं॑धनम् ।।
   तेन जेष्म धनं॑धनम् ।।

Verse: 2
Halfverse: a    यया॒ गा आ॒करा॑महे॒ सेन॑याग्ने॒ तवो॒त्या ।
   यया॒ गा आ॒करा॑महे
   यया गाः आ॒करा॑महे
   यया गा आ॒करा॑महे

Halfverse: b    सेन॑याग्ने॒ तवो॒त्या ।
   सेन॑या अग्ने तव ऊ॒त्या ।
   सेन॑याग्ने तवो॑ति॒या ।

Halfverse: c    तां नो॑ हिन्व म॒घत्त॑ये ।।
   तां नो॑ हिन्व म॒घत्त॑ये ।।
   ताम् नः हिन्व म॒घत्त॑ये ।।
   तां नो हिन्व म॒घत्त॑ये ।।

Verse: 3
Halfverse: a    आग्ने॑ स्थू॒रं र॒यिम्भ॑र पृ॒थुं गोम॑न्तम॒श्विन॑म् ।
   आग्ने॑ स्थू॒रं र॒यिम्भ॑र
   आ अ॑ग्ने स्थू॒रम् र॒यिम् भर
   आग्ने स्थू॒रं र॒यिम् भर

Halfverse: b    पृ॒थुं गोम॑न्तम॒श्विन॑म् ।
   पृ॒थुम् गोम॑न्तम् अ॒श्विन॑म् ।
   पृ॒थुं गोम॑न्तम् अ॒श्विन॑म् ।

Halfverse: c    अ॒ङ्धि खं व॒र्तया॑ प॒णिम् ।।
   अ॒ङ्धि खं व॒र्तया॑ प॒णिम् ।।
   अ॒ङ्धि खम् व॒र्तय+ प॒णिम् ।।
   अ॒ङ्धि खं व॒र्तया प॒णिम् ।।

Verse: 4
Halfverse: a    अग्ने॒ नक्ष॑त्रम॒जर॒मा सूर्यं॑ रोहयो दि॒वि ।
   अग्ने॒ नक्ष॑त्रम॒जर॑म्
   अग्ने नक्ष॑त्रम् अ॒जर॑म्
   अग्ने नक्ष॑त्रम् अ॒जर॑म्

Halfverse: b    आ सूर्यं॑ रोहयो दि॒वि ।
   आ सूर्य॑म् रोहयः दि॒वि ।
   आ सूर्यं रोहयो दि॒वि ।

Halfverse: c    दध॒ज्ज्योति॒र्जने॑भ्यः ।।
   दध॒ज्ज्योति॒र्जने॑भ्यः ।।
   दध॑त् ज्योतिः जने॑भ्यः ।।
   दध॑ज् ज्योति॑र् जने॑भियः ।।

Verse: 5
Halfverse: a    अग्ने॑ के॒तुर्वि॒शाम॑सि॒ प्रेष्ठः॒ श्रेष्ठ॑ उपस्थ॒सत् ।
   अग्ने॑ के॒तुर्वि॒शाम॑सि
   अग्ने के॒तुः वि॒शाम् असि
   अग्ने के॒तुर् वि॒शाम् असि

Halfverse: b    प्रेष्ठः॒ श्रेष्ठ॑ उपस्थ॒सत् ।
   प्रेष्ठः श्रेष्ठः उपस्थ॒सत् ।
   प्रेष्ठः श्रेष्ठ उपस्थ॒सत् ।

Halfverse: c    बोधा॑ स्तो॒त्रे वयो॒ दध॑त् ।।
   बोधा॑ स्तो॒त्रे वयो॒ दध॑त् ।।
   बोध+ स्तो॒त्रे वयः दध॑त् ।।
   बोधा स्तो॒त्रे वयो दध॑त् ।।

This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.