TITUS Texts: Rg-Veda: Rg-Veda-Samhita

TITUS
Rg-Veda: Rg-Veda-Samhita
Part No. 992

Hymn: 155_(981)
Verse: 1
Halfverse: a    अरा॑यि॒ काणे॒ विक॑टे गि॒रिं ग॑छ सदान्वे ।
   अरा॑यि॒ काणे॒ विक॑टे
   अरा॑यि काणे विक॑टे
   अरा॑यि काणे विक॑टे

Halfverse: b    गि॒रिं ग॑छ सदान्वे ।
   गि॒रिम् गछ सदान्वे ।
   गि॒रिं ग॑छ सदानुवे ।

Halfverse: c    शि॒रिम्बि॑ठस्य॒ सत्व॑भि॒स्तेभि॑ष्ट्वा चातयामसि ।।
   शि॒रिम्बि॑ठस्य॒ सत्व॑भिस्
   शि॒रिम्बि॑ठस्य सत्व॑भिः
   शि॒रिम्बि॑ठस्य सत्व॑भिस्

Halfverse: d    तेभि॑ष्ट्वा चातयामसि ।।
   तेभिः त्वा चातयामसि ।।
   तेभि॑ष् ट्वा चातयामसि ।।

Verse: 2
Halfverse: a    च॒त्तो इ॒तश्च॒त्तामुतः॒ सर्वा॑ भ्रू॒णान्या॒रुषी॑ ।
   च॒त्तो इ॒तश्च॒त्तामुतः
   च॒त्ता उ इ॒तः च॒त्ता अ॒मुतः
   च॒त्तो इ॒तश् च॒त्तामुतः

Halfverse: b    सर्वा॑ भ्रू॒णान्या॒रुषी॑ ।
   सर्वा भ्रू॒णानि आ॒रुषी ।
   सर्वा भ्रू॒णानि आ॒रुषी ।

Halfverse: c    अ॑रा॒य्य॑म्ब्रह्मणस्पते॒ तीक्ष्ण॑शृण्गोदृ॒षन्नि॑हि ।।
   अ॑रा॒य्य॑म्ब्रह्मणस्पते
   अरा॒य्य॑म् ब्रह्मणः पते
   अरा॒य्य॑म् ब्रह्मणस् पते

Halfverse: d    तीक्ष्ण॑शृण्गोदृ॒षन्नि॑हि ।।
   तीक्ष्ण॑शृण्ग उदृ॒षन् इहि ।।
   तीक्ष्ण॑शृण्गोदृ॒षन्न् इहि ।।

Verse: 3
Halfverse: a    अ॒दो यद्दारु॒ प्लव॑ते॒ सिन्धोः॑ पा॒रे अ॑पूरु॒षम् ।
   अ॒दो यद्दारु॒ प्लव॑ते
   अ॒दः यत् दारु प्लव॑ते
   अ॒दो यद् दारु प्लव॑ते

Halfverse: b    सिन्धोः॑ पा॒रे अ॑पूरु॒षम् ।
   सिन्धोः पा॒रे अ॑पूरु॒षम् ।
   सिन्धोः पा॒रे अ॑पूरु॒षम् ।

Halfverse: c    तदा र॑भस्व दुर्हणो॒ तेन॑ गछ परस्त॒रम् ।।
   तदा र॑भस्व दुर्हणो
   तत् आ र॑भस्व दुर्हणो
   तद् आ र॑भस्व दुर्हणो

Halfverse: d    तेन॑ गछ परस्त॒रम् ।।
   तेन गछ परस्त॒रम् ।।
   तेन गछ परस्त॒रम् ।।

Verse: 4
Halfverse: a    यद्ध॒ प्राची॒रज॑ग॒न्तोरो॑ मण्डूरधाणिकीः ।
   यद्ध॒ प्राची॒रज॑गन्त
   यत् ह प्राचीः अज॑गन्त
   यद् ध प्राची॑र् अज॑गन्त

Halfverse: b     उरो॑ मण्डूरधाणिकीः ।
   उरः मण्डूरधाणिकीः ।
   उरो मण्डूरधाणिकीः ।

Halfverse: c    ह॒ता इन्द्र॑स्य॒ शत्र॑वः॒ सर्वे॑ बुद्बु॒दया॑शवः ।।
   ह॒ता इन्द्र॑स्य॒ शत्र॑वः
   ह॒ताः इन्द्र॑स्य शत्र॑वः
   ह॒ता इन्द्र॑स्य शत्र॑वः

Halfverse: d    सर्वे॑ बुद्बु॒दया॑शवः ।।
   सर्वे बुद्बु॒दया॑शवः ।।
   सर्वे बुद्बु॒दया॑शवः ।।

Verse: 5
Halfverse: a    परी॒मे गाम॑नेषत॒ पर्य॒ग्निम॑हृषत ।
   परी॒मे गाम॑नेषत
   परि इ॒मे गाम् अनेषत
   परी॒मे गाम् अनेषत

Halfverse: b    पर्य॒ग्निम॑हृषत ।
   परि अ॒ग्निम् अहृषत ।
   परि अ॒ग्निम् अहृषत ।

Halfverse: c    दे॒वेष्व॑क्रत॒ श्रवः॒ क इ॒माँ आ द॑धर्षति ।।
   दे॒वेष्व॑क्रत॒ श्रवः
   दे॒वेषु अक्रत श्रवः
   दे॒वेषु अक्रत श्रवः

Halfverse: d    क इ॒माँ आ द॑धर्षति ।।
   कः इ॒मान् आ द॑धर्षति ।।
   क इ॒माँ आ द॑धर्षति ।।

This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.