TITUS Texts: Rg-Veda: Rg-Veda-Samhita

TITUS
Rg-Veda: Rg-Veda-Samhita
Part No. 991

Hymn: 154_(980)
Verse: 1
Halfverse: a    सोम॒ एके॑भ्यः पवते घृ॒तमेक॒ उपा॑सते ।
   सोम॒ एके॑भ्यः पवते
   सोमः एके॑भ्यः पवते
   सोम एके॑भ्यः पवते

Halfverse: b    घृ॒तमेक॒ उपा॑सते ।
   घृ॒तम् एके उप आसते ।
   घृ॒तम् एक उपा॑सते ।

Halfverse: c    येभ्यो॒ मधु॑ प्र॒धाव॑ति॒ तांश्चि॑दे॒वापि॑ गछतात् ।।
   येभ्यो॒ मधु॑ प्र॒धाव॑ति
   येभ्यः मधु प्र॒धाव॑ति
   येभ्यो मधु प्र॒धाव॑ति

Halfverse: d    तांश्चि॑दे॒वापि॑ गछतात् ।।
   तान् चित् ए॒व अपि गछतात् ।।
   तांश् चिद् ए॒वापि गछतात् ।।

Verse: 2
Halfverse: a    तप॑सा॒ ये अ॑नाधृ॒ष्यास्तप॑सा॒ ये स्व॑र्य॒युः ।
   तप॑सा॒ ये अ॑नाधृ॒ष्यास्
   तप॑सा ये अ॑नाधृ॒ष्याः
   तप॑सा ये अ॑नाधृ॒ष्यास्

Halfverse: b    तप॑सा॒ ये स्व॑र्य॒युः ।
   तप॑सा ये स्व॑र् य॒युः ।
   तप॑सा ये सुव॑र् य॒युः ।

Halfverse: c    तपो॒ ये च॑क्रि॒रे मह॒स्तांश्चि॑दे॒वापि॑ गछतात् ।।
   तपो॒ ये च॑क्रि॒रे मह॑स्
   तपः ये च॑क्रि॒रे महः
   तपो ये च॑क्रि॒रे मह॑स्

Halfverse: d    तांश्चि॑दे॒वापि॑ गछतात् ।।
   तान् चित् ए॒व अपि गछतात् ।।
   तांश् चिद् ए॒वापि गछतात् ।।

Verse: 3
Halfverse: a    ये युध्य॑न्ते प्र॒धने॑षु॒ शूरा॑सो॒ ये त॑नू॒त्यजः॑ ।
   ये युध्य॑न्ते प्र॒धने॑षु
   ये युध्य॑न्ते प्र॒धने॑षु
   ये युध्य॑न्ते प्र॒धने॑षु

Halfverse: b    शूरा॑सो॒ ये त॑नू॒त्यजः॑ ।
   शूरा॑सः ये त॑नू॒त्यजः ।
   शूरा॑सो ये त॑नू॒त्यजः ।

Halfverse: c    ये वा॑ स॒हस्र॑दक्षिणा॒स्तांश्चि॑दे॒वापि॑ गछतात् ।।
   ये वा॑ स॒हस्र॑दक्षिणास्
   ये वा स॒हस्र॑दक्षिणाः
   ये वा स॒हस्र॑दक्षिणास्

Halfverse: d    तांश्चि॑दे॒वापि॑ गछतात् ।।
   तान् चित् ए॒व अपि गछतात् ।।
   तांश् चिद् ए॒वापि गछतात् ।।

Verse: 4
Halfverse: a    ये चि॒त्पूर्व॑ ऋत॒साप॑ ऋ॒तावा॑न ऋता॒वृधः॑ ।
   ये चि॒त्पूर्व॑ ऋत॒साप
   ये चि॑त् पूर्वे ऋत॒सापः
   ये चि॑त् पूर्व ऋत॒साप

Halfverse: b    ऋ॒तावा॑न ऋता॒वृधः॑ ।
   ऋ॒तावा॑नः ऋता॒वृधः ।
   ऋ॒तावा॑न ऋता॒वृधः ।

Halfverse: c    पि॒तॄन्तप॑स्वतो यम॒ तांश्चि॑दे॒वापि॑ गछतात् ।।
   पि॒तॄन्तप॑स्वतो यम
   पि॒तॄन् तप॑स्वतः यम
   पि॒तॄन् तप॑स्वतो यम

Halfverse: d    तांश्चि॑दे॒वापि॑ गछतात् ।।
   तान् चित् ए॒व अपि गछतात् ।।
   तांश् चिद् ए॒वापि गछतात् ।।

Verse: 5
Halfverse: a    स॒हस्र॑णीथाः क॒वयो॒ ये गो॑पा॒यन्ति॒ सूर्य॑म् ।
   स॒हस्र॑णीथाः क॒वयो
   स॒हस्र॑णीथाः क॒वयः
   स॒हस्र॑णीथाः क॒वयो

Halfverse: b    ये गो॑पा॒यन्ति॒ सूर्य॑म् ।
   ये गो॑पा॒यन्ति सूर्य॑म् ।
   ये गो॑पा॒यन्ति सूरि॑यम् ।

Halfverse: c    ऋषी॒न्तप॑स्वतो यम तपो॒जाँ अपि॑ गछतात् ।।
   ऋषी॒न्तप॑स्वतो यम
   ऋषी॑न् तप॑स्वतः यम
   ऋषी॑न् तप॑स्वतो यम

Halfverse: d    तपो॒जाँ अपि॑ गछतात् ।।
   त॑पो॒जान् अपि गछतात् ।।
   त॑पो॒जाँ अपि गछतात् ।।

This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.