TITUS Texts: Rg-Veda: Rg-Veda-Samhita

TITUS
Rg-Veda: Rg-Veda-Samhita
Part No. 989

Hymn: 152_(978)
Verse: 1
Halfverse: a    शा॒स इ॒त्था म॒हाँ अ॑स्यमित्रखा॒दो अद्भु॑तः ।
   शा॒स इ॒त्था म॒हाँ अ॑स्य्
   शा॒सः इ॒त्था म॒हान् असि
   शा॒स इ॒त्था म॒हाँ अ॑सि

Halfverse: b    अमित्रखा॒दो अद्भु॑तः ।
   अ॑मित्रखा॒दः अद्भु॑तः ।
   अ॑मित्रखा॒दो अद्भु॑तः ।

Halfverse: c    न यस्य॑ ह॒न्यते॒ सखा॒ न जीय॑ते॒ कदा॑ च॒न ।।
   न यस्य॑ ह॒न्यते॒ सखा
   न यस्य ह॒न्यते सखा
   न यस्य ह॒न्यते सखा

Halfverse: d    न जीय॑ते॒ कदा॑ च॒न ।।
   न जीय॑ते कदा च॒न ।।
   न जीय॑ते कदा च॒न ।।

Verse: 2
Halfverse: a    स्व॑स्ति॒दा वि॒शस्पति॑र्वृत्र॒हा वि॑मृ॒धो व॒शी ।
   स्व॑स्ति॒दा वि॒शस्पति॑र्
   स्वस्ति॒दाः वि॒शः पतिः
   सुअस्ति॒दा वि॒शस् पति॑र्

Halfverse: b    वृत्र॒हा वि॑मृ॒धो व॒शी ।
   वृ॑त्र॒हा वि॑मृ॒धः व॒शी ।
   वृ॑त्र॒हा वि॑मृ॒धो व॒शी ।

Halfverse: c    वृषेन्द्रः॑ पु॒र ए॑तु नः सोम॒पा अ॑भयंक॒रः ।।
   वृषेन्द्रः॑ पु॒र ए॑तु नः
   वृषा इन्द्रः पु॒रः ए॑तु नः
   वृषेन्द्रः पु॒र ए॑तु नः

Halfverse: d    सोम॒पा अ॑भयंक॒रः ।।
   सो॑म॒पाः अ॑भयंक॒रः ।।
   सो॑म॒पा अ॑भयंक॒रः ।।

Verse: 3
Halfverse: a    वि रक्षो॒ वि मृधो॑ जहि॒ वि वृ॒त्रस्य॒ हनू॑ रुज ।
   वि रक्षो॒ वि मृधो॑ जहि
   वि रक्षः वि मृधः जहि
   वि रक्षो वि मृधो जहि

Halfverse: b    वि वृ॒त्रस्य॒ हनू॑ रुज ।
   वि वृ॒त्रस्य हनू रुज ।
   वि वृ॒त्रस्य हनू रुज ।

Halfverse: c    वि म॒न्युमि॑न्द्र वृत्रहन्न॒मित्र॑स्याभि॒दास॑तः ।।
   वि म॒न्युमि॑न्द्र वृत्रहन्न्
   वि म॒न्युम् इन्द्र वृत्रहन्
   वि म॒न्युम् इन्द्र वृत्रहन्न्

Halfverse: d    अ॒मित्र॑स्याभि॒दास॑तः ।।
   अ॒मित्र॑स्य अभि॒दास॑तः ।।
   अ॒मित्र॑स्याभि॒दास॑तः ।।

Verse: 4
Halfverse: a    वि न॑ इन्द्र॒ मृधो॑ जहि नी॒चा य॑छ पृतन्य॒तः ।
   वि न॑ इन्द्र॒ मृधो॑ जहि
   वि नः इन्द्र मृधः जहि
   वि न इन्द्र मृधो जहि

Halfverse: b    नी॒चा य॑छ पृतन्य॒तः ।
   नी॒चा य॑छ पृतन्य॒तः ।
   नी॒चा य॑छ पृतन्य॒तः ।

Halfverse: c    यो अ॒स्माँ अ॑भि॒दास॒त्यध॑रं गमया॒ तमः॑ ।।
   यो अ॒स्माँ अ॑भि॒दास॑त्य्
   यः अ॒स्मान् अभि॒दास॑ति
   यो अ॒स्माँ अ॑भि॒दास॑ति

Halfverse: d    अध॑रं गमया॒ तमः॑ ।।
   अध॑रम् गमय+ तमः ।।
   अध॑रं गमया तमः ।।

Verse: 5
Halfverse: a    अपे॑न्द्र द्विष॒तो मनो ऽप॒ जिज्या॑सतो व॒धम् ।
   अपे॑न्द्र द्विष॒तो मनो
   अप इन्द्र द्विष॒तः मनः
   अपे॑न्द्र द्विष॒तो मनो

Halfverse: b    ऽप॒ जिज्या॑सतो व॒धम् ।
   अप जिज्या॑सतः व॒धम् ।
   अप जिज्या॑सतो व॒धम् ।

Halfverse: c    वि म॒न्योः शर्म॑ यछ॒ वरी॑यो यवया व॒धम् ।।
   वि म॒न्योः शर्म॑ यछ
   वि म॒न्योः शर्म यछ
   वि म॒न्योः शर्म यछ

Halfverse: d    वरी॑यो यवया व॒धम् ।।
   वरी॑यः यवय+ व॒धम् ।।
   वरी॑यो यवया व॒धम् ।।

This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.