TITUS
Rg-Veda: Rg-Veda-Samhita
Part No. 986
Previous part

Hymn: 149_(975) 
Verse: 1 
Halfverse: a    स॑वि॒ता य॒न्त्रैः पृ॑थि॒वीम॑रम्णादस्कम्भ॒ने स॑वि॒ता द्याम॑दृंहत् ।
   स॑वि॒ता य॒न्त्रैः पृ॑थि॒वीम॑रम्णाद्
   सवि॒ता य॒न्त्रैः पृ॑थि॒वीम् अरम्णात्
   सवि॒ता य॒न्त्रैः पृ॑थि॒वीम् अरम्णाद्

Halfverse: b    अस्कम्भ॒ने स॑वि॒ता द्याम॑दृंहत् ।
   अ॑स्कम्भ॒ने स॑वि॒ता द्याम् अदृंहत् ।
   अ॑स्कम्भ॒ने स॑वि॒ता द्याम् अदृंहत् ।

Halfverse: c    अश्व॑मिवाधुक्ष॒द्धुनि॑म॒न्तरि॑क्षम॒तूर्ते॑ ब॒द्धं स॑वि॒ता स॑मु॒द्रम् ।।
   अश्व॑मिवाधुक्ष॒द्धुनि॑म॒न्तरि॑क्षम्
   अश्व॑म् इव अधुक्षत् धुनि॑म् अ॒न्तरि॑क्षम्
   अश्व॑म् ऽवाधुक्षद् % धुनि॑म् अ॒न्तरि॑क्षम्

Halfverse: d    अ॒तूर्ते॑ ब॒द्धं स॑वि॒ता स॑मु॒द्रम् ।।
   अ॒तूर्ते ब॒द्धम् सवि॒ता स॑मु॒द्रम् ।।
   अ॒तूर्ते ब॒द्धं स॑वि॒ता स॑मु॒द्रम् ।।


Verse: 2 
Halfverse: a    यत्रा॑ समु॒द्र स्क॑भि॒तो व्औन॒दपां॑ नपात्सवि॒ता तस्य॑ वेद ।
   यत्रा॑ समु॒द्र स्क॑भि॒तो व्औन॑द्
   यत्र+ समु॒द्रः स्क॑भि॒तः वि औन॑त्
   यत्रा समु॒द्र स्क॑भि॒तो वि औन॑द्

Halfverse: b    अपां॑ नपात्सवि॒ता तस्य॑ वेद ।
   अपा॑म् नपात् सवि॒ता तस्य वेद ।
   अपां नपात् सवि॒ता तस्य वेद ।

Halfverse: c    अतो॒ भूरत॑ आ॒ उत्थि॑तं॒ रजो ऽतो॒ द्यावा॑पृथि॒वी अ॑प्रथेताम् ।।
   अतो॒ भूरत॑ आ॒ उत्थि॑तं॒ रजो
   अतः भूः अतः आः उत्थि॑तम् रजः
   अतो भूर् अत आ उत्थि॑तं रजो

Halfverse: d    ऽतो॒ द्यावा॑पृथि॒वी अ॑प्रथेताम् ।।
   अतः द्यावा॑पृथि॒वी अ॑प्रथेताम् ।।
   अतो द्यावा॑पृथि॒वी अ॑प्रथेताम् ।।


Verse: 3 
Halfverse: a    प॒श्चेदम॒न्यद॑भव॒द्यज॑त्र॒मम॑र्त्यस्य॒ भुव॑नस्य भू॒ना ।
   प॒श्चेदम॒न्यद॑भव॒द्यज॑त्रम्
   प॒श्चा इ॒दम् अ॒न्यत् अभवत् यज॑त्रम्
   प॒श्चेदम् अ॒न्यद् अभवद् यज॑त्रम्

Halfverse: b    अम॑र्त्यस्य॒ भुव॑नस्य भू॒ना ।
   अम॑र्त्यस्य भुव॑नस्य भू॒ना ।
   अम॑र्तियस्य भुव॑नस्य भू॒ना ।

Halfverse: c    सु॑प॒र्णो अ॒ङ्ग स॑वि॒तुर्ग॒रुत्मा॒न्पूर्वो॑ जा॒तः स उ॑ अ॒स्यानु॒ धर्म॑ ।।
   सु॑प॒र्णो अ॒ङ्ग स॑वि॒तुर्ग॒रुत्मा॑न्
   सुप॒र्णः अ॒ङ्ग स॑वि॒तुः ग॒रुत्मा॑न्
   सुप॒र्णो अ॒ङ्ग स॑वि॒तुर् ग॒रुत्मा॑न्

Halfverse: d    पूर्वो॑ जा॒तः स उ॑ अ॒स्यानु॒ धर्म॑ ।।
   पूर्वः जा॒तः सः ।!। उ अस्य अनु धर्म ।।
   पूर्वो जा॒तः स उ अ॒स्यानु धर्म ।।


Verse: 4 
Halfverse: a    गाव॑ इव॒ ग्रामं॒ यूयु॑धिरि॒वाश्वा॑न्वा॒श्रेव॑ व॒त्सं सु॒मना॒ दुहा॑ना ।
   गाव॑ इव॒ ग्रामं॒ यूयु॑धिरि॒वाश्वा॑न्
   गावः इव ग्राम॑म् यूयु॑धिः इव अश्वा॑न्
   गाव ऽव % ग्रामं यूयु॑धिर् ऽव % अश्वा॑न्

Halfverse: b    वा॒श्रेव॑ व॒त्सं सु॒मना॒ दुहा॑ना ।
   वा॒श्रा इ॑व व॒त्सम् सु॒मनाः दुहा॑ना ।
   वा॒श्रेव व॒त्सं सु॒मना दुहा॑ना ।

Halfverse: c    पति॑रिव जा॒याम॒भि नो॒ न्ये॑तु ध॒र्ता दि॒वः स॑वि॒ता वि॒श्ववा॑रः ।।
   पति॑रिव जा॒याम॒भि नो॒ न्ये॑तु
   पतिः इव जा॒याम् अ॒भि नः नि ए॑तु
   पति॑र् ऽव % जा॒याम् अ॒भि नो नि ए॑तु

Halfverse: d    ध॒र्ता दि॒वः स॑वि॒ता वि॒श्ववा॑रः ।।
   ध॒र्ता दि॒वः स॑वि॒ता वि॒श्ववा॑रः ।।
   ध॒र्ता दि॒वः स॑वि॒ता वि॒श्ववा॑रः ।।


Verse: 5 
Halfverse: a    हिर॑ण्यस्तूपः सवित॒र्यथा॑ त्वाङ्गिर॒सो जु॒ह्वे वाजे॑ अ॒स्मिन् ।
   हिर॑ण्यस्तूपः सवित॒र्यथा॑ त्वा
   हिर॑ण्यस्तूपः सवितर् यथा त्वा
   हिर॑ण्यस्तूपः सवितर् यथा त्वा

Halfverse: b     आङ्गिर॒सो जु॒ह्वे वाजे॑ अ॒स्मिन् ।
   आ॑ङ्गिर॒सः जु॒ह्वे वाजे अ॒स्मिन् ।
   आ॑ङ्गिर॒सो जु॑हु॒वे वाजे अ॒स्मिन् ।

Halfverse: c    ए॒वा त्वार्च॒न्नव॑से॒ वन्द॑मानः॒ सोम॑स्येवाँ॒शुम्प्रति॑ जागरा॒हम् ।।
   ए॒वा त्वार्च॒न्नव॑से॒ वन्द॑मानः
   ए॒व+ त्वा अर्च॑न् अव॑से वन्द॑मानः
   ए॒वा त्वार्च॑न्न् अव॑से वन्द॑मानः

Halfverse: d    सोम॑स्येवाँ॒शुम्प्रति॑ जागरा॒हम् ।।
   सोम॑स्य इव अं॒शुम् प्रति जागर अ॒हम् ।।
   सोम॑स्येवां॒शुम् प्रति जागरा॒हम् ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.