TITUS
Rg-Veda: Rg-Veda-Samhita
Part No. 985
Previous part

Hymn: 148_(974) 
Verse: 1 
Halfverse: a    सु॑ष्वा॒णास॑ इन्द्र स्तु॒मसि॑ त्वा सस॒वांस॑श्च तुविनृम्ण॒ वाज॑म् ।
   सु॑ष्वा॒णास॑ इन्द्र स्तु॒मसि॑ त्वा
   सुष्वा॒णासः इन्द्र स्तु॒मसि त्वा
   सुष्वा॒णास इन्दर स्तु॒मसि त्वा

Halfverse: b    सस॒वांस॑श्च तुविनृम्ण॒ वाज॑म् ।
   स॑स॒वांसः च तुविनृम्ण वाज॑म् ।
   स॑स॒वांस॑श् च तुविनृम्ण वाज॑म् ।

Halfverse: c    आ नो॑ भर सुवि॒तं यस्य॑ चा॒कन्त्मना॒ तना॑ सनुयाम॒ त्वोताः॑ ।।
   आ नो॑ भर सुवि॒तं यस्य॑ चा॒कन्
   आ नः भर सुवि॒तम् यस्य चा॒कन्
   आ नो भर सुवि॒तं यस्य चा॒कन्

Halfverse: d    त्मना॒ तना॑ सनुयाम॒ त्वोताः॑ ।।
   त्मना तना सनुयाम त्वोताः ।।
   त्मना तना सनुयाम तु॒वोताः ।।


Verse: 2 
Halfverse: a    ऋ॒ष्वस्त्वमि॑न्द्र शूर जा॒तो दासी॒र्विशः॒ सूर्ये॑ण सह्याः ।
   ऋ॒ष्वस्त्वमि॑न्द्र शूर जा॒तो
   ऋ॒ष्वः त्वम् इन्द्र शूर जा॒तः
   ऋ॒ष्वस् तु॒वम् इन्दर शूर जा॒तो

Halfverse: b    दासी॒र्विशः॒ सूर्ये॑ण सह्याः ।
   दासीः विशः सूर्ये॑ण सह्याः ।
   दासी॑र् विशः ? सूरि॑येण सह्याः ।

Halfverse: c    गुहा॑ हि॒तं गुह्यं॑ गू॒ऴम॒प्सु बि॑भृ॒मसि॑ प्र॒स्रव॑णे॒ न सोम॑म् ।।
   गुहा॑ हि॒तं गुह्यं॑ गू॒ऴम॒प्सु
   गुहा हि॒तम् गुह्य॑म् गू॒ऴम् अ॒प्सु
   गुहा हि॒तं गुहि॑यं गू॒ऴम् अ॒प्सु

Halfverse: d    बि॑भृ॒मसि॑ प्र॒स्रव॑णे॒ न सोम॑म् ।।
   बि॑भृ॒मसि प्र॒स्रव॑णे न सोम॑म् ।।
   बि॑भृ॒मसि प्र॒स्रव॑णे न सोम॑म् ।।


Verse: 3 
Halfverse: a    अ॒र्यो वा॒ गिरो॑ अ॒भ्य॑र्च वि॒द्वानृषी॑णां॒ विप्रः॑ सुम॒तिं च॑का॒नः ।
   अ॒र्यो वा॒ गिरो॑ अ॒भ्य॑र्च वि॒द्वान्
   अ॒र्यः वा गिरः अ॒भि अ॑र्च वि॒द्वान्
   अ॒र्यो वा गिरो अ॒भि अ॑र्च वि॒द्वान्

Halfverse: b    ऋषी॑णां॒ विप्रः॑ सुम॒तिं च॑का॒नः ।
   ऋषी॑णाम् विप्रः सुम॒तिम् चका॒नः ।
   ऋषी॑णां विप्रः सुम॒तिं च॑का॒नः ।

Halfverse: c    ते स्या॑म॒ ये र॒णय॑न्त॒ सोमै॑रे॒नोत तुभ्यं॑ रथोऴ भ॒क्षैः ।।
   ते स्या॑म॒ ये र॒णय॑न्त॒ सोमै॑र्
   ते स्या॑म ये र॒णय॑न्त सोमैः
   ते सि॑याम ये र॒णय॑न्त सोमै॑र्

Halfverse: d    ए॒नोत तुभ्यं॑ रथोऴ भ॒क्षैः ।।
   ए॒ना उ॒त तुभ्य॑म् रथोऴ भ॒क्षैः ।।
   ए॒ना उ॒त तुभ्य % रथोऴ भ॒क्षैः ।।


Verse: 4 
Halfverse: a    इ॒मा ब्रह्मे॑न्द्र॒ तुभ्यं॑ शंसि॒ दा नृभ्यो॑ नृ॒णां शू॑र॒ शवः॑ ।
   इ॒मा ब्रह्मे॑न्द्र॒ तुभ्यं॑ शंसि
   इ॒मा ब्रह्म इन्द्र तुभ्य॑म् शंसि
   इ॒मा ब्रह्म इन्दर तुभ्य % शंसि

Halfverse: b    दा नृभ्यो॑ नृ॒णां शू॑र॒ शवः॑ ।
   दाः नृभ्यः नृ॒णाम् शूर शवः ।
   दाअ नृभ्यो नॄ॒णाअं शू॑र शवः ।

Halfverse: c    तेभि॑र्भव॒ सक्र॑तु॒र्येषु॑ चा॒कन्नु॒त त्रा॑यस्व गृण॒त उ॒त स्तीन् ।।
   तेभि॑र्भव॒ सक्र॑तु॒र्येषु॑ चा॒कन्न्
   तेभिः भव सक्र॑तुः येषु चा॒कन्
   तेभि॑र् भव सक्र॑तुर् येषु चा॒कन्न्

Halfverse: d    उ॒त त्रा॑यस्व गृण॒त उ॒त स्तीन् ।।
   उ॒त त्रा॑यस्व गृण॒तः उ॒त स्तीन् ।।
   उ॒त त्रा॑यस्व गृण॒त उ॒त स्तीन् ।।


Verse: 5 
Halfverse: a    श्रु॒धी हव॑मिन्द्र शूर॒ पृथ्या॑ उ॒त स्त॑वसे वे॒न्यस्या॒र्कैः ।
   श्रु॒धी हव॑मिन्द्र शूर॒ पृथ्या
   श्रु॒धि+ हव॑म् इन्द्र शूर पृथ्याः
   श्रु॒धी हव॑म् इन्दर शूर पृथ्या

Halfverse: b    उ॒त स्त॑वसे वे॒न्यस्या॒र्कैः ।
   उ॒त स्त॑वसे वे॒न्यस्य अ॒र्कैः ।
   उ॒त स्त॑वसे वेनि॒यस्य अ॒र्कैः ।

Halfverse: c    आ यस्ते॒ योनिं॑ घृ॒तव॑न्त॒मस्वा॑रू॒र्मिर्न निम्नैर्द्र॑वयन्त॒ वक्वाः॑ ।।
   आ यस्ते॒ योनिं॑ घृ॒तव॑न्त॒मस्वा॑र्
   आ यः ते योनि॑म् घृ॒तव॑न्तम् अस्वा॑र्
   आ यस् ते योनिं घृ॒तव॑न्तम् अस्वा॑र्

Halfverse: d    ऊ॒र्मिर्न निम्नैर्द्र॑वयन्त॒ वक्वाः॑ ।।
   ऊ॒र्मिः न नि॒म्नैः द्र॑वयन्त वक्वाः ।।
   ऊ॒र्मिर् न निम्नैर् द्रवयन्त वक्वाः ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.