TITUS
Rg-Veda: Rg-Veda-Samhita
Part No. 984
Previous part

Hymn: 147_(973) 
Verse: 1 
Halfverse: a    श्रत्ते॑ दधामि प्रथ॒माय॑ म॒न्यवे ऽह॒न्यद्वृ॒त्रं नर्यं॑ वि॒वेर॒पः ।
   श्रत्ते॑ दधामि प्रथ॒माय॑ म॒न्यवे
   श्रत् ते दधामि प्रथ॒माय म॒न्यवे
   श्रत् ते दधामि प्रथ॒माय म॒न्यवे

Halfverse: b    ऽह॒न्यद्वृ॒त्रं नर्यं॑ वि॒वेर॒पः ।
   अह॑न् यत् वृ॒त्रम् नर्य॑म् वि॒वेः अ॒पः ।
   अह॑न् यद् वृ॒त्रं नरि॑यं वि॒वेर् अ॒पः ।

Halfverse: c    उ॒भे यत्त्वा॒ भव॑तो॒ रोद॑सी॒ अनु॒ रेज॑ते॒ शुष्मा॑त्पृथि॒वी चि॑दद्रिवः ।।
   उ॒भे यत्त्वा॒ भव॑तो॒ रोद॑सी॒ अनु
   उ॒भे यत् त्वा भव॑तः रोद॑सी अनु
   उ॒भे यत् त्वा भव॑तो रोद॑सी अनु

Halfverse: d    रेज॑ते॒ शुष्मा॑त्पृथि॒वी चि॑दद्रिवः ।।
   रेज॑ते शुष्मा॑त् पृथि॒वी चि॑त् अद्रिवः ।।
   रेज॑ते शुष्मा॑त् पृथि॒वी चि॑द् अद्रिवः ।।


Verse: 2 
Halfverse: a    त्वम्मा॒याभि॑रनवद्य मा॒यिनं॑ श्रवस्य॒ता मन॑सा वृ॒त्रम॑र्दयः ।
   त्वम्मा॒याभि॑रनवद्य मा॒यिनं
   त्वम् मा॒याभिः अनवद्य मा॒यिन॑म्
   तु॒वम् मा॒याभि॑र् अनवद्य मा॒यिनं

Halfverse: b    श्रवस्य॒ता मन॑सा वृ॒त्रम॑र्दयः ।
   श्र॑वस्य॒ता मन॑सा वृ॒त्रम् अर्दयः ।
   श्र॑वस्य॒ता मन॑सा वृ॒त्रम् अर्दयः ।

Halfverse: c    त्वामिन्नरो॑ वृणते॒ गवि॑ष्टिषु॒ त्वां विश्वा॑सु॒ हव्या॒स्विष्टि॑षु ।।
   त्वामिन्नरो॑ वृणते॒ गवि॑ष्टिषु
   त्वाम् ।!। इत् नरः वृणते गवि॑ष्टिषु
   तु॒वाम् इन् नरो वृणते गवि॑ष्टिषु

Halfverse: d    त्वां विश्वा॑सु॒ हव्या॒स्विष्टि॑षु ।।
   त्वाम् विश्वा॑सु हव्या॑सु इष्टि॑षु ।।
   तु॒वां विश्वा॑सु हवि॑यासु इष्टि॑षु ।।


Verse: 3 
Halfverse: a    अैषु॑ चाकन्धि पुरुहूत सू॒रिषु॑ वृ॒धासो॒ ये म॑घवन्नान॒शुर्म॒घम् ।
   अैषु॑ चाकन्धि पुरुहूत सू॒रिषु
   आ ए॑षु चाकन्धि पुरुहूत सू॒रिषु
   अैषु चाकन्धि पुरुहूत सू॒रिषु

Halfverse: b    वृ॒धासो॒ ये म॑घवन्नान॒शुर्म॒घम् ।
   वृ॒धासः ये म॑घवन् आन॒शुः म॒घम् ।
   वृ॒धासो ये म॑घवन्न् आन॒शुर् म॒घम् ।

Halfverse: c    अर्च॑न्ति तो॒के तन॑ये॒ परि॑ष्टिषु मे॒धसा॑ता वा॒जिन॒मह्र॑ये॒ धने॑ ।।
   अर्च॑न्ति तो॒के तन॑ये॒ परि॑ष्टिषु
   अर्च॑न्ति तो॒के तन॑ये परि॑ष्टिषु
   अर्च॑न्ति तो॒के तन॑ये परि॑ष्टिषु

Halfverse: d    मे॒धसा॑ता वा॒जिन॒मह्र॑ये॒ धने॑ ।।
   मे॒धसा॑ता वा॒जिन॑म् अह्र॑ये धने ।।
   मे॒धसा॑ता वा॒जिन॑म् अह्र॑ये धने ।।


Verse: 4 
Halfverse: a    स इन्नु रा॒यः सुभृ॑तस्य चाकन॒न्मदं॒ यो अ॑स्य॒ रंह्यं॒ चिके॑तति ।
   स इन्नु रा॒यः सुभृ॑तस्य चाकनन्
   सः ।!। इत् नु रा॒यः सुभृ॑तस्य चाकनत्
   स इन् नु रा॒यः सुभृ॑तस्य चाकनन्

Halfverse: b    मदं॒ यो अ॑स्य॒ रंह्यं॒ चिके॑तति ।
   मद॑म् यः अ॑स्य रंह्य॑म् चिके॑तति ।
   मदं यो अ॑स्य रंहि॑यं चिके॑तति ।

Halfverse: c    त्वावृ॑धो मघवन्दा॒श्व॑ध्वरो म॒क्षू स वाज॑म्भरते॒ धना॒ नृभिः॑ ।।
   त्वावृ॑धो मघवन्दा॒श्व॑ध्वरो
   त्वावृ॑धः मघवन् दा॒श्व॑ध्वरः
   तु॒वावृ॑धो मघवन् दाशुअध्वरो

Halfverse: d    म॒क्षू स वाज॑म्भरते॒ धना॒ नृभिः॑ ।।
   म॒क्षु+ स वाज॑म् भरते धना नृभिः ।।
   म॒क्षू स वाज॑म् भरते धना नृभिः ।।


Verse: 5 
Halfverse: a    त्वं शर्धा॑य महि॒ना गृ॑णा॒न उ॒रु कृ॑धि मघवञ्छ॒ग्धि रा॒यः ।
   त्वं शर्धा॑य महि॒ना गृ॑णा॒न
   त्वम् शर्धा॑य महि॒ना गृ॑णा॒नः
   तु॒वं शर्धा॑य महि॒ना गृ॑णा॒न

Halfverse: b    उ॒रु कृ॑धि मघवञ्छ॒ग्धि रा॒यः ।
   उ॒रु कृ॑धि मघवन् श॒ग्धि रा॒यः ।
   उ॒रु कृ॑धि मघवञ् छ॒ग्धि रा॒यः ।

Halfverse: c    त्वं नो॑ मि॒त्रो वरु॑णो॒ न मा॒यी पि॒त्वो न द॑स्म दयसे विभ॒क्ता ।।
   त्वं नो॑ मि॒त्रो वरु॑णो॒ न मा॒यी
   त्वम् नः मि॒त्रः वरु॑णः न मा॒यी
   तु॒वं नो मि॒त्रो वरु॑णो न मा॒यी

Halfverse: d    पि॒त्वो न द॑स्म दयसे विभ॒क्ता ।।
   पि॒त्वः न द॑स्म दयसे विभ॒क्ता ।।
   पि॒त्वो न द॑स्म दयसे विभ॒क्ता ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.