TITUS
Rg-Veda: Rg-Veda-Samhita
Part No. 982
Previous part

Hymn: 145_(971) 
Verse: 1 
Halfverse: a    इ॒मां ख॑ना॒म्योष॑धिं वी॒रुध॒म्बल॑वत्तमाम् ।
   इ॒मां ख॑ना॒म्योष॑धिं
   इ॒माम् खनामि ओष॑धिम्
   इ॒मां ख॑नामि ओष॑धिं

Halfverse: b    वी॒रुध॒म्बल॑वत्तमाम् ।
   वी॒रुध॑म् बल॑वत्तमाम् ।
   वी॒रुध॑म् बल॑वत्तमाम् ।

Halfverse: c    यया॑ स॒पत्नी॒म्बाध॑ते॒ यया॑ संवि॒न्दते॒ पति॑म् ।।
   यया॑ स॒पत्नी॒म्बाध॑ते
   यया स॒पत्नी॑म् बाध॑ते
   यया स॒पत्नी॑म् बाध॑ते

Halfverse: d    यया॑ संवि॒न्दते॒ पति॑म् ।।
   यया संवि॒न्दते पति॑म् ।।
   यया संवि॒न्दते पति॑म् ।।


Verse: 2 
Halfverse: a    उत्ता॑नपर्णे॒ सुभ॑गे॒ देव॑जूते॒ सह॑स्वति ।
   उत्ता॑नपर्णे॒ सुभ॑गे
   उत्ता॑नपर्णे सुभ॑गे
   उत्ता॑नपर्णे सुभ॑गे

Halfverse: b    देव॑जूते॒ सह॑स्वति ।
   देव॑जूते सह॑स्वति ।
   देव॑जूते सह॑स्वति ।

Halfverse: c    स॒पत्नी॑म्मे॒ परा॑ धम॒ पति॑म्मे॒ केव॑लं कुरु ।।
   स॒पत्नी॑म्मे॒ परा॑ धम
   स॒पत्नी॑म् मे परा धम
   स॒पत्नी॑म् मे परा धम

Halfverse: d    पति॑म्मे॒ केव॑लं कुरु ।।
   पति॑म् मे केव॑लम् कुरु ।।
   पति॑म् मे केव॑लं कुरु ।।


Verse: 3 
Halfverse: a    उत्त॑रा॒हमु॑त्तर॒ उत्त॒रेदुत्त॑राभ्यः ।
   उत्त॑रा॒हमु॑त्तर
   उत्त॑रा अ॒हम् उत्तरे
   उत्त॑रा अ॒हम् उत्तर

Halfverse: b    उत्त॒रेदुत्त॑राभ्यः ।
   उत्त॑रा इत् उत्त॑राभ्यः ।
   उत्त॑रा इद् उत्त॑राभ्यः ।

Halfverse: c    अथा॑ स॒पत्नी॒ या ममाध॑रा॒ साध॑राभ्यः ।।
   अथा॑ स॒पत्नी॒ या मम
   अथ+ स॒पत्नी या मम
   अथा स॒पत्नी या मम

Halfverse: d     अध॑रा॒ साध॑राभ्यः ।।
   अध॑रा सा अध॑राभ्यः ।।
   अध॑रा साध॑राभियः ।।


Verse: 4 
Halfverse: a    न॒ह्य॑स्या॒ नाम॑ गृ॒भ्णामि॒ नो अ॒स्मिन्र॑मते॒ जने॑ ।
   न॒ह्य॑स्या॒ नाम॑ गृ॒भ्णामि
   न॒हि अ॑स्य+ नाम गृ॒भ्णामि
   नह्य् अ॑स्या नाम गृ॒भ्णामि

Halfverse: b    नो अ॒स्मिन्र॑मते॒ जने॑ ।
   न उ अ॒स्मिन् रमते जने ।
   नो अ॒स्मिन् रमते जने ।

Halfverse: c    परा॑मे॒व प॑रा॒वतं॑ स॒पत्नीं॑ गमयामसि ।।
   परा॑मे॒व प॑रा॒वतं
   परा॑म् ए॒व प॑रा॒वत॑म्
   परा॑म् ए॒व प॑रा॒वतं

Halfverse: d    स॒पत्नीं॑ गमयामसि ।।
   स॒पत्नी॑म् गमयामसि ।।
   स॒पत्नीं गमयामसि ।।


Verse: 5 
Halfverse: a    अ॒हम॑स्मि॒ सह॑मा॒नाथ॒ त्वम॑सि सास॒हिः ।
   अ॒हम॑स्मि॒ सह॑माना
   अ॒हम् अस्मि सह॑माना
   अ॒हम् अस्मि सह॑माना

Halfverse: b     अथ॒ त्वम॑सि सास॒हिः ।
   अथ त्वम् असि सास॒हिः ।
   अथ त्वम् असि सास॒हिः ।

Halfverse: c    उ॒भे सह॑स्वती भू॒त्वी स॒पत्नी॑म्मे सहावहै ।।
   उ॒भे सह॑स्वती भू॒त्वी
   उ॒भे सह॑स्वती भू॒त्वी
   उ॒भे सह॑स्वती भू॒त्वी

Halfverse: d    स॒पत्नी॑म्मे सहावहै ।।
   स॒पत्नी॑म् मे सहावहै ।।
   स॒पत्नी॑म् मे सहावहै ।।


Verse: 6 
Halfverse: a    उप॑ ते ऽधां॒ सह॑मानाम॒भि त्वा॑धां॒ सही॑यसा ।
   उप॑ ते ऽधां॒ सह॑मानाम्
   उप ते अधाम् सह॑मानाम्
   उप ते ऽधां सह॑मानाम्

Halfverse: b    अ॒भि त्वा॑धां॒ सही॑यसा ।
   अ॒भि त्वा अधाम् सही॑यसा ।
   अ॒भि त्वा॑धां सही॑यसा ।

Halfverse: c    मामनु॒ प्र ते॒ मनो॑ व॒त्सं गौरि॑व धावतु प॒था वारि॑व धावतु ।।
   मामनु॒ प्र ते॒ मनो
   माम् अनु प्र ते मनः
   माअम् अनु प्र ते मनो

Halfverse: d    व॒त्सं गौरि॑व धावतु
   व॒त्सम् गौः इ॑व धावतु
   व॒त्सं गौर् इव धावतु

Halfverse: e    प॒था वारि॑व धावतु ।।
   प॒था वार् इव धावतु ।।
   प॒था वार् इव धावतु ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.