TITUS
Rg-Veda: Rg-Veda-Samhita
Part No. 981
Previous part

Hymn: 144_(970) 
Verse: 1 
Halfverse: a    अ॒यं हि ते॒ अम॑र्त्य॒ इन्दु॒रत्यो॒ न पत्य॑ते ।
   अ॒यं हि ते॒ अम॑र्त्य
   अ॒यम् हि ते अम॑र्त्यः
   अ॒यं हि ते अम॑र्तिय

Halfverse: b    इन्दु॒रत्यो॒ न पत्य॑ते ।
   इन्दुः अत्यः न पत्य॑ते ।
   इन्दु॑र् अत्यो न पत्य॑ते ।

Halfverse: c    दक्षो॑ वि॒श्वायु॑र्वे॒धसे॑ ।।
   दक्षो॑ वि॒श्वायु॑र्वे॒धसे॑ ।।
   दक्षः वि॒श्वायुः वे॒धसे ।।
   दक्षो वि॒श्वायु॑र् वे॒धसे ।।


Verse: 2 
Halfverse: a    अ॒यम॒स्मासु॒ काव्य॑ ऋ॒भुर्वज्रो॒ दास्व॑ते ।
   अ॒यम॒स्मासु॒ काव्य
   अ॒यम् अ॒स्मासु काव्यः
   अ॒यम् अ॒स्मासु कावि॑य

Halfverse: b    ऋ॒भुर्वज्रो॒ दास्व॑ते ।
   ऋ॒भुः वज्रः दास्व॑ते ।
   ऋ॒भुर् वज्रो दाअस्व॑ते ।

Halfverse: c    अ॒यम्बि॑भर्त्यू॒र्ध्वकृ॑शन॒म्मद॑मृ॒भुर्न कृत्व्य॒म्मद॑म् ।।
   अ॒यम्बि॑भर्त्यू॒र्ध्वकृ॑शन॒म्मद॑म्
   अ॒यम् बिभर्ति ऊ॒र्ध्वकृ॑शनम् मद॑म्
   अ॒यम् बिभर्ति ऊ॒र्ध्वकृ॑शनम् मद॑म्

Halfverse: d    ऋ॒भुर्न कृत्व्य॒म्मद॑म् ।।
   ऋ॒भुः न कृत्व्य॑म् मद॑म् ।।
   ऋ॒भुर् न कृत्वि॑यम् मद॑म् ।।


Verse: 3 
Halfverse: a    घृषुः॑ श्ये॒नाय॒ कृत्व॑न आ॒सु स्वासु॒ वंस॑गः ।
   घृषुः॑ श्ये॒नाय॒ कृत्व॑न
   घृषुः श्ये॒नाय कृत्व॑ने
   घृषुः श्ये॒नाय कृत्व॑न

Halfverse: b    आ॒सु स्वासु॒ वंस॑गः ।
   आ॒सु स्वासु वंस॑गः ।
   आ॒सु सुआसु वंस॑गः ।

Halfverse: c    अव॑ दीधेदही॒शुवः॑ ।।
   अव॑ दीधेदही॒शुवः॑ ।।
   अव दीधेत् अही॒शुवः ।।
   अव दीधेद् अही॒शुवः ।।


Verse: 4 
Halfverse: a    यं सु॑प॒र्णः प॑रा॒वतः॑ श्ये॒नस्य॑ पु॒त्र आभ॑रत् ।
   यं सु॑प॒र्णः प॑रा॒वतः
   यम् सुप॒र्णः प॑रा॒वतः
   यं सु॑प॒र्णः प॑रा॒वतः

Halfverse: b    श्ये॒नस्य॑ पु॒त्र आभ॑रत् ।
   श्ये॒नस्य पु॒त्रः आ अभ॑रत् ।
   श्ये॒नस्य पु॒त्र आभ॑रत् ।

Halfverse: c    श॒तच॑क्रं॒ यो॒ ऽह्यो॑ वर्त॒निः ।।
   श॒तच॑क्रं॒ यो॒ ऽह्यो॑ वर्त॒निः ।।
   श॒तच॑क्रम् यः अ॒ह्यः वर्त॒निः ।।
   श॒तच॑क्रं यो ऽह्यो वर्त॒निः ।।


Verse: 5 
Halfverse: a    यं ते॑ श्ये॒नश्चारु॑मवृ॒कम्प॒दाभ॑रदरु॒णम्मा॒नमन्ध॑सः ।
   यं ते॑ श्ये॒नश्चारु॑मवृ॒कम्प॒दाभ॑रद्
   यम् ते श्ये॒नः चारु॑म् अवृ॒कम् प॒दा आ अभ॑रत्
   यं ते श्ये॒नश् चारु॑म् अवृ॒कम् प॒दा आभ॑रद्

Halfverse: b    अरु॒णम्मा॒नमन्ध॑सः ।
   अ॑रु॒णम् मा॒नम् अन्ध॑सः ।
   अ॑रु॒णम् मा॒नम् अन्ध॑सः ।

Halfverse: c    ए॒ना वयो॒ वि ता॒र्यायु॑र्जी॒वस॑ ए॒ना जा॑गार ब॒न्धुता॑ ।।
   ए॒ना वयो॒ वि ता॒र्यायु॑र्जी॒वस
   ए॒ना वयः वि ता॑रि आयुः जी॒वसे
   ए॒ना वयो वि ता॑रि आयु % जी॒वस

Halfverse: d    ए॒ना जा॑गार ब॒न्धुता॑ ।।
   ए॒ना जा॑गार ब॒न्धुता ।।
   ए॒ना जा॑गार ब॒न्धुता ।।


Verse: 6 
Halfverse: a    ए॒वा तदिन्द्र॒ इन्दु॑ना दे॒वेषु॑ चिद्धारयाते॒ महि॒ त्यजः॑ ।
   ए॒वा तदिन्द्र॒ इन्दु॑ना
   ए॒व+ तत् इन्द्रः इन्दु॑ना
   ए॒वा तद् इन्द्र इन्दु॑ना

Halfverse: b    दे॒वेषु॑ चिद्धारयाते॒ महि॒ त्यजः॑ ।
   दे॒वेषु चित् धारयाते महि त्यजः ।
   दे॒वेषु चिद् धारयाते महि त्यजः ।

Halfverse: c    क्रत्वा॒ वयो॒ वि ता॒र्यायुः॑ सुक्रतो॒ क्रत्वा॒यम॒स्मदा सु॒तः ।।
   क्रत्वा॒ वयो॒ वि ता॒र्यायुः॑ सुक्रतो
   क्रत्वा वयः वि ता॑रि आयुः सुक्रतो
   क्रत्वा वयो वि ता॑रि आयु % सुक्रतो

Halfverse: d    क्रत्वा॒यम॒स्मदा सु॒तः ।।
   क्रत्वा अ॒यम् अ॒स्मत् आ सु॒तः ।।
   क्रत्वा॒यम् अ॒स्मद् आ सु॒तः ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.