TITUS
Rg-Veda: Rg-Veda-Samhita
Part No. 980
Previous part

Hymn: 143_(969) 
Verse: 1 
Halfverse: a    त्यं चि॒दत्रि॑मृत॒जुर॒मर्थ॒मश्वं॒ न यात॑वे ।
   त्यं चि॒दत्रि॑मृत॒जुर॑म्
   त्यम् चित् अत्रि॑म् ऋत॒जुर॑म्
   त्यं चि॑द् अत्रि॑म् ऋत॒जुर॑म्

Halfverse: b    अर्थ॒मश्वं॒ न यात॑वे ।
   अर्थ॑म् अश्व॑म् न यात॑वे ।
   अर्थ॑म् अश्वं न यात॑वे ।

Halfverse: c    क॒क्षीव॑न्तं॒ यदी॒ पुना॒ रथं॒ न कृ॑णु॒थो नव॑म् ।।
   क॒क्षीव॑न्तं॒ यदी॒ पुना
   क॒क्षीव॑न्तम् यदि+ पुन॑र्
   क॒क्षीव॑न्तं यदी पुना

Halfverse: d    रथं॒ न कृ॑णु॒थो नव॑म् ।।
   रथ॑म् न कृ॑णु॒थः नव॑म् ।।
   रथं न कृ॑णु॒थो नव॑म् ।।


Verse: 2 
Halfverse: a    त्यं चि॒दश्वं॒ न वा॒जिन॑मरे॒णवो॒ यमत्न॑त ।
   त्यं चि॒दश्वं॒ न वा॒जिन॑म्
   त्यम् चित् अश्व॑म् न वा॒जिन॑म्
   त्यं चि॑द् अश्वं न वा॒जिन॑म्

Halfverse: b    अरे॒णवो॒ यमत्न॑त ।
   अ॑रे॒णवः यम् अत्न॑त ।
   अ॑रे॒णवो यम् अत्न॑त ।

Halfverse: c    दृ॒ऴं ग्र॒न्थिं न वि ष्य॑त॒मत्रिं॒ यवि॑ष्ठ॒मा रजः॑ ।।
   दृ॒ऴं ग्र॒न्थिं न वि ष्य॑तम्
   दृ॒ऴम् ग्र॒न्थिम् न वि स्य॑तम्
   दृ॒ऴं ग्र॒न्थिं न वि ष्य॑तम्

Halfverse: d    अत्रिं॒ यवि॑ष्ठ॒मा रजः॑ ।।
   अत्रि॑म् यवि॑ष्ठम् आ रजः ।।
   अत्रिं यवि॑ष्ठम् आ रजः ।।


Verse: 3 
Halfverse: a    नरा॒ दंसि॑ष्ठाव् ।!। अत्र॑ये॒ शुभ्रा॒ सिषा॑सतं॒ धियः॑ ।
   नरा॒ दंसि॑ष्ठाव् ।!। अत्र॑ये
   नरा दंसि॑ष्ठौ अत्र॑ये
   नरा दंसि॑ष्ठाव् अत्र॑ये

Halfverse: b    शुभ्रा॒ सिषा॑सतं॒ धियः॑ ।
   शुभ्रा सिषा॑सतम् धियः ।
   शुभ्रा सिषा॑सतं धियः ।

Halfverse: c    अथा॒ हि वां॑ दि॒वो न॑रा॒ पुन॒ स्तोमो॒ न वि॒शसे॑ ।।
   अथा॒ हि वां॑ दि॒वो न॑रा
   अथ+ हि वा॑म् दि॒वः न॑रा
   अथा हि वां दि॒वो न॑रा

Halfverse: d    पुन॒ स्तोमो॒ न वि॒शसे॑ ।।
   पुन॑र् स्तोमः न वि॒शसे ।।
   पुन स्तोमो न वि॒शसे ।।


Verse: 4 
Halfverse: a    चि॒ते तद्वां॑ सुराधसा रा॒तिः सु॑म॒तिर॑श्विना ।
   चि॒ते तद्वां॑ सुराधसा
   चि॒ते तत् वाम् सुराधसा
   चि॒ते तद् वां सुराधसा

Halfverse: b    रा॒तिः सु॑म॒तिर॑श्विना ।
   रा॒तिः सु॑म॒तिः अ॑श्विना ।
   रा॒तिः सु॑म॒तिर् अश्विना ।

Halfverse: c    आ यन्नः॒ सद॑ने पृ॒थौ सम॑ने॒ पर्ष॑थो नरा ।।
   आ यन्नः॒ सद॑ने पृ॒थौ
   आ यत् नः सद॑ने पृ॒थौ
   आ यन् नः सद॑ने पृ॒थौ

Halfverse: d    सम॑ने॒ पर्ष॑थो नरा ।।
   सम॑ने पर्ष॑थः नरा ।।
   सम॑ने पर्ष॑थो नरा ।।


Verse: 5 
Halfverse: a    यु॒वम्भु॒ज्युं स॑मु॒द्र आ रज॑सः पा॒र ई॑ङ्खि॒तम् ।
   यु॒वम्भु॒ज्युं स॑मु॒द्र आ
   यु॒वम् भु॒ज्युम् समु॒द्रे आ
   यु॒वम् भु॒ज्युं स॑मु॒द्र आ

Halfverse: b    रज॑सः पा॒र ई॑ङ्खि॒तम् ।
   रज॑सः पा॒रे ई॑ङ्खि॒तम् ।
   रज॑सः पा॒र ई॑ङ्खि॒तम् ।

Halfverse: c    या॒तमछा॑ पत॒त्रिभि॒र्नास॑त्या सा॒तये॑ कृतम् ।।
   या॒तमछा॑ पत॒त्रिभि॑र्
   या॒तम् अछ+ पत॒त्रिभिः
   या॒तम् अछा पत॒त्रिभि॑र्

Halfverse: d    नास॑त्या सा॒तये॑ कृतम् ।।
   नास॑त्या सा॒तये कृतम् ।।
   नास॑त्या सा॒तये कृतम् ।।


Verse: 6 
Halfverse: a    आ वां॑ सु॒म्नैः शं॒यू इ॑व॒ मंहि॑ष्ठा॒ विश्व॑वेदसा ।
   आ वां॑ सु॒म्नैः शं॒यू ।!। इ॑व
   आ वा॑म् सु॒म्नैः शं॒यू इ॑व
   आ वां सु॒म्नैः शं॒यू इ॑व

Halfverse: b    मंहि॑ष्ठा॒ विश्व॑वेदसा ।
   मंहि॑ष्ठा विश्व॑वेदसा ।
   मंहि॑ष्ठा विश्व॑वेदसा ।

Halfverse: c    सम॒स्मे भू॑षतं न॒रोत्सं॒ न पि॒प्युषी॒रिषः॑ ।।
   सम॒स्मे भू॑षतं नरा
   सम् अ॒स्मे भू॑षतम् नरा
   सम् अ॒स्मे भू॑षतं नरा

Halfverse: d     उत्सं॒ न पि॒प्युषी॒रिषः॑ ।।
   उत्स॑म् न पि॒प्युषीः इषः ।।
   उत्सं न पि॒प्युषी॑र् इषः ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.