TITUS
Rg-Veda: Rg-Veda-Samhita
Part No. 979
Previous part

Hymn: 142_(968) 
Verse: 1 
Halfverse: a    अ॒यम॑ग्ने जरि॒ता त्वे अ॑भू॒दपि॒ सह॑सः सूनो न॒ह्य॒न्यदस्त्याप्य॑म् ।
   अ॒यम॑ग्ने जरि॒ता त्वे अ॑भू॒दपि
   अ॒यम् अग्ने जरि॒ता त्वे अ॑भूत् अपि
   अ॒यम् अग्ने जरि॒ता त्वे अ॑भूद् अपि

Halfverse: b    सह॑सः सूनो न॒ह्य॒न्यदस्त्याप्य॑म् ।
   सह॑सः सूनो न॒हि अ॒न्यत् अस्ति आप्य॑म् ।
   सह॑सः सूनो न॒हि अ॒न्यद् अस्ति आपि॑यम् ।

Halfverse: c    भ॒द्रं हि शर्म॑ त्रि॒वरू॑थ॒मस्ति॑ त आ॒रे हिंसा॑ना॒मप॑ दि॒द्युमा कृ॑धि ।।
   भ॒द्रं हि शर्म॑ त्रि॒वरू॑थ॒मस्ति॑ त
   भ॒द्रम् हि शर्म त्रि॒वरू॑थम् अस्ति ते
   भ॒द्रं हि शर्म त्रि॒वरू॑थम् अस्ति त

Halfverse: d    आ॒रे हिंसा॑ना॒मप॑ दि॒द्युमा कृ॑धि ।।
   आ॒रे हिंसा॑नाम् अप दि॒द्युम् आ कृ॑धि ।।
   आ॒रे हिंसा॑नाम् अप दि॒द्युम् आ कृ॑धि ।।


Verse: 2 
Halfverse: a    प्र॒वत्ते॑ अग्ने॒ जनि॑मा पितूय॒तः सा॒चीव॒ विश्वा॒ भुव॑ना॒ न्यृ॑ञ्जसे ।
   प्र॒वत्ते॑ अग्ने॒ जनि॑मा पितूय॒तः
   प्र॒वत् ते अग्ने जनि॑म+ पितूय॒तः
   प्र॒वत् ते अग्ने जनि॑मा पितूय॒तः

Halfverse: b    सा॒चीव॒ विश्वा॒ भुव॑ना॒ न्यृ॑ञ्जसे ।
   सा॒ची इ॑व विश्वा भुव॑ना नि ऋ॑ञ्जसे ।
   सा॒चीव विश्वा भुव॑ना नि ऋ॑ञ्जसे ।

Halfverse: c    प्र सप्त॑यः॒ प्र स॑निषन्त नो॒ धियः॑ पु॒रश्च॑रन्ति पशु॒पा इ॑व॒ त्मना॑ ।।
   प्र सप्त॑यः॒ प्र स॑निषन्त नो॒ धियः
   प्र सप्त॑यः प्र स॑निषन्त नः धियः
   प्र सप्त॑यः प्र स॑निषन्त नो धियः

Halfverse: d    पु॒रश्च॑रन्ति पशु॒पा इ॑व॒ त्मना॑ ।।
   पु॒रः च॑रन्ति पशु॒पाः इ॑व त्मना ।।
   पु॒रश् चरन्ति पशु॒पा इ॑व त्मना ।।


Verse: 3 
Halfverse: a    उ॒त वा उ॒ परि॑ वृणक्षि॒ बप्स॑द्ब॒होर॑ग्न॒ उल॑पस्य स्वधावः ।
   उ॒त वा उ॒ परि॑ वृणक्षि॒ बप्स॑द्
   उ॒त वै उ परि वृणक्षि बप्स॑त्
   उ॒त वा उ परि वृणक्षि बप्स॑द्

Halfverse: b    ब॒होर॑ग्न॒ उल॑पस्य स्वधावः ।
   ब॒होः अ॑ग्ने उल॑पस्य स्वधावः ।
   ब॒होर् अग्न उल॑पस्य स्वधावः ।

Halfverse: c    उ॒त खि॒ल्या उ॒र्वरा॑णाम्भवन्ति॒ मा ते॑ हे॒तिं तवि॑षीं चुक्रुधाम ।।
   उ॒त खि॒ल्या उ॒र्वरा॑णाम्भवन्ति
   उ॒त खि॒ल्याः उ॒र्वरा॑णाम् भवन्ति
   उ॒त खि॒ल्या उ॒र्वरा॑णाम् भवन्ति

Halfverse: d    मा ते॑ हे॒तिं तवि॑षीं चुक्रुधाम ।।
   मा ते हे॒तिम् तवि॑षीम् चुक्रुधाम ।।
   मा ते हे॒तिं तवि॑षीं चुक्रुधाम ।।


Verse: 4 
Halfverse: a    यदु॒द्वतो॑ नि॒वतो॒ यासि॒ बप्स॒त्पृथ॑गेषि प्रग॒र्धिनी॑व॒ सेना॑ ।
   यदु॒द्वतो॑ नि॒वतो॒ यासि॒ बप्स॑त्
   यत् उ॒द्वतः नि॒वतः यासि बप्स॑त्
   यद् उ॒द्वतो नि॒वतो यासि बप्स॑त्

Halfverse: b    पृथ॑गेषि प्रग॒र्धिनी॑व॒ सेना॑ ।
   पृथ॑क् एषि प्रग॒र्धिनी इव सेना ।
   पृथ॑ग् एषि प्रग॒र्धिनी॑व सेना ।

Halfverse: c    य॒दा ते॒ वातो॑ अनु॒वाति॑ शो॒चिर्वप्ते॑व॒ श्मश्रु॑ वपसि॒ प्र भूम॑ ।।
   य॒दा ते॒ वातो॑ अनु॒वाति॑ शो॒चिर्
   य॒दा ते वातः अनु॒वाति शो॒चिः
   य॒दा ते वातो अनु॒वाति शो॒चिर्

Halfverse: d    वप्ते॑व॒ श्मश्रु॑ वपसि॒ प्र भूम॑ ।।
   वप्ता इव श्मश्रु वपसि प्र भूम ।।
   वप्ते॑व श्मश्रु वपसि प्र भूम ।।


Verse: 5 
Halfverse: a    प्रत्य॑स्य॒ श्रेण॑यो ददृ॒ श्रएकं॑ नि॒यान॑म्ब॒हवो॒ रथा॑सः ।
   प्रत्य॑स्य॒ श्रेण॑यो ददृश्र
   प्रति अस्य श्रेण॑यः ददृश्रे
   प्रति अस्य श्रयि॑णयो ददृश्र

Halfverse: b    एकं॑ नि॒यान॑म्ब॒हवो॒ रथा॑सः ।
   एक॑म् नि॒यान॑म् ब॒हवः रथा॑सः ।
   एकं नि॒यान॑म् ब॒हवो रथा॑सः ।

Halfverse: c    बा॒हू यद॑ग्ने अनु॒मर्मृ॑जानो॒ न्य॑ङ्ङुत्ता॒नाम॒न्वेषि॒ भूमि॑म् ।।
   बा॒हू यद॑ग्ने अनु॒मर्मृ॑जानो
   बा॒हू यत् अग्ने अनु॒मर्मृ॑जानः
   बा॒हू यद् अग्ने अनु॒मर्मृ॑जानो

Halfverse: d    न्य॑ङ्ङुत्ता॒नाम॒न्वेषि॒ भूमि॑म् ।।
   न्य॑ङ् उत्ता॒नाम् अ॒न्वेषि भूमि॑म् ।।
   निअ॑ङ्ङ् उत्ता॒नाम् अ॒नुएषि भूमि॑म् ।।


Verse: 6 
Halfverse: a    उत्ते॒ शुष्मा॑ जिहता॒मुत्ते॑ अ॒र्चिरुत्ते॑ अग्ने शशमा॒नस्य॒ वाजाः॑ ।
   उत्ते॒ शुष्मा॑ जिहता॒मुत्ते॑ अ॒र्चिर्
   उत् ते शुष्माः जिहताम् उत् ते अ॒र्चिः
   उत् ते शुष्मा जिहताम् उत् ते अ॒र्चिर्

Halfverse: b    उत्ते॑ अग्ने शशमा॒नस्य॒ वाजाः॑ ।
   उत् ते अग्ने शशमा॒नस्य वाजाः ।
   उत् ते अग्ने शशमा॒नस्य वाजाः ।

Halfverse: c    उच्छ्व॑ञ्चस्व॒ नि न॑म॒ वर्ध॑मान॒ आ त्वा॒द्य विश्वे॒ वस॑वः सदन्तु ।।
   उच्छ्व॑ञ्चस्व॒ नि न॑म॒ वर्ध॑मान
   उत् श्वञ्चस्व नि न॑म वर्ध॑मानः
   उच् छ्वञ्चस्व नि न॑म वर्ध॑मान

Halfverse: d    आ त्वा॒द्य विश्वे॒ वस॑वः सदन्तु ।।
   आ त्वा अ॒द्य विश्वे वस॑वः सदन्तु ।।
   आ त्वा॒द्य विश्वे वस॑वः सदन्तु ।।


Verse: 7 
Halfverse: a    अ॒पामि॒दं न्यय॑नं समु॒द्रस्य॑ नि॒वेश॑नम् ।
   अ॒पामि॒दं न्यय॑नं
   अ॒पाम् इ॒दम् न्यय॑नम्
   अ॒पाम् इ॒दं निअय॑नं

Halfverse: b    समु॒द्रस्य॑ नि॒वेश॑नम् ।
   स॑मु॒द्रस्य नि॒वेश॑नम् ।
   स॑मु॒द्रस्य नि॒वेश॑नम् ।

Halfverse: c    अ॒न्यं कृ॑णुष्वे॒तः पन्थां॒ तेन॑ याहि॒ वशाँ॒ अनु॑ ।।
   अ॒न्यं कृ॑णुष्वे॒तः पन्थां
   अ॒न्यम् कृणुष्व इ॒तः पन्था॑म्
   अ॒न्यं कृ॑णुष्वे॒तः पन्थां

Halfverse: d    तेन॑ याहि॒ वशाँ॒ अनु॑ ।।
   तेन याहि वशा॑न् अनु ।।
   तेन याहि वशाँ अनु ।।


Verse: 8 
Halfverse: a    आय॑ने ते प॒राय॑णे॒ दूर्वा॑ रोहन्तु पु॒ष्पिणीः॑ ।
   आय॑ने ते प॒राय॑णे
   आय॑ने ते प॒राय॑णे
   आय॑ने ते प॒राय॑णे

Halfverse: b    दूर्वा॑ रोहन्तु पु॒ष्पिणीः॑ ।
   दूर्वाः रोहन्तु पु॒ष्पिणीः ।
   दूर्वा रोहन्तु पु॒ष्पिणीः ।

Halfverse: c    ह्र॒दाश्च॑ पु॒ण्डरी॑काणि समु॒द्रस्य॑ गृ॒हा इ॒मे ।।
   ह्र॒दाश्च॑ पु॒ण्डरी॑काणि
   ह्र॒दाः च पु॒ण्डरी॑काणि
   ह्र॒दाश् च पु॒ण्डरी॑काणि

Halfverse: d    समु॒द्रस्य॑ गृ॒हा इ॒मे ।।
   स॑मु॒द्रस्य गृ॒हाः इ॒मे ।।
   स॑मु॒द्रस्य गृ॒हा इ॒मे ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.