TITUS
Rg-Veda: Rg-Veda-Samhita
Part No. 978
Previous part

Hymn: 141_(967) 
Verse: 1 
Halfverse: a    अग्ने॒ अछा॑ वदे॒ह नः॑ प्र॒त्यङ्नः॑ सु॒मना॑ भव ।
   अग्ने॒ अछा॑ वदे॒ह नः
   अग्ने अछ+ वद इ॒ह नः
   अग्ने अछा वदे॒ह नः

Halfverse: b    प्र॒त्यङ्नः॑ सु॒मना॑ भव ।
   प्र॒त्यङ् नः सु॒मनाः भव ।
   प्र॒त्यङ् नः सु॒मना भव ।

Halfverse: c    प्र नो॑ यछ विशस्पते धन॒दा अ॑सि न॒स्त्वम् ।।
   प्र नो॑ यछ विशस्पते
   प्र नः यछ विशः पते
   प्र नो यछ विशस् पते

Halfverse: d    धन॒दा अ॑सि न॒स्त्वम् ।।
   ध॑न॒दाः अ॑सि नः त्वम् ।।
   ध॑न॒दा अ॑सि नस् तु॒वम् ।।


Verse: 2 
Halfverse: a    प्र नो॑ यछत्वर्य॒मा प्र भगः॒ प्र बृह॒स्पतिः॑ ।
   प्र नो॑ यछत्वर्य॒मा
   प्र नः यछतु अर्य॒मा
   प्र नो यछतु अर्य॒मा

Halfverse: b    प्र भगः॒ प्र बृह॒स्पतिः॑ ।
   प्र भगः प्र बृह॒स्पतिः ।
   प्र भगः प्र बृह॒स्पतिः ।

Halfverse: c    प्र दे॒वाः प्रोत सू॒नृता॑ रा॒यो दे॒वी द॑दातु नः ।।
   प्र दे॒वाः प्रोत सू॒नृता
   प्र दे॒वाः प्र उ॒त सू॒नृता
   प्र दे॒वाः प्रोत सू॒नृता

Halfverse: d    रा॒यो दे॒वी द॑दातु नः ।।
   रा॒यः दे॒वी द॑दातु नः ।।
   रा॒यो दे॒वी द॑दातु नः ।।


Verse: 3 
Halfverse: a    सोमं॒ राजा॑न॒मव॑से॒ ऽग्निं गी॒र्भिर्ह॑वामहे ।
   सोमं॒ राजा॑न॒मव॑से
   सोम॑म् राजा॑नम् अव॑से
   सोमं राजा॑नम् अव॑से

Halfverse: b    ऽग्निं गी॒र्भिर्ह॑वामहे ।
   अ॒ग्निम् गी॒र्भिः ह॑वामहे ।
   अ॒ग्निं गी॒र्भिर् हवामहे ।

Halfverse: c    आ॑दि॒त्यान्विष्णुं॒ सूर्य॑म्ब्र॒ह्माणं॑ च॒ बृह॒स्पति॑म् ।।
   आ॑दि॒त्यान्विष्णुं॒ सूर्य॑म्
   आदि॒त्यान् विष्णु॑म् सूर्य॑म्
   आदि॒त्यान् विष्णुं सूरि॑यम्

Halfverse: d    ब्र॒ह्माणं॑ च॒ बृह॒स्पति॑म् ।।
   ब्र॒ह्माण॑म् च बृह॒स्पति॑म् ।।
   ब्र॒ह्माणं च बृह॒स्पति॑म् ।।


Verse: 4 
Halfverse: a    इ॑न्द्रवा॒यू बृह॒स्पतिं॑ सु॒हवे॒ह ह॑वामहे ।
   इ॑न्द्रवा॒यू बृह॒स्पतिं
   इन्द्रवा॒यू बृह॒स्पति॑म्
   इन्द्रवा॒यू बृह॒स्पतिं

Halfverse: b    सु॒हवे॒ह ह॑वामहे ।
   सु॒हवा इ॒ह ह॑वामहे ।
   सु॒हवे॒ह ह॑वामहे ।

Halfverse: c    यथा॑ नः॒ सर्व॒ इज्जनः॒ संग॑त्यां सु॒मना॒ अस॑त् ।।
   यथा॑ नः॒ सर्व॒ इज्जनः
   यथा नः सर्वः इत् जनः
   यथा नः सर्व इज् जनः

Halfverse: d    संग॑त्यां सु॒मना॒ अस॑त् ।।
   संग॑त्याम् सु॒मनाः अस॑त् ।।
   संग॑त्यां सु॒मना अस॑त् ।।


Verse: 5 
Halfverse: a    अ॑र्य॒मण॒म्बृह॒स्पति॒मिन्द्रं॒ दाना॑य चोदय ।
   अ॑र्य॒मण॒म्बृह॒स्पति॑म्
   अर्य॒मण॑म् बृह॒स्पति॑म्
   अर्य॒मण॑म् बृह॒स्पति॑म्

Halfverse: b    इन्द्रं॒ दाना॑य चोदय ।
   इन्द्र॑म् दाना॑य चोदय ।
   इन्द्रं दाना॑य चोदय ।

Halfverse: c    वातं॒ विष्णुं॒ सर॑स्वतीं सवि॒तारं॑ च वा॒जिन॑म् ।।
   वातं॒ विष्णुं॒ सर॑स्वतीं
   वात॑म् विष्णु॑म् सर॑स्वतीम्
   वातं विष्णुं सर॑स्वतीं

Halfverse: d    सवि॒तारं॑ च वा॒जिन॑म् ।।
   स॑वि॒तार॑म् च वा॒जिन॑म् ।।
   स॑वि॒तारं च वा॒जिन॑म् ।।


Verse: 6 
Halfverse: a    त्वं नो॑ अग्ने अ॒ग्निभि॒र्ब्रह्म॑ य॒ज्ञं च॑ वर्धय ।
   त्वं नो॑ अग्ने अ॒ग्निभि॑र्
   त्वम् नः अग्ने अ॒ग्निभिः
   तु॒वं नो अग्ने अ॒ग्निभि॑र्

Halfverse: b    ब्रह्म॑ य॒ज्ञं च॑ वर्धय ।
   ब्रह्म य॒ज्ञम् च वर्धय ।
   ब्रह्म य॒ज्ञं च वर्धय ।

Halfverse: c    त्वं नो॑ दे॒वता॑तये रा॒यो दाना॑य चोदय ।।
   त्वं नो॑ दे॒वता॑तये
   त्वम् नः दे॒वता॑तये
   तु॒वं नो दे॒वता॑तये

Halfverse: d    रा॒यो दाना॑य चोदय ।।
   रा॒यः दाना॑य चोदय ।।
   रा॒यो दाना॑य चोदय ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.