TITUS
Rg-Veda: Rg-Veda-Samhita
Part No. 977
Previous part

Hymn: 140_(966) 
Verse: 1 
Halfverse: a    अग्ने॒ तव॒ श्रवो॒ वयो॒ महि॑ भ्राजन्ते अ॒र्चयो॑ विभावसो ।
   अग्ने॒ तव॒ श्रवो॒ वयो
   अग्ने तव श्रवः वयः
   अग्ने तव श्रवो वयो

Halfverse: b    महि॑ भ्राजन्ते अ॒र्चयो॑ विभावसो ।
   महि भ्राजन्ते अ॒र्चयः विभावसो ।
   महि भ्राजन्ते अ॒र्चयो विभावसो ।

Halfverse: c    बृह॑द्भानो॒ शव॑सा॒ वाज॑मु॒क्थ्यं॒ दधा॑सि दा॒शुषे॑ कवे ।।
   बृह॑द्भानो॒ शव॑सा॒ वाज॑मु॒क्थ्यं
   बृह॑द्भानो शव॑सा वाज॑म् उ॒क्थ्य॑म्
   बृह॑द्भानो शव॑सा वाज॑म् उ॒क्थियं

Halfverse: d    दधा॑सि दा॒शुषे॑ कवे ।।
   दधा॑सि दा॒शुषे कवे ।।
   दधा॑सि दा॒शुषे कवे ।।


Verse: 2 
Halfverse: a    पा॑व॒कव॑र्चाः शु॒क्रव॑र्चा॒ अनू॑नवर्चा॒ उदि॑यर्षि भा॒नुना॑ ।
   पा॑व॒कव॑र्चाः शु॒क्रव॑र्चा
   पाव॒कव॑र्चाः शु॒क्रव॑र्चाः
   पवा॒कव॑र्चाः शु॒क्रव॑र्चा

Halfverse: b    अनू॑नवर्चा॒ उदि॑यर्षि भा॒नुना॑ ।
   अनू॑नवर्चाः उत् इयर्षि भा॒नुना ।
   अनू॑नवर्चा उद् इयर्षि भा॒नुना ।

Halfverse: c    पु॒त्रो मा॒तरा॑ वि॒चर॒न्नुपा॑वसि पृ॒णक्षि॒ रोद॑सी उ॒भे ।।
   पु॒त्रो मा॒तरा॑ वि॒चर॒न्नुपा॑वसि
   पु॒त्रः मा॒तरा वि॒चर॑न् उप अवसि
   पु॒त्रो मा॒तरा वि॒चर॑न्न् उपा॑वसि

Halfverse: d    पृ॒णक्षि॒ रोद॑सी उ॒भे ।।
   पृ॒णक्षि रोद॑सी उ॒भे ।।
   पृ॒णक्षि रोद॑सी उ॒भे ।।


Verse: 3 
Halfverse: a    ऊर्जो॑ नपाज्जातवेदः सुश॒स्तिभि॒र्मन्द॑स्व धी॒तिभि॑र्हि॒तः ।
   ऊर्जो॑ नपाज्जातवेदः सुश॒स्तिभि॑र्
   ऊर्जः नपात् जातवेदः सुश॒स्तिभिः
   ऊर्जो नपाज् जातवेदः सुश॒स्तिभि॑र्

Halfverse: b    मन्द॑स्व धी॒तिभि॑र्हि॒तः ।
   मन्द॑स्व धी॒तिभिः हि॒तः ।
   मन्द॑स्व धी॒तिभि॑र् हि॒तः ।

Halfverse: c    त्वे इषः॒ सं द॑धु॒र्भूरि॑वर्पसश्चि॒त्रोत॑यो वा॒मजा॑ताः ।।
   त्वे इषः॒ सं द॑धु॒र्भूरि॑वर्पसश्
   त्वे इषः सम् दधुः भूरि॑वर्पसः
   तु॒वे इषः सं द॑धुर् भूरि॑वर्पसश्

Halfverse: d    चि॒त्रोत॑यो वा॒मजा॑ताः ।।
   चि॒त्रोत॑यः वा॒मजा॑ताः ।।
   चि॒त्रोत॑यो वा॒मजा॑ताः ।।


Verse: 4 
Halfverse: a    इ॑र॒ज्यन्न॑ग्ने प्रथयस्व ज॒न्तुभि॑र॒स्मे रायो॑ अमर्त्य ।
   इ॑र॒ज्यन्न॑ग्ने प्रथयस्व ज॒न्तुभि॑र्
   इर॒ज्यन् अग्ने प्रथयस्व ज॒न्तुभिः
   इर॒ज्यन्न् अग्ने प्रथयस्व ज॒न्तुभि॑र्

Halfverse: b    अ॒स्मे रायो॑ अमर्त्य ।
   अ॒स्मे रायः अमर्त्य ।
   अ॒स्मे रायो अमर्तिय ।

Halfverse: c    स द॑र्श॒तस्य॒ वपु॑षो॒ वि रा॑जसि पृ॒णक्षि॑ सान॒सिं क्रतु॑म् ।।
   स द॑र्श॒तस्य॒ वपु॑षो॒ वि रा॑जसि
   स द॑र्श॒तस्य वपु॑षः वि रा॑जसि
   स द॑र्श॒तस्य वपु॑षो वि रा॑जसि

Halfverse: d    पृ॒णक्षि॑ सान॒सिं क्रतु॑म् ।।
   पृ॒णक्षि सान॒सिम् क्रतु॑म् ।।
   पृ॒णक्षि सान॒सिं क्रतु॑म् ।।


Verse: 5 
Halfverse: a    इ॑ष्क॒र्तार॑मध्व॒रस्य॒ प्रचे॑तसं॒ क्षय॑न्तं॒ राध॑सो म॒हः ।
   इ॑ष्क॒र्तार॑मध्व॒रस्य॒ प्रचे॑तसं
   इष्क॒र्तार॑म् अध्व॒रस्य प्रचे॑तसम्
   इष्क॒र्तार॑म् अध्व॒रस्य प्रचे॑तसं

Halfverse: b    क्षय॑न्तं॒ राध॑सो म॒हः ।
   क्षय॑न्तम् राध॑सः म॒हः ।
   क्षय॑न्तं राध॑सो म॒हः ।

Halfverse: c    रा॒तिं वा॒मस्य॑ सु॒भगा॑म्म॒हीमिषं॒ दधा॑सि सान॒सिं र॒यिम् ।।
   रा॒तिं वा॒मस्य॑ सु॒भगा॑म्म॒हीमिषं
   रा॒तिम् वा॒मस्य सु॒भगा॑म् म॒हीम् इष॑म्
   रा॒तिं वा॒मस्य सु॒भगा॑म् म॒हीम् इषं

Halfverse: d    दधा॑सि सान॒सिं र॒यिम् ।।
   दधा॑सि सान॒सिम् र॒यिम् ।।
   दधा॑सि सान॒सिं र॒यिम् ।।


Verse: 6 
Halfverse: a    ऋ॒तावा॑नम्महि॒षं वि॒श्वद॑र्शतम॒ग्निं सु॒म्नाय॑ दधिरे पु॒रो जनाः॑ ।
   ऋ॒तावा॑नम्महि॒षं वि॒श्वद॑र्शतम्
   ऋ॒तावा॑नम् महि॒षम् वि॒श्वद॑र्शतम्
   ऋ॒तावा॑नम् महि॒षं वि॒श्वद॑र्शतम्

Halfverse: b    अ॒ग्निं सु॒म्नाय॑ दधिरे पु॒रो जनाः॑ ।
   अ॒ग्निम् सु॒म्नाय दधिरे पु॒रः जनाः ।
   अ॒ग्निं सु॒म्नाय दधिरे पु॒रो जनाः ।

Halfverse: c    श्रुत्क॑र्णं स॒प्रथ॑स्तमं त्वा गि॒रा दैव्य॒म्मानु॑षा यु॒गा ।।
   श्रुत्क॑र्णं स॒प्रथ॑स्तमं त्वा गि॒रा
   श्रुत्क॑र्णम् स॒प्रथ॑स्तमम् त्वा गि॒रा
   श्रुत्क॑र्णं स॒प्रथ॑स्तमं तुवा गि॒रा

Halfverse: d    दैव्य॒म्मानु॑षा यु॒गा ।।
   दैव्य॑म् मानु॑षा यु॒गा ।।
   दैवि॑यम् मानु॑षा यु॒गा ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.