TITUS
Rg-Veda: Rg-Veda-Samhita
Part No. 976
Previous part

Hymn: 139_(965) 
Verse: 1 
Halfverse: a    सूर्य॑रश्मि॒र्हरि॑केशः पु॒रस्ता॑त्सवि॒ता ज्योति॒रुद॑याँ॒ अज॑स्रम् ।
   सूर्य॑रश्मि॒र्हरि॑केशः पु॒रस्ता॑त्
   सूर्य॑रश्मिः हरि॑केशः पु॒रस्ता॑त्
   सूर्य॑रश्मिर् हरि॑केशः पु॒रस्ता॑त्

Halfverse: b    सवि॒ता ज्योति॒रुद॑याँ॒ अज॑स्रम् ।
   स॑वि॒ता ज्योतिः उत् अयान् अज॑स्रम् ।
   स॑वि॒ता ज्योति॑र् उद् अयाँ अज॑स्रम् ।

Halfverse: c    तस्य॑ पू॒षा प्र॑स॒वे या॑ति वि॒द्वान्स॒म्पश्य॒न्विश्वा॒ भुव॑नानि गो॒पाः ।।
   तस्य॑ पू॒षा प्र॑स॒वे या॑ति वि॒द्वान्
   तस्य पू॒षा प्र॑स॒वे या॑ति वि॒द्वान्
   तस्य पू॒षा प्र॑स॒वे या॑ति वि॒द्वान्

Halfverse: d    स॒म्पश्य॒न्विश्वा॒ भुव॑नानि गो॒पाः ।।
   स॒म्पश्य॑न् विश्वा भुव॑नानि गो॒पाः ।।
   स॒म्पश्य॑न् विश्वा भुव॑नानि गो॒पाः ।।


Verse: 2 
Halfverse: a    नृ॒चक्षा॑ ए॒ष दि॒वो मध्य॑ आस्त आपप्रि॒वान्रोद॑सी अ॒न्तरि॑क्षम् ।
   नृ॒चक्षा॑ ए॒ष दि॒वो मध्य॑ आस्त
   नृ॒चक्षाः ए॒ष दि॒वः मध्ये आस्ते
   नृ॒चक्षा ए॒ष दि॒वो मध्य आस्त

Halfverse: b    आपप्रि॒वान्रोद॑सी अ॒न्तरि॑क्षम् ।
   आ॑पप्रि॒वान् रोद॑सी अ॒न्तरि॑क्षम् ।
   आ॑पप्रि॒वान् रोद॑सी अ॒न्तरि॑क्षम् ।

Halfverse: c    स वि॒श्वाची॑र॒भि च॑ष्टे घृ॒ताची॑रन्त॒रा पूर्व॒मप॑रं च के॒तुम् ।।
   स वि॒श्वाची॑र॒भि च॑ष्टे घृ॒ताची॑र्
   स वि॒श्वाचीः अ॒भि च॑ष्टे घृ॒ताचीः
   स वि॒श्वाची॑र् अ॒भि च॑ष्टे घृ॒ताची॑र्

Halfverse: d    अन्त॒रा पूर्व॒मप॑रं च के॒तुम् ।।
   अ॑न्त॒रा पूर्व॑म् अप॑रम् च के॒तुम् ।।
   अ॑न्त॒रा पूर्व॑म् अप॑रं च के॒तुम् ।।


Verse: 3 
Halfverse: a    रा॒यो बु॒ध्नः सं॒गम॑नो॒ वसू॑नां॒ विश्वा॑ रू॒पाभि च॑ष्टे॒ शची॑भिः ।
   रा॒यो बु॒ध्नः सं॒गम॑नो॒ वसू॑नां
   रा॒यः बु॒ध्नः सं॒गम॑नः वसू॑नाम्
   रा॒यो बु॒ध्नः सं॒गम॑नो वसू॑नां

Halfverse: b    विश्वा॑ रू॒पाभि च॑ष्टे॒ शची॑भिः ।
   विश्वा रू॒पा अ॒भि च॑ष्टे शची॑भिः ।
   विश्वा रू॒पा अ॒भि च॑ष्टे शची॑भिः ।

Halfverse: c    दे॒व इ॑व सवि॒ता स॒त्यध॒र्मेन्द्रो॒ न त॑स्थौ सम॒रे धना॑नाम् ।।
   दे॒व इ॑व सवि॒ता स॒त्यध॑र्मा
   दे॒वः इ॑व सवि॒ता स॒त्यध॑र्मा
   दे॒व इ॑व सवि॒ता स॒त्यध॑र्मा

Halfverse: d     इन्द्रो॒ न त॑स्थौ सम॒रे धना॑नाम् ।।
   इन्द्रः न त॑स्थौ सम॒रे धना॑नाम् ।।
   इन्द्रो न त॑स्थौ सम॒रे धना॑नाम् ।।


Verse: 4 
Halfverse: a    वि॒श्वाव॑सुं सोम गन्ध॒र्वमापो॑ ददृ॒शुषी॒स्तदृ॒तेना॒ व्या॑यन् ।
   वि॒श्वाव॑सुं सोम गन्ध॒र्वमापो
   वि॒श्वाव॑सुम् सोम गन्ध॒र्वम् आपः
   वि॒श्वाव॑सुं सोम गन्ध॒र्वम् आपो

Halfverse: b    ददृ॒शुषी॒स्तदृ॒तेना॒ व्या॑यन् ।
   द॑दृ॒शुषीः तत् ऋ॒तेन+ वि आ॑यन् ।
   द॑दृ॒शुषी॑स् तद् ऋ॒तेना वि आ॑यन् ।

Halfverse: c    तद॒न्ववै॒दिन्द्रो॑ रारहा॒ण आ॑सा॒म्परि॒ सूर्य॑स्य परि॒धीँर॑पश्यत् ।।
   तद॒न्ववै॒दिन्द्रो॑ रारहा॒ण आ॑साम्
   तत् अ॒न्ववै॑त् इन्द्रः रारहा॒णः आ॑साम्
   तद् अ॒न्ववै॑द् इन्द्रो रारहा॒ण आ॑साम्

Halfverse: d    परि॒ सूर्य॑स्य परि॒धीँर॑पश्यत् ।।
   परि सूर्य॑स्य परि॒धीन् अपश्यत् ।।
   परि सूर्य॑स्य परि॒धीँर् अपश्यत् ।।


Verse: 5 
Halfverse: a    वि॒श्वाव॑सुर॒भि तन्नो॑ गृणातु दि॒व्यो ग॑न्ध॒र्वो रज॑सो वि॒मानः॑ ।
   वि॒श्वाव॑सुर॒भि तन्नो॑ गृणातु
   वि॒श्वाव॑सुः अ॒भि तत् नः गृणातु
   वि॒श्वाव॑सुर् अ॒भि तन् नो गृणातु

Halfverse: b    दि॒व्यो ग॑न्ध॒र्वो रज॑सो वि॒मानः॑ ।
   दि॒व्यः ग॑न्ध॒र्वः रज॑सः वि॒मानः ।
   दि॒व्यो ग॑न्ध॒र्वो रज॑सो वि॒मानः ।

Halfverse: c    यद्वा॑ घा स॒त्यमु॒त यन्न वि॒द्म धियो॑ हिन्वा॒नो धिय॒ इन्नो॑ अव्याः ।।
   यद्वा॑ घा स॒त्यमु॒त यन्न वि॒द्म
   यत् वा घ+ स॒त्यम् उ॒त यत् न वि॒द्म
   यद् वा घा स॒त्यम् उ॒त यन् न वि॒द्म

Halfverse: d    धियो॑ हिन्वा॒नो धिय॒ इन्नो॑ अव्याः ।।
   धियः हिन्वा॒नः धियः इत् नः अव्याः ।।
   धियो हिन्वा॒नो धिय इन् नो अव्याः ।।


Verse: 6 
Halfverse: a    सस्नि॑मविन्द॒च्चर॑णे न॒दीना॒मपा॑वृणो॒द्दुरो॒ अश्म॑व्रजानाम् ।
   सस्नि॑मविन्द॒च्चर॑णे न॒दीना॑म्
   सस्नि॑म् अविन्दत् चर॑णे न॒दीना॑म्
   सस्नि॑म् अविन्दच् चर॑णे न॒दीना॑म्

Halfverse: b    अपा॑वृणो॒द्दुरो॒ अश्म॑व्रजानाम् ।
   अप अवृणोत् दुरः अश्म॑व्रजानाम् ।
   अपा॑वृणोद् दुरो अश्म॑व्रजानाम् ।

Halfverse: c    प्रासां॑ गन्ध॒र्वो अ॒मृता॑नि वोच॒दिन्द्रो॒ दक्ष॒म्परि॑ जानाद॒हीना॑म् ।।
   प्रासां॑ गन्ध॒र्वो अ॒मृता॑नि वोचद्
   प्र आ॑साम् गन्ध॒र्वः अ॒मृता॑नि वोचत्
   प्रासां गन्ध॒र्वो अ॒मृता॑नि वोचद्

Halfverse: d    इन्द्रो॒ दक्ष॒म्परि॑ जानाद॒हीना॑म् ।।
   इन्द्रः दक्ष॑म् परि जानात् अ॒हीना॑म् ।।
   इन्द्रो दक्ष॑म् परि जानाद् अ॒हीना॑म् ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.