TITUS
Rg-Veda: Rg-Veda-Samhita
Part No. 975
Previous part

Hymn: 138_(964) 
Verse: 1 
Halfverse: a    तव॒ त्य इ॑न्द्र स॒ख्येषु॒ वह्न॑य ऋ॒तम्म॑न्वा॒ना व्य॑दर्दिरुर्व॒लम् ।
   तव॒ त्य इ॑न्द्र स॒ख्येषु॒ वह्न॑य
   तव त्ये इ॑न्द्र स॒ख्येषु वह्न॑यः
   तव त्य इ॑न्द्र सखि॒येषु वह्न॑य

Halfverse: b    ऋ॒तम्म॑न्वा॒ना व्य॑दर्दिरुर्व॒लम् ।
   ऋ॒तम् मन्वा॒नाः वि अ॑दर्दिरुः व॒लम् ।
   ऋ॒तम् मन्वा॒ना वि अ॑दर्दिरुर् व॒लम् ।

Halfverse: c    यत्रा॑ दश॒स्यन्नु॒षसो॑ रि॒णन्न॒पः कुत्सा॑य॒ मन्म॑न्न॒ह्य॑श्च दं॒सयः॑ ।।
   यत्रा॑ दश॒स्यन्नु॒षसो॑ रि॒णन्न॒पः
   यत्र+ दश॒स्यन् उ॒षसः रि॒णन् अ॒पः
   यत्रा दश॒स्यन्न् उ॒षसो रि॒णन्न् अ॒पः

Halfverse: d    कुत्सा॑य॒ मन्म॑न्न॒ह्य॑श्च दं॒सयः॑ ।।
   कुत्सा॑य मन्म॑न् अ॒ह्यः च दं॒सयः ।।
   कुत्सा॑य मन्म॑न्न् अ॒हिय॑श् च दं॒सयः ।।


Verse: 2 
Halfverse: a    अवा॑सृजः प्र॒स्वः॑ श्व॒ञ्चयो॑ गि॒रीनुदा॑ज उ॒स्रा अपि॑बो॒ मधु॑ प्रि॒यम् ।
   अवा॑सृजः प्र॒स्वः॑ श्व॒ञ्चयो॑ गि॒रीन्
   अव असृजः प्र॒स्वः श्व॒ञ्चयः गि॒रीन्
   अवा॑सृजः प्र॒सुवः श्व॒ञ्चयो गि॒रीन्

Halfverse: b    उदा॑ज उ॒ स्राअपि॑बो॒ मधु॑ प्रि॒यम् ।
   उत् आजः उ॒स्राः अपि॑बः मधु प्रि॒यम् ।
   उद् आज उ॒स्रा अपि॑बो मधु प्रि॒यम् ।

Halfverse: c    अव॑र्धयो व॒निनो॑ अस्य॒ दंस॑सा शु॒शोच॒ सूर्य॑ ऋ॒तजा॑तया गि॒रा ।।
   अव॑र्धयो व॒निनो॑ अस्य॒ दंस॑सा
   अव॑र्धयः व॒निनः अस्य दंस॑सा
   अव॑र्धयो व॒निनो अस्य दंस॑सा

Halfverse: d    शु॒शोच॒ सूर्य॑ ऋ॒तजा॑तया गि॒रा ।।
   शु॒शोच सूर्यः ऋ॒तजा॑तया गि॒रा ।।
   शु॒शोच सूर्य ऋ॒तजा॑तया गि॒रा ।।


Verse: 3 
Halfverse: a    वि सूर्यो॒ मध्ये॑ अमुच॒द्रथं॑ दि॒वो वि॒दद्दा॒साय॑ प्रति॒मान॒मार्यः॑ ।
   वि सूर्यो॒ मध्ये॑ अमुच॒द्रथं॑ दि॒वो
   वि सूर्यः मध्ये अमुचत् रथ॑म् दि॒वः
   वि सूर्यो मध्ये अमुचद् रथं दि॒वो

Halfverse: b    वि॒दद्दा॒साय॑ प्रति॒मान॒मार्यः॑ ।
   वि॒दत् दा॒साय प्रति॒मान॑म् आर्यः ।
   वि॒दद् दा॒साय प्रति॒मान॑म् आरि॑यः ।

Halfverse: c    दृ॒ऴानि॒ पिप्रो॒रसु॑रस्य मा॒यिन॒ इन्द्रो॒ व्या॑स्यच्चकृ॒वाँ ऋ॒जिश्व॑ना ।।
   दृ॒ऴानि॒ पिप्रो॒रसु॑रस्य मा॒यिन
   दृ॒ऴानि पिप्रोः असु॑रस्य मा॒यिनः
   दृ॒ऴानि पिप्रो॑र् असु॑रस्य मा॒यिन

Halfverse: d    इन्द्रो॒ व्या॑स्यच्चकृ॒वाँ ऋ॒जिश्व॑ना ।।
   इन्द्रः वि आ॑स्यत् चकृ॒वान् ऋ॒जिश्व॑ना ।।
   इन्द्रो वि आ॑स्यच् चकृ॒वाँ ऋ॒जिश्व॑ना ।।


Verse: 4 
Halfverse: a    अना॑धृष्टानि धृषि॒तो व्या॑स्यन्नि॒धीँरदे॑वाँ अमृणद॒यास्यः॑ ।
   अना॑धृष्टानि धृषि॒तो व्या॑स्यन्
   अना॑धृष्टानि धृषि॒तः वि आ॑स्यत्
   अना॑धृष्टानि धृषि॒तो वि आ॑सियन्

Halfverse: b    नि॒धीँरदे॑वाँ अमृणद॒यास्यः॑ ।
   नि॒धीन् अदे॑वान् अमृणत् अ॒यास्यः ।
   नि॒धीँर् अदे॑वाँ अमृणद् अ॒यासि॑यः ।

Halfverse: c    मा॒सेव॒ सूर्यो॒ वसु॒ पुर्य॒मा द॑दे गृणा॒नः शत्रूँ॑रशृणाद्वि॒रुक्म॑ता ।।
   मा॒सेव॒ सूर्यो॒ वसु॒ पुर्य॒मा द॑दे
   मा॒सा इ॑व सूर्यः वसु पुर्य॑म् आ द॑दे
   मा॒सेव सूर्यो वसु पुर्य॑म् आ द॑दे

Halfverse: d    गृणा॒नः शत्रूँ॑रशृणाद्वि॒रुक्म॑ता ।।
   गृ॑णा॒नः शत्रू॑न् अशृणात् वि॒रुक्म॑ता ।।
   गृ॑णा॒नः शत्रूँ॑र् अशृणाद् वि॒रुक्म॑ता ।।


Verse: 5 
Halfverse: a    अयु॑द्धसेनो वि॒भ्वा॑ विभिन्द॒ता दाश॑द्वृत्र॒हा तुज्या॑नि तेजते ।
   अयु॑द्धसेनो वि॒भ्वा॑ विभिन्द॒ता
   अयु॑द्धसेनः वि॒भ्वा विभिन्द॒ता
   अयु॑द्धसेनो वि॒भुवा विभिन्द॒ता

Halfverse: b    दाश॑द्वृत्र॒हा तुज्या॑नि तेजते ।
   दाश॑त् वृत्र॒हा तुज्या॑नि तेजते ।
   दाश॑द् वृत्र॒हा तुजि॑यानि तेजते ।

Halfverse: c    इन्द्र॑स्य॒ वज्रा॑दबिभेदभि॒श्नथः॒ प्राक्रा॑मच्छु॒न्ध्यूरज॑हादु॒षा अनः॑ ।।
   इन्द्र॑स्य॒ वज्रा॑दबिभेदभि॒श्नथः
   इन्द्र॑स्य वज्रा॑त् अबिभेत् अभि॒श्नथः
   इन्द्र॑स्य वज्रा॑द् अबिभेद् अभि॒श्नथः

Halfverse: d    प्राक्रा॑मच्छु॒न्ध्यूरज॑हादु॒षा अनः॑ ।।
   प्र अ॑क्रामत् शु॒न्ध्युः अज॑हात् उ॒षाः अनः ।।
   प्राक्रा॑मच् छु॒न्ध्यूर् अज॑हाद् उ॒षा अनः ।।


Verse: 6 
Halfverse: a    ए॒ता त्या ते॒ श्रुत्या॑नि॒ केव॑ला॒ यदेक॒ एक॒मकृ॑णोरय॒ज्ञम् ।
   ए॒ता त्या ते॒ श्रुत्या॑नि॒ केव॑ला
   ए॒ता त्या ते श्रुत्या॑नि केव॑ला
   ए॒ता ति॒या ते श्रुति॑यानि केव॑ला

Halfverse: b    यदेक॒ एक॒मकृ॑णोरय॒ज्ञम् ।
   यत् एकः एक॑म् अकृ॑णोः अय॒ज्ञम् ।
   यद् एक एक॑म् अकृ॑णोर् अय॒ज्ञम् ।

Halfverse: c    मा॒सां वि॒धान॑मदधा॒ अधि॒ द्यवि॒ त्वया॒ विभि॑न्नम्भरति प्र॒धिम्पि॒ता ।।
   मा॒सां वि॒धान॑मदधा॒ अधि॒ द्यवि
   मा॒साम् वि॒धान॑म् अदधाः अधि द्यवि
   मा॒सां वि॒धान॑म् अदधा अधि द्यवि

Halfverse: d    त्वया॒ विभि॑न्नम्भरति प्र॒धिम्पि॒ता ।।
   त्वया विभि॑न्नम् भरति प्र॒धिम् पि॒ता ।।
   त्वया विभि॑न्नम् भरति प्र॒धिम् पि॒ता ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.