TITUS
Rg-Veda: Rg-Veda-Samhita
Part No. 968
Previous part

Hymn: 131_(957) 
Verse: 1 
Halfverse: a    अप॒ प्राच॑ इन्द्र॒ विश्वाँ॑ अ॒मित्रा॒नपापा॑चो अभिभूते नुदस्व ।
   अप॒ प्राच॑ इन्द्र॒ विश्वाँ॑ अ॒मित्रा॑न्
   अप प्राचः इन्द्र विश्वा॑न् अ॒मित्रा॑न्
   अप प्राच इन्द्र विश्वाँ अ॒मित्रा॑न्

Halfverse: b    अपापा॑चो अभिभूते नुदस्व ।
   अप अपा॑चः अभिभूते नुदस्व ।
   अपापा॑चो अभिभूते नुदस्व ।

Halfverse: c    अपोदी॑चो॒ अप॑ शूराध॒राच॑ उ॒रौ यथा॒ तव॒ शर्म॒न्मदे॑म ।।
   अपोदी॑चो॒ अप॑ शूराध॒राच
   अप उदी॑चः अप शूर अध॒राचः
   अपोदी॑चो अप शूराध॒राच

Halfverse: d    उ॒रौ यथा॒ तव॒ शर्म॒न्मदे॑म ।।
   उ॒रौ यथा तव शर्म॑न् मदे॑म ।।
   उ॒रौ यथा तव शर्म॑न् मदे॑म ।।


Verse: 2 
Halfverse: a    कु॒विद॒ङ्ग यव॑मन्तो॒ यवं॑ चि॒द्यथा॒ दान्त्य॑नुपू॒र्वं वि॒यूय॑ ।
   कु॒विद॒ङ्ग यव॑मन्तो॒ यवं॑ चिद्
   कु॒वित् अ॒ङ्ग यव॑मन्तः यव॑म् चित्
   कु॒विद् अ॒ङ्ग यव॑मन्तो यवं चिद्

Halfverse: b    यथा॒ दान्त्य॑नुपू॒र्वं वि॒यूय॑ ।
   यथा दान्ति अनुपू॒र्वम् वि॒यूय ।
   यथा दान्ति अनुपू॒र्वं वि॒यूय ।

Halfverse: c    इ॒हेहै॑षां कृणुहि॒ भोज॑नानि॒ ये ब॒र्हिषो॒ नमो॑वृक्तिं॒ न ज॒ग्मुः ।।
   इ॒हेहै॑षां कृणुहि॒ भोज॑नानि
   इ॒हेह एषाम् कृणुहि भोज॑नानि
   इ॒हेहै॑षां कृणुहि भोज॑नानि

Halfverse: d    ये ब॒र्हिषो॒ नमो॑वृक्तिं॒ न ज॒ग्मुः ।।
   ये ब॒र्हिषः नमो॑वृक्तिम् न ज॒ग्मुः ।।
   ये ब॒र्हिषो नमो॑वृक्तिं न ज॒ग्मुः ।।


Verse: 3 
Halfverse: a    न॒हि स्थूर्यृ॑तु॒था या॒तमस्ति॒ नोत श्रवो॑ विविदे संग॒मेषु॑ ।
   न॒हि स्थूर्यृ॑तु॒था या॒तमस्ति
   न॒हि स्थूरि ऋतु॒था या॒तम् अस्ति
   न॒हि स्थूरि ऋतु॒था या॒तम् अस्ति

Halfverse: b    नोत श्रवो॑ विविदे संग॒मेषु॑ ।
   न उ॒त श्रवः विविदे संग॒मेषु ।
   नोत श्रवो विविदे संग॒मेषु ।

Halfverse: c    ग॒व्यन्त॒ इन्द्रं॑ स॒ख्याय॒ विप्रा॑ अश्वा॒यन्तो॒ वृष॑णं वा॒जय॑न्तः ।।
   ग॒व्यन्त॒ इन्द्रं॑ स॒ख्याय॒ विप्रा
   ग॒व्यन्तः इन्द्र॑म् स॒ख्याय विप्राः
   ग॒व्यन्त इन्द्रं सखि॒याय विप्रा

Halfverse: d    अश्वा॒यन्तो॒ वृष॑णं वा॒जय॑न्तः ।।
   अ॑श्वा॒यन्तः वृष॑णम् वा॒जय॑न्तः ।।
   अ॑श्वा॒यन्तो वृष॑णं वा॒जय॑न्तः ।।


Verse: 4 
Halfverse: a    यु॒वं सु॒राम॑मश्विना॒ नमु॑चावासु॒रे सचा॑ ।
   यु॒वं सु॒राम॑मश्विना
   यु॒वम् सु॒राम॑म् अश्विना
   यु॒वं सु॒राम॑म् अश्विना

Halfverse: b    नमु॑चावासु॒रे सचा॑ ।
   नमु॑चौ आसु॒रे सचा ।
   नमु॑चाव् आसु॒रे सचा ।

Halfverse: c    वि॑पिपा॒ना शु॑भस्पती॒ इन्द्रं॒ कर्म॑स्वावतम् ।।
   वि॑पिपा॒ना शु॑भस्पती
   विपिपा॒ना शु॑भः पती
   विपिपा॒ना शु॑भस् पती

Halfverse: d    इन्द्रं॒ कर्म॑स्वावतम् ।।
   इन्द्र॑म् कर्म॑सु आवतम् ।।
   इन्द्रं कर्म॑सु आवतम् ।।


Verse: 5 
Halfverse: a    पु॒त्रमि॑व पि॒तरा॑व॒श्विनो॒भेन्द्रा॒वथुः॒ काव्यै॑र्दं॒सना॑भिः ।
   पु॒त्रमि॑व पि॒तरा॑व॒श्विनो॒भा
   पु॒त्रम् इव पि॒तरौ अ॒श्विना उ॒भा
   पु॒त्रम् इव पि॒तरा॑व् अ॒श्विनो॑भा

Halfverse: b     इन्द्रा॒वथुः॒ काव्यै॑र्दं॒सना॑भिः ।
   इन्द्र आ॒वथुः काव्यैः दं॒सना॑भिः ।
   इन्द्रा॒वथुः कावि॑यैर् दं॒सना॑भिः ।

Halfverse: c    यत्सु॒रामं॒ व्यपि॑बः॒ शची॑भिः॒ सर॑स्वती त्वा मघवन्नभिष्णक् ।।
   यत्सु॒रामं॒ व्यपि॑बः॒ शची॑भिः
   यत् सु॒राम॑म् वि अपि॑बः शची॑भिः
   यत् सु॒रामं वि अपि॑बः शची॑भिः

Halfverse: d    सर॑स्वती त्वा मघवन्नभिष्णक् ।।
   सर॑स्वती त्वा मघवन् अभिष्णक् ।।
   सर॑स्वती त्वा मघवन्न् अभिष्णक् ।।


Verse: 6 
Halfverse: a    इन्द्रः॑ सु॒त्रामा॒ स्ववाँ॒ अवो॑भिः सुमृळी॒को भ॑वतु वि॒श्ववे॑दाः ।
   इन्द्रः॑ सु॒त्रामा॒ स्ववाँ॒ अवो॑भिः
   इन्द्रः सु॒त्रामा स्ववा॑न् अवो॑भिः
   इन्द्रः सु॒त्रामा सुअवाँ अवो॑भिः

Halfverse: b    सुमृळी॒को भ॑वतु वि॒श्ववे॑दाः ।
   सु॑मृळी॒कः भ॑वतु वि॒श्ववे॑दाः ।
   सु॑मृळी॒को भ॑वतु वि॒श्ववे॑दाः ।

Halfverse: c    बाध॑तां॒ द्वेषो॒ अभ॑यं कृणोतु सु॒वीर्य॑स्य॒ पत॑यः स्याम ।।
   बाध॑तां॒ द्वेषो॒ अभ॑यं कृणोतु
   बाध॑ताम् द्वेषः अभ॑यम् कृणोतु
   बाध॑तां द्वेषो अभ॑यं कृणोतु

Halfverse: d    सु॒वीर्य॑स्य॒ पत॑यः स्याम ।।
   सु॒वीर्य॑स्य पत॑यः स्याम ।।
   सु॒वीरि॑यस्य पत॑यः सियाम ।।


Verse: 7 
Halfverse: a    तस्य॑ व॒यं सु॑म॒तौ य॒ज्ञिय॒स्यापि॑ भ॒द्रे सौ॑मन॒से स्या॑म ।
   तस्य॑ व॒यं सु॑म॒तौ य॒ज्ञिय॑स्य
   तस्य व॒यम् सुम॒तौ य॒ज्ञिय॑स्य
   तस्य व॒यं सु॑म॒तौ य॒ज्ञिय॑स्य

Halfverse: b     अपि॑ भ॒द्रे सौ॑मन॒से स्या॑म ।
   अपि भ॒द्रे सौ॑मन॒से स्या॑म ।
   अपि भ॒द्रे सौ॑मन॒से सि॑याम ।

Halfverse: c    स सु॒त्रामा॒ स्ववाँ॒ इन्द्रो॑ अ॒स्मे आ॒राच्चि॒द्द्वेषः॑ सनु॒तर्यु॑योतु ।।
   स सु॒त्रामा॒ स्ववाँ॒ इन्द्रो॑ अ॒स्मे
   स सु॒त्रामा स्ववा॑न् इन्द्रः अ॒स्मे
   स सु॒त्रामा सुअवाँ इन्द्रो अ॒स्मे

Halfverse: d    आ॒राच्चि॒द्द्वेषः॑ सनु॒तर्यु॑योतु ।।
   आ॒रात् चित् द्वेषः सनु॒तर् युयोतु ।।
   आ॒राच् चिद् द्वेषः सनु॒तर् युयोतु ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.