TITUS
Rg-Veda: Rg-Veda-Samhita
Part No. 962
Previous part

Hymn: 125_(951) 
Verse: 1 
Halfverse: a    अ॒हं रु॒द्रेभि॒र्वसु॑भिश्चराम्य॒हमा॑दि॒त्यैरु॒त वि॒श्वदे॑वैः ।
   अ॒हं रु॒द्रेभि॒र्वसु॑भिश्चराम्य्
   अ॒हम् रु॒द्रेभिः वसु॑भिः चरामि
   अ॒हं रु॒द्रेभि॑र् वसु॑भिश् चरामि

Halfverse: b    अ॒हमा॑दि॒त्यैरु॒त वि॒श्वदे॑वैः ।
   अ॒हम् आदि॒त्यैः उ॒त वि॒श्वदे॑वैः ।
   अ॒हम् आदि॒त्यैर् उ॒त वि॒श्वदे॑वैः ।

Halfverse: c    अ॒हम्मि॒त्रावरु॑णो॒भा बि॑भर्म्य॒हमि॑न्द्रा॒ग्नी अ॒हम॒श्विनो॒भा ।।
   अ॒हम्मि॒त्रावरु॑णो॒भा बि॑भर्म्य्
   अ॒हम् मि॒त्रावरु॑णा उ॒भा बि॑भर्मि
   अ॒हम् मि॒त्रावरु॑णो॒भा बि॑भर्मि

Halfverse: d    अ॒हमि॑न्द्रा॒ग्नी अ॒हम॒श्विनो॒भा ।।
   अ॒हम् इन्द्रा॒ग्नी अ॒हम् अ॒श्विना उ॒भा ।।
   अ॒हम् इन्द्रा॒ग्नी अ॒हम् अ॒श्विनो॒भा ।।


Verse: 2 
Halfverse: a    अ॒हं सोम॑माह॒नस॑म्बिभर्म्य॒हं त्वष्टा॑रमु॒त पू॒षण॒म्भग॑म् ।
   अ॒हं सोम॑माह॒नस॑म्बिभर्म्य्
   अ॒हम् सोम॑म् आह॒नस॑म् बिभर्मि
   अ॒हं सोम॑म् आह॒नस॑म् बिभर्मि

Halfverse: b    अ॒हं त्वष्टा॑रमु॒त पू॒षण॒म्भग॑म् ।
   अ॒हम् त्वष्टा॑रम् उ॒त पू॒षण॑म् भग॑म् ।
   अ॒हं त्वष्टा॑रम् उ॒त पू॒षण॑म् भग॑म् ।

Halfverse: c    अ॒हं द॑धामि॒ द्रवि॑णं ह॒विष्म॑ते सुप्रा॒व्ये॒ यज॑मानाय सुन्व॒ते ।।
   अ॒हं द॑धामि॒ द्रवि॑णं ह॒विष्म॑ते
   अ॒हम् दधामि द्रवि॑णम् ह॒विष्म॑ते
   अ॒हं द॑धामि द्रवि॑णं ह॒विष्म॑ते

Halfverse: d    सुप्रा॒व्ये॒ यज॑मानाय सुन्व॒ते ।।
   सु॑प्रा॒व्ये यज॑मानाय सुन्व॒ते ।।
   सु॑प्रा॒विये यज॑मानाय सुन्व॒ते ।।


Verse: 3 
Halfverse: a    अ॒हं राष्ट्री॑ सं॒गम॑नी॒ वसू॑नां चिकि॒तुषी॑ प्रथ॒मा य॒ज्ञिया॑नाम् ।
   अ॒हं राष्ट्री॑ सं॒गम॑नी॒ वसू॑नां
   अ॒हम् राष्ट्री सं॒गम॑नी वसू॑नाम्
   अ॒हं राष्ट्री सं॒गम॑नी वसू॑नां

Halfverse: b    चिकि॒तुषी॑ प्रथ॒मा य॒ज्ञिया॑नाम् ।
   चि॑कि॒तुषी प्रथ॒मा य॒ज्ञिया॑नाम् ।
   चि॑कि॒तुषी प्रथ॒मा य॒ज्ञिया॑नाम् ।

Halfverse: c    ताम्मा॑ दे॒वा व्य॑दधुः पुरु॒त्रा भूरि॑स्थात्राम् ।!। भूर्या॑वे॒शय॑न्तीम् ।।
   ताम्मा॑ दे॒वा व्य॑दधुः पुरु॒त्रा
   ताम् मा दे॒वाः वि अ॑दधुः पुरु॒त्रा
   ताम् मा दे॒वा वि अ॑दधुः पुरु॒त्रा

Halfverse: d    भूरि॑स्थात्रा॒म्भूर्या॑वे॒शय॑न्तीम् ।।
   भूरि॑स्थात्राम् भूरि आवे॒शय॑न्तीम् ।।
   भूरि॑स्थात्राम् भूरि आवे॒शय॑न्तीम् ।।


Verse: 4 
Halfverse: a    मया॒ सो अन्न॑मत्ति॒ यो वि॒पश्य॑ति॒ यः प्राणि॑ति॒ य ईं॑ शृ॒णोत्यु॒क्तम् ।
   मया॒ सो अन्न॑मत्ति॒ यो वि॒पश्य॑ति
   मया सः ।!। अन्न॑म् अत्ति यः वि॒पश्य॑ति
   मया सो अन्न॑म् अत्ति यो वि॒पश्य॑ति

Halfverse: b    यः प्राणि॑ति॒ य ईं॑ शृ॒णोत्यु॒क्तम् ।
   यः प्राणि॑ति यः ई॑म् शृ॒णोति उ॒क्तम् ।
   यः प्राणि॑ति य ईं शृ॒णोति उ॒क्तम् ।

Halfverse: c    अ॑म॒न्तवो॒ मां त उप॑ क्षियन्ति श्रु॒धि श्रु॑त श्रद्धि॒वं ते॑ वदामि ।।
   अ॑म॒न्तवो॒ मां त उप॑ क्षियन्ति
   अम॒न्तवः माम् ते उप क्षियन्ति
   अम॒न्तवो मां त उप क्षियन्ति

Halfverse: d    श्रु॒धि श्रु॑त श्रद्धि॒वं ते॑ वदामि ।।
   श्रु॒धि श्रु॑त श्रद्धि॒वम् ते वदामि ।।
   श्रु॒धि श्रु॑त श्रद्धि॒वं ते वदामि ।।


Verse: 5 
Halfverse: a    अ॒हमे॒व स्व॒यमि॒दं व॑दामि॒ जुष्टं॑ दे॒वेभि॑रु॒त मानु॑षेभिः ।
   अ॒हमे॒व स्व॒यमि॒दं व॑दामि
   अ॒हम् ए॒व स्व॒यम् इ॒दम् वदामि
   अ॒हम् ए॒व स्व॒यम् इ॒दं व॑दामि

Halfverse: b    जुष्टं॑ दे॒वेभि॑रु॒त मानु॑षेभिः ।
   जुष्ट॑म् दे॒वेभिः उ॒त मानु॑षेभिः ।
   जुष्टं दे॒वेभि॑र् उ॒त मानु॑षेभिः ।

Halfverse: c    यं का॒मये॒ तंत॑मु॒ग्रं कृ॑णोमि॒ तम्ब्र॒ह्माणं॒ तमृषिं॒ तं सु॑मे॒धाम् ।।
   यं का॒मये॒ तंत॑मु॒ग्रं कृ॑णोमि
   यम् का॒मये तंत॑म् उ॒ग्रम् कृणोमि
   यं का॒मये तंत॑म् उ॒ग्रं कृ॑णोमि

Halfverse: d    तम्ब्र॒ह्माणं॒ तमृषिं॒ तं सु॑मे॒धाम् ।।
   तम् ब्र॒ह्माण॑म् तम् ऋषि॑म् तम् सुमे॒धाम् ।।
   तम् ब्र॒ह्माणं तम् ऋषिं तं सु॑मे॒धाम् ।।


Verse: 6 
Halfverse: a    अ॒हं रु॒द्राय॒ धनु॒रा त॑नोमि ब्रह्म॒द्विषे॒ शर॑वे॒ हन्त॒वा उ॑ ।
   अ॒हं रु॒द्राय॒ धनु॒रा त॑नोमि
   अ॒हम् रु॒द्राय धनुः आ त॑नोमि
   अ॒हं रु॒द्राय धनु॑र् आ त॑नोमि

Halfverse: b    ब्रह्म॒द्विषे॒ शर॑वे॒ हन्त॒वा उ॑ ।
   ब्र॑ह्म॒द्विषे शर॑वे हन्त॒वै उ ।
   ब्र॑ह्म॒द्विषे शर॑वे हन्त॒वा उ ।

Halfverse: c    अ॒हं जना॑य स॒मदं॑ कृणोम्य॒हं द्यावा॑पृथि॒वी आ वि॑वेश ।।
   अ॒हं जना॑य स॒मदं॑ कृणोम्य्
   अ॒हम् जना॑य स॒मद॑म् कृणोमि
   अ॒हं जना॑य स॒मदं कृणोमि

Halfverse: d    अ॒हं द्यावा॑पृथि॒वी आ वि॑वेश ।।
   अ॒हम् द्यावा॑पृथि॒वी आ वि॑वेश ।।
   अ॒हं द्यावा॑पृथि॒वी आ वि॑वेश ।।


Verse: 7 
Halfverse: a    अ॒हं सु॑वे पि॒तर॑मस्य मू॒र्धन्मम॒ योनि॑र॒प्स्व॒न्तः स॑मु॒द्रे ।
   अ॒हं सु॑वे पि॒तर॑मस्य मू॒र्धन्
   अ॒हम् सुवे पि॒तर॑म् अस्य मू॒र्धन्
   अ॒हं सु॑वे पि॒तर॑म् अस्य मू॒र्धन्

Halfverse: b    मम॒ योनि॑र॒प्स्व॒न्तः स॑मु॒द्रे ।
   मम योनिः अ॒प्सु अ॒न्तर् समु॒द्रे ।
   मम योनि॑र् अ॒प्सु अ॒न्तः स॑मु॒द्रे ।

Halfverse: c    ततो॒ वि ति॑ष्ठे॒ भुव॒नानु॒ विश्वो॒तामूं द्यां व॒र्ष्मणोप॑ स्पृशामि ।।
   ततो॒ वि ति॑ष्ठे॒ भुव॒नानु॒ विश्वा
   ततः वि ति॑ष्ठे भुव॑ना अनु विश्वा
   ततो वि ति॑ष्ठे भुव॒नानु विश्वा

Halfverse: d     ॑उ॒तामूं द्यां व॒र्ष्मणोप॑ स्पृशामि ।।
   उ॒त अ॒मूम् द्याम् व॒र्ष्मणा उप स्पृशामि ।।
   उ॒तामूं द्यां व॒र्ष्मणोप स्पृशामि ।।


Verse: 8 
Halfverse: a    अ॒हमे॒व वात॑ इव॒ प्र वा॑म्या॒रभ॑माणा॒ भुव॑नानि॒ विश्वा॑ ।
   अ॒हमे॒व वात॑ इव॒ प्र वा॑म्य्
   अ॒हम् ए॒व वातः इव प्र वा॑मि
   अ॒हम् ए॒व वात इव प्र वा॑मि

Halfverse: b    आ॒रभ॑माणा॒ भुव॑नानि॒ विश्वा॑ ।
   आ॒रभ॑माणा भुव॑नानि विश्वा ।
   आ॒रभ॑माणा भुव॑नानि विश्वा ।

Halfverse: c    प॒रो दि॒वा प॒र ए॒ना पृ॑थि॒व्यैताव॑ती महि॒ना सम्ब॑भूव ।।
   प॒रो दि॒वा प॒र ए॒ना पृ॑थि॒व्या
   प॒रः दि॒वा प॒रः ए॒ना पृ॑थि॒व्या
   प॒रो दि॒वा प॒र ए॒ना पृ॑थि॒व्या

Halfverse: d     ए॒ताव॑ती महि॒ना सम्ब॑भूव ।।
   ए॒ताव॑ती महि॒ना सम् बभूव ।।
   ए॒ताव॑ती महि॒ना सम् बभूव ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.