TITUS
Rg-Veda: Rg-Veda-Samhita
Part No. 953
Previous part

Hymn: 116_(942) 
Verse: 1 
Halfverse: a    पिबा॒ सोम॑म्मह॒त इ॑न्द्रि॒याय॒ पिबा॑ वृ॒त्राय॒ हन्त॑वे शविष्ठ ।
   पिबा॒ सोम॑म्मह॒त इ॑न्द्रि॒याय
   पिब+ सोम॑म् मह॒ते इ॑न्द्रि॒याय
   पिबा सोम॑म् मह॒त इ॑न्द्रि॒याय

Halfverse: b    पिबा॑ वृ॒त्राय॒ हन्त॑वे शविष्ठ ।
   पिब+ वृ॒त्राय हन्त॑वे शविष्ठ ।
   पिबा वृ॒त्राय हन्त॑वे शविष्ठ ।

Halfverse: c    पिब॑ रा॒ये शव॑से हू॒यमा॑नः॒ पिब॒ मध्व॑स्तृ॒पदि॒न्द्रा वृ॑षस्व ।।
   पिब॑ रा॒ये शव॑से हू॒यमा॑नः
   पिब रा॒ये शव॑से हू॒यमा॑नः
   पिब रा॒ये शव॑से हू॒यमा॑नः

Halfverse: d    पिब॒ मध्व॑स्तृ॒पदि॒न्द्रा वृ॑षस्व ।।
   पिब मध्वः तृ॒पत् इन्द्र आ वृ॑षस्व ।।
   पिब मध्व॑स् तृ॒पद् इ॒न्द्रा वृ॑षस्व ।।


Verse: 2 
Halfverse: a    अ॒स्य पि॑ब क्षु॒मतः॒ प्रस्थि॑त॒स्येन्द्र॒ सोम॑स्य॒ वर॒मा सु॒तस्य॑ ।
   अ॒स्य पि॑ब क्षु॒मतः॒ प्रस्थि॑तस्य
   अ॒स्य पि॑ब क्षु॒मतः प्रस्थि॑तस्य
   अ॒स्य पि॑ब क्षु॒मतः प्रस्थि॑तस्य

Halfverse: b     इन्द्र॒ सोम॑स्य॒ वर॒मा सु॒तस्य॑ ।
   इन्द्र सोम॑स्य वर॑म् आ सु॒तस्य ।
   इन्द्र सोम॑स्य वर॑म् आ सु॒तस्य ।

Halfverse: c    स्व॑स्ति॒दा मन॑सा मादयस्वार्वाची॒नो रे॒वते॒ सौभ॑गाय ।।
   स्व॑स्ति॒दा मन॑सा मादयस्व
   स्वस्ति॒दाः मन॑सा मादयस्व
   सुअस्ति॒दा मन॑सा मादयस्व

Halfverse: d     अर्वाची॒नो रे॒वते॒ सौभ॑गाय ।।
   अ॑र्वाची॒नः रे॒वते सौभ॑गाय ।।
   अ॑र्वाची॒नो रे॒वते सौभ॑गाय ।।


Verse: 3 
Halfverse: a    म॒मत्तु॑ त्वा दि॒व्यः सोम॑ इन्द्र म॒मत्तु॒ यः सू॒यते॒ पार्थि॑वेषु ।
   म॒मत्तु॑ त्वा दि॒व्यः सोम॑ इन्द्र
   म॒मत्तु त्वा दि॒व्यः सोमः इन्द्र
   म॒मत्तु त्वा दिवि॒यः सोम इन्द्र

Halfverse: b    म॒मत्तु॒ यः सू॒यते॒ पार्थि॑वेषु ।
   म॒मत्तु यः सू॒यते पार्थि॑वेषु ।
   म॒मत्तु यः सू॒यते पार्थि॑वेषु ।

Halfverse: c    म॒मत्तु॒ येन॒ वरि॑वश्च॒कर्थ॑ म॒मत्तु॒ येन॑ निरि॒णासि॒ शत्रू॑न् ।।
   म॒मत्तु॒ येन॒ वरि॑वश्च॒कर्थ
   म॒मत्तु येन वरि॑वः च॒कर्थ
   म॒मत्तु येन वरि॑वश् च॒कर्थ

Halfverse: d    म॒मत्तु॒ येन॑ निरि॒णासि॒ शत्रू॑न् ।।
   म॒मत्तु येन निरि॒णासि शत्रू॑न् ।।
   म॒मत्तु येन निरि॒णासि शत्रू॑न् ।।


Verse: 4 
Halfverse: a    आ द्वि॒बर्हा॑ अमि॒नो या॒त्विन्द्रो॒ वृषा॒ हरि॑भ्या॒म्परि॑षिक्त॒मन्धः॑ ।
   आ द्वि॒बर्हा॑ अमि॒नो या॒त्विन्द्रो
   आ द्वि॒बर्हाः अमि॒नः या॑तु इन्द्रः
   आ द्वि॒बर्हा अमि॒नो या॑तु इन्द्रो

Halfverse: b    वृषा॒ हरि॑भ्या॒म्परि॑षिक्त॒मन्धः॑ ।
   वृषा हरि॑भ्याम् परि॑षिक्तम् अन्धः ।
   वृषा हरि॑भ्याम् परि॑षिक्तम् अन्धः ।

Halfverse: c    गव्या सु॒तस्य॒ प्रभृ॑तस्य॒ मध्वः॑ स॒त्रा खेदा॑मरुश॒हा वृ॑षस्व ।।
   गव्या सु॒तस्य॒ प्रभृ॑तस्य॒ मध्वः
   गवि आ सु॒तस्य प्रभृ॑तस्य मध्वः
   गव्य् आ सु॒तस्य प्रभृ॑तस्य मध्वः

Halfverse: d    स॒त्रा खेदा॑मरुश॒हा वृ॑षस्व ।।
   स॒त्रा खेदा॑म् अरुश॒हा आ वृ॑षस्व ।।
   स॒त्रा खेदा॑म् अरुश॒हा वृ॑षस्व ।।


Verse: 5 
Halfverse: a    नि ति॒ग्मानि॑ भ्रा॒शय॒न्भ्राश्या॒न्यव॑ स्थि॒रा त॑नुहि यातु॒जूना॑म् ।
   नि ति॒ग्मानि॑ भ्रा॒शय॒न्भ्राश्या॑न्य्
   नि ति॒ग्मानि भ्रा॒शय॑न् भ्राश्या॑नि
   नि ति॒ग्मानि भ्रा॒शय॑न् भ्राशि॑यानि

Halfverse: b    अव॑ स्थि॒रा त॑नुहि यातु॒जूना॑म् ।
   अव स्थि॒रा त॑नुहि यातु॒जूना॑म् ।
   अव स्थि॒रा त॑नुहि यातु॒जूना॑म् ।

Halfverse: c    उ॒ग्राय॑ ते॒ सहो॒ बलं॑ ददामि प्र॒तीत्या॒ शत्रू॑न्विग॒देषु॑ वृश्च ।।
   उ॒ग्राय॑ ते॒ सहो॒ बलं॑ ददामि
   उ॒ग्राय ते सहः बल॑म् ददामि
   उ॒ग्राय ते सहो बलं ददामि

Halfverse: d    प्र॒तीत्या॒ शत्रू॑न्विग॒देषु॑ वृश्च ।।
   प्र॒तीत्य+ शत्रू॑न् विग॒देषु वृश्च ।।
   प्र॒तीत्या शत्रू॑न् विग॒देषु वृश्च ।।


Verse: 6 
Halfverse: a    व्य॒र्य इ॑न्द्र तनुहि॒ श्रवां॒स्योज॑ स्थि॒रेव॒ धन्व॑नो॒ ऽभिमा॑तीः ।
   व्य॒र्य इ॑न्द्र तनुहि॒ श्रवां॑स्य्
   वि अ॒र्यः इ॑न्द्र तनुहि श्रवां॑सि
   वि अ॒र्य इ॑न्द्र तनुहि श्रवां॑सि

Halfverse: b    ओज॑ स्थि॒रेव॒ धन्व॑नो॒ ऽभिमा॑तीः ।
   ओजः स्थि॒रा इ॑व धन्व॑नः अ॒भिमा॑तीः ।
   ओज स्थि॒रेव धन्व॑नो ऽभिमा॑तीः ।

Halfverse: c    अ॑स्म॒द्र्य॑ग्वावृधा॒नः सहो॑भि॒रनि॑भृष्टस्त॒न्वं॑ वावृधस्व ।।
   अ॑स्म॒द्र्य॑ग्वावृधा॒नः सहो॑भिर्
   अस्म॒द्र्य॑क् वावृधा॒नः सहो॑भिः
   अस्मद्रिअग् वावृधा॒नः सहो॑भिर्

Halfverse: d    अनि॑भृष्टस्त॒न्वं॑ वावृधस्व ।।
   अनि॑भृष्टः त॒न्व॑म् वावृधस्व ।।
   अनि॑भृष्टस् त॒नुवं वावृधस्व ।।


Verse: 7 
Halfverse: a    इ॒दं ह॒विर्म॑घव॒न्तुभ्यं॑ रा॒तम्प्रति॑ सम्रा॒ळहृ॑णानो गृभाय ।
   इ॒दं ह॒विर्म॑घव॒न्तुभ्यं॑ रा॒तम्
   इ॒दम् ह॒विः म॑घवन् तुभ्य॑म् रा॒तम्
   इ॒दं ह॒विर् मघवन् तुभ्य % रा॒तम्

Halfverse: b    प्रति॑ सम्रा॒ळहृ॑णानो गृभाय ।
   प्रति सम्राट् अहृ॑णानः गृभाय ।
   प्रति सम्राळ् अहृ॑णानो गृभाय ।

Halfverse: c    तुभ्यं॑ सु॒तो म॑घव॒न्तुभ्य॑म्प॒क्वो॒ ऽद्धी॑न्द्र॒ पिब॑ च॒ प्रस्थि॑तस्य ।।
   तुभ्यं॑ सु॒तो म॑घव॒न्तुभ्य॑म्प॒क्वो
   तुभ्य॑म् सु॒तः म॑घवन् तुभ्य॑म् प॒क्वः
   तुभ्यं सु॒तो म॑घवन् तुभ्य % प॒क्वो

Halfverse: d    ऽद्धी॑न्द्र॒ पिब॑ च॒ प्रस्थि॑तस्य ।।
   अ॒द्धि इ॑न्द्र पिब च प्रस्थि॑तस्य ।।
   अ॒द्धि इ॑न्द्र पिब च प्रस्थि॑तस्य ।।


Verse: 8 
Halfverse: a    अ॒द्धीदि॑न्द्र॒ प्रस्थि॑ते॒मा ह॒वींषि॒ चनो॑ दधिष्व पच॒तोत सोम॑म् ।
   अ॒द्धीदि॑न्द्र॒ प्रस्थि॑ते॒मा ह॒वींषि
   अ॒द्धि इत् इन्द्र प्रस्थि॑ता इ॒मा ह॒वींषि
   अ॒द्धीद् इन्द्र प्रस्थि॑ते॒मा ह॒वींषि

Halfverse: b    चनो॑ दधिष्व पच॒तोत सोम॑म् ।
   चनः दधिष्व पच॒ता उ॒त सोम॑म् ।
   चनो दधिष्व पच॒तोत सोम॑म् ।

Halfverse: c    प्रय॑स्वन्तः॒ प्रति॑ हर्यामसि त्वा स॒त्याः स॑न्तु॒ यज॑मानस्य॒ कामाः॑ ।।
   प्रय॑स्वन्तः॒ प्रति॑ हर्यामसि त्वा
   प्रय॑स्वन्तः प्रति हर्यामसि त्वा
   प्रय॑स्वन्तः प्रति हर्यामसि त्वा

Halfverse: d    स॒त्याः स॑न्तु॒ यज॑मानस्य॒ कामाः॑ ।।
   स॒त्याः स॑न्तु यज॑मानस्य कामाः ।।
   स॒त्याः स॑न्तु यज॑मानस्य कामाः ।।


Verse: 9 
Halfverse: a    प्रेन्द्रा॒ग्निभ्यां॑ सुवच॒स्यामि॑यर्मि॒ सिन्धा॑विव॒ प्रेर॑यं॒ नाव॑म॒र्कैः ।
   प्रेन्द्रा॒ग्निभ्यां॑ सुवच॒स्यामि॑यर्मि
   प्र इ॑न्द्रा॒ग्निभ्या॑म् सुवच॒स्याम् इयर्मि
   प्रेन्द्रा॒ग्निभ्यां सुवच॒स्याम् इयर्मि

Halfverse: b    सिन्धा॑विव॒ प्रेर॑यं॒ नाव॑म॒र्कैः ।
   सिन्धौ इव प्र ई॑रयम् नाव॑म् अ॒र्कैः ।
   सिन्धा॑व् इव प्रेर॑यं नाव॑म् अ॒र्कैः ।

Halfverse: c    अया॑ इव॒ परि॑ चरन्ति दे॒वा ये अ॒स्मभ्यं॑ धन॒दा उ॒द्भिद॑श्च ।।
   अया॑ इव॒ परि॑ चरन्ति दे॒वा
   अयाः इव परि चरन्ति दे॒वाः
   अया इव परि चरन्ति दे॒वा

Halfverse: d    ये अ॒स्मभ्यं॑ धन॒दा उ॒द्भिद॑श्च ।।
   ये अ॒स्मभ्य॑म् धन॒दाः उ॒द्भिदः च ।।
   ये अ॒स्मभ्यं धन॒दा उ॒द्भिद॑श् च ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.