TITUS
Rg-Veda: Rg-Veda-Samhita
Part No. 950
Previous part

Hymn: 113_(939) 
Verse: 1 
Halfverse: a    तम॑स्य॒ द्यावा॑पृथि॒वी सचे॑तसा॒ विश्वे॑भिर्दे॒वैरनु॒ शुष्म॑मावताम् ।
   तम॑स्य॒ द्यावा॑पृथि॒वी सचे॑तसा
   तम् अस्य द्यावा॑पृथि॒वी सचे॑तसा
   तम् अस्य द्यावा॑पृथि॒वी सचे॑तसा

Halfverse: b    विश्वे॑भिर्दे॒वैरनु॒ शुष्म॑मावताम् ।
   विश्वे॑भिः दे॒वैः अनु शुष्म॑म् आवताम् ।
   विश्वे॑भिर् दे॒वैर् अनु शुष्म॑म् आवताम् ।

Halfverse: c    यऐत्कृ॑ण्वा॒नो म॑हि॒मान॑मिन्द्रि॒यम्पी॒त्वी सोम॑स्य॒ क्रतु॑माँ अवर्धत ।।
   यऐत्कृ॑ण्वा॒नो म॑हि॒मान॑मिन्द्रि॒यम्
   यत् ऐत् कृण्वा॒नः म॑हि॒मान॑म् इन्द्रि॒यम्
   यद् ऐत् कृण्वा॒नो म॑हि॒मान॑म् इन्द्रि॒यम्

Halfverse: d    पी॒त्वी सोम॑स्य॒ क्रतु॑माँ अवर्धत ।।
   पी॒त्वी सोम॑स्य क्रतु॑मान् अवर्धत ।।
   पी॒त्वी सोम॑स्य क्रतु॑माँ अवर्धत ।।


Verse: 2 
Halfverse: a    तम॑स्य॒ विष्णु॑र्महि॒मान॒मोज॑सां॒शुं द॑ध॒न्वान्मधु॑नो॒ वि र॑प्शते ।
   तम॑स्य॒ विष्णु॑र्महि॒मान॒मोज॑सा
   तम् अस्य विष्णुः महि॒मान॑म् ओज॑सा
   तम् अस्य विष्णु॑र् महि॒मान॑म् ओज॑सा

Halfverse: b     अं॒शुं द॑ध॒न्वान्मधु॑नो॒ वि र॑प्शते ।
   अं॒शुम् दध॒न्वान् मधु॑नः वि र॑प्शते ।
   अं॒शुं द॑ध॒न्वान् मधु॑नो वि र॑प्शते ।

Halfverse: c    दे॒वेभि॒रिन्द्रो॑ म॒घवा॑ स॒याव॑भिर्वृ॒त्रं ज॑घ॒न्वाँ अ॑भव॒द्वरे॑ण्यः ।।
   दे॒वेभि॒रिन्द्रो॑ म॒घवा॑ स॒याव॑भिर्
   दे॒वेभिः इन्द्रः म॒घवा स॒याव॑भिः
   दे॒वेभि॑र् इन्द्रो म॒घवा स॒याव॑भिर्

Halfverse: d    वृ॒त्रं ज॑घ॒न्वाँ अ॑भव॒द्वरे॑ण्यः ।।
   वृ॒त्रम् जघ॒न्वान् अभवत् वरे॑ण्यः ।।
   वृ॒त्रं ज॑घ॒न्वाँ अ॑भवद् वरे॑णियः ।।


Verse: 3 
Halfverse: a    वृ॒त्रेण॒ यदहि॑ना॒ बिभ्र॒दायु॑धा स॒मस्थि॑था यु॒धये॒ शंस॑मा॒विदे॑ ।
   वृ॒त्रेण॒ यदहि॑ना॒ बिभ्र॒दायु॑धा
   वृ॒त्रेण यत् अहि॑ना बिभ्र॑त् आयु॑धा
   वृ॒त्रेण यद् अहि॑ना बिभ्र॑द् आयु॑धा

Halfverse: b    स॒मस्थि॑था यु॒धये॒ शंस॑मा॒विदे॑ ।
   स॒मस्थि॑थाः यु॒धये शंस॑म् आ॒विदे ।
   स॒मस्थि॑था यु॒धये शंस॑म् आ॒विदे ।

Halfverse: c    विश्वे॑ ते॒ अत्र॑ म॒रुतः॑ स॒ह त्मनाव॑र्धन्नुग्र महि॒मान॑मिन्द्रि॒यम् ।।
   विश्वे॑ ते॒ अत्र॑ म॒रुतः॑ स॒ह त्मना
   विश्वे ते अत्र म॒रुतः स॒ह त्मना
   विश्वे ते अत्र म॒रुतः स॒ह त्मना

Halfverse: d     अव॑र्धन्नुग्र महि॒मान॑मिन्द्रि॒यम् ।।
   अव॑र्धन् उग्र महि॒मान॑म् इन्द्रि॒यम् ।।
   अव॑र्धन्न् उग्र महि॒मान॑म् इन्द्रि॒यम् ।।


Verse: 4 
Halfverse: a    ज॑ज्ञा॒न ए॒व व्य॑बाधत॒ स्पृधः॒ प्राप॑श्यद्वी॒रो अ॒भि पौंस्यं॒ रण॑म् ।
   ज॑ज्ञा॒न ए॒व व्य॑बाधत॒ स्पृधः
   जज्ञा॒नः ए॒व वि अ॑बाधत स्पृधः
   जज्ञा॒न ए॒व वि अ॑बाधत स्पृधः

Halfverse: b    प्राप॑श्यद्वी॒रो अ॒भि पौंस्यं॒ रण॑म् ।
   प्र अ॑पश्यत् वी॒रः अ॒भि पौंस्य॑म् रण॑म् ।
   प्राप॑श्यद् वी॒रो अ॒भि पौंसि॑यं रण॑म् ।

Halfverse: c    अवृ॑श्च॒दद्रि॒मव॑ स॒स्यदः॑ सृज॒दस्त॑भ्ना॒न्नाकं॑ स्वप॒स्यया॑ पृ॒थुम् ।।
   अवृ॑श्च॒दद्रि॒मव॑ स॒स्यदः॑ सृजद्
   अवृ॑श्चत् अद्रि॑म् अव स॒स्यदः सृजत्
   अवृ॑श्चद् अद्रि॑म् अव स॒स्यदः सृजद्

Halfverse: d    अस्त॑भ्ना॒न्नाकं॑ स्वप॒स्यया॑ पृ॒थुम् ।।
   अस्त॑भ्नात् नाक॑म् स्वप॒स्यया पृ॒थुम् ।।
   अस्त॑भ्नान् नाकं सुअप॒स्यया पृ॒थुम् ।।


Verse: 5 
Halfverse: a    आदिन्द्रः॑ स॒त्रा तवि॑षीरपत्यत॒ वरी॑यो॒ द्यावा॑पृथि॒वी अ॑बाधत ।
   आदिन्द्रः॑ स॒त्रा तवि॑षीरपत्यत
   आत् इन्द्रः स॒त्रा तवि॑षीः अपत्यत
   आद् इन्द्रः स॒त्रा तवि॑षीर् अपत्यत

Halfverse: b    वरी॑यो॒ द्यावा॑पृथि॒वी अ॑बाधत ।
   वरी॑यः द्यावा॑पृथि॒वी अ॑बाधत ।
   वरी॑यो द्यावा॑पृथि॒वी अ॑बाधत ।

Halfverse: c    अवा॑भरद्धृषि॒तो वज्र॑माय॒सं शेव॑म्मि॒त्राय॒ वरु॑णाय दा॒शुषे॑ ।।
   अवा॑भरद्धृषि॒तो वज्र॑माय॒सं
   अव अभरत् धृषि॒तः वज्र॑म् आय॒सम्
   अवा॑भरद् धृषि॒तो वज्र॑म् आय॒सं

Halfverse: d    शेव॑म्मि॒त्राय॒ वरु॑णाय दा॒शुषे॑ ।।
   शेव॑म् मि॒त्राय वरु॑णाय दा॒शुषे ।।
   शेव॑म् मि॒त्राय वरु॑णाय दा॒शुषे ।।


Verse: 6 
Halfverse: a    इन्द्र॒स्यात्र॒ तवि॑षीभ्यो विर॒प्शिन॑ ऋघाय॒तो अ॑रंहयन्त म॒न्यवे॑ ।
   इन्द्र॒स्यात्र॒ तवि॑षीभ्यो विर॒प्शिन
   इन्द्र॑स्य अत्र तवि॑षीभ्यः विर॒प्शिनः
   इन्द्र॒स्यात्र तवि॑षीभ्यो विर॒प्शिन

Halfverse: b    ऋघाय॒तो अ॑रंहयन्त म॒न्यवे॑ ।
   ऋ॑घाय॒तः अ॑रंहयन्त म॒न्यवे ।
   ऋ॑घाय॒तो अ॑रंहयन्त म॒न्यवे ।

Halfverse: c    वृ॒त्रं यदु॒ग्रो व्यवृ॑श्च॒दोज॑सा॒पो बिभ्र॑तं॒ तम॑सा॒ परी॑वृतम् ।।
   वृ॒त्रं यदु॒ग्रो व्यवृ॑श्च॒दोज॑सा
   वृ॒त्रम् यत् उ॒ग्रः वि अवृ॑श्चत् ओज॑सा
   वृ॒त्रं यद् उ॒ग्रो वि अवृ॑श्चद् ओज॑सा

Halfverse: d     अ॒पो बिभ्र॑तं॒ तम॑सा॒ परी॑वृतम् ।।
   अ॒पः बिभ्र॑तम् तम॑सा परी॑वृतम् ।।
   अ॒पो बिभ्र॑तं तम॑सा परी॑वृतम् ।।


Verse: 7 
Halfverse: a    या वी॒र्या॑णि प्रथ॒मानि॒ कर्त्वा॑ महि॒त्वेभि॒र्यत॑मानौ समी॒यतुः॑ ।
   या वी॒र्या॑णि प्रथ॒मानि॒ कर्त्वा
   या वी॒र्या॑णि प्रथ॒मानि कर्त्वा
   या वी॒रिया॑णि प्रथ॒मानि कर्तु॑वा

Halfverse: b    महि॒त्वेभि॒र्यत॑मानौ समी॒यतुः॑ ।
   म॑हि॒त्वेभिः यत॑मानौ समी॒यतुः ।
   म॑हि॒त्वेभि॑र् यत॑मानौ समी॒यतुः ।

Halfverse: c    ध्वा॒न्तं तमो ऽव॑ दध्वसे ह॒त इन्द्रो॑ म॒ह्ना पू॒र्वहू॑तावपत्यत ।।
   ध्वा॒न्तं तमो ऽव॑ दध्वसे ह॒त
   ध्वा॒न्तम् तमः अव दध्वसे ह॒ते
   ध्वा॒न्तं तमो ? अव दध्वसे ह॒त

Halfverse: d    इन्द्रो॑ म॒ह्ना पू॒र्वहू॑तावपत्यत ।।
   इन्द्रः म॒ह्ना पू॒र्वहू॑तौ अपत्यत ।।
   इन्द्रो म॒ह्ना पू॒र्वहू॑ताव् अपत्यत ।।


Verse: 8 
Halfverse: a    विश्वे॑ दे॒वासो॒ अध॒ वृष्ण्या॑नि॒ ते ऽव॑र्धय॒न्सोम॑वत्या वच॒स्यया॑ ।
   विश्वे॑ दे॒वासो॒ अध॒ वृष्ण्या॑नि॒ ते
   विश्वे दे॒वासः अध वृष्ण्या॑नि ते
   विश्वे दे॒वासो अध वृष्णि॑यानि ते

Halfverse: b    ऽवर्धय॒न्सोम॑वत्या वच॒स्यया॑ ।
   अव॑र्धयन् सोम॑वत्या वच॒स्यया ।
   अव॑र्धयन् सोम॑वत्या वच॒स्यया ।

Halfverse: c    र॒द्धं वृ॒त्रमहि॒मिन्द्र॑स्य॒ हन्म॑ना॒ग्निर्न जम्भै॑स्तृ॒ष्वन्न॑मावयत् ।।
   र॒द्धं वृ॒त्रमहि॒मिन्द्र॑स्य॒ हन्म॑ना
   र॒द्धम् वृ॒त्रम् अहि॑म् इन्द्र॑स्य हन्म॑ना
   र॒द्धं वृ॒त्रम् अहि॑म् इन्द्र॑स्य हन्म॑ना

Halfverse: d     अ॒ग्निर्न जम्भै॑स्तृ॒ष्वन्न॑मावयत् ।।
   अ॒ग्निः न जम्भैः तृ॒षु अन्न॑म् आवयत् ।।
   अ॒ग्निर् न जम्भै॑स् तृ॒षु अन्न॑म् आवयत् ।।


Verse: 9 
Halfverse: a    भूरि॒ दक्षे॑भिर्वच॒नेभि॒रृक्व॑भिः स॒ख्येभिः॑ स॒ख्यानि॒ प्र वो॑चत ।
   भूरि॒ दक्षे॑भिर्वच॒नेभि॒रृक्व॑भिः
   भूरि दक्षे॑भिः वच॒नेभिः ऋक्व॑भिः
   भूरि दक्षे॑भिर् वच॒नेभि॑र् ऋक्व॑भिः

Halfverse: b    स॒ख्येभिः॑ स॒ख्यानि॒ प्र वो॑चत ।
   स॒ख्येभिः स॒ख्यानि प्र वो॑चत ।
   स॑खि॒येभिः सखि॒यानि प्र वो॑चत ।

Halfverse: c    इन्द्रो॒ धुनिं॑ च॒ चुमु॑रिं च द॒म्भय॑ञ्छ्रद्धामन॒स्या शृ॑णुते द॒भीत॑ये ।।
   इन्द्रो॒ धुनिं॑ च॒ चुमु॑रिं च द॒म्भय॑ञ्
   इन्द्रः धुनि॑म् च चुमु॑रिम् च द॒म्भय॑न्
   इन्द्रो धुनिं च चुमु॑रिं च द॒म्भय॑ञ्

Halfverse: d    छ्रद्धामन॒स्या शृ॑णुते द॒भीत॑ये ।।
   श्र॑द्धामन॒स्या शृ॑णुते द॒भीत॑ये ।।
   छ्र॑द्धामन॒स्या शृ॑णुते द॒भीत॑ये ।।


Verse: 10 
Halfverse: a    त्वम्पु॒रूण्या भ॑रा॒ स्वश्व्या॒ येभि॒र्मंसै॑ नि॒वच॑नानि॒ शंस॑न् ।
   त्वम्पु॒रूण्या भ॑रा॒ स्वश्व्या
   त्वम् पु॒रूणि आ भ॑र+ स्वश्व्या
   तु॒वम् पु॒रूणि आ भ॑रा सुअश्व्या

Halfverse: b    येभि॒र्मंसै॑ नि॒वच॑नानि॒ शंस॑न् ।
   येभिः मंसै नि॒वच॑नानि शंस॑न् ।
   येभि॑र् मंसै नि॒वच॑नानि शंस॑न् ।

Halfverse: c    सु॒गेभि॒र्विश्वा॑ दुरि॒ता त॑रेम वि॒दो षु ण॑ उर्वि॒या गा॒धम॒द्य ।।
   सु॒गेभि॒र्विश्वा॑ दुरि॒ता त॑रेम
   सु॒गेभिः विश्वा दुरि॒ता त॑रेम
   सु॒गेभि॑र् विश्वा दुरि॒ता त॑रेम

Halfverse: d    वि॒दो षु ण॑ उर्वि॒या गा॒धम॒द्य ।।
   वि॒द उ सु नः उर्वि॒या गा॒धम् अ॒द्य ।।
   वि॒दो षु ण उर्वि॒या गा॒धम् अ॒द्य ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.