TITUS
Rg-Veda: Rg-Veda-Samhita
Part No. 949
Previous part

Hymn: 112_(938) 
Verse: 1 
Halfverse: a    इन्द्र॒ पिब॑ प्रतिका॒मं सु॒तस्य॑ प्रातःसा॒वस्तव॒ हि पू॒र्वपी॑तिः ।
   इन्द्र॒ पिब॑ प्रतिका॒मं सु॒तस्य
   इन्द्र पिब प्रतिका॒मम् सु॒तस्य
   इन्द्र पिब प्रतिका॒मं सु॒तस्य

Halfverse: b    प्रातःसा॒वस्तव॒ हि पू॒र्वपी॑तिः ।
   प्रा॑तःसा॒वः तव हि पू॒र्वपी॑तिः ।
   प्रा॑तःसा॒वस् तव हि पू॒र्वपी॑तिः ।

Halfverse: c    हर्ष॑स्व॒ हन्त॑वे शूर॒ शत्रू॑नु॒क्थेभि॑ष्टे वी॒र्या॒ प्र ब्र॑वाम ।।
   हर्ष॑स्व॒ हन्त॑वे शूर॒ शत्रू॑न्
   हर्ष॑स्व हन्त॑वे शूर शत्रू॑न्
   हर्ष॑स्व ? हन्त॑वे शूर शत्रू॑न्

Halfverse: d    उ॒क्थेभि॑ष्टे वी॒र्या॒ प्र ब्र॑वाम ।।
   उ॒क्थेभिः ते वी॒र्या प्र ब्र॑वाम ।।
   उ॒क्थेभि॑ष् टे वी॒रिया प्र ब्र॑वाम ।।


Verse: 2 
Halfverse: a    यस्ते॒ रथो॒ मन॑सो॒ जवी॑या॒नेन्द्र॒ तेन॑ सोम॒पेया॑य याहि ।
   यस्ते॒ रथो॒ मन॑सो॒ जवी॑यान्
   यः ते रथः मन॑सः जवी॑यान्
   यस् ते रथो ? मन॑सो जवी॑यान्

Halfverse: b    एन्द्र॒ तेन॑ सोम॒पेया॑य याहि ।
   आ इ॑न्द्र तेन सोम॒पेया॑य याहि ।
   एन्द्र तेन सोम॒पेया॑य याहि ।

Halfverse: c    तूय॒मा ते॒ हर॑यः॒ प्र द्र॑वन्तु॒ येभि॒र्यासि॒ वृष॑भि॒र्मन्द॑मानः ।।
   तूय॒मा ते॒ हर॑यः॒ प्र द्र॑वन्तु
   तूय॑म् आ ते हर॑यः प्र द्र॑वन्तु
   तूय॑म् आ ते हर॑यः प्र द्र॑वन्तु

Halfverse: d    येभि॒र्यासि॒ वृष॑भि॒र्मन्द॑मानः ।।
   येभिः यासि वृष॑भिः मन्द॑मानः ।।
   येभि॑र् यासि वृष॑भिर् मन्द॑मानः ।।


Verse: 3 
Halfverse: a    हरि॑त्वता॒ वर्च॑सा॒ सूर्य॑स्य॒ श्रेष्ठै॑ रू॒पैस्त॒न्वं॑ स्पर्शयस्व ।
   हरि॑त्वता॒ वर्च॑सा॒ सूर्य॑स्य
   हरि॑त्वता वर्च॑सा सूर्य॑स्य
   हरि॑त्वता वर्च॑सा सूरि॑यस्य

Halfverse: b    श्रेष्ठै॑ रू॒पैस्त॒न्वं॑ स्पर्शयस्व ।
   श्रेष्ठैः रू॒पैः त॒न्व॑म् स्पर्शयस्व ।
   श्रेष्ठै रू॒पैस् त॒नुवं स्पर्शयस्व ।

Halfverse: c    अ॒स्माभि॑रिन्द्र॒ सखि॑भिर्हुवा॒नः स॑ध्रीची॒नो मा॑दयस्वा नि॒षद्य॑ ।।
   अ॒स्माभि॑रिन्द्र॒ सखि॑भिर्हुवा॒नः
   अ॒स्माभिः इन्द्र सखि॑भिः हुवा॒नः
   अ॒स्माभि॑र् इन्द्र सखि॑भिर् हुवा॒नः

Halfverse: d    स॑ध्रीची॒नो मा॑दयस्वा नि॒षद्य॑ ।।
   स॑ध्रीची॒नः मा॑दयस्व+ नि॒षद्य ।।
   स॑ध्रीची॒नो मा॑दयस्वा नि॒षद्य ।।


Verse: 4 
Halfverse: a    यस्य॒ त्यत्ते॑ महि॒मान॒म्मदे॑ष्वि॒मे म॒ही रोद॑सी॒ नावि॑विक्ताम् ।
   यस्य॒ त्यत्ते॑ महि॒मान॒म्मदे॑ष्व्
   यस्य त्यत् ते महि॒मान॑म् मदे॑षु
   यस्य त्यत् ते महि॒मान॑म् मदे॑षु

Halfverse: b    इ॒मे म॒ही रोद॑सी॒ नावि॑विक्ताम् ।
   इ॒मे म॒ही रोद॑सी न अवि॑विक्ताम् ।
   इ॒मे म॒ही रोद॑सी नावि॑विक्ताम् ।

Halfverse: c    तदोक॒ आ हरि॑भिरिन्द्र यु॒क्तैः प्रि॒येभि॑र्याहि प्रि॒यमन्न॒मछ॑ ।।
   तदोक॒ आ हरि॑भिरिन्द्र यु॒क्तैः
   तत् ओकः आ हरि॑भिः इन्द्र यु॒क्तैः
   तद् ओक आ हरि॑भिर् इन्द्र यु॒क्तैः

Halfverse: d    प्रि॒येभि॑र्याहि प्रि॒यमन्न॒मछ॑ ।।
   प्रि॒येभिः याहि प्रि॒यम् अन्न॑म् अछ ।।
   प्रि॒येभि॑र् याहि प्रि॒यम् अन्न॑म् अछ ।।


Verse: 5 
Halfverse: a    यस्य॒ शश्व॑त्पपि॒वाँ इ॑न्द्र॒ शत्रू॑ननानुकृ॒त्या रण्या॑ च॒कर्थ॑ ।
   यस्य॒ शश्व॑त्पपि॒वाँ इ॑न्द्र॒ शत्रू॑न्
   यस्य शश्व॑त् पपि॒वान् इन्द्र शत्रू॑न्
   यस्य शश्व॑त् पपि॒वाँ इ॑न्द्र शत्रू॑न्

Halfverse: b    अनानुकृ॒त्या रण्या॑ च॒कर्थ॑ ।
   अ॑नानुकृ॒त्या रण्या च॒कर्थ ।
   अ॑नानुकृ॒त्या रणि॑या च॒कर्थ ।

Halfverse: c    स ते॒ पुरं॑धिं॒ तवि॑षीमियर्ति॒ स ते॒ मदा॑य सु॒त इ॑न्द्र॒ सोमः॑ ।।
   स ते॒ पुरं॑धिं॒ तवि॑षीमियर्ति
   स ते पुरं॑धिम् तवि॑षीम् इयर्ति
   स ते पुरं॑धिं तवि॑षीम् इयर्ति

Halfverse: d    स ते॒ मदा॑य सु॒त इ॑न्द्र॒ सोमः॑ ।।
   स ते मदा॑य सु॒तः इ॑न्द्र सोमः ।।
   स ते मदा॑य सु॒त इ॑न्द्र सोमः ।।


Verse: 6 
Halfverse: a    इ॒दं ते॒ पात्रं॒ सन॑वित्तमिन्द्र॒ पिबा॒ सोम॑मे॒ना श॑तक्रतो ।
   इ॒दं ते॒ पात्रं॒ सन॑वित्तमिन्द्र
   इ॒दम् ते पात्र॑म् सन॑वित्तम् इन्द्र
   इ॒दं ते पात्रं सन॑वित्तम् इन्द्र

Halfverse: b    पिबा॒ सोम॑मे॒ना श॑तक्रतो ।
   पिब+ सोम॑म् ए॒ना श॑तक्रतो ।
   पिबा सोम॑म् ए॒ना श॑तक्रतो ।

Halfverse: c    पू॒र्ण आ॑हा॒वो म॑दि॒रस्य॒ मध्वो॒ यं विश्व॒ इद॑भि॒हर्य॑न्ति दे॒वाः ।।
   पू॒र्ण आ॑हा॒वो म॑दि॒रस्य॒ मध्वो
   पू॒र्णः आ॑हा॒वः म॑दि॒रस्य मध्वः
   पू॒र्ण आ॑हा॒वो म॑दि॒रस्य मध्वो

Halfverse: d    यं विश्व॒ इद॑भि॒हर्य॑न्ति दे॒वाः ।।
   यम् विश्वे इत् अभि॒हर्य॑न्ति दे॒वाः ।।
   यं विश्व इद् अभि॒हर्य॑न्ति दे॒वाः ।।


Verse: 7 
Halfverse: a    वि हि त्वामि॑न्द्र पुरु॒धा जना॑सो हि॒तप्र॑यसो वृषभ॒ ह्वय॑न्ते ।
   वि हि त्वामि॑न्द्र पुरु॒धा जना॑सो
   वि हि त्वाम् इन्द्र पुरु॒धा जना॑सः
   वि हि त्वाम् इन्द्र पुरु॒धा जना॑सो

Halfverse: b    हि॒तप्र॑यसो वृषभ॒ ह्वय॑न्ते ।
   हि॒तप्र॑यसः वृषभ ह्वय॑न्ते ।
   हि॒तप्र॑यसो वृषभ ह्वय॑न्ते ।

Halfverse: c    अ॒स्माकं॑ ते॒ मधु॑मत्तमानी॒मा भु॑व॒न्सव॑ना॒ तेषु॑ हर्य ।।
   अ॒स्माकं॑ ते॒ मधु॑मत्तमानि
   अ॒स्माक॑म् ते मधु॑मत्तमानि
   अ॒स्माकं ते ? मधु॑मत्तमानि

Halfverse: d     इ॒मा भु॑व॒न्सव॑ना॒ तेषु॑ हर्य ।।
   इ॒मा भु॑वन् सव॑ना तेषु हर्य ।।
   इ॒मा भु॑वन् सव॑ना तेषु हर्य ।।


Verse: 8 
Halfverse: a    प्र त॑ इन्द्र पू॒र्व्याणि॒ प्र नू॒नं वी॒र्या॑ वोचम्प्रथ॒मा कृ॒तानि॑ ।
   प्र त॑ इन्द्र पू॒र्व्याणि॒ प्र नू॒नं
   प्र ते इन्द्र पू॒र्व्याणि प्र नू॒नम्
   प्र त इन्द्र पूर्वि॒याणि प्र नू॒नं

Halfverse: b    वी॒र्या॑ वोचम्प्रथ॒मा कृ॒तानि॑ ।
   वी॒र्या वोचम् प्रथ॒मा कृ॒तानि ।
   वी॒रिया वोचम् प्रथ॒मा कृ॒तानि ।

Halfverse: c    स॑ती॒नम॑न्युरश्रथायो॒ अद्रिं॑ सुवेद॒नाम॑कृणो॒र्ब्रह्म॑णे॒ गाम् ।।
   स॑ती॒नम॑न्युरश्रथायो॒ अद्रिं
   सती॒नम॑न्युः अश्रथायः अद्रि॑म्
   सती॒नम॑न्युर् अश्रथायो अद्रिं

Halfverse: d    सुवेद॒नाम॑कृणो॒र्ब्रह्म॑णे॒ गाम् ।।
   सु॑वेद॒नाम् अकृणोः ब्रह्म॑णे गाम् ।।
   सु॑वेद॒नाम् अकृणोर् ब्रह्म॑णे गाम् ।।


Verse: 9 
Halfverse: a    नि षु सी॑द गणपते ग॒णेषु॒ त्वामा॑हु॒र्विप्र॑तमं कवी॒नाम् ।
   नि षु सी॑द गणपते ग॒णेषु
   नि सु सी॑द गणपते ग॒णेषु
   नि षु सी॑द गणपते ग॒णेषु

Halfverse: b    त्वामा॑हु॒र्विप्र॑तमं कवी॒नाम् ।
   त्वाम् आहुः विप्र॑तमम् कवी॒नाम् ।
   तु॒वाम् आहुर् विप्र॑तमं कवी॒नाम् ।

Halfverse: c    न ऋ॒ते त्वत्क्रि॑यते॒ किं च॒नारे म॒हाम॒र्कम्म॑घवञ्चि॒त्रम॑र्च ।।
   न ऋ॒ते त्वत्क्रि॑यते॒ किं च॒नारे
   न ऋ॒ते त्वत् क्रियते किम् च॒न आ॒रे
   न ऋ॒ते त्वत् क्रियते किं च॒नारे

Halfverse: d    म॒हाम॒र्कम्म॑घवञ्चि॒त्रम॑र्च ।।
   म॒हाम् अ॒र्कम् मघवन् चि॒त्रम् अर्च ।।
   म॒हाम् अ॒र्कम् मघवञ् चि॒त्रम् अर्च ।।


Verse: 10 
Halfverse: a    अ॑भि॒ख्या नो॑ मघव॒न्नाध॑माना॒न्सखे॑ बो॒धि व॑सुपते॒ सखी॑नाम् ।
   अ॑भि॒ख्या नो॑ मघव॒न्नाध॑मानान्
   अभि॒ख्या नः मघवन् नाध॑मानान्
   अभि॒ख्या नो मघवन् नाध॑मानान्

Halfverse: b    सखे॑ बो॒धि व॑सुपते॒ सखी॑नाम् ।
   सखे बो॒धि व॑सुपते सखी॑नाम् ।
   सखे बो॒धि व॑सुपते सखी॑नाम् ।

Halfverse: c    रणं॑ कृधि रणकृत्सत्यशु॒ष्माभ॑क्ते चि॒दा भ॑जा रा॒ये अ॒स्मान् ।।
   रणं॑ कृधि रणकृत्सत्यशुष्म
   रण॑म् कृधि रणकृत् सत्यशुष्म
   रणं कृधि रणकृत् सत्यशुष्म

Halfverse: d     अभ॑क्ते चि॒दा भ॑जा रा॒ये अ॒स्मान् ।।
   अभ॑क्ते चित् आ भ॑ज+ रा॒ये अ॒स्मान् ।।
   अभ॑क्ते चिद् आ भ॑जा रा॒ये अ॒स्मान् ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.