TITUS
Rg-Veda: Rg-Veda-Samhita
Part No. 947
Previous part

Hymn: 110_(936) 
Verse: 1 
Halfverse: a    समि॑द्धो अ॒द्य मनु॑षो दुरो॒णे दे॒वो दे॒वान्य॑जसि जातवेदः ।
   समि॑द्धो अ॒द्य मनु॑षो दुरो॒णे
   समि॑द्धः अ॒द्य मनु॑षः दुरो॒णे
   समि॑द्धो अ॒द्य मनु॑षो दुरो॒णे

Halfverse: b    दे॒वो दे॒वान्य॑जसि जातवेदः ।
   दे॒वः दे॒वान् यजसि जातवेदः ।
   दे॒वो दे॒वान् यजसि जातवेदः ।

Halfverse: c    आ च॒ वह॑ मित्रमहश्चिकि॒त्वान्त्वं दू॒तः क॒विर॑सि॒ प्रचे॑ताः ।।
   आ च॒ वह॑ मित्रमहश्चिकि॒त्वान्
   आ च वह मित्रमहः चिकि॒त्वान्
   आ च वह मित्रमहश् चिकि॒त्वान्

Halfverse: d    त्वं दू॒तः क॒विर॑सि॒ प्रचे॑ताः ।।
   त्वम् दू॒तः क॒विः अ॑सि प्रचे॑ताः ।।
   तु॒वं दू॒तः क॒विर् असि प्रचे॑ताः ।।


Verse: 2 
Halfverse: a    तनू॑नपात्प॒थ ऋ॒तस्य॒ याना॒न्मध्वा॑ सम॒ञ्जन्स्व॑दया सुजिह्व ।
   तनू॑नपात्प॒थ ऋ॒तस्य॒ याना॑न्
   तनू॑नपात् प॒थः ऋ॒तस्य याना॑न्
   तनू॑नपात् प॒थ ऋ॒तस्य याना॑न्

Halfverse: b    मध्वा॑ सम॒ञ्जन्स्व॑दया सुजिह्व ।
   मध्वा सम॒ञ्जन् स्वदय+ सुजिह्व ।
   मध्वा सम॒ञ्जन् स्वदया सुजिह्व ।

Halfverse: c    मन्मा॑नि धी॒भिरु॒त य॒ज्ञमृ॒न्धन्दे॑व॒त्रा च॑ कृणुह्यध्व॒रं नः॑ ।।
   मन्मा॑नि धी॒भिरु॒त य॒ज्ञमृ॒न्धन्
   मन्मा॑नि धी॒भिः उ॒त य॒ज्ञम् ऋ॒न्धन्
   मन्मा॑नि धी॒भिर् उ॒त य॒ज्ञम् ऋ॒न्धन्

Halfverse: d    देव॒त्रा च॑ कृणुह्यध्व॒रं नः॑ ।।
   दे॑व॒त्रा च कृणुहि अध्व॒रम् नः ।।
   दे॑व॒त्रा च कृणुहि अध्व॒रं नः ।।


Verse: 3 
Halfverse: a    आ॒जुह्वा॑न॒ ईड्यो॒ वन्द्य॒श्चा या॑ह्यग्ने॒ वसु॑भिः स॒जोषाः॑ ।
   आ॒जुह्वा॑न॒ ईड्यो॒ वन्द्य॑श्च
   आ॒जुह्वा॑नः ईड्यः वन्द्यः च
   आ॒जुह्वा॑न ईडि॑यो वन्दि॑यश् च

Halfverse: b     आ या॑ह्यग्ने॒ वसु॑भिः स॒जोषाः॑ ।
   आ या॑हि अग्ने वसु॑भिः स॒जोषाः ।
   आ या॑हि अग्ने वसु॑भिः स॒जोषाः ।

Halfverse: c    त्वं दे॒वाना॑मसि यह्व॒ होता॒ स ए॑नान्यक्षीषि॒तो यजी॑यान् ।।
   त्वं दे॒वाना॑मसि यह्व॒ होता
   त्वम् दे॒वाना॑म् असि यह्व होता
   तु॒वं दे॒वाना॑म् असि यह्व होता

Halfverse: d    स ए॑नान्यक्षीषि॒तो यजी॑यान् ।।
   सः ।!। ए॑नान् यक्षि इषि॒तः यजी॑यान् ।।
   स ए॑नान् यक्षि इषि॒तो यजी॑यान् ।।


Verse: 4 
Halfverse: a    प्रा॒चीन॑म्ब॒र्हिः प्र॒दिशा॑ पृथि॒व्या वस्तो॑र॒स्या वृ॑ज्यते॒ अग्रे॒ अह्ना॑म् ।
   प्रा॒चीन॑म्ब॒र्हिः प्र॒दिशा॑ पृथि॒व्या
   प्रा॒चीन॑म् ब॒र्हिः प्र॒दिशा पृथि॒व्याः
   प्रा॒चीन॑म् ब॒र्हिः प्र॒दिशा पृथि॒व्या

Halfverse: b    वस्तो॑र॒स्या वृ॑ज्यते॒ अग्रे॒ अह्ना॑म् ।
   वस्तोः अ॒स्याः वृ॑ज्यते अग्रे अह्ना॑म् ।
   वस्तो॑र् अ॒स्या वृ॑ज्यते अग्रे अह्ना॑म् ।

Halfverse: c    व्यु॑ प्रथते वित॒रं वरी॑यो दे॒वेभ्यो॒ अदि॑तये स्यो॒नम् ।।
   व्यु॑ प्रथते वित॒रं वरी॑यो
   वि उ प्रथते वित॒रम् वरी॑यः
   वि उ प्रथते वित॒रं वरी॑यो

Halfverse: d    दे॒वेभ्यो॒ अदि॑तये स्यो॒नम् ।।
   दे॒वेभ्यः अदि॑तये स्यो॒नम् ।।
   दे॒वेभि॑यो अदि॑तये सियो॒नम् ।।


Verse: 5 
Halfverse: a    व्यच॑स्वतीरुर्वि॒या वि श्र॑यन्ता॒म्पति॑भ्यो॒ न जन॑यः॒ शुम्भ॑मानाः ।
   व्यच॑स्वतीरुर्वि॒या वि श्र॑यन्ताम्
   व्यच॑स्वतीः उर्वि॒या वि श्र॑यन्ताम्
   व्यच॑स्वतीर् उर्वि॒या वि श्र॑यन्ताम्

Halfverse: b    पति॑भ्यो॒ न जन॑यः॒ शुम्भ॑मानाः ।
   पति॑भ्यः न जन॑यः शुम्भ॑मानाः ।
   पति॑भ्यो न जन॑यः शुम्भ॑मानाः ।

Halfverse: c    देवी॑र्द्वारो बृहतीर्विश्वमिन्वा दे॒वेभ्यो॑ भवत सुप्राय॒णाः ।।
   देवी॑र्द्वारो बृहतीर्विश्वमिन्वा
   देवीः द्वारः बृहतीः विश्वमिन्वाः
   देवी॑र् द्वारो बृहतीर् विश्वमिन्वा

Halfverse: d    दे॒वेभ्यो॑ भवत सुप्राय॒णाः ।।
   दे॒वेभ्यः भवत सुप्राय॒णाः ।।
   दे॒वेभि॑यो भवत सुप्राय॒णाः ।।


Verse: 6 
Halfverse: a    आ सु॒ष्वय॑न्ती यज॒ते उपा॑के उ॒षासा॒नक्ता॑ सदतां॒ नि योनौ॑ ।
   आ सु॒ष्वय॑न्ती यज॒ते उपा॑के
   आ सु॒ष्वय॑न्ती यज॒ते उपा॑के
   आ सु॒ष्वय॑न्ती यज॒ते उपा॑के

Halfverse: b    उ॒षासा॒नक्ता॑ सदतां॒ नि योनौ॑ ।
   उ॒षासा॒नक्ता सदताम् नि योनौ ।
   उ॒षासा॒नक्ता सदतां नि योनौ ।

Halfverse: c    दि॒व्ये योष॑णे बृह॒ती सु॑रु॒क्मे अधि॒ श्रियं॑ शुक्र॒पिशं॒ दधा॑ने ।।
   दि॒व्ये योष॑णे बृह॒ती सु॑रु॒क्मे
   दि॒व्ये योष॑णे बृह॒ती सु॑रु॒क्मे
   दि॒व्ये योष॑णे बृह॒ती सु॑रु॒क्मे

Halfverse: d    अधि॒ श्रियं॑ शुक्र॒पिशं॒ दधा॑ने ।।
   अधि श्रिय॑म् शुक्र॒पिश॑म् दधा॑ने ।।
   अधि श्रियं शुक्र॒पिशं दधा॑ने ।।


Verse: 7 
Halfverse: a    दैव्या॒ होता॑रा प्रथ॒मा सु॒वाचा॒ मिमा॑ना य॒ज्ञम्मनु॑षो॒ यज॑ध्यै ।
   दैव्या॒ होता॑रा प्रथ॒मा सु॒वाचा
   दैव्या होता॑रा प्रथ॒मा सु॒वाचा
   दैव्या होता॑रा प्रथ॒मा सु॒वाचा

Halfverse: b    मिमा॑ना य॒ज्ञम्मनु॑षो॒ यज॑ध्यै ।
   मिमा॑ना य॒ज्ञम् मनु॑षः यज॑ध्यै ।
   मिमा॑ना य॒ज्ञम् मनु॑षो यज॑ध्यै ।

Halfverse: c    प्र॑चो॒दय॑न्ता वि॒दथे॑षु का॒रू प्रा॒चीनं॒ ज्योतिः॑ प्र॒दिशा॑ दि॒शन्ता॑ ।।
   प्र॑चो॒दय॑न्ता वि॒दथे॑षु का॒रू
   प्र॑चो॒दय॑न्ता वि॒दथे॑षु का॒रू
   प्र॑चो॒दय॑न्ता वि॒दथे॑षु का॒रू

Halfverse: d    प्रा॒चीनं॒ ज्योतिः॑ प्र॒दिशा॑ दि॒शन्ता॑ ।।
   प्रा॒चीन॑म् ज्योतिः प्र॒दिशा दि॒शन्ता ।।
   प्रा॒चीनं ज्योतिः प्र॒दिशा दि॒शन्ता ।।


Verse: 8 
Halfverse: a    आ नो॑ य॒ज्ञम्भार॑ती॒ तूय॑मे॒त्विळा॑ मनु॒ष्वदि॒ह चे॒तय॑न्ती ।
   आ नो॑ य॒ज्ञम्भार॑ती॒ तूय॑मेत्व्
   आ नः य॒ज्ञम् भार॑ती तूय॑म् एतु
   आ नो य॒ज्ञम् भार॑ती तूय॑म् एतु

Halfverse: b    इळा॑ मनु॒ष्वदि॒ह चे॒तय॑न्ती ।
   इळा मनु॒ष्वत् इ॒ह चे॒तय॑न्ती ।
   इळा मनु॒ष्वद् इ॒ह चे॒तय॑न्ती ।

Halfverse: c    ति॒स्रो दे॒वीर्ब॒र्हिरेदं स्यो॒नं सर॑स्वती॒ स्वप॑सः सदन्तु ।।
   ति॒स्रो दे॒वीर्ब॒र्हिरेदं स्यो॒नं
   ति॒स्रः दे॒वीः ब॒र्हिः आ इ॒दम् स्यो॒नम्
   ति॒स्रो दे॒वीर् ब॒र्हिर् एदं सि॑यो॒नं

Halfverse: d    सर॑स्वती॒ स्वप॑सः सदन्तु ।।
   सर॑स्वती स्वप॑सः सदन्तु ।।
   सर॑स्वती सुअप॑सः सदन्तु ।।


Verse: 9 
Halfverse: a    य इ॒मे द्यावा॑पृथि॒वी जनि॑त्री रू॒पैरपिं॑श॒द्भुव॑नानि॒ विश्वा॑ ।
   य इ॒मे द्यावा॑पृथि॒वी जनि॑त्री
   यः इ॒मे द्यावा॑पृथि॒वी जनि॑त्री
   य इ॒मे द्यावा॑पृथि॒वी जनि॑त्री

Halfverse: b    रू॒पैरपिं॑श॒द्भुव॑नानि॒ विश्वा॑ ।
   रू॒पैः अपिं॑शत् भुव॑नानि विश्वा ।
   रू॒पैर् अपिं॑शद् भुव॑नानि विश्वा ।

Halfverse: c    तम॒द्य हो॑तरिषि॒तो यजी॑यान्दे॒वं त्वष्टा॑रमि॒ह य॑क्षि वि॒द्वान् ।।
   तम॒द्य हो॑तरिषि॒तो यजी॑यान्
   तम् अ॒द्य हो॑तर् इषि॒तः यजी॑यान्
   तम् अ॒द्य हो॑तर् इषि॒तो यजी॑यान्

Halfverse: d    दे॒वं त्वष्टा॑रमि॒ह य॑क्षि वि॒द्वान् ।।
   दे॒वम् त्वष्टा॑रम् इ॒ह य॑क्षि वि॒द्वान् ।।
   दे॒वं त्वष्टा॑रम् इ॒ह य॑क्षि वि॒द्वान् ।।


Verse: 10 
Halfverse: a    उ॒पाव॑सृज॒ त्मन्या॑ सम॒ञ्जन्दे॒वाना॒म्पाथ॑ ऋतु॒था ह॒वींषि॑ ।
   उ॒पाव॑सृज॒ त्मन्या॑ सम॒ञ्जन्
   उ॒पाव॑सृज त्मन्या सम॒ञ्जन्
   उ॒पाव॑सृज त्मनि॑या सम॒ञ्जन्

Halfverse: b    दे॒वाना॒म्पाथ॑ ऋतु॒था ह॒वींषि॑ ।
   दे॒वाना॑म् पाथः ऋतु॒था ह॒वींषि ।
   दे॒वाना॑म् पाथ ऋतु॒था ह॒वींषि ।

Halfverse: c    वन॒स्पतिः॑ शमि॒ता दे॒वो अ॒ग्निः स्वद॑न्तु ह॒व्यम्मधु॑ना घृ॒तेन॑ ।।
   वन॒स्पतिः॑ शमि॒ता दे॒वो अ॒ग्निः
   वन॒स्पतिः शमि॒ता दे॒वः अ॒ग्निः
   वन॒स्पतिः शमि॒ता दे॒वो अ॒ग्निः

Halfverse: d    स्वद॑न्तु ह॒व्यम्मधु॑ना घृ॒तेन॑ ।।
   स्वद॑न्तु ह॒व्यम् मधु॑ना घृ॒तेन ।।
   स्वद॑न्तु ह॒व्यम् मधु॑ना घृ॒तेन ।।


Verse: 11 
Halfverse: a    स॒द्यो जा॒तो व्य॑मिमीत य॒ज्ञम॒ग्निर्दे॒वाना॑मभवत्पुरो॒गाः ।
   स॒द्यो जा॒तो व्य॑मिमीत य॒ज्ञम्
   स॒द्यः जा॒तः वि अ॑मिमीत य॒ज्ञम्
   स॒द्यो जा॒तो वि अ॑मिमीत य॒ज्ञम्

Halfverse: b    अ॒ग्निर्दे॒वाना॑मभवत्पुरो॒गाः ।
   अ॒ग्निः दे॒वाना॑म् अभवत् पुरो॒गाः ।
   अ॒ग्निर् दे॒वाना॑म् अभवत् पुरो॒गाः ।

Halfverse: c    अ॒स्य होतुः॑ प्र॒दिश्यृ॒तस्य॑ वा॒चि स्वाहा॑कृतं ह॒विर॑दन्तु दे॒वाः ।।
   अ॒स्य होतुः॑ प्र॒दिश्यृ॒तस्य॑ वा॒चि
   अ॒स्य होतुः प्र॒दिशि ऋ॒तस्य वा॒चि
   अ॒स्य होतुः प्र॒दिश्य् ऋ॒तस्य वा॒चि

Halfverse: d    स्वाहा॑कृतं ह॒विर॑दन्तु दे॒वाः ।।
   स्वाहा॑कृतम् ह॒विः अ॑दन्तु दे॒वाः ।।
   स्वाहा॑कृतं ह॒विर् अदन्तु दे॒वाः ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.