TITUS
Rg-Veda: Rg-Veda-Samhita
Part No. 946
Previous part

Hymn: 109_(935) 
Verse: 1 
Halfverse: a    ते॑ ऽवदन्प्रथ॒मा ब्र॑ह्मकिल्बि॒षे ऽकू॑पारः सलि॒लो मा॑त॒रिश्वा॑ ।
   ते॑ ऽवदन्प्रथ॒मा ब्र॑ह्मकिल्बि॒षे
   ते अ॑वदन् प्रथ॒माः ब्र॑ह्मकिल्बि॒षे
   ते अ॑वदन् प्रथ॒मा ब्र॑ह्मकिल्बि॒षे

Halfverse: b    ऽकू॑पारः सलि॒लो मा॑त॒रिश्वा॑ ।
   अकू॑पारः सलि॒लः मा॑त॒रिश्वा ।
   अकू॑पारः सलि॒लो मा॑त॒रिश्वा ।

Halfverse: c    वी॒ळुह॑रा॒स्तप॑ उ॒ग्रो म॑यो॒भूरापो॑ दे॒वीः प्र॑थम॒जा ऋ॒तेन॑ ।।
   वी॒ळुह॑रा॒स्तप॑ उ॒ग्रो म॑यो॒भूर्
   वी॒ळुह॑राः तपः उ॒ग्रः म॑यो॒भूः
   वी॒ळुह॑रास् तप उ॒ग्रो म॑यो॒भूर्

Halfverse: d    आपो॑ दे॒वीः प्र॑थम॒जा ऋ॒तेन॑ ।।
   आपः दे॒वीः प्र॑थम॒जाः ऋ॒तेन ।।
   आपो दे॒वीः प्र॑थम॒जा ऋ॒तेन ।।


Verse: 2 
Halfverse: a    सोमो॒ राजा॑ प्रथ॒मो ब्र॑ह्मजा॒याम्पुनः॒ प्राय॑छ॒दहृ॑णीयमानः ।
   सोमो॒ राजा॑ प्रथ॒मो ब्र॑ह्मजा॒याम्
   सोमः राजा प्रथ॒मः ब्र॑ह्मजा॒याम्
   सोमो राजा प्रथ॒मो ब्र॑ह्मजा॒याम्

Halfverse: b    पुनः॒ प्राय॑छ॒दहृ॑णीयमानः ।
   पुन॑र् प्र अ॑यछत् अहृ॑णीयमानः ।
   पुनः प्राय॑छद् अहृ॑णीयमानः ।

Halfverse: c    अ॑न्वर्ति॒ता वरु॑णो मि॒त्र आ॑सीद॒ग्निर्होता॑ हस्त॒गृह्या नि॑नाय ।।
   अ॑न्वर्ति॒ता वरु॑णो मि॒त्र आ॑सीद्
   अन्वर्ति॒ता वरु॑णः मि॒त्रः आ॑सीत्
   अन्वर्ति॒ता वरु॑णो मि॒त्र आ॑सीद्

Halfverse: d    अ॒ग्निर्होता॑ हस्त॒गृह्या नि॑नाय ।।
   अ॒ग्निः होता हस्त॒गृह्य आ नि॑नाय ।।
   अ॒ग्निर् होता हस्त॒गृह्या नि॑नाय ।।


Verse: 3 
Halfverse: a    हस्ते॑नै॒व ग्रा॒ह्य॑ आ॒धिर॑स्या ब्रह्मजा॒येयमिति॒ चेदवो॑चन् ।
   हस्ते॑नै॒व ग्रा॒ह्य॑ आ॒धिर॑स्या
   हस्ते॑न ए॒व ग्रा॒ह्यः आ॒धिः अ॑स्याः
   हस्ते॑नै॒व ग्रा॒हिय आ॒धिर् अस्या

Halfverse: b    ब्रह्मजा॒येयमिति॒ चेदवो॑चन् ।
   ब्र॑ह्मजा॒या इ॒यम् इति च इत् अवो॑चन् ।
   ब्र॑ह्मजा॒येयम् इति चेद् अवो॑चन् ।

Halfverse: c    न दू॒ताय॑ प्र॒ह्ये॑ तस्थ ए॒षा तथा॑ रा॒ष्ट्रं गु॑पि॒तं क्ष॒त्रिय॑स्य ।।
   न दू॒ताय॑ प्र॒ह्ये॑ तस्थ ए॒षा
   न दू॒ताय प्र॒ह्ये तस्थे ए॒षा
   न दू॒ताय प्र॒हिये तस्थ ए॒षा

Halfverse: d    तथा॑ रा॒ष्ट्रं गु॑पि॒तं क्ष॒त्रिय॑स्य ।।
   तथा रा॒ष्ट्रम् गुपि॒तम् क्ष॒त्रिय॑स्य ।।
   तथा रा॒ष्ट्रं गु॑पि॒तं क्ष॒त्रिय॑स्य ।।


Verse: 4 
Halfverse: a    दे॒वा ए॒तस्या॑मवदन्त॒ पूर्वे॑ सप्तऋ॒षय॒स्तप॑से॒ ये नि॑षे॒दुः ।
   दे॒वा ए॒तस्या॑मवदन्त॒ पूर्वे
   दे॒वाः ए॒तस्या॑म् अवदन्त पूर्वे
   दे॒वा ए॒तस्या॑म् अवदन्त पूर्वे

Halfverse: b    सप्तऋ॒षय॒स्तप॑से॒ ये नि॑षे॒दुः ।
   स॑प्तऋ॒षयः तप॑से ये नि॑षे॒दुः ।
   स॑प्त॒र्षय॑स् तप॑से ये नि॑षे॒दुः ।

Halfverse: c    भी॒मा जा॒या ब्रा॑ह्म॒णस्योप॑नीता दु॒र्धां द॑धाति पर॒मे व्यो॑मन् ।।
   भी॒मा जा॒या ब्रा॑ह्म॒णस्योप॑नीता
   भी॒मा जा॒या ब्रा॑ह्म॒णस्य उप॑नीता
   भी॒मा जा॒या ब्रा॑ह्म॒णस्योप॑नीता

Halfverse: d    दु॒र्धां द॑धाति पर॒मे व्यो॑मन् ।।
   दु॒र्धाम् दधाति पर॒मे व्यो॑मन् ।।
   दु॒र्धां द॑धाति पर॒मे विओ॑मन् ।।


Verse: 5 
Halfverse: a    ब्र॑ह्मचा॒री च॑रति॒ वेवि॑ष॒द्विषः॒ स दे॒वाना॑म्भव॒त्येक॒मङ्ग॑म् ।
   ब्र॑ह्मचा॒री च॑रति॒ वेवि॑ष॒द्विषः
   ब्रह्मचा॒री च॑रति वेवि॑षत् विषः
   ब्रह्मचा॒री च॑रति वेवि॑षद् विषः

Halfverse: b    स दे॒वाना॑म्भव॒त्येक॒मङ्ग॑म् ।
   स दे॒वाना॑म् भवति एक॑म् अङ्ग॑म् ।
   स दे॒वाना॑म् भवति एक॑म् अङ्ग॑म् ।

Halfverse: c    तेन॑ जा॒यामन्व॑विन्द॒द्बृह॒स्पतिः॒ सोमे॑न नी॒तां जु॒ह्वं॒ न दे॑वाः ।।
   तेन॑ जा॒यामन्व॑विन्द॒द्बृह॒स्पतिः
   तेन जा॒याम् अनु अविन्दत् बृह॒स्पतिः
   तेन जा॒याम् अन्व् अविन्दद् बृह॒स्पतिः

Halfverse: d    सोमे॑न नी॒तां जु॒ह्वं॒ न दे॑वाः ।।
   सोमे॑न नी॒ताम् जु॒ह्व॑म् न दे॑वाः ।।
   सोमे॑न नी॒तां जु॒हुवं न दे॑वाः ।।


Verse: 6 
Halfverse: a    पुन॒र्वै दे॒वा अ॑ददुः॒ पुन॑र्मनु॒ष्या॑ उ॒त ।
   पुन॒र्वै दे॒वा अ॑ददुः
   पुन॑र् वै दे॒वाः अ॑ददुः
   पुन॑र् वै दे॒वा अ॑ददुः

Halfverse: b    पुन॑र्मनु॒ष्या॑ उ॒त ।
   पुन॑र् मनु॒ष्याः उ॒त ।
   पुन॑र् मनु॒षिया उ॒त ।

Halfverse: c    राजा॑नः स॒त्यं कृ॑ण्वा॒ना ब्र॑ह्मजा॒याम्पुन॑र्ददुः ।।
   राजा॑नः स॒त्यं कृ॑ण्वा॒ना
   राजा॑नः स॒त्यम् कृण्वा॒नाः
   राजा॑नः स॒त्यं कृ॑ण्वा॒ना

Halfverse: d    ब्र॑ह्मजा॒याम्पुन॑र्ददुः ।।
   ब्र॑ह्मजा॒याम् पुन॑र् ददुः ।।
   ब्र॑ह्मजा॒याम् पुन॑र् ददुः ।।


Verse: 7 
Halfverse: a    पु॑न॒र्दाय॑ ब्रह्मजा॒यां कृ॒त्वी दे॒वैर्नि॑किल्बि॒षम् ।
   पु॑न॒र्दाय॑ ब्रह्मजा॒यां
   पु॑न॒र्दाय ब्रह्मजा॒याम्
   पुन॒र्दाय ब्रह्मजा॒यां

Halfverse: b    कृ॒त्वी दे॒वैर्नि॑किल्बि॒षम् ।
   कृ॒त्वी दे॒वैः नि॑किल्बि॒षम् ।
   कृ॒त्वी दे॒वैर् निकिल्बि॒षम् ।

Halfverse: c    ऊर्ज॑म्पृथि॒व्या भ॒क्त्वायो॑रुगा॒यमुपा॑सते ।।
   ऊर्ज॑म्पृथि॒व्या भ॒क्त्वाय
   ऊर्ज॑म् पृथि॒व्या भ॒क्त्वाय
   ऊर्ज॑म् पृथि॒व्या भ॒क्त्वाय

Halfverse: d     ॑उरुगा॒यमुपा॑सते ।।
   उ॑रुगा॒यम् उप आसते ।।
   उ॑रुगा॒यम् उपा॑सते ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.