TITUS
Rg-Veda: Rg-Veda-Samhita
Part No. 945
Previous part

Hymn: 108_(934) 
Verse: 1 
Halfverse: a    किमि॒छन्ती॑ स॒रमा॒ प्रेदमा॑नड्दू॒रे ह्यध्वा॒ जगु॑रिः परा॒चैः ।
   किमि॒छन्ती॑ स॒रमा॒ प्रेदमा॑नड्
   किम् इ॒छन्ती स॒रमा प्र इ॒दम् आनट्
   किम् इ॒छन्ती स॒रमा प्रेदम् आनड्

Halfverse: b    दू॒रे ह्यध्वा॒ जगु॑रिः परा॒चैः ।
   दू॒रे हि अध्वा जगु॑रिः परा॒चैः ।
   दू॒रे हि अध्वा जगु॑रिः परा॒चैः ।

Halfverse: c    कास्मेहि॑तिः॒ का परि॑तक्म्यासीत्क॒थं र॒साया॑ अतरः॒ पयां॑सि ।।
   कास्मेहि॑तिः॒ का परि॑तक्म्यासीत्
   का अ॒स्मेहि॑तिः का परि॑तक्म्या आसीत्
   कास्मेहि॑तिः का परि॑तक्मियासीत्

Halfverse: d    क॒थं र॒साया॑ अतरः॒ पयां॑सि ।।
   क॒थम् र॒सायाः अतरः पयां॑सि ।।
   क॒थं र॒साया अतरः पयां॑सि ।।


Verse: 2 
Halfverse: a    इन्द्र॑स्य दू॒तीरि॑षि॒ता च॑रामि म॒ह इ॒छन्ती॑ पणयो नि॒धीन्वः॑ ।
   इन्द्र॑स्य दू॒तीरि॑षि॒ता च॑रामि
   इन्द्र॑स्य दू॒तीः इ॑षि॒ता च॑रामि
   इन्द्र॑स्य दू॒तीर् इषि॒ता च॑रामि

Halfverse: b    म॒ह इ॒छन्ती॑ पणयो नि॒धीन्वः॑ ।
   म॒हः इ॒छन्ती पणयः नि॒धीन् वः ।
   म॒ह इ॒छन्ती पणयो नि॒धीन् वः ।

Halfverse: c    अ॑ति॒ष्कदो॑ भि॒यसा॒ तन्न॑ आव॒त्तथा॑ र॒साया॑ अतर॒म्पयां॑सि ।।
   अ॑ति॒ष्कदो॑ भि॒यसा॒ तन्न॑ आवत्
   अति॒ष्कदः भि॒यसा तत् नः आवत्
   अति॒ष्कदो भि॒यसा तन् न आवत्

Halfverse: d    तथा॑ र॒साया॑ अतर॒म्पयां॑सि ।।
   तथा र॒सायाः अतरम् पयां॑सि ।।
   तथा र॒साया अतरम् पयां॑सि ।।


Verse: 3 
Halfverse: a    की॒दृङ्ङिन्द्रः॑ सरमे॒ का दृ॑शी॒का यस्ये॒दं दू॒तीरस॑रः परा॒कात् ।
   की॒दृङ्ङिन्द्रः॑ सरमे॒ का दृ॑शी॒का
   की॒दृङ् इन्द्रः सरमे का दृ॑शी॒का
   की॒दृङ्ङ् इन्द्रः सरमे का दृ॑शी॒का

Halfverse: b    यस्ये॒दं दू॒तीरस॑रः परा॒कात् ।
   यस्य इ॒दम् दू॒तीः अस॑रः परा॒कात् ।
   यस्ये॒दं दू॒तीर् अस॑रः परा॒कात् ।

Halfverse: c    आ च॒ गछा॑न्मि॒त्रमे॑ना दधा॒माथा॒ गवां॒ गोप॑तिर्नो भवाति ।।
   आ च॒ गछा॑न्मि॒त्रमे॑ना दधाम
   आ च गछा॑त् मि॒त्रम् एन+ दधाम
   आ च गछा॑न् मि॒त्रम् एना दधाम

Halfverse: d     अथा॒ गवां॒ गोप॑तिर्नो भवाति ।।
   अथ+ गवा॑म् गोप॑तिः नः भवाति ।।
   अथा गवां गोप॑तिर् नो भवाति ।।


Verse: 4 
Halfverse: a    नाहं तं वे॑द॒ दभ्यं॒ दभ॒त्स यस्ये॒दं दू॒तीरस॑रम्परा॒कात् ।
   नाहं तं वे॑द॒ दभ्यं॒ दभ॒त्स
   न अ॒हम् तम् वेद दभ्य॑म् दभ॑त् स
   नाहं तं वे॑द दभि॑यं दभ॑त् स

Halfverse: b    यस्ये॒दं दू॒तीरस॑रम्परा॒कात् ।
   यस्य इ॒दम् दू॒तीः अस॑रम् परा॒कात् ।
   यस्ये॒दं दू॒तीर् अस॑रम् परा॒कात् ।

Halfverse: c    न तं गू॑हन्ति स्र॒वतो॑ गभी॒रा ह॒ता इन्द्रे॑ण पणयः शयध्वे ।।
   न तं गू॑हन्ति स्र॒वतो॑ गभी॒रा
   न तम् गूहन्ति स्र॒वतः गभी॒राः
   न तं गू॑हन्ति स्र॒वतो गभी॒रा

Halfverse: d    ह॒ता इन्द्रे॑ण पणयः शयध्वे ।।
   ह॒ताः इन्द्रे॑ण पणयः शयध्वे ।।
   ह॒ता इन्द्रे॑ण पणयः शयध्वे ।।


Verse: 5 
Halfverse: a    इ॒मा गावः॑ सरमे॒ या ऐछः॒ परि॑ दि॒वो अन्ता॑न्सुभगे॒ पत॑न्ती ।
   इ॒मा गावः॑ सरमे॒ या ऐछः
   इ॒माः गावः सरमे याः ऐछः
   इ॒मा गावः सरमे या अईइछः

Halfverse: b    परि॑ दि॒वो अन्ता॑न्सुभगे॒ पत॑न्ती ।
   परि दि॒वः अन्ता॑न् सुभगे पत॑न्ती ।
   परि दि॒वो ऽन्ता॑न् % सुभगे पत॑न्ती ।

Halfverse: c    कस्त॑ एना॒ अव॑ सृजा॒दयु॑ध्व्यु॒तास्माक॒मायु॑धा सन्ति ति॒ग्मा ।।
   कस्त॑ एना॒ अव॑ सृजा॒दयु॑ध्व्य्
   कः ते एनाः अव सृजात् अयु॑ध्वी
   कस् त एना अव सृजाद् अयु॑ध्वी

Halfverse: d    उ॒तास्माक॒मायु॑धा सन्ति ति॒ग्मा ।।
   उ॒त अ॒स्माक॑म् आयु॑धा सन्ति ति॒ग्मा ।।
   उ॒तास्माक॑म् आयु॑धा सन्ति ति॒ग्मा ।।


Verse: 6 
Halfverse: a    अ॑से॒न्या वः॑ पणयो॒ वचां॑स्यनिष॒व्यास्त॒न्वः॑ सन्तु पा॒पीः ।
   अ॑से॒न्या वः॑ पणयो॒ वचां॑स्य्
   असे॒न्या वः पणयः वचां॑सि
   असेनि॒या वः पणयो वचां॑सि

Halfverse: b    अनिष॒व्यास्त॒न्वः॑ सन्तु पा॒पीः ।
   अ॑निष॒व्याः त॒न्वः सन्तु पा॒पीः ।
   अ॑निष॒व्यास् त॒नुवः सन्तु पा॒पीः ।

Halfverse: c    अधृ॑ष्टो व॒ एत॒वा अ॑स्तु॒ पन्था॒ बृह॒स्पति॑र्व उभ॒या न मृ॑ळात् ।।
   अधृ॑ष्टो व॒ एत॒वा अ॑स्तु॒ पन्था
   अधृ॑ष्टः वः एत॒वै अ॑स्तु पन्थाः
   अधृ॑ष्टो व एत॒वा अ॑स्तु पन्था

Halfverse: d    बृह॒स्पति॑र्व उभ॒या न मृ॑ळात् ।।
   बृह॒स्पतिः वः उभ॒या न मृ॑ळात् ।।
   बृह॒स्पति॑र् व उभ॒या न मृ॑ळात् ।।


Verse: 7 
Halfverse: a    अ॒यं नि॒धिः स॑रमे॒ अद्रि॑बुध्नो॒ गोभि॒रश्वे॑भि॒र्वसु॑भि॒र्न्यृ॑ष्टः ।
   अ॒यं नि॒धिः स॑रमे॒ अद्रि॑बुध्नो
   अ॒यम् नि॒धिः स॑रमे अद्रि॑बुध्नः
   अ॒यं नि॒धिः स॑रमे अद्रि॑बुध्नो

Halfverse: b    गोभि॒रश्वे॑भि॒र्वसु॑भि॒र्न्यृ॑ष्टः ।
   गोभिः अश्वे॑भिः वसु॑भिः न्यृ॑ष्टः ।
   गोभि॑र् अश्वे॑भिर् वसु॑भिर् निऋष्टः ।

Halfverse: c    रक्ष॑न्ति॒ तम्प॒णयो॒ ये सु॑गो॒पा रेकु॑ प॒दमल॑क॒मा ज॑गन्थ ।।
   रक्ष॑न्ति॒ तम्प॒णयो॒ ये सु॑गो॒पा
   रक्ष॑न्ति तम् प॒णयः ये सु॑गो॒पाः
   रक्ष॑न्ति तम् प॒णयो ये सु॑गो॒पा

Halfverse: d    रेकु॑ प॒दमल॑क॒मा ज॑गन्थ ।।
   रेकु प॒दम् अल॑कम् आ ज॑गन्थ ।।
   रेकु प॒दम् अल॑कम् आ ज॑गन्थ ।।


Verse: 8 
Halfverse: a    एह ग॑म॒न्नृष॑यः॒ सोम॑शिता अ॒यास्यो॒ अङ्गि॑रसो॒ नव॑ग्वाः ।
   एह ग॑म॒न्नृष॑यः॒ सोम॑शिता
   आ इ॒ह ग॑मन् ऋष॑यः सोम॑शिताः
   एह ग॑मन्न् ऋष॑यः सोम॑शिता

Halfverse: b    अ॒यास्यो॒ अङ्गि॑रसो॒ नव॑ग्वाः ।
   अ॒यास्यः अङ्गि॑रसः नव॑ग्वाः ।
   अ॒यासि॑यो अङ्गि॑रसो नव॑ग्वाः ।

Halfverse: c    त ए॒तमू॒र्वं वि भ॑जन्त॒ गोना॒मथै॒तद्वचः॑ प॒णयो॒ वम॒न्नित् ।।
   त ए॒तमू॒र्वं वि भ॑जन्त॒ गोना॑म्
   ते ए॒तम् ऊ॒र्वम् वि भ॑जन्त गोना॑म्
   त ए॒तम् ऊ॒र्वं वि भ॑जन्त गोना॑म्

Halfverse: d    अथै॒तद्वचः॑ प॒णयो॒ वम॒न्नित् ।।
   अथ ए॒तत् वचः प॒णयः वम॑न् इत् ।।
   अथै॒तद् वचः प॒णयो वम॑न्न् इत् ।।


Verse: 9 
Halfverse: a    ए॒वा च॒ त्वं स॑रम आज॒गन्थ॒ प्रबा॑धिता॒ सह॑सा॒ दैव्ये॑न ।
   ए॒वा च॒ त्वं स॑रम आज॒गन्थ
   ए॒व+ च त्वम् सरमे आज॒गन्थ
   ए॒वा च त्वं स॑रम आज॒गन्थ

Halfverse: b    प्रबा॑धिता॒ सह॑सा॒ दैव्ये॑न ।
   प्रबा॑धिता सह॑सा दैव्ये॑न ।
   प्रबा॑धिता सह॑सा दैवि॑येन ।

Halfverse: c    स्वसा॑रं त्वा कृणवै॒ मा पुन॑र्गा॒ अप॑ ते॒ गवां॑ सुभगे भजाम ।।
   स्वसा॑रं त्वा कृणवै॒ मा पुन॑र्गा
   स्वसा॑रम् त्वा कृणवै मा पुन॑र् गाः
   स्वसा॑रं त्वा कृणवै मा पुन॑र् गा

Halfverse: d    अप॑ ते॒ गवां॑ सुभगे भजाम ।।
   अप ते गवा॑म् सुभगे भजाम ।।
   अप ते गवां सुभगे भजाम ।।


Verse: 10 
Halfverse: a    नाहं वे॑द भ्रातृ॒त्वं नो स्व॑सृ॒त्वमिन्द्रो॑ विदु॒रङ्गि॑रसश्च घो॒राः ।
   नाहं वे॑द भ्रातृ॒त्वं नो स्व॑सृ॒त्वम्
   न अ॒हम् वेद भ्रातृ॒त्वम् न उ स्वसृ॒त्वम्
   नाहं वे॑द भ्रातृ॒त्वं नो स्व॑सृ॒त्वम्

Halfverse: b    इन्द्रो॑ विदु॒रङ्गि॑रसश्च घो॒राः ।
   इन्द्रः विदुः अङ्गि॑रसः च घो॒राः ।
   इन्द्रो विदुर् अङ्गि॑रसश् च घो॒राः ।

Halfverse: c    गोका॑मा मे अछदय॒न्यदाय॒मपात॑ इत पणयो॒ वरी॑यः ।।
   गोका॑मा मे अछदय॒न्यदाय॑म्
   गोका॑माः मे अछदयन् यत् आय॑म्
   गोका॑मा मे अछदयन् यद् आय॑म्

Halfverse: d    अपात॑ इत पणयो॒ वरी॑यः ।।
   अप अतः इत पणयः वरी॑यः ।।
   अपात इत पणयो वरी॑यः ।।


Verse: 11 
Halfverse: a    दू॒रमि॑त पणयो॒ वरी॑य॒ उद्गावो॑ यन्तु मिन॒तीरृ॒तेन॑ ।
   दू॒रमि॑त पणयो॒ वरी॑य
   दू॒रम् इत पणयः वरी॑यः
   दूउ॒रम् इत पणयो वरी॑य

Halfverse: b    उद्गावो॑ यन्तु मिन॒तीरृ॒तेन॑ ।
   उत् गावः यन्तु मिन॒तीः ऋ॒तेन ।
   उद् गावो यन्तु मिन॒तीर् ऋ॒तेन ।

Halfverse: c    बृह॒स्पति॒र्या अवि॑न्द॒न्निगू॑ऴाः॒ सोमो॒ ग्रावा॑ण॒ ऋष॑यश्च॒ विप्राः॑ ।।
   बृह॒स्पति॒र्या अवि॑न्द॒न्निगू॑ऴाः
   बृह॒स्पतिः याः अवि॑न्दत् निगू॑ऴाः
   बृह॒स्पति॑र् या अवि॑न्दन् निगू॑ऴाः

Halfverse: d    सोमो॒ ग्रावा॑ण॒ ऋष॑यश्च॒ विप्राः॑ ।।
   सोमः ग्रावा॑णः ऋष॑यः च विप्राः ।।
   सोमो ग्रावा॑ण ऋष॑यश् च विप्राः ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.