TITUS
Rg-Veda: Rg-Veda-Samhita
Part No. 944
Previous part

Hymn: 107_(933) 
Verse: 1 
Halfverse: a    आ॒विर॑भू॒न्महि॒ माघो॑नमेषां॒ विश्वं॑ जी॒वं तम॑सो॒ निर॑मोचि ।
   आ॒विर॑भू॒न्महि॒ माघो॑नमेषां
   आ॒विः अ॑भूत् महि माघो॑नम् एषाम्
   आ॒विर् अभून् महि माघो॑नम् एषां

Halfverse: b    विश्वं॑ जी॒वं तम॑सो॒ निर॑मोचि ।
   विश्व॑म् जी॒वम् तम॑सः निः अ॑मोचि ।
   विश्वं जी॒वं तम॑सो निर् अमोचि ।

Halfverse: c    महि॒ ज्योतिः॑ पि॒तृभि॑र्द॒त्तमागा॑दु॒रुः पन्था॒ दक्षि॑णाया अदर्शि ।।
   महि॒ ज्योतिः॑ पि॒तृभि॑र्द॒त्तमागा॑द्
   महि ज्योतिः पि॒तृभिः द॒त्तम् आ अ॑गात्
   महि ज्योतिः पि॒तृभि॑र् द॒त्तम् आगा॑द्

Halfverse: d    उ॒रुः पन्था॒ दक्षि॑णाया अदर्शि ।।
   उ॒रुः पन्थाः दक्षि॑णायाः अदर्शि ।।
   उ॒रुः पन्था दक्षि॑णाया अदर्शि ।।


Verse: 2 
Halfverse: a    उ॒च्चा दि॒वि दक्षि॑णावन्तो अस्थु॒र्ये अ॑श्व॒दाः स॒ह ते सूर्ये॑ण ।
   उ॒च्चा दि॒वि दक्षि॑णावन्तो अस्थुर्
   उ॒च्चा दि॒वि दक्षि॑णावन्तः अस्थुः
   उ॒च्चा दि॒वि दक्षि॑णावन्तो अस्थुर्

Halfverse: b    ये अ॑श्व॒दाः स॒ह ते सूर्ये॑ण ।
   ये अ॑श्व॒दाः स॒ह ते सूर्ये॑ण ।
   ये अ॑श्व॒दाः स॒ह ते सूरि॑येण ।

Halfverse: c    हि॑रण्य॒दा अ॑मृत॒त्वम्भ॑जन्ते वासो॒दाः सो॑म॒ प्र ति॑रन्त॒ आयुः॑ ।।
   हि॑रण्य॒दा अ॑मृत॒त्वम्भ॑जन्ते
   हिरण्य॒दाः अ॑मृत॒त्वम् भजन्ते
   हिरण्य॒दा अ॑मृत॒त्वम् भजन्ते

Halfverse: d    वासो॒दाः सो॑म॒ प्र ति॑रन्त॒ आयुः॑ ।।
   वा॑सो॒दाः सो॑म प्र ति॑रन्ते आयुः ।।
   वा॑सो॒दाः सो॑म प्र ति॑रन्त आयुः ।।


Verse: 3 
Halfverse: a    दैवी॑ पू॒र्तिर्दक्षि॑णा देवय॒ज्या न क॑वा॒रिभ्यो॑ न॒हि ते पृ॒णन्ति॑ ।
   दैवी॑ पू॒र्तिर्दक्षि॑णा देवय॒ज्या
   दैवी पू॒र्तिः दक्षि॑णा देवय॒ज्या
   दैवी पू॒र्तिर् दक्षि॑णा देवय॒ज्या

Halfverse: b    न क॑वा॒रिभ्यो॑ न॒हि ते पृ॒णन्ति॑ ।
   न क॑वा॒रिभ्यः न॒हि ते पृ॒णन्ति ।
   न क॑वा॒रिभ्यो न॒हि ते पृ॒णन्ति ।

Halfverse: c    अथा॒ नरः॒ प्रय॑तदक्षिणासो ऽवद्यभि॒या ब॒हवः॑ पृणन्ति ।।
   अथा॒ नरः॒ प्रय॑तदक्षिणासो
   अथ+ नरः प्रय॑तदक्षिणासः
   अथा नरः प्रय॑तदक्षिणासो

Halfverse: d    ऽवद्यभि॒या ब॒हवः॑ पृणन्ति ।।
   अ॑वद्यभि॒या ब॒हवः पृणन्ति ।।
   अ॑वद्यभि॒या ब॒हवः पृणन्ति ।।


Verse: 4 
Halfverse: a    श॒तधा॑रं वा॒युम॒र्कं स्व॒र्विदं॑ नृ॒चक्ष॑स॒स्ते अ॒भि च॑क्षते ह॒विः ।
   श॒तधा॑रं वा॒युम॒र्कं स्व॒र्विदं
   श॒तधा॑रम् वा॒युम् अ॒र्कम् स्व॒र्विद॑म्
   श॒तधा॑रं वा॒युम् अ॒र्कं सु॑व॒र्विदं

Halfverse: b    नृ॒चक्ष॑स॒स्ते अ॒भि च॑क्षते ह॒विः ।
   नृ॒चक्ष॑सः ते अ॒भि च॑क्षते ह॒विः ।
   नृ॒चक्ष॑सस् ते अ॒भि च॑क्षते ह॒विः ।

Halfverse: c    ये पृ॒णन्ति॒ प्र च॒ यछ॑न्ति संग॒मे ते दक्षि॑णां दुहते स॒प्तमा॑तरम् ।।
   ये पृ॒णन्ति॒ प्र च॒ यछ॑न्ति संग॒मे
   ये पृ॒णन्ति प्र च यछ॑न्ति संग॒मे
   ये पृ॒णन्ति प्र च यछ॑न्ति संग॒मे

Halfverse: d    ते दक्षि॑णां दुहते स॒प्तमा॑तरम् ।।
   ते दक्षि॑णाम् दुहते स॒प्तमा॑तरम् ।।
   ते दक्षि॑णां दुहते स॒प्तमा॑तरम् ।।


Verse: 5 
Halfverse: a    दक्षि॑णावान्प्रथ॒मो हू॒त ए॑ति॒ दक्षि॑णावान्ग्राम॒णीरग्र॑मेति ।
   दक्षि॑णावान्प्रथ॒मो हू॒त ए॑ति
   दक्षि॑णावान् प्रथ॒मः हू॒तः ए॑ति
   दक्षि॑णावान् प्रथ॒मो हू॒त ए॑ति

Halfverse: b    दक्षि॑णावान्ग्राम॒णीरग्र॑मेति ।
   दक्षि॑णावान् ग्राम॒णीः अग्र॑म् एति ।
   दक्षि॑णावान् ग्राम॒णीर् अग्र॑म् एति ।

Halfverse: c    तमे॒व म॑न्ये नृ॒पतिं॒ जना॑नां॒ यः प्र॑थ॒मो दक्षि॑णामावि॒वाय॑ ।।
   तमे॒व म॑न्ये नृ॒पतिं॒ जना॑नां
   तम् ए॒व म॑न्ये नृ॒पति॑म् जना॑नाम्
   तम् ए॒व म॑न्ये नृ॒पतिं जना॑नां

Halfverse: d    यः प्र॑थ॒मो दक्षि॑णामावि॒वाय॑ ।।
   यः प्र॑थ॒मः दक्षि॑णाम् आवि॒वाय ।।
   यः प्र॑थ॒मो दक्षि॑णाम् आवि॒वाय ।।


Verse: 6 
Halfverse: a    तमे॒व ऋषिं॒ तमु॑ ब्र॒ह्माण॑माहुर्यज्ञ॒न्यं॑ साम॒गामु॑क्थ॒शास॑म् ।
   तमे॒व ऋषिं॒ तमु॑ ब्र॒ह्माण॑माहुर्
   तम् ए॒व ऋषि॑म् तम् उ ब्र॒ह्माण॑म् आहुः
   तम् ए॒व ऋषिं तम् उ ब्र॒ह्माण॑म् आहुर्

Halfverse: b    यज्ञ॒न्यं॑ साम॒गामु॑क्थ॒शास॑म् ।
   य॑ज्ञ॒न्य॑म् साम॒गाम् उक्थ॒शास॑म् ।
   य॑ज्ञ॒नियं साम॒गाम् उक्थ॒शास॑म् ।

Halfverse: c    स शु॒क्रस्य॑ त॒न्वो॑ वेद ति॒स्रो यः प्र॑थ॒मो दक्षि॑णया र॒राध॑ ।।
   स शु॒क्रस्य॑ त॒न्वो॑ वेद ति॒स्रो
   स शु॒क्रस्य त॒न्वः वेद ति॒स्रः
   स शु॒क्रस्य त॒नुवो वेद ति॒स्रो

Halfverse: d    यः प्र॑थ॒मो दक्षि॑णया र॒राध॑ ।।
   यः प्र॑थ॒मः दक्षि॑णया र॒राध ।।
   यः प्र॑थ॒मो दक्षि॑णया र॒राध ।।


Verse: 7 
Halfverse: a    दक्षि॒णाश्वं॒ दक्षि॑णा॒ गां द॑दाति॒ दक्षि॑णा च॒न्द्रमु॒त यद्धिर॑ण्यम् ।
   दक्षि॒णाश्वं॒ दक्षि॑णा॒ गां द॑दाति
   दक्षि॑णा अश्व॑म् दक्षि॑णा गाम् ददाति
   दक्षि॒णाश्वं दक्षि॑णा गां द॑दाति

Halfverse: b    दक्षि॑णा च॒न्द्रमु॒त यद्धिर॑ण्यम् ।
   दक्षि॑णा च॒न्द्रम् उ॒त यत् हिर॑ण्यम् ।
   दक्षि॑णा च॒न्द्रम् उ॒त यद् धिर॑ण्यम् ।

Halfverse: c    दक्षि॒णान्नं॑ वनुते॒ यो न॑ आ॒त्मा दक्षि॑णां॒ वर्म॑ कृणुते विजा॒नन् ।।
   दक्षि॒णान्नं॑ वनुते॒ यो न॑ आ॒त्मा
   दक्षि॑णा अन्न॑म् वनुते यः नः आ॒त्मा
   दक्षि॒णान्नं वनुते यो न आ॒त्मा

Halfverse: d    दक्षि॑णां॒ वर्म॑ कृणुते विजा॒नन् ।।
   दक्षि॑णाम् वर्म कृणुते विजा॒नन् ।।
   दक्षि॑णां वर्म कृणुते विजा॒नन् ।।


Verse: 8 
Halfverse: a    न भो॒जा म॑म्रु॒र्न न्य॒र्थमी॑यु॒र्न रि॑ष्यन्ति॒ न व्य॑थन्ते ह भो॒जाः ।
   न भो॒जा म॑म्रु॒र्न न्य॒र्थमी॑युर्
   न भो॒जाः म॑म्रुः न न्य॒र्थम् ईयुः
   न भो॒जा म॑म्रुर् न निअ॒र्थम् ईयुर्

Halfverse: b    न रि॑ष्यन्ति॒ न व्य॑थन्ते ह भो॒जाः ।
   न रि॑ष्यन्ति न व्य॑थन्ते ह भो॒जाः ।
   न रि॑ष्यन्ति न व्य॑थन्ते ह भो॒जाः ।

Halfverse: c    इ॒दं यद्विश्व॒म्भुव॑नं॒ स्व॑श्चै॒तत्सर्वं॒ दक्षि॑णैभ्यो ददाति ।।
   इ॒दं यद्विश्व॒म्भुव॑नं॒ स्व॑श्च
   इ॒दम् यत् विश्व॑म् भुव॑नम् स्व॑र् च
   इ॒दं यद् विश्व॑म् भुव॑नं सुव॑श् च

Halfverse: d     ए॒तत्सर्वं॒ दक्षि॑णैभ्यो ददाति ।।
   ए॒तत् सर्व॑म् दक्षि॑णा एभ्यः ददाति ।।
   ए॒तत् सर्वं दक्षि॑णैभ्यो ददाति ।।


Verse: 9 
Halfverse: a    भो॒जा जि॑ग्युः सुर॒भिं योनि॒मग्रे॑ भो॒जा जि॑ग्युर्व॒ध्वं॒ या सु॒वासाः॑ ।
   भो॒जा जि॑ग्युः सुर॒भिं योनि॒मग्रे
   भो॒जाः जि॑ग्युः सुर॒भिम् योनि॑म् अग्रे
   भो॒जा जि॑ग्युः सुर॒भिं योनि॑म् अग्रे

Halfverse: b    भो॒जा जि॑ग्युर्व॒ध्वं॒ या सु॒वासाः॑ ।
   भो॒जाः जि॑ग्युः व॒ध्व॑म् या सु॒वासाः ।
   भो॒जा जि॑ग्युर् व॒धुवं या सु॒वासाः ।

Halfverse: c    भो॒जा जि॑ग्युरन्तः॒पेयं॒ सुरा॑या भो॒जा जि॑ग्यु॒र्ये अहू॑ताः प्र॒यन्ति॑ ।।
   भो॒जा जि॑ग्युरन्तः॒पेयं॒ सुरा॑या
   भो॒जाः जि॑ग्युः अन्तः॒पेय॑म् सुरा॑याः
   भो॒जा जि॑ग्युर् अन्तः॒पेयं सुरा॑या

Halfverse: d    भो॒जा जि॑ग्यु॒र्ये अहू॑ताः प्र॒यन्ति॑ ।।
   भो॒जाः जि॑ग्युः ये अहू॑ताः प्र॒यन्ति ।।
   भो॒जा जि॑ग्युर् ये अहू॑ताः प्र॒यन्ति ।।


Verse: 10 
Halfverse: a    भो॒जायाश्वं॒ सम्मृ॑जन्त्या॒शुम्भो॒जाया॑स्ते क॒न्या॒ शुम्भ॑माना ।
   भो॒जायाश्वं॒ सम्मृ॑जन्त्या॒शुम्
   भो॒जाय अश्व॑म् सम् मृजन्ति आ॒शुम्
   भो॒जाय अश्वं सम् मृजन्ति आ॒शुम्

Halfverse: b    भो॒जाया॑स्ते क॒न्या॒ शुम्भ॑माना ।
   भो॒जाय आस्ते क॒न्या शुम्भ॑माना ।
   भो॒जाया॑स्ते क॒निया शुम्भ॑माना ।

Halfverse: c    भो॒जस्ये॒दम्पु॑ष्क॒रिणी॑व॒ वेश्म॒ परि॑ष्कृतं देवमा॒नेव॑ चि॒त्रम् ।।
   भो॒जस्ये॒दम्पु॑ष्क॒रिणी॑व॒ वेश्म
   भो॒जस्य इ॒दम् पुष्क॒रिणी इव वेश्म
   भो॒जस्ये॒दम् पुष्क॒रिणी॑व वेश्म

Halfverse: d    परि॑ष्कृतं देवमा॒नेव॑ चि॒त्रम् ।।
   परि॑ष्कृतम् देवमा॒ना इ॑व चि॒त्रम् ।।
   परि॑ष्कृतं देवमा॒नेव चि॒त्रम् ।।


Verse: 11 
Halfverse: a    भो॒जमश्वाः॑ सुष्ठु॒वाहो॑ वहन्ति सु॒वृद्रथो॑ वर्तते॒ दक्षि॑णायाः ।
   भो॒जमश्वाः॑ सुष्ठु॒वाहो॑ वहन्ति
   भो॒जम् अश्वाः सुष्ठु॒वाहः वहन्ति
   भो॒जम् अश्वाः सुष्ठु॒वाहो वहन्ति

Halfverse: b    सु॒वृद्रथो॑ वर्तते॒ दक्षि॑णायाः ।
   सु॒वृत् रथः वर्तते दक्षि॑णायाः ।
   सु॒वृद् रथो वर्तते दक्षि॑णायाः ।

Halfverse: c    भो॒जं दे॑वासो ऽवता॒ भरे॑षु भो॒जः शत्रू॑न्समनी॒केषु॒ जेता॑ ।।
   भो॒जं दे॑वासो ऽवता॒ भरे॑षु
   भो॒जम् देवासः अवत+ भरे॑षु
   भो॒जं दे॑वासो अवता भरे॑षु

Halfverse: d    भो॒जः शत्रू॑न्समनी॒केषु॒ जेता॑ ।।
   भो॒जः शत्रू॑न् समनी॒केषु जेता ।।
   भो॒जः शत्रू॑न् समनी॒केषु जेता ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.