TITUS
Rg-Veda: Rg-Veda-Samhita
Part No. 942
Previous part

Hymn: 105_(931) 
Verse: 1 
Halfverse: a    क॒दा व॑सो स्तो॒त्रं हर्य॑त॒ आव॑ श्म॒शा रु॑ध॒द्वाः ।
   क॒दा व॑सो स्तो॒त्रं हर्य॑त
   क॒दा व॑सो स्तो॒त्रम् हर्य॑ते
   क॒दा व॑सो ? स्तो॒त्रं हर्य॑ते

Halfverse: b    आव॑ श्म॒शा रु॑ध॒द्वाः ।
   आ अव श्म॒शारु ! धत् ! वार् ।
   आव श्म॒शा रु॑धद् वाः ।

Halfverse: c    दी॒र्घं सु॒तं वा॒ताप्या॑य ।।
   दी॒र्घं सु॒तं वा॒ताप्या॑य ।।
   दी॒र्घम् सु॒तम् वा॒ताप्या॑य ।।
   दी॒र्घं सु॒तं वा॒ताप्या॑य ।।


Verse: 2 
Halfverse: a    हरी॒ यस्य॑ सु॒युजा॒ विव्र॑ता॒ वेरर्व॒न्तानु॒ शेपा॑ ।
   हरी॒ यस्य॑ सु॒युजा॒ विव्र॑ता॒ वेर्
   हरी यस्य सु॒युजा विव्र॑ता वेः
   हरी यस्य सु॒युजा विव्र॑ता वेर्

Halfverse: b    अर्व॒न्तानु॒ शेपा॑ ।
   अर्व॑न्ता अनु शेपा ।
   अर्व॑न्ता अनु शेपा ।

Halfverse: c    उ॒भा र॒जी न के॒शिना॒ पति॒र्दन् ।।
   उ॒भा र॒जी न के॒शिना॒ पति॒र्दन् ।।
   उ॒भा र॒जी न के॒शिना पतिः दन् ।।
   उ॒भा र॒जी न के॒शिना पति॑र् दन् ।।


Verse: 3 
Halfverse: a    अप॒ योरिन्द्रः॒ पाप॑ज॒ आ मर्तो॒ न श॑श्रमा॒णो बि॑भी॒वान् ।
   अप॒ योरिन्द्रः॒ पाप॑ज॒ आ मर्तो
   अप योः इन्द्रः पाप॑जे आ मर्तः
   अप योर् इन्द्रः पाप॑ज आ मर्तो

Halfverse: b    न श॑श्रमा॒णो बि॑भी॒वान् ।
   न श॑श्रमा॒णः बि॑भी॒वान् ।
   न श॑श्रमा॒णो बि॑भी॒वान् ।

Halfverse: c    शु॒भे यद्यु॑यु॒जे तवि॑षीवान् ।।
   शु॒भे यद्यु॑यु॒जे तवि॑षीवान् ।।
   शु॒भे यत् युयु॒जे तवि॑षीवान् ।।
   शु॒भे यद् युयु॒जे तवि॑षीवान् ।।


Verse: 4 
Halfverse: a    सचा॒योरिन्द्र॒श्चर्कृ॑ष॒ आँ उ॑पान॒सः स॑प॒र्यन् ।
   सचा॒योरिन्द्र॒श्चर्कृ॑ष॒ आँ
   सचा अ॒योः ! इन्द्रः चर्कृ॑षे आ
   सचा अ॒योर् इन्द॑रश् चर्कृ॑ष आँ

Halfverse: b    उ॑पान॒सः स॑प॒र्यन् ।
   उ॑पान॒सः स॑प॒र्यन् ।
   उ॑पान॒सः स॑प॒र्यन् ।

Halfverse: c    न॒दयो॒र्विव्र॑तयोः॒ शूर॒ इन्द्रः॑ ।।
   न॒दयो॒र्विव्र॑तयोः॒ शूर॒ इन्द्रः॑ ।।
   न॒दयोः विव्र॑तयोः शूरः इन्द्रः ।।
   न॒दयो॑र् विव्र॑तयोः शूर इन्द्रः ।।


Verse: 5 
Halfverse: a    अधि॒ यस्त॒स्थौ केश॑वन्ता॒ व्यच॑स्वन्ता॒ न पु॒ष्ट्यै ।
   अधि॒ यस्त॒स्थौ केश॑वन्ता
   अधि यः त॒स्थौ केश॑वन्ता
   अधि यस् त॒स्थौ केश॑वन्ता

Halfverse: b    व्यच॑स्वन्ता॒ न पु॒ष्ट्यै ।
   व्यच॑स्वन्ता न पु॒ष्ट्यै ।
   व्यच॑स्वन्ता न पु॑ष्टि॒यै ।

Halfverse: c    व॒नोति॒ शिप्रा॑भ्यां शि॒प्रिणी॑वान् ।।
   व॒नोति॒ शिप्रा॑भ्यां शि॒प्रिणी॑वान् ।।
   व॒नोति शिप्रा॑भ्याम् शि॒प्रिणी॑वान् ।।
   व॒नोति शिप्रा॑भ्यां शि॒प्रिणी॑वान् ।।


Verse: 6 
Halfverse: a    प्रास्तौ॑दृ॒ष्वौजा॑ ऋ॒ष्वेभि॑स्त॒तक्ष॒ शूरः॒ शव॑सा ।
   प्रास्तौ॑दृ॒ष्वौजा॑ ऋ॒ष्वेभि॑स्
   प्र अ॑स्तौत् ऋ॒ष्वौजाः ऋ॒ष्वेभिः
   प्रास्तौ॑द् ऋ॒ष्वौजा ऋ॒ष्वेभि॑स्

Halfverse: b    त॒तक्ष॒ शूरः॒ शव॑सा ।
   त॒तक्ष शूरः शव॑सा ।
   त॒तक्ष शूरः शव॑सा ।

Halfverse: c    ऋ॒भुर्न क्रतु॑भिर्मात॒रिश्वा॑ ।।
   ऋ॒भुर्न क्रतु॑भिर्मात॒रिश्वा॑ ।।
   ऋ॒भुः न क्रतु॑भिः मात॒रिश्वा ।।
   ऋ॒भुर् न क्रतु॑भिर् मात॒रिश्वा ।।


Verse: 7 
Halfverse: a    वज्रं॒ यश्च॒क्रे सु॒हना॑य॒ दस्य॑वे हिरीम॒शो हिरी॑मान् ।
   वज्रं॒ यश्च॒क्रे सु॒हना॑य॒ दस्य॑वे
   वज्र॑म् यः च॒क्रे सु॒हना॑य दस्य॑वे
   वज्रं यश् च॒क्रे सु॒हना॑य दस्य॑वे

Halfverse: b    हिरीम॒शो हिरी॑मान् ।
   हि॑रीम॒शः हिरी॑मान् ।
   हि॑रीम॒शो हिरी॑मान् ।

Halfverse: c    अरु॑तहनु॒रद्भु॑तं॒ न रजः॑ ।।
   अरु॑तहनु॒रद्भु॑तं॒ न रजः॑ ।।
   अरु॑तहनुः अद्भु॑तम् न रजः ।।
   अरु॑तहनुर् अद्भु॑तं न रजः ।।


Verse: 8 
Halfverse: a    अव॑ नो वृजि॒ना शि॑शीह्यृ॒चा व॑नेमा॒नृचः॑ ।
   अव॑ नो वृजि॒ना शि॑शीह्य्
   अव नः वृजि॒ना शि॑शीहि
   अव नो वृजि॒ना शि॑शीह्य्

Halfverse: b    ऋ॒चा व॑नेमा॒नृचः॑ ।
   ऋ॒चा व॑नेम अ॒नृचः ।
   ऋ॒चा व॑नेम अ॒नृचः ।

Halfverse: c    नाब्र॑ह्मा य॒ज्ञ ऋध॒ग्जोष॑ति॒ त्वे ।।
   नाब्र॑ह्मा य॒ज्ञ ऋध॒ग्जोष॑ति॒ त्वे ।।
   न अब्र॑ह्मा य॒ज्ञः ऋध॑क् जोष॑ति त्वे ।।
   नाब्र॑ह्मा य॒ज्ञ ऋध॑ग् जोष॑ति त्वे ।।


Verse: 9 
Halfverse: a    ऊ॒र्ध्वा यत्ते॑ त्रे॒तिनी॒ भूद्य॒ज्ञस्य॑ धू॒र्षु सद्म॑न् ।
   ऊ॒र्ध्वा यत्ते॑ त्रे॒तिनी॒ भूद्
   ऊ॒र्ध्वा यत् ते त्रे॒तिनी भूत्
   ऊ॒र्ध्वा यत् ते त्रे॒तिनी भूद्

Halfverse: b    य॒ज्ञस्य॑ धू॒र्षु सद्म॑न् ।
   य॒ज्ञस्य धू॒र्षु सद्म॑न् ।
   य॒ज्ञस्य धू॒र्षु सद्म॑न् ।

Halfverse: c    स॒जूर्नावं॒ स्वय॑शसं॒ सचा॒योः ।।
   स॒जूर्नावं॒ स्वय॑शसं॒ सचा॒योः ।।
   स॒जूः नाव॑म् स्वय॑शसम् सचा अ॒योः ! ।।
   स॒जूर् नावं स्वय॑शसं सचा॒योः ।।


Verse: 10 
Halfverse: a    श्रि॒ये ते॒ पृश्नि॑रुप॒सेच॑नी भूच्छ्रि॒ये दर्वि॑ररे॒पाः ।
   श्रि॒ये ते॒ पृश्नि॑रुप॒सेच॑नी भूच्
   श्रि॒ये ते पृश्निः उप॒सेच॑नी भूत्
   श्रि॒ये ते पृश्नि॑र् उप॒सेच॑नी भूच्

Halfverse: b    छ्रि॒ये दर्वि॑ररे॒पाः ।
   श्रि॒ये दर्विः अरे॒पाः ।
   छ्रि॒ये दर्वि॑र् अरे॒पाः ।

Halfverse: c    यया॒ स्वे पात्रे॑ सि॒ञ्चस॒ उत् ।।
   यया॒ स्वे पात्रे॑ सि॒ञ्चस॒ उत् ।।
   यया स्वे पात्रे सि॒ञ्चसे उत् ।।
   यया सु॒वे पात॑रे सि॒ञ्चसे उत् ।।


Verse: 11 
Halfverse: a    श॒तं वा॒ यद॑सुर्य॒ प्रति॑ त्वा सुमि॒त्र इ॒त्थास्तौ॑द्दुर्मि॒त्र इ॒त्थास्तौ॑त् ।
   श॒तं वा॒ यद॑सुर्य॒ प्रति॑ त्वा
   श॒तम् वा यत् असुर्य प्रति त्वा
   श॒तं वा यद् असुरिय प्रति त्वा

Halfverse: b    सुमि॒त्र इ॒त्थास्तौ॑द्
   सुमि॒त्रः इ॒त्था अ॑स्तौत्
   सुमि॒त्र इ॒त्था अ॑स्तौद्

Halfverse: c    दुर्मि॒त्र इ॒त्थास्तौ॑त् ।
   दु॑र्मि॒त्रः इ॒त्था अ॑स्तौत् ।
   दु॑र्मि॒त्र इ॒त्था अ॑स्तौत् ।

Halfverse: d    आवो॒ यद्द॑स्यु॒हत्ये॑ कुत्सपु॒त्रम्प्रावो॒ यद्द॑स्यु॒हत्ये॑ कुत्सव॒त्सम् ।।
   आवो॒ यद्द॑स्यु॒हत्ये॑ कुत्सपु॒त्रम्
   आ आ॑वः यत् दस्यु॒हत्ये कुत्सपु॒त्रम्
   आवो यद् दस्यु॒हत्ये कुत्सपु॒त्रम्

Halfverse: e    प्रावो॒ यद्द॑स्यु॒हत्ये॑ कुत्सव॒त्सम् ।।
   प्र आ॑वः यत् दस्यु॒हत्ये कुत्सव॒त्सम् ।।
   प्रावो यद् दस्यु॒हत्ये कुत्सव॒त्सम् ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.