TITUS
Rg-Veda: Rg-Veda-Samhita
Part No. 941
Previous part

Hymn: 104_(930) 
Verse: 1 
Halfverse: a    असा॑वि॒ सोमः॑ पुरुहूत॒ तुभ्यं॒ हरि॑भ्यां य॒ज्ञमुप॑ याहि॒ तूय॑म् ।
   असा॑वि॒ सोमः॑ पुरुहूत॒ तुभ्यं
   असा॑वि सोमः पुरुहूत तुभ्य॑म्
   असा॑वि सोमः पुरुहूत तुभ्यं

Halfverse: b    हरि॑भ्यां य॒ज्ञमुप॑ याहि॒ तूय॑म् ।
   हरि॑भ्याम् य॒ज्ञम् उप याहि तूय॑म् ।
   हरि॑भ्यां य॒ज्ञम् उप याहि तूय॑म् ।

Halfverse: c    तुभ्यं॒ गिरो॒ विप्र॑वीरा इया॒ना द॑धन्वि॒र इ॑न्द्र॒ पिबा॑ सु॒तस्य॑ ।।
   तुभ्यं॒ गिरो॒ विप्र॑वीरा इया॒ना
   तुभ्य॑म् गिरः विप्र॑वीराः इया॒नाः
   तुभ्यं गिरो विप्र॑वीरा इया॒ना

Halfverse: d    द॑धन्वि॒र इ॑न्द्र॒ पिबा॑ सु॒तस्य॑ ।।
   द॑धन्वि॒रे इ॑न्द्र पिब+ सु॒तस्य ।।
   द॑धन्वि॒र इ॑न्द्र पिबा सु॒तस्य ।।


Verse: 2 
Halfverse: a    अ॒प्सु धू॒तस्य॑ हरिवः॒ पिबे॒ह नृभिः॑ सु॒तस्य॑ ज॒ठर॑म्पृणस्व ।
   अ॒प्सु धू॒तस्य॑ हरिवः॒ पिबे॒ह
   अ॒प्सु धू॒तस्य हरिवः पिब इ॒ह
   अ॒प्सु धू॒तस्य हरिवः पिबे॒ह

Halfverse: b    नृभिः॑ सु॒तस्य॑ ज॒ठर॑म्पृणस्व ।
   नृभिः सु॒तस्य ज॒ठर॑म् पृणस्व ।
   नृभिः सु॒तस्य ज॒ठर॑म् पृणस्व ।

Halfverse: c    मि॑मि॒क्षुर्यमद्र॑य इन्द्र॒ तुभ्यं॒ तेभि॑र्वर्धस्व॒ मद॑मुक्थवाहः ।।
   मि॑मि॒क्षुर्यमद्र॑य इन्द्र॒ तुभ्यं
   मिमि॒क्षुः यम् अद्र॑यः इन्द्र तुभ्य॑म्
   मिमि॒क्षुर् यम् अद्र॑य इन्द्र तुभ्यं

Halfverse: d    तेभि॑र्वर्धस्व॒ मद॑मुक्थवाहः ।।
   तेभिः वर्धस्व मद॑म् उक्थवाहः ।।
   तेभि॑र् वर्धस्व मद॑म् उक्थवाहः ।।


Verse: 3 
Halfverse: a    प्रोग्राम्पी॒तिं वृष्ण॑ इयर्मि स॒त्याम्प्र॒यै सु॒तस्य॑ हर्यश्व॒ तुभ्य॑म् ।
   प्रोग्राम्पी॒तिं वृष्ण॑ इयर्मि स॒त्याम्
   प्र उ॒ग्राम् पी॒तिम् वृष्णे इयर्मि स॒त्याम्
   प्रोग्राम् पी॒तिं वृष्ण इयर्मि स॒त्याम्

Halfverse: b    प्र॒यै सु॒तस्य॑ हर्यश्व॒ तुभ्य॑म् ।
   प्र॒यै सु॒तस्य हर्यश्व तुभ्य॑म् ।
   प्र॒यै सु॒तस्य हरिअश्व तुभ्य॑म् ।

Halfverse: c    इन्द्र॒ धेना॑भिरि॒ह मा॑दयस्व धी॒भिर्विश्वा॑भिः॒ शच्या॑ गृणा॒नः ।।
   इन्द्र॒ धेना॑भिरि॒ह मा॑दयस्व
   इन्द्र धेना॑भिः इ॒ह मा॑दयस्व
   इन्द्र धेना॑भिर् इ॒ह मा॑दयस्व

Halfverse: d    धी॒भिर्विश्वा॑भिः॒ शच्या॑ गृणा॒नः ।।
   धी॒भिः विश्वा॑भिः शच्या गृणा॒नः ।।
   धी॒भिर् विश्वा॑भिः शचि॑या गृणा॒नः ।।


Verse: 4 
Halfverse: a    ऊ॒ती श॑चीव॒स्तव॑ वी॒र्ये॑ण॒ वयो॒ दधा॑ना उ॒शिज॑ ऋत॒ज्ञाः ।
   ऊ॒ती श॑चीव॒स्तव॑ वी॒र्ये॑ण
   ऊ॒ती श॑चीवः तव वी॒र्ये॑ण
   ऊ॒ती श॑चीवस् तव वी॒रिये॑ण

Halfverse: b    वयो॒ दधा॑ना उ॒शिज॑ ऋत॒ज्ञाः ।
   वयः दधा॑नाः उ॒शिजः ऋत॒ज्ञाः ।
   वयो दधा॑ना उ॒शिज ऋत॒ज्ञाः ।

Halfverse: c    प्र॒जाव॑दिन्द्र॒ मनु॑षो दुरो॒णे त॒स्थुर्गृ॒णन्तः॑ सध॒माद्या॑सः ।।
   प्र॒जाव॑दिन्द्र॒ मनु॑षो दुरो॒णे
   प्र॒जाव॑त् इन्द्र मनु॑षः दुरो॒णे
   प्र॒जाव॑द् इन्द्र मनु॑षो दुरो॒णे

Halfverse: d    त॒स्थुर्गृ॒णन्तः॑ सध॒माद्या॑सः ।।
   त॒स्थुः गृ॒णन्तः सध॒माद्या॑सः ।।
   त॒स्थुर् गृ॒णन्तः सध॒मादि॑यासः ।।


Verse: 5 
Halfverse: a    प्रणी॑तिभिष्टे हर्यश्व सु॒ष्टोः सु॑षु॒म्नस्य॑ पुरु॒रुचो॒ जना॑सः ।
   प्रणी॑तिभिष्टे हर्यश्व सु॒ष्टोः
   प्रणी॑तिभिः ते हर्यश्व सु॒ष्टोः
   प्रणी॑तिभिष् टे हरिअश्व सु॒ष्टोः

Halfverse: b    सु॑षु॒म्नस्य॑ पुरु॒रुचो॒ जना॑सः ।
   सु॑षु॒म्नस्य पुरु॒रुचः जना॑सः ।
   सु॑षु॒म्नस्य पुरु॒रुचो जना॑सः ।

Halfverse: c    मंहि॑ष्ठामू॒तिं वि॒तिरे॒ दधा॑ना स्तो॒तार॑ इन्द्र॒ तव॑ सू॒नृता॑भिः ।।
   मंहि॑ष्ठामू॒तिं वि॒तिरे॒ दधा॑ना
   मंहि॑ष्ठाम् ऊ॒तिम् वि॒तिरे दधा॑नाः
   मंहि॑ष्ठाम् ऊ॒तिं वि॒तिरे दधा॑ना

Halfverse: d    स्तो॒तार॑ इन्द्र॒ तव॑ सू॒नृता॑भिः ।।
   स्तो॒तारः इन्द्र तव सू॒नृता॑भिः ।।
   स्तो॒तार इन्द्र तव सू॒नृता॑भिः ।।


Verse: 6 
Halfverse: a    उप॒ ब्रह्मा॑णि हरिवो॒ हरि॑भ्यां॒ सोम॑स्य याहि पी॒तये॑ सु॒तस्य॑ ।
   उप॒ ब्रह्मा॑णि हरिवो॒ हरि॑भ्यां
   उप ब्रह्मा॑णि हरिवः हरि॑भ्याम्
   उप ब्रह्मा॑णि हरिवो हरि॑भ्यां

Halfverse: b    सोम॑स्य याहि पी॒तये॑ सु॒तस्य॑ ।
   सोम॑स्य याहि पी॒तये सु॒तस्य ।
   सोम॑स्य याहि पी॒तये सु॒तस्य ।

Halfverse: c    इन्द्र॑ त्वा य॒ज्ञः क्षम॑माणमानड्दा॒श्वाँ अ॑स्यध्व॒रस्य॑ प्रके॒तः ।।
   इन्द्र॑ त्वा य॒ज्ञः क्षम॑माणमानड्
   इन्द्र त्वा य॒ज्ञः क्षम॑माणम् आनट्
   इन्द्र त्वा य॒ज्ञः क्षम॑माणम् आनड्

Halfverse: d    दा॒श्वाँ अ॑स्यध्व॒रस्य॑ प्रके॒तः ।।
   दा॒श्वान् असि अध्व॒रस्य प्रके॒तः ।।
   दा॒श्वाँ अ॑सि अध्व॒रस्य प्रके॒तः ।।


Verse: 7 
Halfverse: a    स॒हस्र॑वाजमभिमाति॒षाहं॑ सु॒तेर॑णम्म॒घवा॑नं सुवृ॒क्तिम् ।
   स॒हस्र॑वाजमभिमाति॒षाहं
   स॒हस्र॑वाजम् अभिमाति॒षाह॑म्
   स॒हस्र॑वाजम् अभिमाति॒षाहं

Halfverse: b    सु॒तेर॑णम्म॒घवा॑नं सुवृ॒क्तिम् ।
   सु॒तेर॑णम् म॒घवा॑नम् सुवृ॒क्तिम् ।
   सु॒तेर॑णम् म॒घवा॑नं सुवृ॒क्तिम् ।

Halfverse: c    उप॑ भूषन्ति॒ गिरो॒ अप्र॑तीत॒मिन्द्रं॑ नम॒स्या ज॑रि॒तुः प॑नन्त ।।
   उप॑ भूषन्ति॒ गिरो॒ अप्र॑तीतम्
   उप भूषन्ति गिरः अप्र॑तीतम्
   उप भूषन्ति गिरो अप्र॑तीतम्

Halfverse: d    इन्द्रं॑ नम॒स्या ज॑रि॒तुः प॑नन्त ।।
   इन्द्र॑म् नम॒स्याः ज॑रि॒तुः प॑नन्त ।।
   इन्द्रं नम॒स्या ज॑रि॒तुः प॑नन्त ।।


Verse: 8 
Halfverse: a    स॒प्तापो॑ दे॒वीः सु॒रणा॒ अमृ॑क्ता॒ याभिः॒ सिन्धु॒मत॑र इन्द्र पू॒र्भित् ।
   स॒प्तापो॑ दे॒वीः सु॒रणा॒ अमृ॑क्ता
   स॒प्त आपः दे॒वीः सु॒रणाः अमृ॑क्ताः
   स॒प्तापो दे॒वीः सु॒रणा अमृ॑क्ता

Halfverse: b    याभिः॒ सिन्धु॒मत॑र इन्द्र पू॒र्भित् ।
   याभिः सिन्धु॑म् अत॑रः इन्द्र पू॒र्भित् ।
   याभिः सिन्धु॑म् अत॑र इन्द्र पू॒र्भित् ।

Halfverse: c    न॑व॒तिं स्रो॒त्या नव॑ च॒ स्रव॑न्तीर्दे॒वेभ्यो॑ गा॒तुम्मनु॑षे च विन्दः ।।
   न॑व॒तिं स्रो॒त्या नव॑ च॒ स्रव॑न्तीर्
   नव॒तिम् स्रो॒त्याः नव च स्रव॑न्तीः
   नव॒तिं स्रो॒त्या नव च स्रव॑न्तीर्

Halfverse: d    दे॒वेभ्यो॑ गा॒तुम्मनु॑षे च विन्दः ।।
   दे॒वेभ्यः गा॒तुम् मनु॑षे च विन्दः ।।
   दे॒वेभ्यो गा॒तुम् मनु॑षे च विन्दः ।।


Verse: 9 
Halfverse: a    अ॒पो म॒हीर॒भिश॑स्तेरमु॒ञ्चो ऽजा॑गरा॒स्वधि॑ दे॒व एकः॑ ।
   अ॒पो म॒हीर॒भिश॑स्तेरमु॒ञ्चो
   अ॒पः म॒हीः अ॒भिश॑स्तेः अमुञ्चः
   अ॒पो म॒हीर् अ॒भिश॑स्तेर् अमुञ्चो

Halfverse: b    ऽजागरा॒स्वधि॑ दे॒व एकः॑ ।
   अजा॑गर् आसु अधि दे॒वः एकः ।
   अजा॑गर् आसु अधि दे॒व एकः ।

Halfverse: c    इन्द्र॒ यास्त्वं वृ॑त्र॒तूर्ये॑ च॒कर्थ॒ ताभि॑र्वि॒श्वायु॑स्त॒न्व॑म्पुपुष्याः ।।
   इन्द्र॒ यास्त्वं वृ॑त्र॒तूर्ये॑ च॒कर्थ
   इन्द्र याः त्वम् वृत्र॒तूर्ये च॒कर्थ
   इन्द्र यास् त्वं वृ॑त्र॒तूर्ये च॒कर्थ

Halfverse: d    ताभि॑र्वि॒श्वायु॑स्त॒न्व॑म्पुपुष्याः ।।
   ताभिः वि॒श्वायुः त॒न्व॑म् पुपुष्याः ।।
   ताभि॑र् वि॒श्वायु॑स् त॒नुव॑म् पुपुष्याः ।।


Verse: 10 
Halfverse: a    वी॒रेण्यः॒ क्रतु॒रिन्द्रः॑ सुश॒स्तिरु॒तापि॒ धेना॑ पुरुहू॒तमी॑ट्टे ।
   वी॒रेण्यः॒ क्रतु॒रिन्द्रः॑ सुश॒स्तिर्
   वी॒रेण्यः क्रतुः इन्द्रः सुश॒स्तिः
   वी॒रेणि॑यः क्रतु॑र् इन्द्रः सुश॒स्तिर्

Halfverse: b    उ॒तापि॒ धेना॑ पुरुहू॒तमी॑ट्टे ।
   उ॒त अपि धेना पुरुहू॒तम् ईट्टे ।
   उ॒तापि धेना पुरुहू॒तम् ईट्टे ।

Halfverse: c    आर्द॑यद्वृ॒त्रमकृ॑णोदुलो॒कं स॑सा॒हे श॒क्रः पृत॑ना अभि॒ष्टिः ।।
   आर्द॑यद्वृ॒त्रमकृ॑णोदुलो॒कं ।!।
   आर्द॑यत् वृ॒त्रम् अकृ॑णोत् उलो॒कम् !
   आर्द॑यद् वृ॒त्रम् अकृ॑णोद् उलो॒कं

Halfverse: d    स॑सा॒हे श॒क्रः पृत॑ना अभि॒ष्टिः ।।
   स॑सा॒हे श॒क्रः पृत॑नाः अभि॒ष्टिः ।।
   स॑सा॒हे श॒क्रः पृत॑ना अभि॒ष्टिः ।।


Verse: 11 
Halfverse: a    शु॒नं हु॑वेम म॒घवा॑न॒मिन्द्र॑म॒स्मिन्भरे॒ नृत॑मं॒ वाज॑सातौ ।
   शु॒नं हु॑वेम म॒घवा॑न॒मिन्द्र॑म्
   शु॒नम् हुवेम म॒घवा॑नम् इन्द्र॑म्
   शु॒नं हु॑वेम म॒घवा॑नम् इन्द्र॑म्

Halfverse: b    अ॒स्मिन्भरे॒ नृत॑मं॒ वाज॑सातौ ।
   अ॒स्मिन् भरे नृत॑मम् वाज॑सातौ ।
   अ॒स्मिन् भरे नृत॑मं वाज॑सातौ ।

Halfverse: c    शृ॒ण्वन्त॑मु॒ग्रमू॒तये॑ स॒मत्सु॒ घ्नन्तं॑ वृ॒त्राणि॑ सं॒जितं॒ धना॑नाम् ।।
   शृ॒ण्वन्त॑मु॒ग्रमू॒तये॑ स॒मत्सु
   शृ॒ण्वन्त॑म् उ॒ग्रम् ऊ॒तये स॒मत्सु
   शृ॒ण्वन्त॑म् उ॒ग्रम् ऊ॒तये स॒मत्सु

Halfverse: d    घ्नन्तं॑ वृ॒त्राणि॑ सं॒जितं॒ धना॑नाम् ।।
   घ्नन्त॑म् वृ॒त्राणि सं॒जित॑म् धना॑नाम् ।।
   घ्नन्तं वृ॒त्राणि सं॒जितं धना॑नाम् ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.