TITUS
Svan (Lashx) Texts ed. A. Oniani
Part No. 30
Previous part

Text: 2 
Page: 89 
Line: 25 
II. მათხეფ ი მათხეფი ლიმზჷრ.


Line: 26       მათხეფ ლა̄შხარს მეღო̄ღიელ ლეგლირდაშა̄ლ ქა̄მ მერდე ხოლა ჳუდრობა,
Line: 27    ქა̄მ მეკჳა̄რჲელ ლეგლირდე̄მი ქუნ მჷრ ხაბჟახ, ჳო̄ბაშინ ნაშხტარე
Line: 28    ძირისა მერდე ლე̄თშჳ ი ოღრო-ჩოღრო გიმარისა ი ღელარისა,
Line: 29    მარა̀ მაყალ და̄ს ხა̄რ ეჩა. და̄ჳა მაყალ მე̄ჳარ ხა̄რხ ლე̄თჳშ ი მათხეფი
Line: 30    მაყალშჳ ლიზელა̄ლს და̄რ იჟჳმე. ჩუ ლიდა̄ჳშე მა̄მ ხოხალ მა̄რე̄მიშ
Line: 31    ლელე̄თად მეზელა̄ლიშ დაჳშა̄ლ ი აშ გარ ხეთხფენი ამსჳა̄ლდს ი ლეგდ გარ
Line: 32    ჴჷდე ი დემოშ ჩჳადგარი ი დემოშ ჩჳადა̄ჳშე ამსჳა̄ლდს ი ამღა ლი ერე
Page: 90  Line: 1    ხოხრა მაყალ ხა̄რხ ეჩა. მათხეფ დე და̄ჳა გჳარიშ ლი ი დე თანუშია̄ჲშ.
Line: 2    ალჲარ ხოლჴმაშა ლიხ მათხეფჷნ. მათხეფ მეთხფე მა̄რე ხოლა გუჟი
Line: 3    იგნი, ატხუნე, თხუმ ხეზგი უსაშჳელდ. ამჷნ ხოშა თხუმე ლიზგუნე დე̄მ
Line: 4    გჳეშს ხოხალ ლეგლირდეს. ლიმზჷრინქა ჟაგ ნაჟგუნს ხეჩოხ საკმეჳელი
Line: 5    ლიჴა̄ნეს ი თოფი ჯაგი ლი̄მნეს ი ლიბთქუნეს. ჟი ლოქ ეხყალჳნი
Line: 6    მათხეფს ი ქა ლოქ ეთყჳელნი ლეგმერდას, ეჯღა ხობთქუნეხ თოფი
Line: 7    ჟაგს, ღო ალ ჯაგ ნაჟგუნ ლახ დოშ ლახშიდხ, ჴჷდეხ ეჩქა მჷმზჷრის,
Line: 8    მჷმზჷრი ხოშა ნაღალდ ზურა̄ლ ლი, ღჳაჟარს ძჳირდ ე̄სა ხოხალხ.
Line: 9    ლიმზჷრა̄ლი̄ სახმახარ ზურალე̄ლე გჳეშ ლი, ამშა ღჳაჟარს დე̄სამა გჳეშ
Line: 10    ხომჴერახ.

Line: 11       მათხეფი ლიმზჷრ ამჟი ლი:


Line: 12     "გადაკიდებულიანო, შვილიანო, ძირიანო, ნათესავიანო,
Line: 13     ნაბალაკიანო, სადა̄ შენი ძირი, სადა̄ შენი შვილი, იქ არი
Line: 14     ნათლვა-ქორწილი, ხინი და გამოჩვენება, შავგულეი დოუკლავს, თავფეხი
Line: 15     შენთვინ ჩოუნახავს: ადრე მიხვალ, შეგინახვენ, გვიან მიხვალ, შეგიჭამენ.
Line: 16     თვარა ამევიღებ ჩემს ხმალსა ბრასისა, დაგჩეხ, დაგლუკმავ
Line: 17     იმითა, შავტარიანი დანითა პირფოლადიანითა, ჩაგაგდებ
Line: 18     წისქვილი ღარში, არ აგიშობ დიდ ჟამში, დაგცემ ჯვარ ჯვარითა,
Line: 19     სოლომანი სამებითა, წმიდა გიორგი ჯვარითა, დეიცევი,
Line: 20     დეივედრე უხილავისაგან ჩვენი ავათმყოფი".


Line: 21       ალე ლი მათხეფი ლიმზჷრ. მათხეფ ხეთი̄რი მაშე̄ნე ლიშგაჲელჳშ.
Line: 22    თე̄რალ ლექჳა ხეყჳნი, ხოწრანე ი ლასგიდს ხოჟჳმე.



Next part


This text is part of the TITUS edition of Svan (Lashx) Texts ed. A. Oniani.

Copyright TITUS Project, Frankfurt a/M, 24.1.2010. No parts of this document may be republished in any form without prior permission by the copyright holder.