TITUS
Svan (Lashx) Texts ed. A. Oniani
Part No. 29
Previous part

Section: 4 
Text: 1 
Page: 88 
Line: 1 
IV. ლიმზჷრალ.
Line: 2 
I. ლჷფხაჲ ი ლჷფხა̄ჲ ლიმზჷრ.


Line: 3     "ინდილისა ხარ, ფინდილისა ხარ, ზურგჲელის ხარ, ფრინველისა
Line: 4     ხარ, ზურგჲელის დანატოვარისა ხარ, ფრინველის დანატოვარისა,
Line: 5     რაზე დასუნებულისა ხარ, ქვაზე დასუნებულისა ხარ,
Line: 6     მიწაზე დასუნებულისა ხარ, მიწაზე დამპალისა ხარ, რა შუმისა
Line: 7     ხარ, რა გვარისა ხარ, ჭრელი გველისა ხარ, გველ-ბაყაყისა ხარ,
Line: 8     წითელი გველისა ხარ, შავი გველისა ხარ, მაინც თავი გამეიჩინოს,
Line: 9     მაინც თავი გამეიყაროს. გამოხევი წყალს, გამოხევი ხმას,
Line: 10     ჭრელი გველისა ხარ, თეთრი გველისა ხარ, ფხა გამოშალე, ფხა
Line: 11     გამოყარე, გამოხევი სივილას, გამოხევი კივილას, თაგვისა ხარ,
Line: 12     ტინტალაისა ხარ, გველ-ბაყაყისა ხარ, იწისა ხარ, მიწისა ხარ,
Line: 13     გველისა ხარ, სითგან დასუნებულისა ხარ, სითგან მონადებისა
Line: 14     ხარ, გარ გამოდი, გამოდი, გამოშალე, გამოშალე, საბიწო̄! გარ
Line: 15     გამოდი, გამოყარე. გამოყარე, სამიწო̄! აშარეთი ხარ, ამარეთი
Line: 16     ხარ, გველო ქუჩუჩო, თავი გამეიჩინე, თავი გამეიყარე!"


Line: 17       ალ ლიმზჷრს სუმინ ჲედ ხოფშირა̄მინ ლე̄ქჳნეხ ი ლაქჳი̄სჟინ ლჷფხაჲს
Line: 18    ხოცჳენიხ წი̄ჳას. წი̄ჳა წიფსი̄ ხა̄რ ი ცაჲრასი̄ ფუყჳშა̄ლ. ეჯის
Line: 19    ხეკჳეს ეხჭემეს ქა, იმშა̄ჲ ღენ ფხა̄რალ ი̄რდიხ ლჷფხა̄ჲსა. ლჷფხა̀ჲ
Line: 20    მე̄ჳარ ფიშრე̄მინ ხოხალ ლემშჳანჲერა̄ჲსა. ლიმზჷრჷნქა დე̄სამა გჳეშ ჟაგ
Line: 21    ნაჟგუნ ხომჴერახ ი დე მაშედ ე̄სამა ხაბჟახ ამშა. წი̄ჳა ლაცჳენჟი ტებდი
Line: 22    ლიცი̄ლს ხაგჳშეხ ლჷფხაჲს. ალე ხეყრენიხ ხოშა ნაღალდ ჭიშხჟი ი
Line: 23    ტოტჟი, იშგნა̄გ დე̄მე. ჩუ იში̄ მე̄ჳარ, იმეჩუ̄ი ლჷფხაჲ ხა̄რ მა̄რას,
Line: 24    წჷრნი ფერიშდ ისყი ი სურუ მე̄ჳარ ხოსტუ̄ნი მა̄რას, იმეჩუ̄ჲ ეჯი ხა̄რ.
Line: 25    ლე̄თშჳ ი ლადეღჳშ უჟდ ბაც დე̄სა ხა̄რ ეჯნო̄ჳშ ლეგმერდას. ლჷფხაჲს
Line: 26    ანჭინხ ერე ლჷდგარ ჳიჯი ძორი ნარდჳჟი ჭიშხს ერ ესგემხ, ეჩქა ლოქ


Page: 89 
Line: 1       იქჳნი ჩუ, ჲედ ძორი ნარდჳ გიმჟი ი ჲედ ლოქ ეჩა ფხა̄რალ ასდენო̄ლ
Line: 2    ი ეჯჲარ ლოქ ხეჩმჷნიხ ლუქუნს. ლჷფხაჲს ლა̄შხარ ლუქუნს ხჳაყლედ:
Line: 3    "საბრა ეჯის ლოქ ლჷფხაჲ ხაყრე̄ნა ჭიშხჟი". ხჳაჲდინ თელდ ჩუ
Line: 4    ხოდა̄ჳშე მა̄რას ასჳს ჲედ ჟი ხოფრე. ჳო̄ბაშ ხეჩდახ ეჯკალიბარ ერე ჟი
Line: 5    ლჷფრე ხა̄რხ ასჳარ ლჷფხაჲხენქა. მა̄ჲ მეზგაჲსა ლჷფხა̄ჲ ლეგმერდე
Line: 6    ხაყახ, ლელე̄თად ჴედნიხ მიჩა მეხჳბარალ ი ხოლგენიხ ლეგმერდას. ამჟი
Line: 7    ლიჩომ (ლილგენი) წეს ლი ლეგმერდე̄მიშ.

Line: 8       ამშა ლიმზჷრა̄ლი ხოხალ თინოს გოჩშა ი ამე̄ჲსა ერ ხა̄ჲრა ლჷფხა̄ჲ
Line: 9    ლიმზჷრ, ეჯი თინო̄ ნა̄ქჳი̄ს ლი. ლჷფხა̄ჲ მჷმზჷრი ზურა̄ლ
Line: 10    ერ ხოცჳენი წი̄ჳას ლჷფხაჲჟი, ხაკუჩ ერე მიჩა ლიმზჷრიშჳ ქე̄ნი̄ყას
Line: 11    მჷში ლუქუნხენ ფხა̄რალ. მანკჳი, ლჷფხაჲ ერ ხეყარ, ეშხუ
Line: 12    ფხა̄ლჷ̄ლ ლოქ ლეხჴალო̄ლ იმჳა̄ლე ი ეჯ ფხა̄ლჷ̄ლ ჩუ ლოქ იწწილი
Line: 13    სგა̄მენ, ეშხუ ფხა̄ლჷ̄ლ ხჳაჲდ ჴედნი, ქა ლოქ იკჳშე სგა̄მენ
Line: 14    მა̄რე̄მი ძორისა ი წი̄ჳას ერ ხოცჳენიხ ლამზჷრჯი, ქა ხაყა ფხა̄რალ
Line: 15    ფათუ̄ლარშა̄ლ ი ქუთანხ. იმშაჲ ლჷფხა̄ჲშხენ ლუქუნ ი̄რი, ეჩა წიწლარ
Line: 16    ლოქ ლიხ ეჯჲარ. ლიმზჷრ ე მო̄ ხე̄რი. ძარღჳს ხაჭიმხ ი ჩჳაშჲენი
Line: 17    სურუს, ჩუ ქურე ი ჩჳაფრე. რაჭალ ჟი ლოქ იმჴერიხ, იმშაჲ ნაქუნ
Line: 18    ი̄რი, ამჟი: ჩუ ლოქ ა̄ჲნეხ ჯჳიდს, ლჷჲნა ჯჳიდს ჩუ ლოქ ფუშდეხ
Line: 19    ჩერშტა̄ ნაფიტ ჴურუ ლექჳა, ჩერშტას ერ ჴურუ ხა̄რ, ეჩა ლექჳა, ჩუქჳა̄ნ
Line: 20    ხეგნი ფაკან ლიცჳშ, ჯჳიდ ი წჳე̄თ ჯესრეღჳნი ფაკანისა ლიცს ი ეჩე̄ჲსა,
Line: 21    მაჲკალიბ სახიში̄ ჩუ მუქჳნი ლას, ეჯ კალიბ სახიშდ ხეკჳეს ენწჳე̄ნე̄ნდეს
Line: 22    ლიცისა. ჲედ ჳიჯი სახიშდ ჲედ ბაყაყიშ ი იშგენიშ, ეჯ კალიბ
Line: 23    სახიშდ ლოქ ენსყი ჟიქა̄ნჩუ ნაწჳე̄თ ჯჳიდი̄ლ ლიცისა ფაკანშჳ.

Line: 24       ქე̄დგა̄თჳან ლჷფხა̄ჲ ლიმზჷრ ი მიჩა სახმახარ.



Next part


This text is part of the TITUS edition of Svan (Lashx) Texts ed. A. Oniani.

Copyright TITUS Project, Frankfurt a/M, 24.1.2010. No parts of this document may be republished in any form without prior permission by the copyright holder.