ARMAZI
Kartlis Cxovreba II
Part No. 156

Page of edition: 156  Line of edition: 1    ესე ყრმა აღზრდად მისცა დასა თჳსსა რუსუდანს, რომელი იგიცა მხოლო ესუა
Line of edition: 2    თამარსა, რომელთა ძმებრივისა და დებრივისა სიყვარულისა უმეტესობა აქუნდა
Line of edition: 3    ურთიერთაა.

Line of edition: 4    ამათ წარმართებულობათა და დაწყნარებულობათა შინა იყო მეფე და ყოველგნით
Line of edition: 5    ნიჭი და ძღუენი მოუვიდოდეს მოხარკეთა მიერ კარვად მეფისა. მხიარულითა პირითა
Line of edition: 6    მოვლიდის სამეფოსა თჳსსა განსაგებელთა საქმეთათჳს. გარდავიდის ქუეითი აჯამეთს,
Line of edition: 7    ნადირობდის ცხუმს და აფხაზეთს, და განაგნის საქმენი მანდაურნი. და სთუელთა
Line of edition: 8    შთავიდის ტფილისს, ხოლო საზამთროდ დადგის დურს სომხითისასა, და მიერ ბრძოდის
Line of edition: 9    განძელთა. ზაფხულის აღვიდის თავად მტკურისად და დადგის კოლას. და მოვიდოდიან
Line of edition: 10    წინაშე მისა მოხარკენი ძღუნითა ხლათით და საბერძნეთით.

Line of edition: 11    ამით განსუენებასა შინა მყოფმან არა ინ\ება ქორწინება ცოლისა. ამისთჳს შეკრბეს
Line of edition: 12    კათალიკოსნი, ეპის\კოპოსნი და ვაზირნი და მოაჴსენებდეს: "არა ჯერ არს, რათა
Line of edition: 13    მჴევალი გესუას და არა ცოლი, ვითარცა დასწერს მოციქული პირი ქრისტესი პავლე:
Line of edition: 14    "ქორწილი წმიდა არს და საწოლი შეუგინებელ. ხოლო მსიძავნი და მემრუშენი საჯნეს.

Line of edition: 15    ღმერთმან". ხოლო მეფესა არა ენება, არცა უსმინა. ამისთჳს წარგუარეს ქალი იგი,
Line of edition: 16    დედა დავითისი, და ქმარსავე მისსა მისცეს. ხოლო არცა მაშინ ექორწინა მეუღლესა,
Line of edition: 17    არამედ ეგო უქორწინებელად.

Line of edition: 18    რამეთუ იყო ესე ლაშა-გიორი მჴნე, ა\ხოვანი, ძლიერი, ლაღი, ამპარტავანი,
Line of edition: 19    თავჴედი, თჳთბუნება, ვითარცა მითქუამს, უხჳ, სახიობის მოყუარე, ღჳნის მოყუარე


This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.