ARMAZI
Kartlis Cxovreba II
Part No. 155

Page of edition: 155  Line of edition: 1    ხოლო სმამან მღერასა და სიღოდასა და ნაყროვნებამან სიბილწესა უმეტეს გარდარია.

Line of edition: 2    განიშორნა ვაზირნი სანატრელისა დედოფლისა და \ დედის წესთა მასწავლელნი,
Line of edition: 3    შეიყუარნა თანამოჰასაკენი მოსმურობათა და დედათა უწესოთა თანა აღრევითა, რომელ
Line of edition: 4    ესეოდენ უსახურებად მიიწია, რომელ ოდესმე მსმელი ფრიადისა ღჳნისა თაფლუჭისა,
Line of edition: 5    ტფილის[ს] მყოფი, წარიყვანეს რინდთა თანა, რათა მუნ განიძღონ სიბილწე თჳსი.

Line of edition: 6    ხოლო რინდნი, მეფისა მისლვასა \ არ მგონებელნი და ღჳნით უცნობო-ქმნილნი, ზედა
Line of edition: 7    მიეტევნეს მგუემელნი ძლიერად ვიდრემდე ერთიცა თუალი მარჯუენე ხედვისაგან
Line of edition: 8    უხედვო ყვეს.

Line of edition: 9    ამისნი მცნობელნი თავადნი საქართველოსანი, ფრიად მწუხარენი, და უმეტეს
Line of edition: 10    ივანე ათაბაგი და ვარამ გაგელი ზაქარიას ძე განეყენებოდეს დარბაზს ყოფისაგან.

Line of edition: 11    "არა თავს ვიდებთო, ეტყოდეს, შენსა მეფედ ყოფასა, უკეთუ არა განეყენო ბოროტთა
Line of edition: 12    კაცთა სიახლესა და ავსა წესსა, რომელსა იქმ". ხოლო მეფემან შეინანა და აღუთქუა
Line of edition: 13    სიმტკიცეთა მიერ არარასა ქმნა თჳნიერ მათისა განზრახვისა. დაღათუ აღასრულებდა,
Line of edition: 14    არამედ ძლიერებდა მტერი უჩინო, ვერ არწმუნეს ცოლისა სმა, ვითარცა არს გულისთქმისა
Line of edition: 15    მიერ შემწველობა დედათა მიმართ. მისრულმან კახეთს სოფელსა ერთსა,
Line of edition: 16    ველისციხესა, იხილა ქალი ფრიად ქმნულ-კეთილი, და მყის აღტაცებულ იქმნა გულისთქმათა
Line of edition: 17    მიერ და დამვიწყებელმან დავითის და ურიის ცოლისა მიმართისა საქმისამან
Line of edition: 18    მსწრაფლ თჳსად მიიყვანა და შეიყუარა ფრიად. და მუცლად იღო დედაკაცმან მან და
Line of edition: 19    შვა ყრმა, რომელსა \ უწოდეს სახელად დავით. ესე დავით იგი არს, რომელი შემდგომად \
Line of edition: 20    დიდთა განსაცდელთა მეფე იქმნა, რომელი ქუემორე სიტყუამან საცნაურ ყოს.



This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.