ARMAZI
Kartlis Cxovreba II
Part No. 148

Page of edition: 148  Line of edition: 1    მოიზიდვიდა წყალობად ღმრთისა, ესრეთ გამოიფრ\დიდა ჟამთაგან, ესრეთ განაძლიერებდა
Line of edition: 2    მეგობართა, დაღათუ არარათ სიცრუით მოგებულითა და სამართლოთა.

Line of edition: 3    არაოდეს მომედგრდა ჟამისაგან, არცა უდებ იქმნა ოდესცა განგებისათჳს, არაოდეს
Line of edition: 4    აუქმა გონება მისდა რწმუნებულთა საქმეთათჳსი არა დაუმძიმა კრთომასა გონებისასა
Line of edition: 5    დამზიდველი რამე ჩუკენებრივი, არცა სიმდაბლესა მირიდა, არცა სიმაღლესა განეყენა,
Line of edition: 6    არცა სიტკბოება ჟამიერი უმოთნო ყო, არცა საშინელება შეურაცხ ყო; ყოველი
Line of edition: 7    განზავა ყოვლითა, რათა სრულებით სრულისაგან წარმოაჩინოს თავსა შორის თჳსსა.

Line of edition: 8    უღაფრობა მაარსებელისა განუგმობელად დაიცვა, რათა მოქცევსა შინა სიმრგულისასა
Line of edition: 9    არარად ელმად და უცხოდ მიდრკეს, არცა გარდაყვეს სავსებელისა \ დუღილსა
Line of edition: 10    შინა, არცა მოაკლდა შთაზიდვასა შინა საბლისასა, არამედ მეტად დამდაბლებულმან
Line of edition: 11    გონიერისა გონებისაგან იყოვლისფერა გარემოდ, რათა მოქცევი თჳსი მარტიობით
Line of edition: 12    იხილვოს გუარსა შინა ანაგისასა შეუყოფელად ვნებათა. ისურვებდა და სასურველ იყო,
Line of edition: 13    იწადებოდა და საწადელ იყო, იქებოდა და საქებელ იყო, \ ნატრიდეს და სანატრელ იყო,
Line of edition: 14    და არარა იყო სხუა კეთილი, რაცა იგი არა იყო მის შორის.

Line of edition: 15    ურჩნი თჳსნი დაამდაბლნა და მოყუარენი აღამაღლნა. არა იღუწიდა უმეზობლობასა,
Line of edition: 16    არცა შერთვიდა სახლსა სახლსა ზედა, არცა აგარაკსა აგარაკსა ზედა უცხოსა,
Line of edition: 17    არამედ თჳსი მამული ძუელი კმა იყო, რათა არა უსამართლოდ ჰგონონ და მიმხუეჭელად,
Line of edition: 18    ვინათგან სამართალმანცა ზენამან უბჭო მართალსა. არა შინებით უთქმიდა მეზობელთა,
Line of edition: 19    არამედ უფროსღა სცვიდა მაშინებელთაგან, და მათ საშინელ ყოფდა მტერთა
Line of edition: 20    ზედა. შორს განიოტა წურბლის მსგავსი ვერ-მაძღრისობა, ვინ არა გე\სლოვან [ყო]
Line of edition: 21    ნაყოფი, და არცა ბუგრიან ნაშრომი.

Line of edition: 22    ბჭედ ჯდა შორის თავისა თჳსისა და მეზობელთა მეფეთა, არა მიშუებად ბრძოლისა,
Line of edition: 23    არცა გარდადებად უღელსა მძლავრობისასა ურთიერთას, და სახედ თავსა თჳსსა
Line of edition: 24    მისცემდა და ამისთჳს მათ ზედა მეორე სოლომონ იქმნა მეფეთა შორის; და არა
Line of edition: 25    ერთისა გული აღძრა სურვილად, არამედ ყოველნი რომელთა ესმა სახელი მისი, ვინა
Line of edition: 26    დიდითა მეფეთა, ცუდად შერაცხნეს თჳსი ბედ-კეთილობა ვერ-ხილვისათჳს მისისა.

Line of edition: 27    კნინღა-და ყოვე\ლსა ზღუასა აღმოიწრედდა თჳსად, ვითარცა ღრუბელი ყოველთა ზედა
Line of edition: 28    მსხურებელი ტკბილთა წჳმათა.



This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.