ARMAZI
Kartlis Cxovreba II
Part No. 147

Page of edition: 147  Line of edition: 1    პატიოსნებასა თანა, ოქროსასა ქარქუეტისა ნამუსრევი. რამეთუ ვინ რა წარმოთქუას
Line of edition: 2    ღირსი ამისთჳს, გინა რა ვინ პირველ აქოს, ანუ რომელი უკანასკნელ: სიმდაბლე
Line of edition: 3    უზომო, სიმაღლე შეუსწორებელი, სიმშჳდე საქებელი, სიმქისე ჯეროვანი, ლმობიერება
Line of edition: 4    მოწლე, მოწყალება თანა-ლმობილი, უმანკოება უზაკუელი, სიწრფოება უსიცრუო,
Line of edition: 5    სახიერება ზოგადი, სიუხუე აღუზუავებელი და -- თავი ყოვლისა კეთილისა შიში
Line of edition: 6    ღმრთისა და მსახურება მისი შეუორგულებელი, -- რომელი-ესე ყოველი ამან ესრეთ
Line of edition: 7    მოიგო, ვითარ ვერცა ერთი სხუამან ვერვინ. \ და წამებს ამას ყოველი მახლობელი
Line of edition: 8    სამეფო გარეშემო ქართლისა, თუ რაოდენნი დაგლახაკებულნი მეფენი განამდიდრნა,
Line of edition: 9    რაოდენთა მიმძლავრებულთა უკუ სცა სამეფო თჳსი, რაოდენნი განდევნილნი სამეფოდვე
Line of edition: 10    თჳსად კუალად აგნა და რაოდენნი სიკუდილად დასჯილნი განათავისუფლნა.

Line of edition: 11    და ამისი მოწამე არს სახლი შარვანშეთი და დარუბანდელთა, ღუნძთა, ოვსთა, ქაშაგთა,
Line of edition: 12    კარნუ-ქალაქელთა და ტრაპიზონელთა, რომელნი თავისუფლებითსა ცხოვრებასა ამის
Line of edition: 13    მიერ იყვნეს და მტერთაგან უზრუნველობასა.

Line of edition: 14    ხოლო სჯულთა მიმართ საღმრთოთა ვინ იყო ესრეთ მოშურნე, გინა სიმდაბლით
Line of edition: 15    თავისა მომდრეკელ, რამეთუ თეოდოსი დიდსაცა აღემატებოდა. ლოცვანი და ღამისთევანი,
Line of edition: 16    რომელნი პალატსა შინა ამისსა აღესრულებოდეს, საეჭუელ მიჩნს მეუდაბნოეთაგანცა;
Line of edition: 17    ხოლო მარხვისათჳს რაღა ვთქუა, რამეთუ წესი იყო მონაზონთა და მამხილებელ
Line of edition: 18    უდებთა ერი პალატისა.

Line of edition: 19    ეგრეთვე სიყუარულისათჳს ხუცესთა და მონაზონთასა ნამეტნავ არს თქმად, რამეთუ
Line of edition: 20    წესიერად ცხორებულნი კარნი \ მარადღე იყვნიან წინაშე მისსა, და მახლობელად
Line of edition: 21    სასუენებელისა მისცის \ მათ საყოფელი, და თჳთ ზრდიდის საზრდელითა და ყოვლითა
Line of edition: 22    საჴმრითა, რაცა უნებნ. და უკეთუ მათგანი ვინმე იყვის უძლურ, თჳთ მივალნ მოხილვად
Line of edition: 23    და ნუგეშინის ცემად, და თჳთ განუმზადე ცხედარსა და სარეცელსა.

Line of edition: 24    ხოლო გლახაკთათჳს განეჩინნეს სარწმუნონი ზედამდგომელნი, და ყოვლისა სამეფოსა
Line of edition: 25    მისისა შემოსავალნი, რაცა იყო შინათ და გარეთ, ყოვლისა ნაათალი გლახაკთა
Line of edition: 26    მიეცემოდა დაუკლებელად ერთისა ქრთილისა მარცულამდეცა. და ამას ყოვლადვე არა
Line of edition: 27    გონებდა ქველის საქმედ მითუალვად წინაშე ღმრთისა, რამეთუ რაჟამს მოიცალის მარტოებით
Line of edition: 28    ყოფად, მყის აღიღის სასთუელი, გინა საკერავი, და ნაშრომსა მას თჳსთა
Line of edition: 29    ჴელთასა ხუცესთა და გლახაკთა განუყოფნ თჳსითა ჴქელითა
Line of edition: 30    ესრეთ წესითა განმტკიცებულითა ღმრთისა სახიერისა სათნოებისათა არა დაწყებისასა
Line of edition: 31    მიხედვიდა, არამედ აღსასრულისათა, და, ვითარცა მზე სწორ-პატიობით ყოველთა
Line of edition: 32    ზედა \ განუტეობდა ნათელსა თჳსთა შარავანდედთასა. ესრეთ წყალობითა ყოველთათა


This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.