ARMAZI
Kartlis Cxovreba II
Part No. 149

Page of edition: 149  Line of edition: 1    განიგემნე ყოველნი მატიანენი, ძუელთა გინა ახალთა მეფეთა მაქებელნი, რამეთუ
Line of edition: 2    გარდაემატა თამარის საქმეთა ჭეშმარიტებით საქებელობა სიტყჳსაებრ პირველთასა:
Line of edition: 3    სახარელ იყო თხრობათა შინა და კდემულ განმსწავლელობათა, შემხებელ ლბილობით
Line of edition: 4    და განმწურთელ სიტკბოებით, მგუემელ მოწყალეობით და შემრისხველ \ თანალმობით".

Line of edition: 5    რათა ყოვლად ყოვლითურთ განუგმობელ აჩუენოს თჳსება ღმრთისა. სანთელი იყო
Line of edition: 6    გონიერთა და უგუნურთა, პირველთა განმანათლებელ და მეორეთა დამწუველ. აღჳრი
Line of edition: 7    იყო უწესოდ მკრთომთა და დეზ უდებთათჳს; კანონი სირცხჳლისა მოხუცებულთა
Line of edition: 8    და კუერთხი რკინისა ჭაბუკთათჳს; კეთილ-მავალთა სიბრძნით მცველ, ხოლო მბორგალეთა
Line of edition: 9    თუალ-უხუავად მგუემელ.

Line of edition: 10    მღდელთ-მოძღუართა შეიმოსეს შიში; მღდელთა დაიცვეს წესი თჳსი. მონაზონთა
Line of edition: 11    მოიგეს წესიერი მოქალაქობა; მთავარნი განისწავლნეს სიწმიდით ცხოვრებად და
Line of edition: 12    სიმართლით სლვად; ერნი განემტკიცნეს შიშით მონებად ღმრთისა და ერთგულობით
Line of edition: 13    უფალთა \ თჳსთა; ყრმანი განიწუართნეს მოძაგებად უჯეროსა უსჯულოებისა, რამეთუ
Line of edition: 14    ბილწებამან უწესომან და ყრმებრივმან მბორგალებითმან ბორგნეულობამან ვერცა თუ
Line of edition: 15    კუალი პოვა დღეთა \ თამარისთა. ვინა-და თჳთ გინებადცა შორს იყვნეს, რომელნიცა
Line of edition: 16    პალატსა შინა ღირს იყვნეს გინა კარსა ზედა მსახურებად.

Line of edition: 17    ესრეთ ყოველსა შინა დაცვითა ღმრთისა მცნებათათა მოიგო წყალობა ღმრთისა,
Line of edition: 18    და აკურთხა ღმერთმან ცხოვრება მისი, და განამრავლა ნაყოფი მისი, და სხმულ
Line of edition: 19    ყო მსგავსად წერილისა: "ნათელი აღმოუბრწყინდა მართალსა" განთიადისა
Line of edition: 20    თანა, და მეუღლე მისი სიხარული შუადრე, და მწუხრი მშჳდობით დაიძინა სარეცელსა
Line of edition: 21    ზედა თჳსსა. შეამკუნა ღმერთმან დღენი მისნი პატიოსნებით და ჟამნი მისნი
Line of edition: 22    მშჳდობით. და მეფობასა შინა მისსა არა შეიჭუა პირი მისი, ამისთჳს რამეთუ არაოდეს
Line of edition: 23    გარე მიაქცია ჴელი სათხოველისაგან ქურივთა, ობოლთა და მიმძლავრებულთასა.

Line of edition: 24    წარვლნა დღენი მისნი სიხარულსა შინა. ამისთჳს რამეთუ მარადღე ახარებდა
Line of edition: 25    ყოველთა გლახაკთა და დავრდომილთა. და უკანასკნელ წარვიდა მამათა თჳსთა თანა,
Line of edition: 26    და შეეძინა; \ და დაუტევნა ორნი შვილნი, გიორგი და რუსუდან, შუენიერნი, საწადელნი,
Line of edition: 27    სასურველნი და საქებელნი, შექმნით სეფის პირნი, გონიერებით აღსავსენი,


This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.