ARMAZI
Kartlis Cxovreba II
Part No. 144

Page of edition: 144  Line of edition: 1    ითხოვდეს მშჳდობასა და ფიცსა, რათა არა განსცნეს კარი, ვითარ ანისი და დვინი
Line of edition: 2    არამედ სამეფოდ დაიმჭიროს. ამისთჳს მისცა სიტყუა მტკიცე და უბრძანა ძესა თჳსსა
Line of edition: 3    გიორგის რათა შევიდეს და თჳთ მოითუალოს ქალაქი და ციხე. რომელი-ესე ესრეთ
Line of edition: 4    იქმნა. და ესე ერთი ქალაქი და ციხე თჳსად დაიმჭირა, მათ ყოველთაგან, რომელნი
Line of edition: 5    აიხუნა ზორაკერტით რაჴსამდის, გაგით განძამდის და ჯავახეთით \ სპერამდის.

Line of edition: 6    და ვისცა ათჩჳდმეტსა წელიწადსა შინა ესე საქმენი თამარისგან ემცრებიან. და
Line of edition: 7    მისთა ლაშქართაგან, წელიწდისა ერთისა დღეთა თუ ვითარ შეუძლო ყოველთა მათ,
Line of edition: 8    გარეთა აღმართ ოდენ შეხედენ, რომელნი ჰქონან ციხენი მჴარგრძელთა ოდენ სახლთა,
Line of edition: 9    ზემოთ და ქუემოთ.

Line of edition: 10    მხიარულად ამბისაგან მეტყუელი პირი აწ მწუხარებისა მიმართ მიიქცევის.

Line of edition: 11    რამეთუ მეგულვების აწ წარმოთქმა ყოვლისა სოფლისა საგლოველისა ამბისა.

Line of edition: 12    ნაჭარმაგევს გარდმოდგა მეფე თამარ და მის წინაშე იყვნეს ყოველნი. დიდებულნი
Line of edition: 13    და წარჩინებულნი. და იურვნა და განაგნა საქმენი სამეფოსა თჳსისანი, და უფროსღა
Line of edition: 14    ეკლესიათა და მონასტერთანი. და მუნ დგომასა შინა გამოაჩნდა სენი რამე მომაოჴრებელი
Line of edition: 15    ჩუენი, რომელი დღითი-დღე დამძიმდებოდა \ მის ზედა და დიდხან ფარვიდა,
Line of edition: 16    რათა არავინ შეაწუხოს. გარნა ურგებელ იქმნა რა ჭირი, არა მიმთუალველი კურნებისა,
Line of edition: 17    მაშინღა განაცხადა, რამეთუ დედობრივმან უძლურებამან განგრძობილთა შინა
Line of edition: 18    მჴედრობათა არა თავს-იდვა შეუმთხუეველად მიშუება აგებულებისა.

Line of edition: 19    და აქა საბრალობელ მიჩნს დიდად ერთგულნი იგი კაცნი, თუ ვითარ უგულებელს
Line of edition: 20    ყვეს ეგოდენი ტკივნეულობა მისი. რამეთუ წარმოიყვანეს კუბოთა ტფილისს,
Line of edition: 21    და შემდგომად მცირედთა დღეთა ენებათ ჩუეულებისაებრ, რათა დასოს განვიდენ.

Line of edition: 22    ისწრაფდეს და მუნ წარიყვანეს კუბოთავე და დიდად განძნელდა სენი იგი უწყალო.

Line of edition: 23    და კუალად წარმოიყვანეს აგარათა ციხესა.

Line of edition: 24    და უქმ იქმნა მის ზედა ყოველივე ბუნებათა გამომეძიებლობა მკურნალთა ჴელოვნებისა.

Line of edition: 25    ამისთჳსცა იყვნეს თჳთ მუნ და ყოველსა ადგილსა ლიტანიობანი და ღამისთევანი
Line of edition: 26    მიმდემნი, და ცრემლთა დინებანი იხილვებოდე! მდიდართა და გლახაკთანი
Line of edition: 27    სწორებით. გარნა განჩინება წინააღუდგომელი იყო და დღემან იწყო მიდრეკად, და


This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.