ARMAZI
Kartlis Cxovreba II
Part No. 143

Page of edition: 143  Line of edition: 1    უბადრუკი იგი ალექსი ბორღალეთს, თჳსისა სიძისა თანა. იხილა რა ბორღალელთა
Line of edition: 2    მეფემან, სიძემან მისმან, შეიყვანა ციხესა ერთსა, და დაუთინა წინაშე მისსა ოქრო
Line of edition: 3    დიადი, და რქუა ესრეთ: "აჰა ალექსი, გულის-სათქმელი იგი შენი; ოქრო ესე მიიღე,
Line of edition: 4    თჳნიერ სხჳსა რომლისამე საზრიელისა, და წყლისა \ წილ, რამეთუ ამისთჳს წარსწყმიდე
Line of edition: 5    სახლი სამეუფო ქრისტიანეთა, და დაჴსენ თჳთმპყრობელობა ბერძენთა". და
Line of edition: 6    ესრეთ მოკუდა საწყალობელი იგი სიყმილითა, დაკლებული შეწევნისაგან ღმრთისა.

Line of edition: 7    ესრეთ საზარელ იყო თამარ მტერთა ზედა, და კუალად ესეოდენ ტკბილ და ძჳრუჴსენებელ,
Line of edition: 8    ვიდრემდის ესმა რა ესე ყოველი, დიდითა ტკივილითა იგლოვა, დაღათუ
Line of edition: 9    არა ღირს იყო მისთჳს ტკივილი. რამეთუ რაცა ვის არა ჭეშმარიტებით აქუნდეს,
Line of edition: 10    არა იპყრობს დიდხან, გარნა თამარ უცხოსაცა ზედა და დავრდომილთა ლმობიერ იყო
Line of edition: 11    ტკივნეულობად და წყალობად, ვითარ აწ ამასცა ზედა.

Line of edition: 12    ხოლო წარმოვთქუათ ესეცა, რამეთუ ოცდამესამედ, გინა-თუ მეოთხედ, აღმავლობასა
Line of edition: 13    მეფობისა მისისა წელიწადსა იკითხა საქმე კარისა რამ თუ მრავლით ჟამითგან
Line of edition: 14    ჰბრძოდეს სარგის თმოგუელი, შალვა თორელი და მესხნი, გარნა ვერარა ღონე ქმნეს
Line of edition: 15    აღებისა, რამეთუ ზამთრის მკსინვარებისაგან და სიცივისა უღონო იყვნეს მიდგომად.

Line of edition: 16    ხოლო ჟამსა ყინვისასა წყლისაგან განყინულისა ვერ შეუძლებდეს ბრძოლად, გარე
Line of edition: 17    შემოუხუნეს ყოველნი ციხენი და სოფელნი, და იგი მხოლო მარტოჲ ჰქონდათ
Line of edition: 18    სპარსთა. ამისთჳს განიზსრახა კეთილისა გონებითა და წარავლინა დავით ზემოთ
Line of edition: 19    ლაშქრითა. წაატანა ზაქარია და ივანე, და უბრძანა, რათა დადგენ მუნ და ძლიერად
Line of edition: 20    ეომონ. და ხანგრძლად იქმნა ესე, და თჳთ თამარ დადგა \ ჯავახეთს, და მუნ მოელოდა
Line of edition: 21    ამბავსა მათსა.

Line of edition: 22    1 ხოლო იგინი მივიდეს და ებრძოლეს უკუე შეკრულსა მას ღობესა წყლისათჳს.

Line of edition: 23    და მრავალთა შინა დღეთა განტეხეს ადგილი იგი. და გამოიცალა წყალი და მის
Line of edition: 24    თანა უმრავლესნი მოქალაქენიცა. ხოლო დაშთომილთა მათ ითხოვეს დავითისგან,
Line of edition: 25    რათა თჳთ თამარ მივიდეს და მას მიენდვნენ, რამეთუ ეშინოდათ სიტყუათა მათთათჳს.

Line of edition: 26    გინებისათა, რომელთა ციხით გამო იტყოდეს პირველ.

Line of edition: 27    მაშინ მოაჴსენეს ესე ყოველი თამარს. ხოლო იგი მივიდა. და მოიხუნეს ციხოვანთა
Line of edition: 28    მათ კლიტენი წინაშე ძისა მისისა გიორგისა და მერმე თამარის წინაშე და


This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.