ARMAZI
Kartlis Cxovreba II
Part No. 136

Page of edition: 136  Line of edition: 1    ხოლო თჳთ უბრძანა. თჳსთა სპათა ყველთა შესხდომა, და თჳთ განვიდა უმაღლესსა
Line of edition: 2    ადგილსა, სადათ ყოველთა ხედვიდა, და დავარდა მუჴლთა თჳსთა ზედა დიდხან,
Line of edition: 3    და \ ტიროდა წინაშე ღმრითისა. მერმე, აღდგა რა, იხილვებოდა \ ადგილი იგი ყოვლად
Line of edition: 4    დალტობილად ცრემლთაგან მისთა.

Line of edition: 5    მერმე მოიყვანნა წინაშე თჳსსა ყოველნი წარჩინებულნი და უბრძანა ერისთავთა,
Line of edition: 6    რათა თჳთოეული მათი მოვიდოდის წინაშე წმიდასა ჯუარსა და თაყუანის-ცემდენ და
Line of edition: 7    შეემთხვეოდიან. და იწყეს მოსლვად ყოველთა და ტირილით ვედრებად, და თაყუანისცემად
Line of edition: 8    პატიოსნისა ჯუარისა, და ამბორის-ყოფად, და ეგრეთვე შემთხუევად ჴელსა თამარისსა.

Line of edition: 9    და ანდერძ-ყოფდეს ყოველნი სახლთა, შვილთა და სულთა წინაშე მისსა. რამეთუ
Line of edition: 10    ერთითა ჴელითა თჳთ მას ეპყრა ძელი ჯუარისა, ხოლო ერთითა ეზოსმოძღუარსა
Line of edition: 11    ბასილის და ჯუარის-მტჳრთველსა. სრულ იქმნა რა ყოველთაგან ესრე სახედ თაყუანისცემა
Line of edition: 12    ჯუარისა, მერმე თჳთ მიიქუა პატიოსანი იგი ჯუარი ჴმლითა თჳსითა, და
Line of edition: 13    ამჴედრებულთა ზედა ყოველსა მჴარსა ნიში ჯუარისა გამოსახა სამგზის, დაულოცა, და
Line of edition: 14    ეგრეთ წარემართნეს მინდობილნი ღმრთისანი და თამარის ცრემლთანი.

Line of edition: 15    ხოლო წინამებრძოლად იყო ზაქარია მჴარგრძელი ამირსპასალარი, და ორნიცა იგი
Line of edition: 16    ძმანი ახალციხელნი, \ შალვა და ივანე, დაღათუ შალვა მანდატურთ-უხუცესი იყო, ჭიაბერი და
Line of edition: 17    სხუანი თორელნი, და წარემართნეს ბასიანის კერძოსა.

Line of edition: 18    და მეფე თამარ მოიქცა სამცხეს, და მოვიდა ოძრჴეს, და მოიცალა ლოცვად და
Line of edition: 19    მარხვად. მუნ იყო წინაშე მისსა თევდორე, ქართლისა კათალიკოსი, კაცი წმიდა და
Line of edition: 20    სახიერი, და მას თანა მრავალნი ეპისკოპოსნი და მონაზონნი, ღმრთისა სათნონი,
Line of edition: 21    რომელთა თანა იყო იოანე შავთელი, კაცი ყოვლად განთქმული და საკჳრველი მოღუაწებათა
Line of edition: 22    შინა და ლექსთა გამომთქმელი, და ევლოგი ქრისტესთჳს სულელი, რომელსა მოეღო
Line of edition: 23    მადლი წინასწარმცნობელობისა.

Line of edition: 24    იყვნეს მიმდემნი ღამისთვანი და ლიტანიობანი.



This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.