ARMAZI
Kartlis Cxovreba II
Part No. 129

Page of edition: 129  Line of edition: 1    და ალვისა ხეთა სპილენძებითა ტჳრთულად. იწყეს ანაკოფის ციხით ვიდრე ციხედმდე
Line of edition: 2    გულისტანისა. სეფენი აზნაურთანი აღივსნეს ტყჳთა რჩეულითა, და ყოველნი საგანძურნი
Line of edition: 3    ოქროთა, ვითარცა მიწათა, და ინდოურითა ქვითა, და პატიოსანთა მარგალიტთა
Line of edition: 4    მიერ ურიცხუთა.

Line of edition: 5    გარნა ამას ყოველსა ზედა აღზუავნა გული თამარისი, განლაღნა ერთგზისცა
Line of edition: 6    წარბთა აღებითა? არა. ნუ იყოფინ არამედ უფროსად დამდაბლდებოდა წინაშე ღმრთისა
Line of edition: 7    მადლობელი და მოქენე მისგან წყალობისა, აღავსებდა ჴელსა მოქენეთასა და წიაღებსა
Line of edition: 8    გლახაკთასა, განამდიდრებდა სამზრუნველოთა ეკლესიათა, ქურივთა და ობოლთა და
Line of edition: 9    დავრდომილთა, ზოგად ყოველთა ზედა. ღმრთისა ჴელობად \ მიუპყრობდა მასვე ძღუნად,
Line of edition: 10    რომელმან არწმენა განგებად, და მასვე მიუზღვიდა, რომელი მისცემდა მდიდართაგან
Line of edition: 11    და მოუკლებელთა წიაღთა. ძუელთა აუმსგავსოებდა თჳსთა საქმეთა ზედა,
Line of edition: 12    ახალთა წარჴდებოდა, ვითარცა უახლესთა მოქმედი, ვინა ზემოვე ვთქუა, არამედ ჩუენ
Line of edition: 13    ვიტყოდეთ წერილისასა: იყო სიმტკიცე ქუეყანასა ჩუენსა და მშჳდობა თავსა მთათასა.

Line of edition: 14    არა ოდენ ქუეყანა იავარსა განადიდებდა თამარ, არამედ სარწმუნოება განმტკიცნებოდა,
Line of edition: 15    წმიდანი ეკლესიანი შეიმკობოდეს მრავალფერთა მიერ სამკაულთა, ლოცვათი
Line of edition: 16    და ღამისთევანი განმრავლდებოდეს, უფროსღა თჳთ პალატსა შინა წმიდათა საიდუმლოთა
Line of edition: 17    სრულყოფანი მიმდემნი. და რასა მრავალსა ვიტყოდი? წყალობა ღმრთისა
Line of edition: 18    განმრავლდებოდა და ყოველი სიბოროტე ეშმაკისა მოუძლურდებოდა.

Line of edition: 19    ყოველნი \ თჳს-თჳს იღუწიდეს, რათამცა თამარ მოიმადლეს და ვინაცა გამოაჩინნეს
Line of edition: 20    საქმეთა შინა საქებელთა. მონაპირენი, რომელნი იყვნეს, ღამეთა დაღეთავე ზედა
Line of edition: 21    დართვიდეს შეუსუენებელად, და რომელნი შიგნით იყვნეს იგინი სანაპიროთა იაჯდეს.

Line of edition: 22    და ესევითარმან გულს-მოდგინებამან და მოსწრაფებამან ყოველთამან ესევითართა
Line of edition: 23    მიაღწია სამეფო:
Line of edition: 24    რამეთუ პირველ ქუემოთი სანაპირო გაგი იყო, რომელნი ჰქონდა ზაქარიას.

Line of edition: 25    მჴარგრძელსავე, ვარამის მამასა, და ესენი მუნ მოინაპირობდეს, კაცნი მჴნენი, ბრძოლასა
Line of edition: 26    შინა მრავალგზის გამოცდილნი და განმარჯუებულნი, და შიშითა ღმრთისათა
Line of edition: 27    და პატრონისა ერთგულობითა დიდად საქუბელნი.

Line of edition: 28    ამოღმართ ძორაკერტი იყო და ტაშირი, სადათ ზაქარია და ივანე დაიწყეს პირველად
Line of edition: 29    ბრძოლა ლომურად ზემოთ, და ქუემოთ, და ყოველსა ადგი\ლსა.

Line of edition: 30    და ზემოთ ჯავახეთი, სადა სარგის მჴარგრძელივე თმოგუელი და შალვა თორელი
Line of edition: 31    მონადირობდეს.

Line of edition: 32    ზედათ არტანი, სადა მესხნი მონაპირობდეს, რომელთა შორის იყო ყუარყუარე,
Line of edition: 33    სამცხისა სპასალარი, ჯაყელი, კაცი დიდად გამარჯუებული და ერთგული მეფეთა.



This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.