ARMAZI
Kartlis Cxovreba II
Part No. 128

Page of edition: 128  Line of edition: 1    დავითს წნაშე სამსახურად. ამან მირმირან გამოითხოვა განძა ცნობადმდე თამარისსა
Line of edition: 2    და მისცეს შესანახავად.

Line of edition: 3    რაჟამს ბუბაქარ ცნა ჩუენთა ლაშქართა შინამოსლვა, გამოჩნდა და განძელთა ქალაქი
Line of edition: 4    მასვე მისცეს, თუმცა მირმირან \ შიშითა ცოცხალი გამოუშუეს. ვითარცა ვთქუ.

Line of edition: 5    მცირენი რა დღენი გარდაჴდეს, წარმოემართნეს ლაშქარნი დიდად მოხარულნი
Line of edition: 6    ულუმპიანსა ამას ზედა ძლევასა, ფრიად უაღრესსა საქებელისა მისგან ძლევისა, რომელი
Line of edition: 7    ყო ალექსანდროს დარიოსს ზედა.

Line of edition: 8    ვითარ მიეახლნეს, მოძიებოდა მათ თამარცა, რამეთუ მოსრულ იყო სარგის
Line of edition: 9    თმოგუელი მახარობელად. იხარებდა და მადლობდა ღმერთსა, მოიკითხვიდა თჳთეულსა,
Line of edition: 10    ვითარცა შვილთა. და იშუებდეს იგინი ხილვითა მისითა
Line of edition: 11    აღივსნეს ყოველნი ველნი გარემო ტფილისისა და ვერღარა იტევდა კაცსა,
Line of edition: 12    ცხენსა, ჯორსა და აქლემსა. და ესეოდენ მოსაწყინელიცა იყო სიმრავლე იგი ტყუეთა,
Line of edition: 13    ვიდრემდის შეიყვანიან ქალაქად და ერთად კუტლად ფუკისად გაყიდიან. და ამისი
Line of edition: 14    მოწამე თჳთ იგი ღმერთი უტყუელი არს, და რათა არა ტყუილი ვისმე ეგონოს და
Line of edition: 15    ზღაპარი გიჩნდეს თქმულნი ესე მომავალთა \ ჟამთა.

Line of edition: 16    ნამდჳლვე ერმიონთასა უსახელოვნესთა მათ კაცთა, ზაქარია და ივანე, აიღეს.

Line of edition: 17    ფანჯიაკი სამეფოდ და განაწყვეს ველსა დიდუბისასა ავჭალამდი აქლემი ყუელა ტჳრთითა,
Line of edition: 18    ცხენი ყუე\ლა შეკაზმული. ეგრეთვე ყოველნი იგი ამირანი თჳს-თჳსითა დროშითა:
Line of edition: 19    პირველად ხალიფას დროშა, მერმე ათაბაგისა შემდგომი -- შემდგომად. გააწყუეს
Line of edition: 20    კარითგან ქალაქისათა ჴევამდე გლდანისა ტყუე ყოველი განიყვანეს თამარ, და შესწირეს,
Line of edition: 21    და ათაყუანეს ყოველნი იგი თავნი სპარსეთისანი. მერმე თჳთცა თაყუანისსცეს
Line of edition: 22    და მიულოცეს ბედნიერი მეფობა ღმრთისა-მიერი.

Line of edition: 23    ამისსა შემდგომად შევიდეს ქალაქად, და თჳთეულმან იწყო ძღუენთა მოღებად:
Line of edition: 24    ოქროსა და სამკაულისა, და ჭურჭელთა მისთა, თუალთა პატიოსანთა და მარგალიტთა
Line of edition: 25    უსასყიდლოთა, ჯაჭუთა, მუზარადთა, ჴრმალთა ამათ გამოცდილთა, ნაქსოვთა ფერადფერადთა,
Line of edition: 26    ოქროქსოვილთა \ და შესამოსელთა მრავალ-სასყიდლოანთა, ცხენთა და
Line of edition: 27    ჯორთა, მანიაკთა ოქროსათა თუალიან-მარგალიტიანთა, სულნელთა მრავალფერთა


This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.