| Strophe: 153 | ||
| Verse: a | არა, ცრუვ, როგორ ნუ მინდა, | რა ვნახო ამხანაგნია |
| Verse: b | დიდებასა და პატივსა, | გვერთს ახლდენ ყმანი კარგნია, |
| Verse: c | აქლემის ყათრით, ჯორებით | ბევრი დასდევდენ ბარგნია, |
| Verse: d და | მე ბზიანს საბძელს ვეძებდე, | თბილია, ცივა, ვარგნია! |
| Strophe: 154 | ||
| Verse: a | მე ასრე ცარიელი ვარ, | სიცხის დროს როგორც ნახევი, |
| Verse: b | ტანს არაფერი მაცვია, | თუ არ ძველი და ნახევი, |
| Verse: c | სახლი დავაგდო, დამრჩება | ვით მონაგლეჯი, ნახევი, |
| Verse: d და | ეს შენი უსამართლობა, | უწყალოვ, მოდი, ნახევი. |
| Strophe: 155 | ||
| Verse: a | სხვანი ხელმწიფეთ წინაშე | იდგნენ ზრახვად მეგობარებ, |
| Verse: b | მე ასეთსა ადგილს ვდგევარ, | შორით თვალსა ძლივ მოვარებ; |
| Verse: c | უსადილოდ გამაბრუნებ, | შიმშილითა მაკარკარებ, |
| Verse: d და | მათ ღვინოსა ყინულიანს | ასმევ, კულით აკარკარებ. |
| Strophe: 156 | ||
| Verse: a | მონასტერს შეკრბენ აღდგომას | კეკლუცად მოკაზმულობით, |
| Verse: b | ფერ-ფერად შეხამდებოდენ | ერთმანერთისა ცილობით, |
| Verse: c | მე კაბის ძველში ვეხვიო, | რაზომ ვერ კარგი ზრდილობით, |
| Verse: d და | რად გამხდი ასრე, სოფელო, | ვერვინ მჯობს გვარიშვილობით? |
| Strophe: 157 | ||
| Verse: a | შემოვლიდენ ლიტანიას, | ახლის არვინ მიმიშვებდეს, |
| Verse: b | დამცინოდენ ქიშპნი ჩემნი, | მე ვწუხდე და ის იშვებდეს. |
| Verse: c | ჯარშიდ ვიყო ამ ყოფასა, | შინ ბატონი არ მიშვებდეს, |
| Verse: d და | დიდი რამე ცოდნე უნდა, | ვინც შენს მუხრუჭს მოიშვებდეს. |
| Strophe: 158 | ||
| Verse: a | მეფე ლაშქრობდეს სარაზმოდ | არ ცუდსა მოსარბიელსა, |
| Verse: b | საპირდაპიროს მტერზედან | ომი მოლამდეს ძლიერსა, |
| Verse: c | ერთმანერთისა ხლმის კვრასა | არ შორიდაღმა ბრიელსა, |
| Verse: d და | ემზადებოდენ საომრად, | მზერდენ შემოყრა-ყრიელსა. |
| Strophe: 159 | ||
| Verse: a | რა მოეკაზმნენ წასავლად, | დედოფალს ესალმებოდეს, |
| Verse: b | შორიდამ მადლსა იხდიდეს, | ქალები შიშით დნებოდეს; |
| Verse: c | ერდოდამ სჭვრეტდენ წასულთა, | ვირე თვალს მოაშორევდეს, |
| Verse: d და | მე უკან მივსჩანჩალებდე, | ნაბადი მეაბჯრებოდეს. |
| Strophe: 160 | ||
| Verse: a | კიდევ მეფე დიდსა რასმე | ეკაზმოდეს ნადირობას, |
| Verse: b | წარვიდენ და ინადირონ | ქოჩობას და მყვირალობას, |
| Verse: c | შემოიქცენ მხიარულნი, | აპირებდენ აქ პურობას, |
| Verse: d და | გვერც ვიახლო ის არა სჯობს, | სადგომს შიმშილს, უპურობას? |
| Strophe: 161 | ||
| Verse: a | ასრეთს ჰყვანდეს კარგი ცხენი, | შენეული ტყვის ვაჭრობით |
| Verse: b | წაუბორჯლდეს, ფაფარს წასწვდეს | ჩამოვარდნის მოიჭობით; |
| Verse: c | ბიჭ-ბუჭებიც კარგზედ ისხდენ | ცერ-ნაცვეთი კოჭაობით, |
| Verse: d და | მე მყოლოდეს და აღარ მყვეს, | ასრე ცრუხარ, რას ვიბჭობით? |
| Strophe: 162 | ||
| Verse: a | მე ულაყსა ზურგ-დამპალსა | ფორხილს ვზივარ მუხლად მოკლეს, |
| Verse: b | ვინც არ იცის მშვილდ-ისარი, | ცხენის ძალით მათ კი მოკლეს, |
| Verse: c | დაჰხოცეს და დაჰპატიჯეს, | მათგან ერთი არ მოაკლეს, |
| Verse: d და | დაურიგეს საბოძვარი, | სხვათ მისცეს და მე დამაკლეს. |
| Strophe: 163 | ||
| Verse: a | შემოიყარნენ დარბაზსა | დღე წართონ სმა და მღერითა, |
| Verse: b | მეც კაცს მოველი, კარზედან | თვალი მეტკინა მზერითა, |
| Verse: c | არ დამპატიჟეს, შინ დავრჩი | უჭმელი მე მის სერითა, |
| Verse: d და | რა ასე გამხდი, სიმუხთლე | მაშ ნუ გიძრახო მე რითა? |
| Strophe: 164 | ||
| Verse: a | რა იხილო ამხანაგი | ეგე რომელს დიდებასა, |
| Verse: b | ერთგულობით ნაშოვარსა, | არ ცოდვისა კიდებასა, |
| Verse: c | შენც მას სთხოვე, ვინც მას მისცა, | ეს სჯობს სხვის წაჭიდებასა, |
| Verse: d და | მოგცეს შენცა, ვინცა იცის_ | გაცემა სჯობს კიდებასა. |
| Strophe: 165 | ||
| Verse: a | ნუ მისთვისა გშსურს, მიეცა | რომელსა სიმართლისადა, |
| Verse: b | შენცა მან მოგცეს, თუ გნახოს | ერთგულად მონებისადა; |
| Verse: c | როს ნახო მეფე სჯულ-მტკიცე | შინაგან გონებისადა, |
| Verse: d და | გინდოდეს მისვლა სიახლეს, | თავდაბლად იყოს ისა და. |
| Strophe: 166 | ||
| Verse: a | მეფე თუ ერჩდეს ცუდს სიტყვას, | ნუ გინდა მისვლა სიახლეს, |
| Verse: b | რამეთუ ყველა ცრუ იყოს | მის ქვეშნი, ვინ მას იახლეს; |
| Verse: c | მართალს არ ხედვენ არცერთი, | ძველი საცთური იახლეს, |
| Verse: d და | გული განიგდეს მსაჯულით, | უსამართლობას მიახლეს. |
| Strophe: 167 | ||
| Verse: a | მასთან ეს სჯობს, არ მიხვიდე, | მგზავსი მგზავსთან მივიდესა, |
| Verse: b | ესევე სჯობს, მოიცადო, | ვირემდის მზე დავიდესა, |
| Verse: c | გლახაკი სჯობს სიმართლისა | სხვის სიცრუის სიმდიდრესა. |
| Verse: d და | მამული სჯობს მამეული | ნაძალადევს უმკვიდრესა. |
