| Strophe: 168 | ||
| Verse: a | ეგ კარგადა სთქვი, სოფელო, | თუ შენვე არ მაღორებდე, |
| Verse: b | ცოტას ხანს ღარიბობისად | არ მწრეტდე, არ მაჭმუნებდე, |
| Verse: c | არ თავშიდ გამზიდვარობდე, | მომყვე, მორჩილად ჰუნებდე, |
| Verse: d და | პატას რამ მეც რას მომცემდე, | დიაღ არ დამაღონებდე. |
| Strophe: 169 | ||
| Verse: a | ვინა არ იცი მტყუანთა | მოყვარეთაგან უფრორე, |
| Verse: b | მტერთ მართლის მთქმელთგან გერგება, | თუ უცები ხარ, მაშ, მორე. |
| Verse: c | დაგაახლოვე ჭკუასა | და წარხველ კიდევ შენ შორე, |
| Verse: d და | ამად ეგ ავი გუნება | ააყროლე და აშმორე. |
| Strophe: 170 | ||
| Verse: a | რად არ იცი, ესე სიტყვა | ბრძენსა უთქვამს ვისმე ძველსა, |
| Verse: b | მოყვარესა მატყუარსა | ვნება მოაქვს, არ პირ-მთქმელსა, |
| Verse: c | მართლის მთქმელის მტერისაგან | უფრო ნახავ სარგებელსა, |
| Verse: d და | ჭკუის ახლო მოყვანილი | გამივარდი კიდევ ველსა. |
| Strophe: 171 | ||
| Verse: a | ვიცი, რაგინდ კარგადა გწვრთნა, | მაშინცა მმზერ ისრევ მტერად, |
| Verse: b | არ დავიშლი, კიდევ გეტყვი, | თუცა გხედავ განაშტერად, |
| Verse: c | კარგად ვანბობ, არ მიჯერებ, | რად შექმნილხარ ვით ტერტერად? |
| Verse: d და | მითქვამს და ვთქვა: ჩემი ყოვლი | განქარდება ავლად, მტვერად. |
| Strophe: 172 | ||
| Verse: a | გინდოდეს ჩემი დიდება, | სიმართლით საჩინო ყოფა, |
| Verse: b | ნუ ძალით რბევა ტყვენვითა | სხვის მონახვეჭის გაყოფა; |
| Verse: c | უღვთოს საქმისა ყოვლისა | ძნელია ხელის მიყოფა, |
| Verse: d და | ნურვის მოსტაცებ თავისას, | დასჯერდი, ჯერ ეგ გეყოფა. |
| Strophe: 173 | ||
| Verse: a | ნუ გრცხვენის სხვათა მოკაზმა | და შენი ყოფა ჩოხითა, |
| Verse: b | ნურც ვინ ზეით ჯდეს პატრონთან | და შენ ქვეით ჯდე ნოხითა, |
| Verse: c | ნურც მაზედ, თუ ვინ კარზედან | წინ გარდაგიდგეს ჯოხითა, |
| Verse: d და | ნურცა რას სჭმუნავ მაგითა, | ნუ სულთქამ გულის ოხითა. |
| Strophe: 174 | ||
| Verse: a | არა ცუდათ ნათქვამია, | ბრძნისაა მის მოსაწონის, |
| Verse: b | სირცხვილია წარმწყმედელი | და სირცხვილი მადლი მონის, |
| Verse: c | ესე მაშინც დაიჯერე, | სიტყვა არის სოლომონის, |
| Verse: d და | თუცა დიდი ბრძენი იყო, | ზრახვა ღვთისა არც მან წონის. |
