TITUS
Megrelian Texts ed. Qipshidze
Part No. 80
Previous part

Text: L  
L.



Part: (1)  
Page: 164  

Line: 11  ბოში: მართალი მის ათქუე სქანი ცქვაფა?
Line: 12    სისქვამეშე თქვა ზოჯუნთ არძო ცირეფიში მაფა.
Line: 13    სქანი ჸოროფა ქოპილჷნს, გურიშა მჷმაკათუუ რძაფა,
Line: 14    მილიონიშა ქომისხუნუ სქანი ძირაფა, თოლიშ რძღაფა.
Line: 15    დუსუ ვა მჷგოწონუა ნაბტან ნინაშ ტარკალითი,
Line: 16    ცირეფი ბრელი მიძირჷნა რუსი, ქორთუ, მარგალითი,
Line: 17    მარა მითა მიძირჷნა სქანიცალი მაგალითი:
Line: 18    ფირუზ-დალი აკოწყორილი, ნაკათები მარგალიში,
Line: 19    ბჟა დო თუთას აჩაკრენს, მანათლებელს სისერაში;
Line: 20    სილამაზე, ერთი-მორთი, გიღუ წორეთ სისქვამეთი,
Line: 21    თჷრიშ ურჩიაში რექ წარი-წამი კჷსერიში.
Line: 22    ანგილოზეფს გოგურუანქ, სი რექ ედამიში ნარდი;
Line: 23    მუ კოსუ რე, ვა ახარენს პიჯისახე სქანი ვარდი?
Line: 24    სქანი ჸოროფაქ მა დოპილჷ, შურქ მიდართჷ მუჭოთი კუმა;
Line: 25    დობღურე, ვე გეცოდებუქო, ვართ მინგარქო, მუჭო თქუა?
Line: 26    ვარდიში უჯგუში რე, ქოპიორილი ატამა,
Line: 27    წორეთ ანდამატი რექ, მუთუნი კილი ვა გაგორუუ, ახალგაზდა
Line: 28    ძღაბი რექ.
Line: 29    ჩქიმი გურიშ იმენდი რე სქანი თოლი ფართო გვირა;
Line: 30    თქვა ნორჩქვენა ფშვენიერი იადონიტოლი ბირა;
Page: 165   Line: 1    ღორონც ვა დებადებუდუ სქანიმანგი ტოლი ცირა:
Line: 2    ტანო ჩეჯა ოსვისვინა, პიჯო მესიშ ვარდიჯგურა,
Line: 3    სქანი უჯგუში მა მი ბძირა, ირინერიში მოსაწონე?
Line: 4    ოფუჩაფალი ხატიჯგურა!
Line: 5    კჷსერს სათი გიგობუ ნი,
Line: 6    მა ქოპუნი ეთი ჯგურა!
Line: 7    მეტ მუ მოკოდჷ ქეჸანას? გაჸვენუაფუდი ხეს,
Line: 8    გურჯიბეს იპუაფუდი, ქობძირჷნდი კჷდჷრ ჩეს,
Line: 9    ჰამას მოგახუტოლუდი სქანი პიკვალი ძუძუ ჩეს;
Line: 10    თენა თაში ქოჸუას, ფირქის ჩებთხინუა ჭეს.
Line: 11    დროთ მაძიცინე, მალაჸაფე,
Line: 12    დროთ ფურინა ქარი ლექ,
Line: 13    დროთ შვიდი, წყნარი ლექ,
Line: 14    ჩქიმი მასქილადაფარი უკლებაში წყარი ლექ.
Line: 15    შურო ღორონთი ვა ნორჩქენე, ირო დამიჩემი ვარი,
Line: 16    დებკილი დო ქობღურუუქ, მიდმაჸუნუუ სქანი ჯარი;
Line: 17    მუთ ქომიღუ ნი, გეეჭარი, სი მიხვარი, გააფარი,
Line: 18    ოღონც ქოჸოფირი სანი ჩქიმი გური გაახარი,
Line: 19    უსქანეთ ვა დოპილა, გომინჯჸ სამოთხეში კარი!



Part: (2)  
Page: 165  

Line: 20  ცირა: ბოში, გორწყექ ჭარუნქჷ ნი, თენა დოიგურუაფუ,
Line: 21    ზარალი გაფუ, კალამს ტახჷ, მელანი დოისქჷრუაფუ;
Line: 22    ჩქიმი ცქვაფა დოიჭყაფუ, ფიფქრენქ ვა მაღორენქჷ ნი;
Line: 23    სი ვა მიწუე, მათ ქომიჩქჷ, გჷშნაგორა ვორექჷ ნი.



Part: (3)  
Page: 165  

Line: 24  ბოში: ქორექჷ და, ქოჸოფირი გინოჭყვიდი აკაშა,
Line: 25    სქანისხეი ვა მოშქურუ ხენწჷფე დო მაფაშა,
Line: 26    სქანი ძირაფას იფსხუნუა შუმუა-ჭკუმუა, რძღაფაშა.
Line: 27    ცირა-კვაზა, მალას მორთი დო მიიბშათ პაპაშა!



Next part


This text is part of the TITUS edition of Megrelian Texts ed. Qipshidze.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.