TITUS
Megrelian Texts ed. Qipshidze
Part No. 75
Previous part

Text: XLV  
XLV.
არსენა შონიაში ლერსი


Part: (1)  
Page: 156  
Line: 3    კოც მუთი გაღოლე ნი, ირფელი მოსავალი რე.
Line: 4    მუ გაღოლე ნი კოც, მუ გიჩქჷ? არძო შხვა-შხვა გვარი რე.
Line: 5    ჯგირქ იჸუუ და, უჯგუში დო ვარა ბედიში ბრალი რე.
Line: 6    იშენი ოკო დოხვადენი, რადგან სქანი ვალი რე.
Line: 7    --
Line: 8    ვითაამშვიწანერი ბოში ვორდი, ციხეს დჷმოხვილესჷ ნი;
Line: 9    თიწკჷმა რდჷ, მა უჯგუში გური დომიჸვილესჷ ნი.
Line: 10    "თენა ვა გუტუათია", დოხტური ქჷგმოჯინესჷ ნი,
Line: 11    რუსემქ ფოფორი ქიჩანუუ, მუჟამცც გიმორჯგინესჷ ნი.
Line: 12    ოსური ახალი ნაგურგინი ჸუდეს პუნდუ პეული,
Line: 13    კარიშა თოლი გეუჭოფუ, ვო უჩქჷ, მუჟამც მეული,
Line: 14    მა ექი ჯოღორი ბყარულენც, ურწმუნო დო წყეული,
Line: 15    ჩქიმი დარდი დო გონებას ჭოფილი აფუ სხეული.
Line: 16    ირო აზრი გურსუ მიღუ, თინა ქჷმოძირუას,
Line: 17    თიში თოლი დო წარი უჩას აკა ქინმოჯინუას,
Line: 18    უკული მუთუნი ვა გომჷტეის, ჩქიმი გური ნეტარენც,
Line: 19    მარა მუსუ აკეთენც? შურო გიმოს ვჸეტალენც.
Line: 20    თოლს ქაწჷმორუმუ, ტანქ დომიჭყჷ ხუალა:
Line: 21    თურმე დინაფილი პოფუ ჩქიმი ბედიში ჭუალა,
Line: 22    ჩქიმი ოსური დოღურე დო ჰა ცოდაში ფუალა,
Line: 23    ჩქიმი ოსური დოღურე დო დოუსაფულებუნა,
Line: 24    გარას მუთი ქასქუდუ ნი, მუთუნი ვა დურკებუნა,
Line: 25    პაპემც ქჷმოურთჷმჷნა დო წესი აუგებუნა.
Line: 26    მა ციხეშე გომჷტეის, ენა ვე შუტყვებუნა.
Line: 27    გახოლით ჩქიმი ბინაშა, ბძირი არძო ჩქიმობუა:
Line: 28    დიდა, და დო ჯიმალეფი, სიკეთე დო ჯგირობუა.
Line: 29    არძოს თოლი წყარამი აფუ, ათენა რე ჭირობუა;
Page: 157   Line: 1    ოსური ჩქიმი აქი ვა რე, ათენა რე კილობუა.
Line: 2    ქჷმორთეს მეძობლემქ, კრუგომ ქჷგომიდჷრთეს,
Line: 3    ითამუ დამანუგეშეს, გური ქჷდამიმარგეს.
Line: 4    ფთქვეი: "ღურაშა მის ანტინე, ხოლო ურცუ იშო შხვაშა".
Line: 5    დიდაში გარაქ შემაწუხუ, ეშე ვა მალინჷ ცაშა,
Line: 6    ოსური-ღურელი არსენას მუთაქ მარაგადუ შხვაშა.
Line: 7    სალდათობაქ ქჷმჷმოჭკირჷ ათე დრო დო ხანობას.
Line: 8    მა ოშინერო ჭვილი კოჩქ გივოსხაპი ვარობას.
Line: 9    ბთქვი: "ღორონთქ დამიფარჷ ანწ რუსეფიშ განობას"
Line: 10    დუდი მებჩი სიავეს, კუჩხი გეგშაბდგი გვარობას.
Line: 11    გილებრული ტყა დო ტყას გერიშორო;
Line: 12    სახარჯოქ ქაშჷმელოუ ნი, შხვას მიდოუღი ტერიშორო.
Line: 13    კჷნოხ რუსეფი გეფთხოზჷნა, მაჩამინდა გვერიშორო,
Line: 14    მა აქი ტყას მითვოხექ, უდაბნოში ბერიშორო.
Line: 15    რუსეფი ჩქიმდა მათინანცო, მუნდ-უკურთეში სქუალეფი?
Line: 16    ჩქჷნობრეფი ბრელი ოკათჷ საქმეში დჷმანწყუალეფი,
Line: 17    მარა ბოშეფი მათი ბრელი პუნცუ რკინაში გჷმარხუალეფი.
Line: 18    ჩქიმდა მუთაქ აღოლესი, ნათესეფს ქოუცეის:
Line: 19    "არსენა ოჭოფითია", ირო თინა უწეის.
Line: 20    ჭოფეს, თოკეს, აწვალეს, ციხეშა დუდი ქოუნწყვეის.
Line: 21    ვჸ ეშქვიდუუ ჯიმალეფქ თე კანონი უსამართო,
Line: 22    რუსიში შემაწუხებელო ქიმინეს ირო ართო,
Line: 23    ქოთი დიდა უნგარეს, გაანჯეს მუნეფიში თოლი ფართო,
Line: 24    მარა თოლი დომიჭვეს, ჟირქ გიიჩქუ დუდი ართო.
Line: 25    --
Line: 26    გაგულა რდჷ ახალიგაზდა, საჸოროფო ნერიანი,
Line: 27    ტანსაშვალი, მოჭკირუა, მოქეფე დო ხერიანი,
Line: 28    გულადი დო უშიშარი მოზჷსხე დო მტერიანი.
Line: 29    ნათესე დო მოჯგირეფი უჸორდჷ მუში დუდიშორო,
Line: 30    ბოლოს ქჷდოხოდჷ დო განარჩენდჷ სუდიშორო,
Line: 31    უკული საქმეს მიკართუდუ დო ქიჸოთანდჷ ქუდიშორო.
Line: 32    იშა კილი ვე მიგედჷ, ორდჷ საიმენდო ბოში,
Line: 33    იში ჯიბეს ვჸეგორუუდუ ჩე ფარა დო ვართი გროში,
Line: 34    სახარჯოთ ირო უღუდუ შხუ-შხუ ფარა ხუთი, ოში.
Page: 158   Line: 1    ჭალეს მიწვეის ნათესემქ, გოუნწყეის სტოლი ფართო,
Line: 2    პატიცემაში მანგიორო ღალატენა არძო ართო:
Line: 3    სტრაჟნიკეფიშა კოჩი გოუტეის, ხოლოს ჸოფე სასამართო,
Line: 4    აქი შუმა რე, მხიარულება, ბოლოს გახდა საწაღმართო.
Line: 5    ენა მუ უჩქჷდჷ გაგულას, ღვინის შუნდუ გორჩქინელც;
Line: 6    მენძელი, ითამუ ართიგურო, ბირას უჭყანდჷ ოშინერც,
Line: 7    არძაქ მოუმოწუ გაგულაში მოშინელც,
Line: 8    მარა ასე ისურენც გაზდობა დო ორჩინელც.
Line: 9    მენძელც მითი ოკოდჷ ნი, ტყობას ქჷმოურთჷმუნა,
Line: 10    ცხენიშა გეგმუზოჯჷნა დო საფორც ქჷდოუხუნუნა,
Line: 11    შარა მოუხაზირებუნა, დუდი დოუფულუნა,
Line: 12    ანწი გაგულაში ძირაფაშა მუთუნ ვო უსხუნუნა.
Line: 13    მენძელქ უწუუ გაგულას: "ქიგმანთხეს ტერემქია,
Line: 14    "მიდიგაქჷრენი მოღალატეს, ღორონთიში ჭყელემქია;
Line: 15    "უჯგუ, დუდი დანებე ნი, მუთუნც ნჷმჷ შიფერენქია".
Line: 16    მარა გაგულაქ დოუძახჷ: "ტერეფი, სოდე გერექია?"
Line: 17    -- "ვორწყეთ რექ ნაშუმა დო ვა რექ სქანი ზნებასია,
Line: 18    "ჩქითი კოჩი ვორეთჷ დო ნჷმჷ ბღოლანთ ცოდაში გადიდებასია".
Line: 19    გაგულაქ დოუძახჷ: "ქო, მართალო შუმილი ვორექ, მოღალირი
Line: 20    მაფუ ბოლო;
Line: 21    "თქვანისხიი ჭკუა იშენი მიღუ, ჩქიმი ღურუუ ბძირე ხოლო".
Line: 22    ათე სიტყვა ქოთქოუ დო სტრაჟის ნიშანი გეუჭოფუ,
Line: 23    გაგულა სტრაჟის ჸვილჷნდჷ ნი, მენძელქ ხე ოუჭოფუ,
Line: 24    სტრაჟიში ოჸვილარი ტყვია ეშე განიშე გოუჸოთუ.
Line: 25    ტერიში ოჸვილარი ტყვია მუკართინოუ მენძელიშა,
Line: 26    გურცუ ქიმეჩჷ ოჸვილარო, შური გოუტუუ მენწყერიშა,
Line: 27    ძორი დიხას ჩაბარჷ დო შური გოუტუუ ენწერიშა.
Line: 28    თაში ხვადჷ მოღალატეს, ქიჸოთჷ ხეში კვერიშა.
Line: 29    წიმე ფთქუვათი: ქოგიჩქჷნა გაგულაში გაჭირება,
Line: 30    მუ ღოლეს, სო ჸვილეს, სო გეუდვეს გამჩინება.
Line: 31    ირო ვარზენდი დარიგებას ჩქიმი ჯიმა გაგულას,
Line: 32    მარა რჩქილა მემიტუ მუში ჯიმა ნაღურას.
Line: 33    თქუ: "სქანიწკჷმა მა ვე გლუ, იში მეტი გაგულაქ ვა ღურას"
Line: 34    გედოხოდჷ, ქიწმოდინჷ მუში ლაბშა პაღურას,
Page: 159   Line: 1    დო ონჯღორე ქჷმოძირჷ, ქიგჷმოდუ დიდი ვალი,
Line: 2    მა სიცოცხლე გამინწარჷ, გურსუ გომირჩქინჷ ალი.
Line: 3    შხვა კათემც ქიმიენდჷ, მა ვა მიღუ დიდი ბრალი.
Line: 4    ქო, მართალო მოღალატეს ქიგოუდვი სამართალი:
Line: 5    ჭა ხანც ვოლაჸაფინეი ი დღა-კუნტა ხუბუტია,
Line: 6    ჩქიმი ჯიმაში მოღალატე, ი პლუტი დო ცულღუტია,
Line: 7    ასე ვალი გინუვუგი, გურც ქიმებჩი ტჷბჷ ტყვია,
Line: 8    მაჟირა ნოჸორს ჩავაბარი, ჩხეშას ქჷდოუდვი ტყვია.
Line: 9    მიქიმინჷ ნი, დჷმობაღჷ, ანწი ვა მოკო ბრელც რინა;
Line: 10    ჟირი დღას შური მიდგჷ ნი, ირი დიხას მიღუ ბინა;
Line: 11    ვაი, შური, მუ ჯგირი რე სქანი დუდიშ ამბეშ რჩქინა!



Next part


This text is part of the TITUS edition of Megrelian Texts ed. Qipshidze.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.