TITUS
Megrelian Texts ed. Qipshidze
Part No. 74
Previous part

Text: XLIV  
XLIV.
დავითი აფაქიაში ლერსი


Part: (1)  
Page: 154  
Line: 1    დღას კოს ვაღოლამუ ქიჸანას ჩქიმი ცალი:
Line: 2    უბედური ბედიში კოჩქ შხვაში ნაქიმინა ჭირს უბრალოთ ქიმშაბლი.
Line: 3    თოლს სინათლეს ვა ვორწყექ, ინვორექ ორომეს,
Line: 4    ტერქ დროება მიძირჷ დო მუთი ოკოდჷ ნი, ქობღოლეს.
Line: 5    მიზეზი მუთა მიღუ, მარა მიზადჷნა მოგონელს,
Line: 6    ირ მარას მუშამჷღანა შხვა დო შხვანერი დანოსენს.
Line: 7    ბორკილი ვორექ ართი დიხას, ეჭკადილი მაფუ კარი,
Line: 8    მუკი-მუკი გომიბარგჷ შუფამი რისეფიში ჯარი.
Line: 9    ყებურს მუშებკეერკელჷქ ჯვეში ნაბადიაში გორჩელს..
Line: 10    გილაპუნთჷ სუდიაშა ოჭუმარესჷ დო ირი ონდღეს,
Line: 11    მარა საშველი ვა მუჩეს, ძექ გუუჭყორდეს!
Line: 12    ხენწიფეშე მიღუდეს სახარჯოთ ჭიჭე ფარა,
Line: 13    ფერიგვარო რაგადანა, აწი თისით ვა მუჩანა.
Line: 14    თიწკალა რე ჩქჷნი ღურა, მუჟანს თის მიდამჷღანა,
Line: 15    ირ კოჩიში გურისაჭო ჩქჷნი ჩილამურით გარა.
Line: 16    იბთხიი დო შიიბხვეწი ზალოგით მა გოტება,
Line: 17    მარა საშველი ვა მუჩეს, კონდრატოვიში მონტება!
Line: 18    ქუთეშიშა "იდია" დო ხეს მუჩეს უწყება,
Line: 19    გერარდიქ დამტერჷ დო ვა მუჩჷ ცხენით ულაში ნება.
Line: 20    თენა ხოლო მუს მონტერჷ თე ქულა დო ფინთი მყრალი?
Line: 21    მუში მუთუნი ვა მიღუ დო ვართი გებძჷ მუში ვალი.
Line: 22    შარას გილალახესჷ ნი, ინა ვარდჷ ჩქიმი ბრალი,
Line: 23    ინა გვალო ვა ჸვილენი, იშენი მალას გეემწარი.
Line: 24    ეჩდოვითი მარტის ზუგიდი გეგნომიჸონეს,
Line: 25    ტროიკაში მანგიორო ურენს ქიგიმოხუნეს;
Line: 26    მინ ურემით, მინ კუჩხით რისენქ მოძვაძვალეს,
Line: 27    შულადა მიქ დამიჯერჷ, ძალით მოსარგალეს.
Line: 28    ქუთეში გეკომიჸონეს, გამრჷკლიას ქაწმორინეს,
Line: 29    სარჩმელიაში სამართალს ართი ქაშმოჯინეს,
Line: 30    ექით ვა დჷმორინეს, კინე მოლამიჸუნეს,
Page: 155   Line: 1    მულანწყვილი ორომეს თექი ქჷმულმოხუნეს.
Line: 2    ტანქ, შურქ შემეწუხჷ, აწი ვა მიღუ მეტი ჯანი,
Line: 3    ასეთ ნაჭკჷრას გილაძჷ ჩქიმი კუჩხიშ ნარცვი კანი,
Line: 4    თოფით დუდით ტახილი მაფუ ხასილაში ძვალი.
Line: 5    ღორონს დუუღუპუდას ჩიჩუაში მაჸვილარი.
Line: 6    ოთხჸ პრისტავეფი მუულა დო მარაშე ქომიძირუანა,
Line: 7    ჩქიმო გურს შხვა უღუნა, პის ვა მინდურუანა,
Line: 8    უბადოს სხუნუნან დო გერას მეურულუანა.
Line: 9    თოლი-სინათე ჯიმალეფი ტყობიშე ქომიძირუანა,
Line: 10    იმენდის მარძენან დო გურს მუკომირთინუანა,
Line: 11    მარა ტყობიშე თის ინგარა, ჯიმას მემიდინუანა.
Line: 12    მარდუალეფი მუულან დო შორიშე გეკაშჷნა შურს,
Line: 13    ტყობიშე გემოთვალანან დო გომილუანა ხე დო დუს.
Line: 14    ეზჷმა ჩქიმი თელო გარა, მიდგას იჸიი ნი, დოღუპუნს.
Line: 15    ოდო ვორდი ნი, ქოთი ქჷვორდი, ჯგირო მემიღუდუ დუდი:
Line: 16    ხენწიფეში ერთგული ვორდი, საჯიმალოს ქუუჸორდი.
Line: 17    მარგალური არიკი რე დიდი ხანით ნარაგადჷ:
Line: 18    "ჯგირიშენი ჯგირჸ სო ჸოფე, მანგიორი კოს სო ახვადჷ?"
Line: 19    ასე დანოსიში მეს ჯგირს კოჩი ვა მჷრაგადჷ.
Line: 20    დობღურე ნი, მარდი ორე, მნატრულენქ ირო თის,
Line: 21    შურო გური ვა მარძენს მუკორთაში იმენდის.
Line: 22    შვიდებით, ჯიმალეფი! გიტალენთ ანდერძის:
Line: 23    ჩქიმი ცხენი, ონაგირი გოსაშინეთ ჸუდეს რდას.
Line: 24    გური ვა დუშქურინუათ, პატიცით დიდას, დას,
Line: 25    მუთუნი ვა აწყინებაფუათ ჩქიმი მორდილი ოთარს.
Line: 26    უშქჷრატუო გურს მონტებუ, სახელი ვა მარაგადე ნი,
Line: 27    ღორონთიში მოჩამილი ბოშალაში ჩქიმი მადენი,
Line: 28    აკა ქინმოჯინუას, უკული დოპილას ხათე ნი,
Line: 29    მა აწ ის მითა მოძირანს, ჩქიმი ცხოვრება დაბლუე ნი,
Line: 30    მირაგადჷნა, მოგურუანა უჩა დიხაში თხორუას,
Line: 31    სამშობლოს ვოჩჷრთჷქ, აწი მა მი მომიგორუანს?
Line: 32    ირფელამო დეებსუსტი, მივოტენქ ჭარუას,
Line: 33    თქვანი სახეში ძირაფას აწი მა მი მოჭარუანს?
Page: 156   Line: 1    შვიდებით ჯიმალეფი, შვიდებით დალეფი!
Line: 2    დავითის აწი ვა ძირჷნთ, შორს გეუძჷ შარეფი



Next part


This text is part of the TITUS edition of Megrelian Texts ed. Qipshidze.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.