TITUS
Megrelian Texts ed. Qipshidze
Part No. 73
Previous part

Text: XLIII  
XLIII.
გუთუ აფაქიაში ლერსი


Part: (1)  
Page: 152  
Line: 1    ჩქიმი დუდი მა ბჯოგჷ ნი,
Line: 2    თეში მუშე გამანწარი?
Line: 3    თე დღა თაში მობძჷდჷ და,
Line: 4    დღაშა მუშე ვა გამწილი?
Line: 5    სამართალი ვა მიკითხეს,
Line: 6    ვა მიგორეს განჩინება.
Line: 7    ნანა, მუშე გჷმაშინე
Line: 8    ჩქიმი დუდიში განჭირება?
Line: 9    გაჭირება თესჷ ჯოხო,
Line: 10    ასე მემეხვარი, ჯიმა!
Line: 11    ხასილასჷ კანი ვე გებძჷ
Line: 12    ფიცარიში გენანჯირა.
Line: 13    ძალით მორუუნა, ვარა
Line: 14    სამართალით ვა რე რჯგინა.
Line: 15    ართი შარას დაბაბღჷდი
Line: 16    კურტანიში საცალოთ.
Line: 17    უსამართობაქ გომოჩქუ
Line: 18    ნტერეფიში სანწყალოთ.
Line: 19    კუჩხი რკინათ დომიჭკადეს
Line: 20    ხე ვა მიღუ სანძალოთ. *
Line: 21    ცუდი ნასხუნათ მუთა მერგჷ,
Line: 22    მუთი რე ნი ჯგჷრიშ მეტქ.
Line: 23    თუდოქ მუთა მუმეხვარჷ,
Line: 24    სამართალი ჟინიში მეტქ.
Line: 25    ჯოჯოხეთი მიქი ძირჷ
Line: 26    ხორციელო ჩქიმი მეტქ?
Page: 153   Line: 1    ხორცის ჯოღორს ქოჩანან დო
Line: 2    შურს ღორონთი ადიდენს.
Line: 3    ეშჷმაკეფი მაწუხენსჷ,
Line: 4    ღორონთი ვა წიმაწყჷნდენს.
Line: 5    ხე დო კუჩხის თეში ბკჷრჷნა,
Line: 6    კოჩი მუთუნს ვა ბკითხენს.
Line: 7    მითას ნოფცოდუექო
Line: 8    საწყალი ჩქიმი ჩილიში მეტს.
Line: 9    -- "გუთუქ ჯიხას ინტჷ, მარა
Line: 10    ქომორთუ დო ხეს ქოპუნა".
Line: 11    ვამუურს, -- ის მუ უჭირს,
Line: 12    ქომუურსი, ოჭოფუნა *
Line: 13    ეშელენა, დოჭარჷნა,
Line: 14    გიმელენა, დოსოფუნა.
Line: 15    ხოლო ღორონთქ ნუ მოლასასჷ
Line: 16    გჷმარჩქინეთ როსთო ქულა.
Line: 17    მა ჭოფუა ვა ფხვადჷდჷ,
Line: 18    ჩქიმით ვორდი მონდებული.
Line: 19    "მორჩილება უჯგუნია",
Line: 20    მიშეთ გამიგონებუ ნი.
Line: 21    შხვასჷ მუსუ ვონდურუქჷ,
Line: 22    დუდი დამიღორებუ ნი.
Line: 23    თავადობას ოსქუდუო
Line: 24    ობორკალიში ითოხუნა?
Line: 25    როსთოქ გრიგოლს მა̄შინჷ:
Line: 26    -- "აფაქიაში სამართალი
Line: 27    ჭე ღულასჷ ქოპოფუნა".


Page: Fn.  
Line: 1    ვარიანტი:
      ირიფელი ართო კირილი მაფუ,
      ხე ვა მიღუ საძალოთ. ^
Line: 2    ვარიანტი:
      მითი ქომურსი, -- მუთა უჭირს,
      მითი მიდურსი, -- ოჭოფუნა. ^



Page: 154  
Next part


This text is part of the TITUS edition of Megrelian Texts ed. Qipshidze.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.