TITUS
Megrelian Texts ed. Qipshidze
Part No. 20
Previous part

Text: XVIII  
Page: 45  
XVIII


Part: 1   Link to qipshg
Line: 1    ართი პაპა ქოჸოფე დო სუმი სქუალეფი ქჷნოჸვე. პაპაქ
Line: 2    ღურადღას დუუჩინჷ მუში სქუალენს:

Part: 2   Link to qipshg
Line: 3    -- დობღურევე, თითოქ თითო სერს დავითნი წამიკითხითია.

Part: 3   Link to qipshg
Line: 4    მარა უჩაში სქუალენქ თე მუმაში ზოჯუა ვა შიასრულეს, ხვალე
Line: 5    ართი უკულაში სქუაქ წაუკითხჷ დავითნი. თიმუსერს გამოეცხადჷ მუში
Line: 6    მუმაქჷ დო ქააჩუქუ ართი ცხენი. მაჯირა სერს ხოლო თექ, მუში
Line: 7    ჯიმალეფიში მანგიორო, წაუკითხჷ დავითნი. მაჟირა სერსჷთი მუმაქ
Line: 8    გამეეცხადჷ დო მაჟირა ცხენი ქააჩუქუ, ნამუთი ნოკოფუე მუში ოშქარი
Line: 9    სქუაშოთ. მასუმა სერსჷთი ხოლო ათექ წაუკითხჷ დავითნი დო მუმაქ
Line: 10    მასუმა სერსჷთი ქუმუუჸონჷ მასუმა ცხენი, ხვამირო ქიდიიტუუ დო
Line: 11    მიდართჷ.

Part: 4   Link to qipshg
Line: 12    ათე დროს ართი ხენწიფეში ოსურისქუას ქომონს მიათხინდეს
Line: 13    თიჯგურას, ნამუთი ჯიხუურს ჟი ცხენით ეშასხაპუნდუ ნი დო თი
Line: 14    ზისუნახეს აჯუნუუდუ ნი, -- თის მიათხინდეს. ბრელი ხენწიფეში სქუალეფი
Line: 15    თი ზისჷნახეეში ოთხუუშა მიიშეს, მარა მითინიში ცხენს ვე ეშაასხაპუ
Line: 16    ჟი ჯიხურიშა.

Part: 5   Link to qipshg
Line: 17    თიჟანს ათე პაპაში სქუაქ ქიგედოხოდჷ თე მუში მუმაში
Line: 18    ნაჭყოლოფუ ცხენს, ქიმერთჷ ხენწიფეში დოხორეში კარიში წოხოლე.
Line: 19    ქიმიოგჷ ცხენს მათრახი დო ქეშაასხაპინუ, მარა ნასუმორიში ეშეე ვე
Line: 20    იასხაპუ. მაჟირა ცხენს ქოგედოხოდჷ დო ხოლო ქეშაასხაპინუ, მარა
Line: 21    თის წოხოლიანი ცხენიშე მაჟირა თიზჷმაში უმოსიქ ვა ასხაპუ. მასუმა
Line: 22    დღას მასუმა ცხენით ქჷმორთჷ დო ქეშაასხაპინუ, დო ქოთი ქოშაასხაპუ
Line: 23    ათე ჯიხურიში ჟი დო ბოშიქ ქააჯუნუ თი ზისჷნახესჷ დო გირგვინითი
Line: 24    ქიგუუდგეს ეთი ბოშის თი ცირაშა. უკული მალართჷ ე ბოშიქ მუში
Line: 25    ჸუდეშა.

Part: 6   Link to qipshg
Line: 26    ათე დროს ხენწიფეში ჩირქ ქჷდელახჷ დო ქიიჭანუუ ათე მუში
Line: 27    სინჯა დო უწუუ დიანთირქ: " ჩე ზღუა დო უჩა ზღუაში შქას ართი
Line: 28    ირემი რენია დო თიში ბჟა მუგალენია ", მიწიისჷ დო თის
Line: 29    ქჷმომიღანქჷ და, დობსქიდჷქ, ვარჷ და ბეჯითო, -- მაღურუუ ვორექია".

Part: 7   Link to qipshg
Line: 30    ათე დროს თე ბოშიქ გედოხოდჷ მუში ცხენსჷ დო მიდართჷ. ეთიქ
Line: 31    ზღუა დო ზღუა შქაშა მიშეელჷ დო მოჭვალჷ ირემს ბჟა დო ქჷმუუღუ
Line: 32    მუში დიანთირს, ქოჩჷ დო დაასქილიდუ.



Next part


This text is part of the TITUS edition of Megrelian Texts ed. Qipshidze.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.