TITUS
Megrelian Texts ed. Qipshidze
Part No. 19
Previous part

Text: XVII  
Page: 43  
XVII


Part: 1   Link to qipshg
Line: 4    სოგიდენი ართი ქიჸანას ართი ხენწიფე ქოჸოფე. ათე ხენწიფეს
Line: 5    ოთხი ვეზირი სამართალიში გომარჩქინეთ ნოხვე. ართიშახჷ თე
Line: 6    ვეზირენს ძალამი მუთუნი სამართალი გუურჩქინუუნა ნი, ეფერი ჟანს
Line: 7    ხენწიფეშა ართი მეშხურეს ქჷმუურთჷმუ დო თიგვარი საჩიარი
Line: 8    გუუნწყუუ, ნამუდა ხენწიფეს ძალანს ხერხებუ ნდო ვეზირეფიშა უზოჯჷ:
Line: 9    "ე თქვანი გჷნარჩქინა სამართალი, დაბა, თე მეშხურესჷთი
Line: 10    ქააძირითია."

Part: 2   Link to qipshg
Line: 11    მეშხურექ გააჯინჷ ვეზირეფიში გჷნარჩქინასჷ ნი, ვა დუუდოხოდჷ,
Line: 12    მააჸუნუ დო დუდიშე ბოლოშა დოხუუ. ხენწიფექ ენა ქოძირჷ ნი,
Line: 13    მეშხურეს უზოჯჷ: "რახან თეჯგურა სამართალიში კვათუა გიჩქჷნიევე, სი
Line: 14    ქჷდოხოდი მოსამართეთია".

Part: 3   Link to qipshg
Line: 15    მეშხურექ ვარია უწუ:"ონდარო თოლი ქომიღუ ნი, თინი
Line: 16    სამართალი ვა გჷმარჩქინინენია, ჟირიხოლო თორს დოფთხორჷნქია და,
Line: 17    თიწკჷმა მოსამართეთ ქჷდობხოდჷქია."

Part: 4   Link to qipshg
Line: 18    ვიშოთი-აშოთი დო ბოლოს ჟირიხოლო თოლი იშენი
Line: 19    გაწჷმააჸოთინაფუუ დო იშენი. ართი დიდი ჸუდე გუუკეთეს, მაჭარალეფი
Line: 20    ქიმეჩეს; მუჭოთი სასამართოში რიგი რე ნი, თეში გუუნწყიის ირიფელი
Line: 21    დო არძოში უნჩაში მოსამართეთ ქჷდახუნეეს. დიიჭყჷ ეფერი
Line: 22    სამართალიში გორჩქინუა, ნამუდა ქიჸანაქ თის მიანჭუუ. ირი
Line: 23    კოჩი მოსამართეთ თიშა გილეეშუ: დიდი, ჭიჭე, პატონი, ჭკორი,
Line: 24    უჩაში, უკულაში, რჩინი, ბოში, პაპა დო ერი, მოჯგირე დო ნტერი.
Line: 25    ართი სიტყვათ, მისჷთი მუთუნი სადაა ქუუღუდჷ მითინიშა ნი, მითა
Line: 26    დოსქილადჷ ვა მერთჷ ნი, დო ირი კოჩი ოცქვანდჷ დო უმარდჷდჷ თიში
Line: 27    სამართალს.

Part: 5   Link to qipshg
Line: 28    ართიშახჷ თე მოსამართეშა ართი კოჩქჷ დო ართი ოსურქ
Line: 29    ქჷმორთეს. კოჩქ შეეხვეწჷ:

Part: 6   Link to qipshg
Line: 30    -- ათე ოსურიში მახორობაშა ქიმეფრთია ჯორამო, ჩქიმი ჯორს
Line: 31    გინი მოჸუნდუა დო ქჷდვოკირია; გინქ წუალა გეუჭყუა, ენა თე
Page: 44   Line: 1    ოსურქ ქოძირუევე, გაგმაარაგუა, გინს ქაატაკუა დო მა ღაჭალი
Line: 2    გეემიჭყუა: "ენა ჩქიმი გინი რენია დო სქანი ჯორიწკჷმა მუ ოკორდუა?"
Line: 3    მა ვარია ბთქვიი, დუდი იპილი, მარა ეწკჷმა მუთაქ გომირთჷ, გინი
Line: 4    იშო მიდაჩაკალაფუუ. ენა მათი ვა ფქიმინი, ჩქიმი საქონელი ვარჷთი
Line: 5    მა დჷვანები, წეებკიდითჷ დო ასე სქანდა გახოლითია. მიოჯინი სქანი
Line: 6    ღორონსჷ დო სი დჷმაზეეთია.

Part: 7   Link to qipshg
Line: 7    ენა თაში უწუ, მარა განიშე ტყობააშე ბრელი ფარა
Line: 8    ქილააჭირინუუ დო მეუჩინჷ:

Part: 8   Link to qipshg
Line: 9    -- ათე ფარა სი ქოგიღუდასია, თე ოსურიწკჷმა ონჯღორეს ვა
Line: 10    მოძირანქია და.

Part: 9   Link to qipshg
Line: 11    მარა ე მოსამართექ სამართალს იშენი ვე გინუუკინჷ დო
Line: 12    მუუჩინჷ:

Part: 10   Link to qipshg
Line: 13    -- მა მუჭო შემილებუნია, სამართალი ვა რენია და, ძალო ი
Line: 14    ოსურს გინი მიდუუღევე?

Part: 11   Link to qipshg
Line: 15    ი ოსურს უწუუ: "სი მუს იტყუქია?" ოსურქ უწუუ:

Part: 12   Link to qipshg
Line: 16    -- პატონია, ჩქიმი ჸუდეშა თე კოჩქ ჯორიში გეხუნელო
Line: 17    ქჷმორთუა დო ართი ოხვამერი გინამი ჩხოუში მეტი ჩქიმოთ ანდაღებული
Line: 18    მუთა იპალუუდუვა. ათე ჩქიმი გინქ თე კოჩიში ჯორიშა ქიმერთჷ დო
Line: 19    ლაჸაფი დუულაჸაფუუ: ითამ წჷნდჷკო ნი, თეში ნიჩვიში ჩირქოლი
Line: 20    დუუჭყუა. ე კოჩქ ენა ქოძირჷ ნი, იფირქ: "ე გინს წორეთ
Line: 21    ქიიპოთანქია", -- ქჷმააბირძღჷ მუშოთ, მარა, მუგაშინუაფუ, მა ინა იშა ვა
Line: 22    მატეენედჷ ნი დო სქანი სამართალს ირი კოჩი ოცქვანსჷ ნი, მათი სქანი
Line: 23    კარიშა ქჷმოფრთი დო ვა ველჷქ უსამართოთ დიიბჭვევე.

Part: 13   Link to qipshg
Line: 24    მოსამართექ ე ჟირიხოლოში საჩიარი მირჩქილუუ დო ათე
Line: 25    განაჩენი ქჷდოდუ: "რახანო ჯორს დღას სქუა ვა შიიბუ ნდო ვა აშიი ნი,
Line: 26    დო გინი იშენი შურო ვა შიილებედჷ ჯორს ქუუხედჷკო ნი, ათეშენი
Line: 27    თე კოს გინი გაგჷწუუჸონანჷ დო ათე ოსურს, თი გინიში
Line: 28    დიდაჩხოუში მინჯეს, ქიმეჩანია".

Part: 14   Link to qipshg
Line: 29    ე სამართალქ ირი კოს ძალანქ მეეწონჷ დო თეჯგურა ჯგირი
Line: 30    მოსამართეს ღორონთქჷთი თე ჭყოლოფუა ღოლუ: თე გინიში მინჯე
Line: 31    ოსურიში ცახორცით ჟირიხოლო თოლი გუუთელჷ დო ეუხილუ.
Line: 32    უკული ჟირიხოლო თოლითი ქუუღუდჷ, მარა ღურადღაშახჷ იშენი
Line: 33    წიმინდე სამართალს კვათჷნდჷ დო დოღურუ ნი, ჩხონდჷ.



Next part


This text is part of the TITUS edition of Megrelian Texts ed. Qipshidze.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.