TITUS
Tetraevangelium (redactio athonensis)
Part No. 80
Previous part

Chapter: 12 


Verse: 1  Link to ntkpl   ხოლო იესუ უწინარეს ექუსისა დღისა ვნებისა მის მოვიდა ბეთანიად, სადა-იგი იყო ლაზარე მომკუდარ, რომელი-იგი აღადგინა მკუდრეთით.


Verse: 2  Link to ntkpl   და მოუმზადეს მას მუნ სერი, და მართა ჰმსახურებდა მას, ხოლო ლაზარე იყო მეინაჴეთაგანი მის თანა.

Verse: 2V    მსახურებდა Q.


Verse: 3  Link to ntkpl   ხოლო მარიამ მოიღო ლიტრაჲ ერთი ნელსაცხებელი ნარდისა სარწმუნოჲსაჲ მრავალსასყიდლისაჲ და სცხო ფერჴთა იესუჲსთა და თმითა თჳსითა წარჰჴოცნა ფერჴნი მისნი, და სახლი იგი ყოველი აღივსო სულნებელითა მის ნელსაცხებელისაჲთა.

Verse: 3V    სურნელებითა Q; ნელსაცხებლისაჲთა K.


Verse: 4  Link to ntkpl   თქუა ვინმე ერთმან მოწაფეთა მისთაგანმან, იუდა სიმონისმან, ისკარიოტელმან, რომელსა ეგულებოდა მიცემაჲ მისი:


Verse: 5  Link to ntkpl   რაჲსათჳს ნელსაცხებელი ესე არა განისყიდა სამასის დრაჰკნის და მიეცა გლახაკთა?


Verse: 6  Link to ntkpl   ხოლო ესე თქუა, არა თუ გლახაკთაჲ რაჲმე ზრუნვაჲ ედვა გულსა მისსა, არამედ რამეთუ მპარავი იყო და გუადრუცი იგი მას აქუნდა და შთასადებელი იგი მას ჰკიდავნ.


Verse: 7  Link to ntkpl   და თქუა იესუ: უტევე მაგას, დღედ დაფლვისა ჩემისა დამიმარხა ეგე.

Verse: 7V    დამიმარხე K.


Verse: 8  Link to ntkpl   რამეთუ გლახაკნი მარადის თქუენ თანა არიან, ხოლო მე არა მარადის თქუენ თანა ვარ.


Verse: 9  Link to ntkpl   აგრძნა უკუე ყოველმან ერმან ჰურიათამან, რამეთუ იესუ მუნ არს; მოვიდეს არა ხოლო თუ იესუჲსთჳს, არამედ რაჲთა ლაზარეცა იხილონ, რომელი-იგი აღადგინა მკუდრეთით.

Verse: 9V    უკუჱ QHI.


Verse: 10  Link to ntkpl   ხოლო ზრახვა-ყვეს მღდელთმოძღუართა მათ, რაჲთა ლაზარეცა მოკლან.


Verse: 11  Link to ntkpl   რამეთუ მრავალნი ჰურიათაგანნი მისთჳს მივიდოდეს და ირწმუნებდეს იესუჲსსა.

Verse: 11V    მოვიდოდეს K; იესოჲსსა HI.


Verse: 12  Link to ntkpl   ხვალისაგან ერი მრავალი რომელ-იგი მოსრულ იყვნეს დღესასწაულსა მას, რამეთუ ესმა, ვითარმედ იესუ მოვალს იერუსალჱმდ,

Verse: 12V    დღჱსასწაულსა Q; ი̃ჱლმდ IK.


Verse: 13  Link to ntkpl   მოიღეს რტოები დანაკისკუდთაგან და განვიდეს მიგებებად მისა, ღაღადებდეს და იტყოდეს: ოსანა, კურთხეულ არს მომავალი სახელითა უფლისაჲთა, მეუფჱ ისრაჱლისაჲ!

Verse: 13V    მიგებებად -- K; მისსა K; მეუფე HIK.


Verse: 14  Link to ntkpl   და პოვა იესუ ვირი და დაჯდა მას ზედა, ვითარცა წერილ არს:


Verse: 15  Link to ntkpl   ნუ გეშინინ, ასულო სიონისაო! აჰა, ესერა, მეუფჱ შენი მოვალს შენდა და ზეზის იგი კიცუსა ვირისასა.

Verse: 15V    მეუფე Q; ზჱზის K.


Verse: 16  Link to ntkpl   ხოლო ესე არა ეცნა მოწაფეთა მისთა პირველად, არამედ ოდეს იდიდა იესუ, მაშინ მოეჴსენა, რამეთუ ესრეთ წერილ იყო მისთჳს, და ესე უყვეს მას.


Verse: 17  Link to ntkpl   და ეწამებოდა მას ერი იგი, რომელი იყო მის თანა, რაჟამს ლაზარეს უწოდა საფლავით და აღადგინა იგი მკუდრეთით.


Verse: 18  Link to ntkpl   ამისთჳსცა მიეგებვოდა მას ერი იგი, რამეთუ ესმინა, ვითარმედ ესე სასაწაული ქმნა იესუ.

Verse: 18V    იესო I


Verse: 19  Link to ntkpl   ხოლო ფარისეველთა მათ თქუეს ურთიერთას: ჰხედავთა, რამეთუ არა ირგებთ არარას? აჰა, ესერა, სოფელი ყოველი მივიდა შედგომად მისა.

Verse: 19V    ხედავთა HIK.


Verse: 20  Link to ntkpl   იყვნეს ვინმე წარმართაგანნიცა აღმოსრულთა მათგანნი, რაჲთა თაყუანის-სცენ დღესასწაულსა მას.

Verse: 20V    წარმართთაგ̃ნიცა I; დღჱსასწაულსა Q.


Verse: 21  Link to ntkpl   ესენი მოვიდეს ფილიპესა, რომელი-იგი იყო ბეთსაიდაჲთ გალილეაჲსაჲთ, და ეტყოდეს მას: უფალო, გუნებავს იესუჲსი ხილვაჲ.

Verse: 21V    ფილიპესსა HIK.


Verse: 22  Link to ntkpl   მივიდა ფილიპე და ჰრქუა ანდრეას; და მოვიდეს ანდრეა და ფილიპე და ჰრქუეს იესუს.

Verse: 22V    ფილიპჱ Q; ჰრქუჱს H.


Verse: 23  Link to ntkpl   ხოლო იესუ მიუგო და ჰრქუა მათ: მოიწია ჟამი, რაჲთა იდიდოს ძჱ კაცისაჲ.

Verse: 23V    ძე HIK.


Verse: 24  Link to ntkpl   ამენ, ამენ გეტყჳ თქუენ: უკუეთუ არა მარცუალი იფქლისაჲ დავარდეს ქუეყანასა და მოკუდეს, იგი მარტოჲ ხოლო ეგოს; ხოლო უკუეთუ მოკუდეს, მრავალი ნაყოფი გამოიღოს.

Verse: 24V    უკუჱთუ H.


Verse: 25  Link to ntkpl   რომელსა უყუარდეს სული თჳსი, წარიწყმიდოს იგი; და რომელსა სძულდეს სული თჳსი ამას სოფელსა, ცხორებად საუკუნოდ დაიმარხოს იგი.

Verse: 25V    ს̃ი (1) H.


Verse: 26  Link to ntkpl   უკუეთუ ვინმე მე მმსახურებდეს, მე შემომიდეგინ; და სადაცა მე ვიყო, მუნცა მსახური ჩემი იყოს. და უკუეთუ ვინმე მე მმსახურებდეს, პატივ-სცეს მას მამამან ჩემმან.

Verse: 26V    მე (1) -- Q.


Verse: 27  Link to ntkpl   აწ სული ჩემი შეძრწუნებულ არს და რაჲმე ვთქუა? მამაო, მიჴსენ მე ჟამისა ამისგან, არამედ ამისთჳს მოვედ ჟამსა ამას.


Verse: 28  Link to ntkpl   მამაო, ადიდე ძე შენი. მოიწია მისა ჴმაჲ ზეცით: და ვადიდე და კუალადცა ვადიდო.

Verse: 28V    მისსა K.


Verse: 29  Link to ntkpl   ხოლო ერი იგი, რომელი დგა და ესმა, იტყოდეს, ვითარმედ: ქუხილი იყო; -- ხოლო სხუანი იტყოდეს: ანგელოზი ეტყოდა მას.


Verse: 30  Link to ntkpl   მიუგო იესუ და ჰრქუა მათ: არა ჩემთჳს იყო ჴმაჲ ესე, არამედ თქუენთჳს.


Verse: 31  Link to ntkpl   აწ არს საშჯელი ამის სოფლისაჲ, აწ მთავარი იგი ამის სოფლისაჲ განვარდეს გარე.

Verse: 31V    სასჯელი K; იგი -- Q.


Verse: 32  Link to ntkpl   და მე ოდეს ავმაღლდე ქუეყანით, ყოველნი მოვიზიდნე ჩემდა.

Verse: 32V    აემაღლდე H.


Verse: 33  Link to ntkpl   ხოლო ამას რაჲ იტყოდა, აუწყებდა, რომლითა სიკუდილითა ეგულებოდა სიკუდილად.


Verse: 34  Link to ntkpl   მიუგო მას ერმან მან და ჰრქუა: ჩუენ გუასმიეს შჯულისაგან, ვითარმედ ქრისტჱ უკუნისამდე ეგოს. და შენ ვითარ იტყჳ, ვითარმედ: ჯერ-არს ამაღლებაჲ ძისა კაცისაჲ? ვინ არს ესე ძჱ კაცისაჲ?

Verse: 34V    შჯულისაგან HI; ქრისტე HIK; ძე HIK.


Verse: 35  Link to ntkpl   ჰრქუა მათ იესუ: მცირედ ჟამ ნათელი თქუენ თანა არს. ვიდოდეთ, ვიდრე ნათელი გაქუსღა, რაჲთა არა გეწიოს თქუენ ბნელი, რამეთუ რომელი ვალნ ბნელსა, არა უწყინ, ვიდრე ვალნ.


Verse: 36  Link to ntkpl   ვიდრე ნათელი გაქუს, გრწმენინ ნათელი, რაჲთა ძე ნათლის იყვნეთ. -- ამას ეტყოდა იესუ და წარვიდა და დაეფარა მათგან.

Verse: 36V    ძჱ Q; ნათლისა K.


Verse: 37  Link to ntkpl   და ესოდენნი სასწაულნი ქმნნა წინაშე მათსა, და არა ჰრწმენა მისა მიმართ,

Verse: 37V    მისსა HIK.


Verse: 38  Link to ntkpl   რაჲთა აღესრულოს სიტყუაჲ იგი ესაია წინაწარმეტყუელისაჲ, რომელსა იტყჳს: უფალო, ვისმე ჰრწმენა სასმენელი ჩუენი? და მკლავი უფლისაჲ ვის გამოეცხადა?

Verse: 38V    ესაჲა H.


Verse: 39  Link to ntkpl   ამისთჳს ვერ ჰრწმენა, რამეთუ მერმეცა თქუა ესაია:

Verse: 39V    ესაჲა H.


Verse: 40  Link to ntkpl   დაუბრმეს მათ თუალნი მათნი, რაჲთა ვერ იხილონ თუალითა, და დაუსულბეს გულნი მათნი, რაჲთა არა გულისჴმა-ყონ გულითა და მოიქცენ, და მე განვკურნნე იგინი.


Verse: 41  Link to ntkpl   ესე თქუა ესაია, ოდეს-იგი იხილა დიდებაჲ მისი და იტყოდა მისთჳს.


Verse: 42  Link to ntkpl   ხოლო მთავართაგანთაცა მრავალთა ჰრწმენა მისა მიმართ, არამედ ფარისეველთათჳს ვერ აღიარეს, რაჲთა არა კრებულისაგან განასხნენ,

Verse: 42V    მისსა K.


Verse: 43  Link to ntkpl   რამეთუ შეიყუარეს დიდებაჲ კაცთაჲ უფროჲს, ვიდრე დიდებაჲ ღმრთისაჲ.


Verse: 44  Link to ntkpl   ხოლო იესუ ღაღად-ყო და თქუა: რომელსა ვჰრწმენე მე, არა მე ვჰრწმენე, არამედ მომავლინებელი ჩემი.

Verse: 44V    ღაღატ- HIK.


Verse: 45  Link to ntkpl   და რომელმან მიხილა მე, იხილა მომავლინებელი ჩემი.


Verse: 46  Link to ntkpl   მე, ნათელი, სოფლად მოვივლინე, რაჲთა ყოველსა რომელსა ჰრწმენეს ჩემი, ბნელსა შინა არა დაადგრეს.


Verse: 47  Link to ntkpl   და რომელმან ისმინნეს სიტყუანი ჩემნი და არა ჰრწმენენ, მე არა ვსაჯო იგი, რამეთუ არა მოვედ მე შჯად სოფლისა, არამედ რაჲთა ვაცხოვნო სოფელი.

Verse: 47V    ჰრწმენნენ HIK; სჯად QK.


Verse: 48  Link to ntkpl   ხოლო რომელმან შეურაცხ-მყოს და არა შეიწყნარნეს სიტყუანი ჩემნი, აქუს მსაჯული თჳსი: სიტყუასა რომელსა ვიტყოდე, მან საჯოს იგი უკუანაჲსკნელსა დღესა.


Verse: 49  Link to ntkpl   რამეთუ მე თავით თჳსით არარას ვიტყოდე, არამედ რომელმან მომავლინა მე, მამამან, მან მომცა მე მცნებაჲ, რაჲ ვთქუა და რასა ვიტყოდი.


Verse: 50  Link to ntkpl   და უწყი, რამეთუ მცნებაჲ მისი ცხორება საუკუნო არს. და რომელსა ვიტყჳ მე, ვითარცა მამცნო მე მამამან, ეგრეცა ვიტყჳ.



Next part


This text is part of the TITUS edition of Tetraevangelium (redactio athonensis).

Copyright TITUS Project, Frankfurt a/M, 16.2.2022. No parts of this document may be republished in any form without prior permission by the copyright holder.